Víkurfréttir - 19.10.2017, Blaðsíða 4

4 FRÉTTIR Á SUÐURNESJUM f immtudagur 19. október 2017 // 41. tbl. // 38. árg.

Innilegar þakkir fyrir auðsýnda samúð og hlýhug
vegna andláts og útfarar ástkærra móður okkar,
tengdamóður, ömmu og langömmu,
Unnar B. Gísladóttur
Fríholti 4,  Garður
áður búsett í Bræðraborg.
Sérstakar þakkir sendum við starfsfólki D-deildar
Heilbrigðisstofnun Suðurnesja.

Gunnar M.Magnússon Magnea Inga Víglundsdóttir
Unnar Már Magnússon Erna Nilssen
Sigfús K. Magnússon Gyða Minný Nilssen
Hreinn R. Magnússon Elísabet S. Steinsdóttir
Kristvina Magnúsdóttir G.Pétur Meekosha
Björgvin Magnússon Laufey Þorgeirsdóttir
Sigurður H. Magnússon Birna Björk Skúladóttir
Magnea B. Magnúsdóttir Sigurjón Sigurðsson
Barnabörn og langömmubörn.
Reykjaneshöll fullnýtt
og gervigrasið er gallað
Reykjaneshöllin er fullnýtt á besta
tíma dagsins. Um helgar væri þó
mögulegt að bæta við æfingum, en
þá á kostnað mótahalds. Þetta kom
fram í máli Hafsteins Ingibergs-
sonar, forstöðumanns íþróttamann-
virkja Reykjanesbæjar, á fundi
íþrótta- og tómstundaráðs Reykja-
nesbæjar á dögunum.
Ennþá er unnið að því að setja tjald
upp til að skipta salnum upp en það
hefur verið bilað um nokkurt skeið.
Vonandi klárast sú vinna innan
skamms. Á hinn bóginn er verið að
skipta salnum á milli félaga og flokka
með færanlegum búkkum og er það
mat forstöðumannsins að höllin sé
mjög vel nýtt.
Áfram er unnið að því að láta laga
gervigras í Reykjaneshöllinni, en
grasið var gallað. Í gögnum íþrótta-
og tómustundaráðs kemur fram að
Ásbjörn Jónsson, sviðsstjóri stjórn-
sýslusviðs, hefur verið í samskiptum
við söluaðila.
REYKJANESBÆR STYRKIR KNATTSPYRNUDEILDIR
- Styrkur fyrir æfingatíma
Bæjarráð Reykjanesbæjar hefur samþykkt að styrkja knattspyrnudeild
Keflavíkur um eina milljón króna og knattspyrnudeild UMFN um 500.000 kr.
Styrkurinn er til kaupa á æfingatíma
í fótboltasal Sporthússins á Ásbrú, en
þetta kemur fram í fundargerð bæjar-
ráðs á heimasíðu Reykjanesbæjar.
Barna- og unglingaráð knattspyrnu-
deildar Keflavíkur hafði áður sent
íþrótta- og tómstundaráði óskir um
fjármagn til að kaupa æfingatíma í
nýja fótboltasalnum og var málinu
vísað til bæjarráðs Reykjanesbæjar
eftir að íþrótta- og tómstundaráð
hafði ekki fjármagn til umráða.
ALÞINGISKOSNINGAR
laugardaginn 28.10. 2017
Kjörskrá í Reykjanesbæ vegna kjörs til Alþingis sem fram fer þann
28. október 2017 liggur frammi á bæjarskrifstofum Reykjanesbæjar fram
að kjördegi.
Kjósendur eru hvattir til að kynna sér hvort nöfn þeirra séu á kjörskrá.
Athugasemdum við kjörskrá skal beint til bæjarstjórnar Reykjanesbæjar.
Kosið er í Fjölbrautaskóla Suðurnesja
REYKJANESBÆR
REYKJANESBÆR
Sérstök athygli er vakin á að kjósandi sem ekki hefur meðferðis persónu-
skilríki getur átt von á að fá ekki að greiða atkvæði.
Kjörstaður opnar kl. 09:00 og lokar kl. 22:00.
Á kjördag mun yfirkjörstjórn hafa aðsetur í Fjölbrautaskóla Suðurnesja
í stofu 221, s. 420 4515.
Yfirkjörstjórn Reykjanesbæjar
UNDIRBÚNINGUR FYRIR PEPSI-DEILDINA Í FULLUM GANGI
- Valkvæður gíróseðill birtist í heimabanka á næstu dögum
Að loknu vel heppnuðu knattspyrnu-
sumri, þar sem við náðum því mark-
miði að tryggja sæti okkar í deild
þeirra bestu, eru stjórn, þjálfarar
og leikmenn karlaliðs knattspyrnu-
deildar Keflavíkur farnir að huga
að næsta sumri. Það er ekki seinna
vænna.
Þjálfarar og leikmenn eru byrjaðir að
skoða markmiðasetningu fyrir næsta
ár og fullvíst að markmiðin eru metn-
aðarfyllri en svo að eingöngu halda
sér í deildinni. Við erum komin aftur á
þann stað sem eigum heima og ætlum
að festa okkur þar í sessi.
Rekstur knattspyrnudeilda er mikið
púsluspil og fjölmargir aðilar sem koma
beint og óbeint að því að tryggja að allt
gangi upp. Hjá knattspyrnudeild Kefla-
víkur er lögð áhersla á að rekstur sé í
jafnvægi og að tekjur dugi fyrir gjöldum.
Fjölmörg fyrirtæki styðja myndarlega
við deildina, hópur stuðningsmanna
styrkir félagið mánaðarlega og fjárafl-
anir af ýmsum toga gera það að verkum
að reksturinn gengur upp.
Þegar við horfum nú til næsta árs í efstu
deild er ljóst að kostnaður við rekstur
mun aukast þó allt verði gert til að halda
því í horfi. Til að aðstoða okkur við að
búa til traustan grundvöll fyrir komandi
tímabil hefur verið ákveðið að leita til
íbúa Reykjanesbæjar um að styðja fé-
lagið með greiðslu valkvæðra gíróseðla
sem munu birtast í heimabönkum allra
íbúa bæjarins á næstu dögum. Ekki er
horft til póstnúmera í þetta skiptið og
fá allir íbúar senda valgreiðslukröfuna.
Greiðslan er að sjálfsögðu algerlega
valfrjáls en vonandi munu íbúar taka
vel í þetta erindi og styðja knattspyrnu-
deildina og aðstoða okkur við að leggja
traustan grundvöll fyrir næsta ár.
Jón Guðmundur Benediktsson,
formaður stjórnar knattspyrnu­
deildar Keflavíkur
Magnea Guðmundsdóttir bæjarfulltrúi látin
Magnea Guðmundsdóttir, kynn-
ingarstjóri Bláa lónsins og bæjar-
fulltrúi í Reykjanesbæ, er látin.
Hún lést í faðmi fjölskyldu sinnar
á líknardeild Landspítala í Kópavogi
13. október sl. Magneu var minnst á
bæjarstjórnarfundi í Reykjanesbæ
síðdegis á þriðjudag.
Magnea Guðmundsdóttir var fædd
19. apríl 1969. Hún ólst upp í Keflavík
þar sem hún gekk í barna- og grunn-
skóla og útskrifaðist sem stúdent frá
Fjölbrautaskóla Suðurnesja 1989.
Magnea lauk BA prófi í almanna-
tengslum frá háskólanum í Alabama
1994 og mastersprófi í sama fagi frá
sama skóla ári síðar. Magnea starfaði
sem kynningarstjóri og við almanna-
tengsl hjá Bláa Lóninu frá 1998 til
dánardags og tók virkan þátt í upp-
byggingu fyrirtækisins á því mikla
vaxtarskeiði sem gerði fyrirtækið
leiðandi í ferðaþjónustu á Íslandi.
Magnea var mikill áhugamaður um
samfélagsmál, sér í lagi umhverfis- og
skipulagsmál og lét sig miklu skipta
fegrun bæjarfélagsins. Hún tók virkan
þátt í félagsmálastarfi allt frá því að
hún sneri heim til Íslands að loknu
námi og sat í fjölmörgum nefndum
og ráðum, ýmist sem fulltrúi Sjálf-
stæðisflokksins, Reykjanesbæjar eða
Bláa lónsins.
Magnea var m.a. varamaður í stjórn
Keilis um tíma, varamaður í stjórn
Keflavíkurflugvallar ohf. við stofnun
þess félags og síðar stjórnarmaður í
Flugstöð Leifs Eiríkssonar, sat í stjórn
Reykjanes Geopark, í stjórn íslenska
ferðaklasans og var um tíma stjórnar-
maður í stjórn Festu, lífeyrissjóðs. Þá
sat Magnea einnig í stjórn HS Veitna
sem varamaður frá 2009 og sem aðal-
maður frá 2011 til dánardags. Magnea
sat í stjórn markaðs- og atvinnuráðs
Reykjanesbæjar frá 2002-2006, var
aðalmaður í atvinnu- og hafnarráði
2006-2010 og í umhverfis- og skipu-
lagsráði frá 2010 til 2017, þar af for-
maður þess á árunum 2010-2014.
Magnea sat í bæjarráði um fjögurra
ára skeið frá 2010 til 2014.
Magnea sat sinn fyrsta bæjarstjórnar-
fund í bæjarstjórn Reykjanesbæjar
29. ágúst 2006 en hún var varamaður
í bæjarstjórn kjörtímabilið 2006-
2010. Magnea var kjörinn aðalmaður í
bæjarstjórn 2010 og sat þar til dánar-
dags. Hún gegndi starfi varaforseta
öll árin sem hún sat í bæjarstjórn
og stýrði nokkrum fundum bæjar-
stjórnar. Magnea sat samtals 163 fundi
í bæjarstjórn Reykjanesbæjar, þann
síðasta 20. júní s.l.
Magnea Guðmundsdóttir hafði barist
við krabbamein um nokkurra ára
skeið og háði þá baráttu af einurð og
festu en um leið mikilli hógværð, eins
og einkenndi jafnan öll hennar störf.
Fyrir tæpum tveimur vikum þurfti
Magnea að leggjast inn á sjúkrahús
vegna veikinda sinna og laut hún í
lægra haldi fyrir sjúkdómi sínum
föstudagskvöldið 13. október sl., á
baráttudegi Krabbameinsfélags Ís-
lands gegn krabbameini hjá konum,
aðeins 48 ára að aldri.
Magneu eru þökkuð fjölmörg störf í
þágu sveitarfélagsins og íbúa Reykja-
nesbæjar. Bæjarstjórn Reykjanes-
bæjar sendir fjölskyldu hennar og
samferðarfólki innilegustu sam-
úðarkveðjur á erfiðri stundu, segir í
minningarorðum sem Guðbrandur
Einarsson, forseti bæjarstjórnar
Reykjanesbæjar flutti í upphafi fundar
bæjarstjórnar.
Helgihald og viðburðir í
Njarðvíkurprestakalli
Fimmtudagur 19. okt. kl:19:30-20:30
Æskulýðsstarfssemi KFUM/K í Innri-
Njarðvíkurkirkju. Umsjón hefur
Heiðar Örn Hönnuson.
Sunnudagur 22.okt kl.11
Sunnudagaskólastund í Njarð-
víkurkirkju (Innri-Njarðvík). Heiðar,
Pétur, Stefán og Brynja Vigdís sjá
um stundina.
Eftir að sunnudagaskólanum lýkur
ætlum við að halda fjölskyldu-
skemmtun þar sem krakkarnir geta
skemmt sér í ýmsum leikjum og ef
veður leyfir ætlum við að vera með
hoppukastala á svæðinu. Við ætlum
að grilla pylsur og hægt verður að
fá sér kaffi inn í safnaðarheimilinu
og ræða þar við sóknarnefndarfólk,
presta og starfsmenn um það sem er
framundan í kirkjustarfinu hjá okkur.
Skemmtunin hefst að loknum
sunnudagaskólanum og við verðum
á staðnum til 15:00.
Allir velkomnir
og við hlökkum til að sjá ykkur.
Þriðjudagur 24.okt kl.10:30
Foreldramorgnar í Safnaðarheimil-
inu Innri-Njarðvík kl.10:30-12:30.
Umsjón hefur Emilía B. Óskarsd.
Þriðjudagur 24.okt kl.19:30
Kóræfing í Ytri-Njarðvíkurkirkju.
Nýtt söngfólk velkomið
Miðvikudagur 25.okt kl.10:30
Vinavoðir í Ytri-Njarðvíkurkirkju
kl.10:30-13:30
Fimmtudagur 26.okt kl.20
Spilakvöld aldraðra og öryrkja,
í Ytri-Njarðvíkurkirkju. Umsjón hefur
starfsfólk kirkjunnar og Lionsklúbbur
Njarðvíkur.
SUNNUDAGURINN 22. OKTÓBER KL. 11
Í tilefni af bleikum október fáum við Krabba-
meinsfélag Suðurnesja til að segja frá
starfsemi félagsins í sunnudagsmessunni.
Að henni lokinni býðst fólki að kaupa bleiku
slaufuna ásamt öðrum vörum sem félagið
selur til stuðnings starfseminni hér suður
með sjó. Kórfélagar og organistin klæðast
bleiku og syngja ljúfa vonartóna. Sr. Fritz
Már þjónar með heimagerðan bleikan
kollar. Að vanda er súpa borin á borð af súpu-
þjónum og fermingarforeldrum ásamt brauði
sem gefið er af Sigurjónsbakarí.
Verið velkomin í hvað lit af fötum sem er. 
MIÐVIKUDAGURINN 25. OKTÓBER KL. 12
Kyrrðarstund í Kapellu vonarinnar er vikuleg
samvera í samfélagi þar sem fólki er boðið
að nærast andlega á Guðs orði og söng sem
og líkamlega á gæðasúpu og brauði. Prestar
og organisti halda utan um stundina. 
MIÐVIKUDAGUR 25. OKTÓBER 
Fermingarfræðsla vikunnar er í Kirkjulundi. 
Strákar mæta kl. 15:15-16:00
Stelpur mæta kl. 16:05-17:00