Feykir - 16.06.2015, Qupperneq 2
2 23/2015
Á fimmtudaginn í síðustu viku sat
ég áhugaverðan fund þar sem
samráðsvettvangur um sóknar-
áætlun Norðurlands vestra og
aðrir áhugasamir gestir fjölluðu
um sóknaráætlun til næstu
fjögurra ára. Fundurinn var allvel
sóttur og spunnust miklar
umræður í vinnuhópum sem
komu saman að loknum
framsöguerindum.
Málefnin eru mörg og brýn,
víða þarf að sækja fram en hinu má
ekki gleyma að margt er vel og
tækifærin liggja víða. Eftir mikinn valkvíða ákvað ég að blanda mér
í hóp sem fjallaði um menningarmál á svæðinu.
Ég hef áður vikið að því hér í leiðaraskrifum hversu blómlegt
menningarlífið í okkar héruðum er. Framboðið er gríðarlegt og
framtak er viðurkenningarvert. Oft finnst manni þó að neytendur
mættu vera fleiri. En þá kemur að þessu sígilda sem einkennir
okkar nútímasamfélag, nefnilega samkeppninni um tíma og
athygli fólks. Áreitið er einfaldlega of mikið og erfitt að velja og
hafna.
Svo er það fækkunin. Því meira sem okkur fækkar, því erfiðara
verður að halda úti samfélagi, hvort sem um er að ræða menningu
eða aðra málaflokka. Fram kom í máli Snorra Björns Sigurðssonar
hjá Byggðastofnun að á síðustu 15 árum hefði íbúum Norðurlands
vestra fækkað um 1800, sem eru rúmlega hundrað á ári. Nýlega
bárust þær gleðilegu fréttir að atvinnuleysi væri minnst í þessum
landshluta, en það gefur ef til vill ekki rétta mynda þegar fjöldi
brottflutta umfram aðfluttra er svo mikill sem raun ber vitni.
Annað sem var sláandi, að könnun á viðhorfi grunnskólanemenda
í Austur-Húnavatnssýslu til samfélagsins og framtíðarinnar kemur
fram að fæstir þeirra sjái fyrir sér að búa þar í framtíðinni.
Góðu fréttirnar eru hins vegar þær, eins og Bergur Elías
framkvæmdastjóri SSNV orðaði það svo skemmtilega í sínu erindi,
að þó við séum undir í hálfleik getum við snúið vörn í sókn og brett
upp ermar. Liðsheildin er góð, það þarf kannski aðeins að slípa
hana til að spila betur saman og tefla fram nýrri leikfléttu. Að
minnsta kosti virtust fundargestir sammála um að tækifærin lægju
víða og stuðningsnetið væri gott. Þó að við skorum ekki úr hverju
færi þá sýnir reynslan að þeir fiska sem róa og þeir sem eru áræðnir
og miða á markið hljóta að skora fremur en hinir sem hika.
Kristín Sigurrós Einarsdóttir, blaðamaður.
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Berglind Þorsteinsdóttir – berglind@feykir.is & 455 7176, 694 9199
Blaðamenn:
Kristín Sigurrós Einarsdóttir – kristin@feykir.is & 867 3164
Óli Arnar Brynjarsson – oli@feykir.is Þóra Kristín Þórarinsdóttir – thora@nyprent.is
Áskriftarverð: 530 kr. hvert tölublað með vsk. Lausasöluverð: 650 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
NV-land tækifæranna
Sniðgenginn í samgönguáætlun
Skagafjörður
Á fundi í sl. viku lýsti Byggðar-
ráð Svf. Skagafjarðar
vonbrigðum og þungum
áhyggjum af framkominni
samgönguáætlun 2015-2018.
Engu fé verður varið í
vegaframkvæmdir í Skagafirði
skv. þingsályktunartillögu.
Á fundinum voru lögð fram
drög að umsögn um tillögu til
þingsályktunar um fjögurra ára
samgönguáætlun fyrir 2015-
2018. Var eftirfarandi bókað í
fundargerð byggðaráðs: „Ljóst
er að við núverandi tillögur
verður vart unað og ólíðandi að
ekki verði einni krónu veitt í
vegaframkvæmdir í Skagafirði á
umræddu tímabili, 2015-2018,
sem og að svo virðist vera að
búið sé að taka Alexanders-
flugvöll út úr grunnneti
innanlandsflugs. Byggðarráð
Svf. Skagafjarðar krefst þess að
stjórnvöld endurskoði áform
sín og taki tillit til þarfa
svæðisins í sinni áætlunargerð.“
/KSE
Fyrsti sigur-
inn í höfn
Mfl. karla - 2. deild
Tindastóll lagði lið Sindra á
Höfn í Hornafirði sl.
sunnudag og er þar með
fyrsta sigri Stólanna landað
á þessu tímabili.
Fyrsta mark leiksins kom á
43. mínútu þegar leikmaður
Sindra skoraði sjálfsmark.
Annað markið skoraði
Alejandro Miguel Vera
Carrillo, Sindra í vil á 76.
mínútu. Markið sem
innsiglaði sigurinn skoraði
Benjamin James Griffiths,
leikmaður Stólanna, á 80.
mínútu. Úrslit urðu 2-1.
Næsti leikur mfl. verður nk.
laugardag gegn Ægi á
Sauðárkróksvelli. /BÞ
Sigvalda vel fagnað
Umhyggjugöngunni lauk í Hofsós á laugardaginn
Umhyggjugöngu Sigvalda
Arnars Lárussonar,
lögreglumanns í Keflavík,
lauk í Hofsósi á laugardaginn.
Hafði Sigvaldi þá gengið frá
Keflavík í Hofsós og þar með
staðið við þá yfirlýsingu sína á
Facebook að yrði Gylfi
Sigurðsson ekki kjörinn
íþróttamaður ársins 2014
skyldi hann ganga frá
Keflavík á bernskuslóðirnar á
Hofsósi.
Þrátt fyrir erfið veðurskilyrði
og meiðsli tókst Sigvalda að
ljúka göngunni, en hann þurfti
þó að stytta leiðina dálítið og
mun ljúka þeim 30 km sem upp
á vantar áður en söfnuninni til
styrktar Umhyggju lýkur. Við
komuna á Hofsós sagði Sigvaldi
að oft hefði verið gott að koma
þangað og stinga sér í
sundlaugina, en aldrei sem nú.
Honum var innilega fagnað af
heimamönnum, en UMF Neisti
og Björgunarsveitin Grettir
höfðu skipulagt móttöku honum
til heiðurs og var boðið upp á
grillaðar pylsur við sundlaugina.
/KSE
Fjölbreytt og metnaðarfullt verkefni
65 milljónir úr Uppbyggingarsjóði
Síðastliðinn fimmtudag var 65
milljónum úthlutað úr
uppbyggingarsjóði
Norðurlands vestra á
úthlutunarhátíð sem fram fór
á Blönduósi. Um er að ræða
sjóð sem kemur í stað
menningar-, vaxtar- og
sóknaráætlunarsamningar
milli ríkisins og SSNV sem
verið höfðu í gildi um nokkurt
skeið.
Team Tengill í WoW Cyclothon
Hjólað til styrktar uppbyggingar Batamiðstöðvar á geðsviði Landspítalans
Starfsmenn Tengils taka þátt í
WOW Cyclothon þar sem
hjólað er með boðsveitarformi
hringinn í kringum Ísland
dagana 23. -26. júní til
styrktar uppbyggingar
Batamiðstöðvar á geðsviði
Landspítalans á Kleppi.
Áheitanúmer þeirra er 1024
og heitir liðið Team Tengill.
Liðið skipa rafvirkjar, kerfis-
stjórar, rafeindavirki og hönn-
uður þannig að hér eru á ferð
magnaðir stuðboltar. Þeir eru
(f.v.): Pétur Ingi Björnsson,
Þórarinn Óli Rafnsson, Ágúst
70 verkefni hlutu styrki að þessu
sinni. Tilgangur styrkjanna er að
„stuðla að jákvæðri sam-
félagsþróun, treysta stoðir
menningar og auka sam-
keppnishæfni landshlutans og
landsins alls“.
Þrjá hæstu styrkina hlutu
eftirfarandi: Selasetur Íslands,
samtals kr 5.950.000, annars
vegar stofn- og rekstrarstyrk og
hins vegar til eflingar atvinnulífs
og fjölgunar starfa í Húnaþingi
vestra. Einar Daníel Karlsson, kr.
3.950.000 en verkefni hans
kallast Floating fender chair.
Iceprotein 3.000.000 til þróunar
og markaðssetningar á þorsk-
prótein fæðubótaefnum. Heild-
arlista yfir styrkhafana má finna
á feyki.is og ssnv.is. /KSE
F.v. Einar Daníel Karlsson, Kári Kárason og Hólmfríður Sveinsdóttir.
MYND: Ingibergur Guðmundsson (SSNV)
Kárason, Sigurður Ingi Ragnars-
son, Joel Thomas Magoun,
Birkir Snær Gunnlaugsson,
Yngvi Jósep Yngvason, Gunnar
Ingi Gunnarsson og Páll Arnar
Ólafsson. /KSE