Feykir - 17.07.2014, Blaðsíða 4

4 Feykir 27/2014
Stefán Gunnar Haraldsson
Víðidal
fæddur 12. september 1930 – látinn 24. júní 2014
Mig langar að minnast míns kæra
bróður með nokkrum orðum.
Bikar minninganna er barma-
fullur. Stefán varð bráðkvaddur á
Jónsmessu 24. júní sl. í túninu
heima. Engan stað hefði hann
fremur kosið að enda sína ævi en í
túninu þar sem þau Marta hófu
sitt landnámsstarf fyrir rúmum 60
árum. Þá hófst hörð barátta að
byggja allt upp frá grunni, en
aðeins nokkrir hektarar voru þá
komnir í rækt, engar byggingar.
Á frumbýlisárum þeirra féllu
margir svitadropar til jarðar, það
er mér vel kunnugt um. Byrjað var
að byggja íbúðarhús og bráða-
birgðapeningshús en seinna
byggð varanleg hús úr steinsteypu.
Ég kom mjög oft til þeirra á fyrstu
árum þeirra í Víðidal, þá ungur og
ólofaður maður. Við bræður
vorum mjög samrýmdir frá fyrstu
tíð, ég fór oft bara til þeirra til að
hitta þau, hlæja og spauga saman,
stundum var sest við orgelið og
tekið lag eða við fórum í eina
bröndótta, en kannski stundum til
að rétta örlitla hjálparhönd við
búskapinn. Alltaf átti Marta
súkkulaðitertu og fleira gott með
kaffinu.
Minningarnar eru bjartar
þegar litið er til baka er við vorum
litlir drengir að alast upp í
Brautarholti. Þá lékum við okkur
oft suður við læk eða niður við á,
busluðum í engjahólfunum þegar
búið var að veita ánni upp á engið.
Margar ferðir voru farnar á
sleðanum niður brekkuna fyrir
framan bæinn, smíðuðum okkur
bíla og báta og byggðum bú.
Fórum við svo að hjálpa til við
búskapinn þegar geta og kraftar
leyfðu.
Hestar voru mikið notaðir
daglega við búskapinn svo og til
allra ferðalaga. Snemma varð
Stebbi mjög liðtækur í umgengni
og notkun hesta og áhugamaður
um hestamennsku sem fylgdi
honum til æviloka; átti og ræktaði
landsfrægt hestakyn. Söngurinn
var Stebba í blóð borinn og
snemma fór hann að syngja, hafði
ágæta tenórrödd. Söngur var
reyndar í hávegum hafður í
Brautarholti frá því ég man fyrst
eftir mér. Þegar grammafónninn
var settur af stað, sem Skagfield
kom með handa foreldrum sínum
og margar plötur, var nú hlustað á
hinn kraftmikla söng. Þá kom
Stefán Íslandi frændi okkar mjög
oft í Brautarholt og stundum tekið
lagið. Eftir að útvarpið kom var
mjög á það hlustað. Í miklu uppá-
haldi hjá Stebba voru Sólseturs-
ljóðin sem þeir sungu saman,
Stefán frændi okkar og Guðmund-
ur Jónsson. Gekk það svo langt að
hann ákvað að kenna mér lagið og
æfingin fór fram í gamla skálanum
í Brautarholti. Þá var ég níu ára og
Stebbi á fimmtánda ári. Þetta gekk
ekki nógu vel, ég var ekki nógu
snöggur að koma inn á réttum
stöðum og Stebbi varð hálf argur
við mig. En er árin liðu tókst þetta
nú betur. Stebbi fór í orgelnám til
Jóns á Hafsteinsstöðum fljótlega
eftir fermingu og eignaðist þá
orgel. Þá sótti hann námskeið hjá
Eyþóri Stefánssyni og Sig. Birkis.
Ungur fór hann að syngja í kirkju-
kór Glaumbæjar- og Reynistaðar-
sókna, eða fimmtán ára gamall. Er
hann flutti svo í Víðidal 1954 fór
hann að syngja með kirkjukór
Víðimýrarsóknar og söng með
honum til dauðadags. Átján ára
gamall byrjaði hann í Heimi eða
árið 1948 og söng með kórnum
með nokkrum hléum til ársins
2012. Var einsöngvari kórsins á
árunum 1960-1969. Þá söng hann
með eldriborgarakórnum nú
síðustu árin. Stebbi var mikill
trúmaður og var ekki í vafa um líf
eftir dauðann. Hann varðveitti
sína barnatrú vel, sem móðir
okkar blessuð lagði ríka áherslu á
að kenna sonum sínum í bernsku.
Áður en Stebbi festi ráð sitt 1951
stundaði hann ýmis störf s.s.
byggingavinnu, vegavinnu,
mjólkurkeyrslu og jarðýtuvinnu
hjá Búnaðarsambandinu eftir að
hann settist að í Víðidal. Árið 1948
fór hann á vélanámskeið
vetrarpart á Hvanneyri. Snemma
eignaðist Stebbi vörubíl og
stundaði vörubílaakstur á sumrin,
með búskapnum sem með
árunum fór minnkandi. Árið
1978 eignaðist hann nýjan vörubíl
sem lengi hafði verið draumur
hans. Alvöru bíll sem vinnufélagar
hans sögðu að væri með „stóru
vélinni“.
Stebbi var mikil félagsvera,
hann var m.a. einn af stofnendum
Lionsklúbbs Skagafjarðar og félagi
í Vörubílstjórafélagi Skagafjarðar.
Stebbi átti gott með að kasta fram
stöku og var góður vísnasmiður.
Átti mikið safn af vísum í bókum
heima.
Það er margs að minnast þegar
litið er til baka. Margar ánægju-
stundir m.a. í tengslum við karla-
kórinn – ógleymanleg ferðalög
innanlands og utan svo og dagleg
samskipti sem með árunum fóru
vaxandi, ekki síst eftir að hann
missti Mörtu sína. Hann var alltaf
svo hress og kátur – og upplífgandi
að hitta hann.
Stebbi var gæfumaður í lífinu,
eignaðist góða konu og fjögur
mannvænleg börn og afkomendur
þeirra Mörtu eru komnir á þriðja
tug – sem veittu þeim ánægju og
gleði sem hann kunni svo vel að
meta.
Elsku Haddi, Pétur, Sigga og
Magga og fjölskyldur ykkar. Við
Þóra og fjölskylda okkar sendum
okkar innilegustu samúðarkveðjur
til ykkar allra. Minningin er björt.
Megi góður Guð styrkja okkur öll.
Kæri bróðir minn!
Að lokum langar mig að þakka
þér samfylgdina nú er leiðir skilj-
ast.
Far þú í friði
friður Guðs þig blessi.
Hafðu þökk fyrir allt og allt.
Þinn bróðir Sigurður
Stefán Gunnar Haraldsson fæddist
í Brautarholti í Skagafirði 12.
september 1930. Hann lést á
heimili sínu í Víðidal 24. júní 2014.
Foreldrar hans
voru hjónin
Jóhanna
Gunnarsdóttir frá
Keflavík í
Hegranesi og
Haraldur Bjarni
Stefánsson frá
Brautarholti,
Stefán var
næstelstur barna
foreldra sinna.
Systkini hans eru:
Haukur, f. 5.7.1927, d. 9.9.2013,
giftur Erlu Guðjónsdóttur f.
3.9.1932; Sigurður, f. 7.2.1936,
giftur Þóru Ingimarsdóttur , f.
21.3.1936; Bragi f. 27.4.1942,
giftur Eygló Jónsdóttur, f.
18.12.1939; stúlkubarn, fætt
andavana 1946.
Á gamlársdag 1954 giftist Stefán
Gunnar Mörtu Fanneyju
Svavarsdóttur, f. 8.11.1931, d.
15.5.2013. Þau eignuðust fjögur
börn, þau eru: 1) Svavar Haraldur,
f.22.2.1952, bóndi í Brautarholti,
giftur Ragnheiði G. Kolbeins, f.
18.8.1957. Þau eiga sex börn og
fjögur barnabörn og búa í
Brautarholti. 2) Pétur Helgi, f.
12.7.1954, útibússtjóri Kaupfélags
Skagfirðinga í Varmahlíð og
bóndi, giftur Grétu Sjöfn
Guðmundsdóttur, f. 11.6.1961.
Þau eiga fjögur börn og tvö
barnabörn og búa í Víðidal II. 3)
Jóhanna Sigríður, f. 2.1.1961,
kennari, gift Einari Erni Einars-
syni, f. 18.8.1960.
Þau eiga þrjú börn
og þrjú barnabörn
og búa á Víðimýri.
4) Margrét
Sigurlaug, f.
11.12.1968,
tónlistarkennari,
gift Ólafi Hafsteini
Einarssyn, f.
25.3.1961. Þau eiga
þrjú börn og búa á
Hvoli í Ölfusi.
Áður en Stefán festi ráð sitt vann
hann ýmis störf, m.a. hjá bygg-
ingarverktökum, í vegavinnu-
flokki, við mjólkurflutninga og
nokkur sumur hjá Búnaðarsam-
bandinu á jarðýtu. Stefán og
Marta stofnuðu nýbýli út úr landi
Víðimýrar sem þau nefndu Víði-
dal. Þar hófu þau búskap árið
1954. Stefán vann við búskap alla
sína tíð auk þess sem hann var
vörubílsstjóri og vann því utan
heimilis, einkum yfir sumartím-
ann. Hann var einn af stofnendum
Lionsklúbbs Skagafjarðar og
vörubílsstjórafélagsins Fjarðar.
Hann söng með Karlakórnum
Heimi og kirkjukór Víðimýrar-
kirkju í 60 ár og nú síðustu ár var
hann í Kór eldri borgara.
Útför Stefáns var gerð frá
Víðimýrarkirkju þann 8. júlí sl.
M I N N I N G
Parkour verður kynnt á Unglingalandsmótinu á Króknum
,,Adrenalínið flæðir
um líkamann!”
Félagarnir Guðni Bjarni
Kristjánsson og Eiður Merlin
Thoroddsen stunda íþróttina
Parkour á Sauðárkróki. Guðni
hefur stundað íþróttina í tvö
og hálft ár og Eiður í sex ár.
Þegar blaðamaður hitti þá
félagana voru þeir við æfingar
ofan við heimavistina en
Parkour verður á meðal þeirra
íþrótta sem verða til kynnis á
Unglingalandsmótinu.
,,Parkour er íþrótt sem
gengur út á það að komast frá A
til B eins fljótt og þú getur,
meðal annars að hoppa yfir
grindverk og niður af húsum,
hlaupa upp veggi og þess háttar,”
útskýrir Guðni Bjarni þegar
blaðamaður spyr hann hvers
konar íþrótt Parkour sé.
Drengirnir hafa komið sér fyrir
aftan við heimavistina þar sem
þeir stökkva yfir torfhleðslurnar
með ýmsum töktum, en þeir sjá
sjálfir um að þjálfa sig enda
segja þeir alla þá bestu í Parkour
í heiminum æfa á eigin spýtur.
Þeir eru fjórir félagarnir sem
stunda Parkour á Króknum í
dag, en auk Guðna og Eiðs hafa
þeir Viðar Vilhjálmsson og
Daníel Ísar Gíslason mætt á
æfingar.
,,Það sem gerir Parkour
spennandi fyrir mig er að
adrenalínið flæðir um líkamann
og áhættan getur verið mikil, en
svo lengi sem þú veist hvað þú
ert fær um að gera og þú treystir
þér í hlutina, þá geturu gert allt
það sem þig langar til að læra í
Parkour/Freerunning. Ég mæli
með þessari íþrótt fyrir þá sem
eru mikið fyrir að hoppa,
hlaupa, klifra og fá smá
adrenalín í líkamann,” segir
Guðni Bjarni en hann stefnir á
að verða atvinnuíþróttamaður í
Parkour og mögulega þjálfa þá
sem hafa áhuga og vilja verða
góðir í íþróttinni.
Guðni Bjarni er sonur Hlífar
Sumarrósar Hreinsdóttur og
Kristjáns Guðmundar Eggerts-
sonar. Eiður Merlin er sonur
Sigurðar E. Thoroddsen og
Leonie Mitton. /GSG
Félagarnir Guðni Bjarni og Eiður Merlin.