Víkurfréttir - 20.02.2003, Qupperneq 11

VÍKURFRÉTTIR I 8. TÖLUBLAÐ I FIMMTUDAGUR 20. FEBRÚAR 2003 I 11
Elsku Einar Þór til hamingju
með 7 ára afmælið þann 21.
febrúar nk. Kær kveðja mamma,
pabbi, Helena Ósk og Diljá Rún.
Kæra Rósa, einu sinni ung og
fögur en núna bara fögur.
Til hamingju með 50 árin.
Aðdáendur.
Magnea Sif Einarsdóttir
verður 30 ára 23. febrúar
nk. Um leið og við óskum
henni til hamingju viljum
við minna á að Magga
býður í veislu laugardaginn
24. febrúar á heimili sínu.
Engir karlmenn velkomnir.
Verður þú var við aukna kyn-
þáttafordóma unglinga á Suð-
urnesjum í garð innflytjenda?
Nei. Ég held að
það sé hvorki
meira né minna af
fordómum en bú-
ast má við í sveit-
arfélagi af þeirri
stærðargráðu sem
Reykjanesbær er.
Staðreynd máls-
ins er sú að við lifum í fjölþjóð-
legu samfélagi og það er eðlilegt
að það taki dálítinn tíma að að-
laga sig að því. Það hefur aldrei í
veraldarsögunni verið um jafn
miklar breytingar að ræða eins
og á síðustu árum. Í þeirri Kefla-
vík sem ég ólst upp í var lítið um
fólk af erlendu bergi brotið.
Er einhver vinna í gangi innan
skólanna til að sporna við nei-
kvæðri umræðu um innflytj-
endur?
Já. Fyrir stuttu ræddi ég við
skólastjórnanda sem vildi finna
leiðir til að draga úr fordómum
gagnvart innflytjendum og þar er
fræðsla lykilatriði.
Hvað finnst þér að ætti að
gera?
Aðalatriðið er fræðsla og að gefa
skýr skilaboð inn í barna- og
unglingahópana um að kynþátta-
fordómar af hvaða tagi sem er
séu algjörlega ólíðandi. Það þarf
að uppræta þessa fordóma með
þeim ráðum sem til þarf.
Telurðu að umræða um þessi
mál skaði eða sé til bóta?
Vel gerð og uppbyggileg umræða
skaðar ekki. Ábyrgð fjölmiðla er
hinsvegar mikil. Ef að fjallað er
um málið á ábyrgan hátt en ekki
í einhverjum æsifréttastíl þá
skaðar umræðan ekki, heldur
getur hún verið til bóta.
Hefur Skólaskrifstofa Reykjanesbæjar einhverja ákveðna
stefnu í því að eyða fordómum unglinga í garð innflytjenda?
Hvers kyns fordómar hafa fylgt mannskepnunni frá upphafi vega
og þess vegna er lögð áhersla á það í grunnskóla-
lögum og í aðalnámsskrá grunnskóla að temja
börnum umburðarlyndi og kristilegt siðgæði í garð
meðbræðra sinna. Skólaskrifstofa Reykjanesbæjar
starfar eftir grunnskólalögum og Skólastefnu
Reykjanesbæjar og reynir að sjá til þess að þessum
lögum sé framfylgt. Það hefur hins vegar ekki
verið óskað eftir aðstoð Skólaskrifstofu vegna
kynþáttafordóma unglinga né annarra, þannig að
við höfum ekki upplifað þetta sem vandamál. Við höfum tekið
þátt í að undirbúa komu flóttamanna, tökum á móti innflytjendum
og sjáum til þess að þeir fái lögbundna kennslu og vinnum því all-
náið með kennurum innflytjenda og þar virðist vel hafa tekist til.
Nú er verið að vinna að mótun fjölskyldustefnu bæjarins og þar fá
þessi mál einnig mikið vægi.
Hvað telurðu að sé mikilvægast í því að eyða fordómum?
Ég veit ekki um neitt þjóðfélag og reyndar ekki margan manninn,
sem er algerlega laus við fordóma af einhverjum toga. Fordómar
stafa fyrst og fremst af ótta við það sem er manni ókunnugt eða
framandi. Þess vegna er fræðsla og góðar fyrirmyndir besta leiðin
til að hamla gegn fordómum. Börn eru áhrifagjörn og mótast af
fyrirmyndum í umhverfinu. Í öllu skólastarfi á að leggja áherslu á
kristilegt siðgæði, jafnrétti og bræðralag og umburðarlyndi gagn-
vart meðborgurum eins og ég sagði áðan. Það er víða komið inn á
þessi mál í kennsluefni grunnskóla með beinum eða óbeinum
hætti s.s. lífsleikni og kristnifræði og við val á lesefni.
Hverjar telurðu helstu ástæður fordóma?
Ef við erum að sjá aukin merki um fordóma í garð innflytjenda,
þá er ég ansi hræddur um að við séum að sjá endurspeglun af þeir-
ri umræðu sem á sér stað í alþjóðamálum, þar sem þjóðum eða
trúarbrögðum er stillt upp sem andstæðingum. Umræðan um yfir-
vofandi stríð vesturlanda gegn Írökum eða hið svokallaða heilagt
stríð Bin Ladens hryðjuverkamanna gegn vesturlöndum, er allt í
kringum okkur og hver getur svarað því hvernig barnsheilinn
vinnur úr þeirri umræðu? Yfirlýsingar ráðamanna í fréttum minna
óneitanlega nokkuð á málfar tölvuleikja og hasarmynda, maður
veit ekki hvernig unglingar vinna úr slíkum yfirlýsingum. Ég er
ansi hræddur um að börn og unglingar stilli þessum áróðri upp
sem annað hvort svörtum og hvítum, við gegn þeim, og þetta hef-
ur mikil áhrif á þau. Á tímum sem þessum er enn mikilvægara en
ella að foreldra ræði við börnin um innhald frétta og muninn á
réttu og röngu. Stundum velja börn sér óæskilegar fyrirmyndir og
það er afar mikilvægt að foreldrar fylgist vel með og þekki börnin
sín vel.
Gefum skýr
skilaboð
Stundum velja börn sér
óæskilegar fyrirmyndir
Eiríkur Hermannsson skólamálastjóri:
Gylfi Jón Gylfason
skólasálfræðingur
hjá Reykjanesbæ:
ÚTTEKT
Texti og viðtöl:
Jóhannes Kr. Kristjánsson
Segðu þína skoðun
á málinu!
johannes@vf.is
8. tbl. 2003 - bls.10-11 19.2.2003 16:44 Page 11