Víkurfréttir - 19.10.2017, Qupperneq 13
13MANNLÍF Á SUÐURNESJUM f immtudagur 19. október 2017 // 41. tbl. // 38. árg.
Hvaðan kemur þessi söfnunar árátta?
Ég hef með tímanum áttað mig á
því að þetta kemur frá tengdapabba,
Birgi Guðnasyni heitnum, hann var
voða mikill safnari. Ég var 16 ára
þegar ég kynntist honum, þegar ég
kynnist konunni minni. Biggi safnaði
alls konar hlutum sem ég var á þeim
tíma ekki að tengja við. Svo
gerist það hægt og rólega
að maður fer að sjá
verðmæti í hinu og
þessu og í dag er ég
alveg á því að þetta
kemur frá tengda-
pabba.
Það er svolítið
gaman af því þegar
ég er að koma með
eitthvað nýtt eða
að spá í einhverju
og konan hristir
hausinn, þá segi
ég við hana;
hvaðan heldur
þú að ég hafi
þetta? Þetta
kemur bara frá
Bigga.
Bílskúrinn
hjá þér lítur
út eins og
breskur
pöbb.
Þetta
byrjar
þegar við
kaupum
þetta
hús árið
2009.
Bíl-
skúrinn var
í hálfgerðri
rúst og við
vorum að velta
fyrir okkur hvað
við ættum að gera.
Það kom upp hugmynd
um að setja billjardborð í
bílskúrinn. Börkur Birgisson,
mágur minn, var með knattborðs-
stofu og við konan vorum oft
að spila billjard þar. Smá saman
fórum við að vinna í þessu. Við
þurftum að smíða útigeymslu og
opna upp á háaloft og færa þvotta-
húsið til að koma hlutum fyrir.
Hugmyndin var akkúrat sú að hafa
þetta eins og pöbb og þess vegna
sést í græna veggi hér á bakvið. Hér
ægir öllu saman og hlutir hafa ekki
verið að fara á fyrirfram ákveðna
staði. Það var alltaf inni í myndinni
að þetta yrði eins og pöbb en ég átti
aldrei von á því að þetta yrði svona
stórt.
Hér inni eru hlutir sem eru áber-
andi eins og til dæmis búninga-
safnið sem er í loftinu. Hvaðan
kemur það?
Það kemur eiginlega úr öllum
áttum. Eins og þeir sem þekkja mig
vita þá er ég mikill Keflvíkingur og
það er eiginlega eina liðið sem ég
held með. Ég held að þetta séu þret-
tán eða fjórtán Keflavíkurtreyjur
og vonandi einn daginn verða þetta
bara Keflavíkurtreyjur. Það hafa
margir komið til mín með treyjur
og beðið mig um að geyma þær á
safninu fyrir sig. Það síðasta sem
bættist við safnið voru þrjár treyjur
frá Óla Þór Magnússyni, sem ég
hélt mikið upp á þegar ég var yngri
og hann upp á sitt besta með Kefla-
vík. Svo er ég með treyju frá Bayern
Munchen áritaða af Jurgen Klings-
man og ein frá gamla Austur-Þýska-
landi. Þær komu óbeint til mín í
gegnum Ásgeir Sigurvinsson. Hann
Burkni Birgisson á þær.
Þú ert líka áhugasamur um bjór og
ert með ýmsa muni tengda honum.
Mér þykir bjórinn góður og á tíma-
bili bruggaði ég bjór sjálfur og
þá fór allt á fullt í þessari söfnun.
Ég er með pínulitla þráhyggju ef
mér dettur eitthvað í hug og verð
að fara alla leið. Það er margt hér
hinni bjórtengt. Ég var eitt sinn
að vinna með einum sem hafði
unnið á bar og þegar hann sá mynd
úr skúrnum þá datt honum í hug
að senda hana á allar heildsölur
sem voru með áfengi til að athuga
hvort þær ættu ekki eitthvað sem
ætti erindi í safnið. Við fengum
mjög góð viðbrögð og ég fór einn
föstudag og fyllti bílinn minn af alls
konar dóti. Þetta voru bolir, glös og
alls konar dót.
Hvað ertu að nota skúrinn mikið.
Er hann í daglegri notkun?
Já, hann er mikið notaður og
þetta stækkaði bara húsið okkar.
Börnin leika sér hérna með
Legó, hér er sest inn til að lesa
og læra og mjög oft er dúkur
yfir billjard borðinu og rýmið
notað sem þvottahús. Skúrinn er
ekkert heilagur. Ég er stundum
með starfsmannapartý hérna
og svo hittumst við félagarnir
í Breiðbandinu oft hérna til að
spila billjard. Þá er ég oft með
keilubilljardmót, það er eitt-
hvað sem ég lærði í Danmörku á
námsárum mínum þar. Við erum
stundum hérna 10 til 15 manns að
spila keilubilljard og þá er mikið
hlegið. Þetta er leikur sem hefur
þróast á dönskum pöbbum. Að
drekka bjór og spila eitthvað sem
hefur orðið til af dönskum pöbb
er eitthvað sem klikkar ekki.
Söfnunarárátta þín hefur einnig
náð yfir í teiknimyndasögur. Segðu
okkur frá því.
Það byrjaði í sumar og ég veit ekki
hver var kveikjan að því. Ég eignaðist
nokkrar teiknimyndasögur og fór að
stúdera þetta og lesa mig til um þetta.
Ég einbeiti mér að teiknimynda-
sögum sem voru gefnar út á Íslandi
á árunum 1970 til 1990. Þetta eru
Tinni, Lukku-Láki, Svalur og Valur og
þær bækur sem flestir muna eftir. Þá
er Viggó í miklu uppáhaldi.
Ég er svolítið að skoða þessar
bækur í dag út frá öðrum for-
sendum. Ég er til dæmis að lesa
Tinna í þeirri röð sem höfundurinn
skrifaði bækurnar en þær komu
ekki út á Íslandi í réttri röð. Bókin
um Tinna í Kongó er til dæmis
þannig að svertingjar eru teiknaðir
mjög frumstæðir. Tíðarandinn var
þannig að það var litið á svertingja í
Afríku sem stór börn. Það hefur oft
verið talað um að það væri mikill
rasismi í bókinni. Það þarf líka að
skoða á hvaða tímapunkti hún er
skrifuð. Hún er skrifuð árið 1931.
Það er gaman þegar berst í tal að
ég safni teiknimyndasögum. Fyrst
hristir fólk hausinn en svo fara allir
á flug, því það hafa allir einhverjar
minningar frá þessu. Ég segi að
teiknimyndasögurnar eru Youtube
minnar kynslóðar. Þær voru skoð-
aðar aftur og aftur. Ef mamma
þrælaði manni í heimsókn, þá voru
fundnar til teiknimyndasögur. Mér
finnst líka gaman að sjá gamlar
teiknimyndasögur sem búið er
að lesa upp til agna og hanga vart
saman.
Hvaðan eru bækurnar að koma?
Þegar ég fer af stað þá fréttist þetta.
Ég er ófeiminn við að láta fólk vita
hvað ég er að gera þegar ég fæ nýja
dellu. Það hafa margir laumað að
mér bókum og ég tek á móti þeim
fagnandi. Allar teiknimyndasögur
eignast gott heimili hjá mér. Þá fer ég
einnig oft í Kompuna við Iðavelli og
þangað slysast oft inn góðar bækur.
Þetta eru bækur sem hafa dagað uppi
hjá foreldrum okkar kynslóðar. Þegar
þeir svo minnka við sig húsnæði þá
hafa þessar bókmenntir viljað enda
á haugunum. Þetta eru bækur sem
ég vil fara með á elliheimilið þegar ég
fer þangað. Ég mun glaður fara heim
til fólks og sækja teiknimyndasögur
ef þær eru í boði.
Þú safnar ekki bara teiknimynda-
sögum. Þú átt ófá jakkaföt sem eru
ekki þessi hefðbundnu svörtu.
Já, ég veit ekki alveg hvernig
það byrjaði. Ég á svolítið safn af
skrítnum jakkafötum. Þetta er bara
húmor ég hef gaman af að klæða
mig upp í þessi jakkaföt. Sumir
halda að maður sé stórskrítinn
og eflaust er maður það. Ég segi
stundum að það sé frelsi í því að
vera sama um hvað öðrum finnst.
Mér finnst stundum gaman að fara
í jakka sem skera sig úr. Svartur
klassískur jakki er ekkert voðalega
spennandi. Ég nota hann við hátíð-
legri tækifæri og jarðarfarir, en jú,
ég á nokkra skrautlega jakka.
Mér þykir bjórinn góður
og á tímabili bruggaði ég
bjór sjálfur og þá fór allt á
fullt í þessari söfnun. Ég er
með pínulitla þráhyggju ef
mér dettur eitthvað í hug
og verð að fara alla leið.
VIÐTAL Hilmar Bragi Bárðarsonhilmar@vf.is
KEFLAVÍKURTREYJUR FYLLA LOFTIÐ.
RÚNAR MÆTTUR Á PÖBBINN ... SINN!
TVEIMUR TÍMUM SÍÐAR:
MIKIÐ ER ÉG FEGIN
AÐ ÞAÐ SÉ EKKI
ÞVOTTADAGUR
Í DAG.
Hæfniskröfur:
Sveinspróf í matreiðslu og reynsla er skilyrði
Almenn tölvukunnátta er kostur
Íslenskukunnátta er skilyrði.
Starfssvið:
Matreiðsla
Undirbúningur og tiltekt fyrir máltíðir
Frágangur á vinnusvæði
Hæfniskröfur:
Meirapróf er kostur en ekki skilyrði
Reynsla sem atvinnubílstjóri er kostur
Íslenskukunnátta er skilyrði.
Starfssvið:
Útkeyrsla á skólamáltíðum
Frágangur og þrif á vinnusvæði og bifreið
Umsóknir og fyrirspurnir berist mannauðsstjóra
á fanny@skolamatur.is
Matreiðslumaður óskast
Vinnutími er frá kl. 6-15
alla virka daga
Bílstjóri óskast
Vinnutími er frá kl. 6-15
alla virka daga
Hollt, gott og heimilislegt