Feykir - 12.02.2015, Qupperneq 9

6/2015 9

Heilir og sælir lesendur góðir.
Í síðasta þætti misritaðist eitt orð í síðustu
vísunni, og byrjum við á að leiðrétta það. Á
fyrri hluti hennar að vera þannig.
Unnið fjöldans hylli hefur
hennar varð þó sóknin treg o.s.frv…
Vel er við hæfi að rifja næst upp þessa
vetrarvísu eftir Benedikt Valdemarsson frá
Þröm í Eyjafirði.
Syngur tíðin sorgarlag
sæld og blíðu, dylur.
Á mér níðist nótt og dag
norðanhríðarbylur.
Önnur hringhenda kemur hér eftir
Benedikts.
Lokar ótta björtum brám
blundi drótt er falin.
Læðist nóttin léttum tám
ljúft og rótt um dalinn.
Gaman væri að fá fleiri vísur, ef lesendur
kunna, eftir Benedikt.
Kannski er kominn tími á að rifja upp
þessar ágætu vísur prestsins á Mælifelli, séra
Tryggva heitins Kvaran.
Ég á ósk í eigu minni
ofurlítið grey.
Að mega elska einu sinni
áður en ég dey.
Að það sé svo ósköp gaman
allir segja mér.
Eigum við að vera saman
og vita hvernig fer.
Ekki virðist ætla að linna þeim djöfuls
óveðrahrinum sem gengið hafa yfir land
okkar nú undanfarið. Er þessi þáttur er
í smíðum er sagt frá hrakningnum 4-5
hundruð manna Holtavörðuheiði. Eftir að
hafa hlustað á vonda veðurspá yrkir Ólafur
Stefánsson svo.
Ennþá veit ei um það neinn
hvað allt á jörðu fýkur,
og hvort að yfir steini steinn
standi er þessu lýkur.
Jón Arnljótsson horfir líka á veðurfregnir og
yrkir svo.
Vert er vel að skoða
og vita hver það orti.
Veðrið það er voða
vont að sjá á korti.
Hallmundur Kristinsson mun einnig hafa
tekið þátt í þessari óveðurs vísnagerð.
Suðaustanrokurnar auka nú í
allhvassar vindhviður styrkja.
Líkast til mun ég nú þagna af því
það er of hvasst til að yrkja.
Látum Davíð Hjálmar ljúka þessum
illviðravísum.
Er á ferli naumast neinn
nema sá er þarf.
Yfir tíu tonna steinn
tókst á loft og hvarf.
Vísnaþáttur 635 Sé nú strax að hafa verið fullfljótur á mér að yfirgefa illveðravísur. Rifjast upp að sú
ágæta kona Steinunn P. Hafstað mun hafa
ort þessa.
Helvítis andskotans ekkisens bölvað
ólukku, bévítis veður.
Held það sé fátt sem ég hef ekki mölvað
og hent þegar sumarið kveður.
Kannski má milda þennan talsmáta með
þessum fallegu vísum Steinunnar.
Eins og draumar Dimmalimm
dulmögn öllu breyta.
Þegar vetrarveðrin grimm
veikja allt og þreyta.
Klæddu af þér kulda og hroll
með kærleika, sem nærir.
Það sem áður tók sinn toll
tryggð og hlýju færir.
Einhver frétt var um það nú fyrir stuttu að
byrjuð væri flensa að grassera í íbúum syðra
Við þannig aðstæður mun Pétur Stefánsson
hafa ort svo.
Stórskáldið sem stefjar hér
er stíflaður í nefi.
Með höfuðverk og orðinn er
uppfullur af kvefi.
Háls og augu svíða sár,
sálin fyllist dofa.
Skríður lasinn fölur frár
í fletið brátt að sofa.
Friðrik Steingrímsson úr Mývatnssveitinni
frétti af þessum hörmungum Péturs og orti
svo.
Líðan þessa ljóðamanns
löngum veldur trega,
drykkjuleysið heilsu hans
háir voðalega.
Læknirinn Hjálmar á Akureyri fer einnig
höndum um sjúklinginn.
Ekki stendur hann undir því
sem alltaf var hann að lofa.
Nú er hann farinn að fara í
fletið til að sofa.
Hef trúlega áður í þessum þáttum birt vísur
eftir flest systkinin frá Grafardal. Þau voru
eins og margir muna snilldar hagyrðingar.
Minnir að þessi sé eftir Björgu. Veit ekki
tilefni hennar.
Leiktu þér ekki að ljósunum
sem loga í hjartans kjarna.
Fyrir daðurdrósunum
Drottinn passi Bjarna.
Gott verður þá að enda með einni vel gerðri
eftir Sveinbjörn fyrrverandi allsherjargoða.
Þó að frjósi foldarsvæði
fögur kjósa lögin má.
Nú skal hrós í nýju kvæði
norðurljósa gyðjan fá.
Verið þar með sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON ) kristin@feykir.is
Sungið á Degi leikskólans
Dagur leikskólans víða haldinn hátíðlegur
Dagur leikskólans var haldinn
hátíðlegur í leikskólum
landsins sl. föstudag og er
merkisdagur í íslenskri
leikskólasögu því þann dag
árið 1950 stofnuðu
frumkvöðlar leikskólakennara
fyrstu samtök sín. Vegna
þessa er dagskráin víða brotin
upp til hátíðarbrigða - hver
skóli með sínum hætti. /BÞ
Vala Kristín Ófeigsdóttir á Hofsósi
Mamma með munnræpu
ÁSKORENDAPENNINN
UMSJÓN kristin@feykir.is
Ég tek við
áskorendapennanum
frá elsku Rebekku
Heklu. Fyrirmyndarbarni
og dugnaðarforki frá
Molastöðum. Mér
hlotnaðist sá heiður að
kynnast henni þegar
við unnum saman í
Veitingahúsinu Sólvík.
Ég man að ég ákvað
strax að svona vildi
ég að myndi rætast úr
börnunum mínum, að
þau yrðu kurteis og
ósérhlífin. Ég geri mér
grein fyrir því að þessi
pistill hér getur tæpast
verið ein löng lofræða
um Rebekku svo við
skulum snúa okkur að
kjarna málsins.
Ég er búin að velta
umfjöllunarefni þessa
pistils fyrir mér lengi. Ég
er heima í fæðingarorlofi
og hef því dágóðan tíma
til að hugsa. Ég fann að
þetta verkefni gerði mér
gott. Það örvaði hugann
enda reyna bleiuskiptingar
og brjóstagjöf ekki mikið
á málsnilli eða rökvísi.
Ávörðun lá fyrir, ég ætlaði
að skrifa um barnauppeldi,
því það er jú það sem ég
fæst við alla daga. Segja
frá því hvað það getur
krefjandi að eignast þrjú
börn á rúmlega fjórum
árum. En ég vildi ekki
kvarta svo ég skipti um
skoðun.
Ég ákvað að skrifa um
það að vera Hofsósingur.
Hvernig ég vildi sjá
þorpið mitt blómstra og
dafna. Biðla kannski til
sveitastjórnar um aðstöðu
til sjósunds í fjörunni
eða strandblaksvöll, laga
bæjarskiltið eða bara hafa
grunnskólann áfram í
staðnum. En ég vildi ekki
vera of pólitísk.
Þá vildi ég deila á
Kaupfélag Skagfirðinga og
vanrækslu þess á gamla
frystihúsinu á Hofsósi.
Að fyrirtæki sem veltir
milljörðum á ári geti ekki
skvett málningu á kofann.
Slíkur subbuskapur er ekki
bara þorpinu til vansa
heldur lýtir þetta líka ímynd
Kaupfélagsins. Eins er ég
ekki sátt við að vöruverð
sé ekki það sama í öllum
verslunum félagsins í
Firðinum. En ég er pínu
hrædd við Kaupfélagið
þannig að það er sennilega
betra að þegja...
- - - - - -
Ég skora á Gunnhildi
Gísladóttur, svilkonu
mína, verðandi frjótækni
og ljósmyndara, að taka
við pennanum. Henni er
sjaldnast orða vant.
Í tilefni af Degi leikskólans gáfu nemendur leikskólans Ásgarðs Heilsugæslunni
á Hvammstanga listaverk sem þeir gerðu og verða verkinn sett upp í leikherbergi
Heilsugæslunnar. Einnig var sett upp sýning á listaverkum nemenda í KVH.
Nemendur og kennarar gengu svo um Hvammstanga og heimsóttu fyrirtæki,
sungu fyrir heimafólk og færðu þeim vatnslitaverk. LJÓSM./LEIKSKÓLINN ÁSGARÐUR
Nemendur eldra stigs leikskólans
Ársala á Sauðárkróki sungu fyrir
búðargesti í Skagfirðingabúð.