Morgunblaðið - Sunnudagur - 13.08.2017, Page 8

Í PRÓFÍL
8 MORGUNBLAÐIÐ SUNNUDAGUR 13.8. 2017
VINKONUR Dagný Brynjarsdóttir, landsliðskona í fót-
bolta, segist hafa lært ýmislegt af Nadiu, vinkonu sinni
og liðsfélaga. „Ég hafði aldrei þekkt neinn múslima
áður en ég kynntist Nadiu. Ég hef lært alls konar siði af
henni enda erum við saman alla daga.“ Dagný segir
Nadiu trúaða en móðir hennar hafi ákveðið, eftir að
fjölskyldan settist að í Danmörku, að hún og dæturnar
fimm myndu aðlagast dönsku samfélagi vel. „Þær
halda í sínar hefðir á heimilinu en utan heimilis vilja
þær vera eins og hverjir aðrir Danir. Mamman og syst-
urnar ganga til dæmis ekki með slæður. Nadia á vin-
konur sem ganga með slæður og henni finnst það
reyndar dálítið flott!“
Nadia getur bjargað sér á frönsku, segir Dagný, „en
talar fimm tungumál reiprennandi; persnesku, ensku,
þýsku, dönsku og hindí – lærði það af því að hún horfði
svo mikið á Bollywood-kvikmyndir þegar hún var lítil!
Hún var töluvert í Englandi og Þýskalandi á sumrin
sem unglingur, af því að ættingjar hennar búa þar, og
talar þess vegna bæði tungumálin.“
Liðsfélagar og vinkonur. Landsliðskonan Dagný Brynjars-
dóttir og Nadia Nadim leika saman með liði Portland.
Ljósmynd/Úr einkasafni Dagnýjar Brynjarsdóttur
Danskar hefðir
utan heimilis
NADIA NADIM Móðir með fimm ungar dætur stígur út úr flutningabíl að
kvöldlagi á óþekktum stað. Hvar í ósköpunum erum við? „Þið eruð í Dan-
mörku,“ segir gamall maður á göngu með hundinn sinn. „Þetta er Randers.“
Nadia Nadim, ein helsta stjarna kvennaliðs Danmerkur á EM í fótbolta,
sem nýlokið er í Hollandi, er fædd í Herat og alin upp í Kabúl, höfuðborg
Afganistan. Faðir hennar var háttsettur foringi í afganska hernum en hvarf
árið 2000, þegar stúlkan var 12 ára. Rabani Nadim var boðið til fundar við
Talíbana en átti ekki afturkvæmt. Hálfu ári síðar komst Hamida Nadim að
því að eiginmaður hennar hafði verið tekinn af lífi. Konan sá sæng sína upp-
reidda og tókst að flýja land ásamt dætrum þeirra Rabins. Þeim var smyglað
yfir til Pakistan, komust áfram (með fölsuð skilríki) fljúgandi til Ítalíu og
þaðan var ferðinni heitið með flutningabíl til Englands, þar sem skyldmenni
mæðgnanna bjuggu. Fyrir einhvern misskilning fór bíllinn hins vegar til
Danmerkur. Þeim var þó í raun sama, ævisparnaðurinn enda uppurinn,
ákváðu að vera um kyrrt á Jótlandi og var komið fyrir í flóttamannabúðum.
Rabani heitinn hafði yndi af fótbolta og gaf dætrum sínum bolta. Þær léku
sér í garðinum við hús fjölskyldunnar en hvergi annars staðar. Ekki þótti til-
hlýðilegt í afgönsku samfélagi að stúlkur stunduðu íþróttir. Í dönsku flótta-
mannabúðunum spiluðu systurnar fótbolta við börn í sömu stöðu, Araba, Ar-
mena, Palestínumenn og Íraka. Eftir að fjölskyldan flutti úr búðunum hóf
Nadia að æfa fótbolta og er nú einn kunnasti framherji heims, liðsfélagi
landsliðsmannsins Dagnýjar Brynjarsdóttur hjá Portland Thorns í banda-
ríku atvinnumannadeildinni. „Nadia er mjög ábyrg stelpa, hress, skemmtileg
og opin,“ segir Dagný við Sunnudagsblað Morg-
unblaðsins. Þær eru nánar vinkonur og búa meira að
segja tvær saman í íbúð sem félagið útvegar þeim.
„Nadia sagði mér sögu sína í fyrra; að pabbi hennar
hefði verið drepinn og hvernig þær náðu að flýja. Mér
fannst það dálítið óraunverulegt að þekkja einhvern
sem hefur upplifað svona mikið,“ segir Dagný.
Nadia vakti snemma athygli fyrir fótboltahæfileika
og lék með Viborg, IK Skovbakken og Fortuna Hjørr-
ing. Hún gat sótt um danskan ríkisborgararétt 18 ára,
2006, og öðlaðist hann 2009. Varð þá fyrsti útlending-
urinn til að leika með landsliði þjóðarinnar eftir að
hafa fengið danskan ríkisborgarrétt. 2014 gekk hún til
liðs við Sky Blue FC í Bandaríkjunum en samdi í
fyrra við Portland Thorns.
NÁMSHESTUR Nadia er næstelst
fimm systra. „Mamma þeirra ól þær
greinilega mjög vel upp. Lagði
áherslu á það við dætur sínar að þær
væru ekki komnar til Danmerkur
bara til að vera, heldur ættu þær að
verða eitthvað. Sú elsta er læknir,
ein er hjúkrunarkona, ein atvinnu-
maður í hnefaleikum og Nadia er
langt komin í læknisfræðinámi og
ætlar að verða lýtalæknir,“ segir
Dagný Brynjarsdóttir. „Hún tekur
eina önn á ári í skólanum í Árósum, á
meðan frí er í fótboltanum í Banda-
ríkjunum, og á eftir tvær annir. Hún
er dugleg að læra hér enda mikill
dauður tími í atvinnumennskunni.“
Langt komin
í læknisfræði
Nadia Nadim, til vinstri, á sjúkrahúsi í Árósum þar sem hún lærir læknisfræði.
AFP
MARKSÆKIN Fyrsta mark Nadiu
Nadim með danska A-landsliðinu
var gegn Íslandi á Algarve-mótinu
í Portúgal 9. mars árið 2009. Danir
unnu leikinn 2:0 og hún gerði fyrra
markið á 36. mín. Þetta var þriðji
leikur Nadiu með landsliðinu, en
hún fékk keppnisleyfi með Dönum
rétt áður en mótið hófst.
Nadia á að baki 73 leiki fyrir
Danmörku og hefur skorað í 16
þeirra; alls 21 mark, þar af þrjú
gegn Íslandi. Hún gerði eitt mark í
2:0 sigri í vináttuleik í Viborg sum-
arið 2013 og aftur skoraði hún í
Algarve-mótinu vorið 2016, en
það dugði skammt. „Stelpurnar
okkar“ burstuðu þá Dani 4:1.
Nadia Nadim og Guðrún Sóley
Gunnarsdóttir í leiknum í Portúgal.
Ljósmynd/Algarvephotopress
Braut ísinn
gegn Íslandi
Flóttabarn og
fótboltahetja
Nadia fagnar marki
sínu í úrslitaleik EM
gegn Hollandi um
síðustu helgi.
AFPNadia í Afganistan. Myndin birtist fyrir tveimur árum í þætti danska sjónvarpsins um hana.
’Nadia er næstelst fimmsystra, mjög ábyrg stelpa,hress, skemmtileg og opin,segir ein besta vinkona henn-
ar, Dagný Brynjarsdóttir
landsliðsmaður.
Rabani Nadim, foringi í afganska
hernum. Talíbanar tóku hann af lífi.
Smiðjuvegur 10, 200 Kópavogur - Sími 588 60 70
hitataekni@hitataekni.is
hitataekni.is
ótorlokar
ir allar stærðir kerfa.
tum einnig boðið mótorloka
llar algengustu gerðir loka
frá öðrum framleiðendum.
Gæðamótorlokar
frá Sviss
M
fyr
Ge
á a