Feykir - 16.06.2015, Qupperneq 4
4 23/2015
Körfubolti : 1. deild kvenna
Bjarni Bjarnason t.v. og Iðunn Jónsdóttir kona hans, sem er bróðurdóttir Sjafnar, færðu þeim Sjöfn (t.h.) og Jóni (f. miðju)
þessar skemmtilegu húfur frá kaffihúsi Bakkabræðra á Dalvík. MYND: KSE
Þegar blaðamann bar að garði var hafin vinna við að hlaða náttúrulaug þar sem
jarðhitinn sprettur uppúr Reykjarhólnum. MYND: KSE
Gistiheimilið Gimbur á Reykjarhóli í Fljótum. Mynd úr einkasafni
Gimbrarklettur MYND: SNORRI E.
Óðinshani MYND: SNORRI E.
Magnaður staður í stórbrotnu umhverfi
Gistiheimilið Gimbur opnað í Fljótum
Í vor opnuðu hjónin Sjöfn
Guðmundsdóttir og Jón
Sigurmundsson Gistiheimilið
VIÐTAL
Kristín Sigurrós Einarsdóttir
Gimbur á Reykjarhóli í Fljótum. Stendur það við þjóðveg
76, Siglufjarðarveg, um 20 kílómetrum norðan við Hofsós.
Húsið stendur fyrir opnu hafi þar sem örskammt er milli
fjalls og fjöru og ósnortin náttúra allt um kring. Kjörorð
gestgjafanna eru sjálfbærni og gestrisni. Í matargerð er notað
hráefni úr heimabyggð og allt ræktað á staðnum sem hægt er.
„Ég hef verið með annan fótinn á
þessum stað síðan pabbi rak hér
fiskeldi en hann keypti jörðina
1980,“ segir Sjöfn um tengsl sín
við staðinn. Faðir hennar var
Fljótamaðurinn Guðmundur
H. Jónsson, oft kenndur við
Byko. „Ég var hérna mikið með
honum og tók fljótt ástfóstri við
staðinn. Elsti sonur okkar Jóns
er einhverfur og hann var mjög
„aktífur“ sem barn. Honum
leið hvergi betur en hérna.
Hundurinn sem var hérna hjá
Jóa (Jóhannesi Runólfssyni,
fyrrum ábúanda) flutti alltaf
yfir til okkar þegar við komum
og hann passaði strákinn fyrir
okkur. Það var svo yndislegt að
vera hérna,“ segir Sjöfn. Þegar
Guðmundur féll frá eignaðist
Jón Helgi sonur hans Reykjarhól
en bauð Sjöfn og Jóni að „taka
staðinn í fóstur“, eins og þau
orða það.
„Ég hef verið hérna öll sumur
síðan 2010 og þessi hugmynd
hefur verið að þróast, að gera
eitthvað svo maður geti verið
hérna meira“. Gistiheimilið hafa
Sjöfn og Jón innréttað af mikilli
smekkvísi. Um er að ræða um
250 fermetra hús með fimm
herbergjum þar sem tvö til
þrjú herbergi deila saman bað-
herbergi og sturtu en alls eru
gistirýmin tólf í húsinu. Á efri
hæðinni er stór stofa, um 40-
50 fermetrar, sem mætti frekar
kalla samkomusal. Þau hafa
einnig yfir öðru húsi að ráða
og geta því tekið á móti allt að
20 manna hópum. Aðgangur
er að vel búnu eldhúsi og grilli
en boðið er upp á morgunverð
gegn vægu gjaldi og kvöldverð
fyrir hópa sem panta slíkt.
Staðurinn býður upp á ýmsa
möguleika í viðbót því við
húsið er bílskúr sem er á annað
hundrað fermetrar að stærð og
góð útihús, ásamt óþrjótandi
heitu vatni. Verið er að hlaða
upp náttúrulaug á staðnum, í
sjálfum Reykjarhólnum.
Salurinn er á efri hæðinni
og þar eru gluggar á alla
vegu og stórbrotið útsýni. Úr
suðurglugganum blasir við
tignarlegt fjall, Gimbraklettur,
sem gistihúsið dregur nafn sitt
af. Miðnætursólin sést vel allt
sumarið og frá miðjum júní og
út mánuðinn sest sólin aldrei.
„Á veturna fögnum við svo
myrkrinu með sínum stjörnum
og norðurljósum,“ segja
Sjöfn og Jón. Og ekki virðist
nú amalegt að sitja í heitum
potti á veglegri verönd vestan
við húsið, þar sem opna má
skjólvegginn í góðu veðri til að
njóta betur útsýnisins.
Jón og Sjöfn eru mikið úti-
vistarfólk og eru í nánum
tengslum við umhverfið. Þau
segja fuglalíf gífurlega fjölbreytt
á staðnum og hafa skráð
rúmlega sextíu tegundir fugla
í næsta nágrenni. „Hingað
kom fuglaskoðari um daginn
sem ljósmyndaði 25 tegundir á
einum og sama deginum sem
þykir frábært. Staðurinn hentar
líka mjög vel fyrir gönguhópa,
veiðimenn og hestamenn. Við
erum til að mynda með gerði
fyrir hesta,“ segja þau.
Fimm víkur ganga inn í
landið á Reykjarhóli; Kolluvík,
Sultarvík, Bæjarvík, Þorvaldsvík
og Helguvík. Herbergin heita svo
hvert eftir sinni vík. „Hver vík er
paradís út af fyrir sig. Þarna er
rekaviður, fuglalíf og selir. Þetta
er ekkert ósvipað og maður
upplifir á Hornströndum. Það
er líka hressandi að fá sér göngu
við hafið,“ segja Sjöfn og Jón.
Þau segja að óneitanlega sé
Gimbrakletturinn líka veðra-
valdur á staðnum því það blæs
oft hressilega niður Stafárdalinn.
Oft er mikið brim við víkurnar
og hafa nokkrir ofurhugar reynt
sig á sjóbrettum þar.
Líkt og svo víða um landið
á sérhver steinn sína sögu og
í landi Reykjarhóls er eyði-
býlið Bakki. Við það býli eru
Bakkabræður kenndir við í
þjóðsögum Jóns Árnasonar.
Þar eru þeir að vísu fjórir, Gísli,
Eiríkur, Þorsteinn og Jón og eru
taldir Þorsteinssynir. Einhverjir
telja þó að faðir þeirra hafi verið
Björn Ingimundarson, ættaður
úr Ólafsfirði, og hafi búið á
Bakka nálægt 1600. Hægt er að
ganga um jörðina á Reykjarhóli
og finna þá staði sem nefndir
eru í sögunum. Að minnsta
kosti einn þeirra bræðra, Gísli,
var giftur. Kona hans hét Gróa
og var kölluð einsýna Gróa því
hún var eineygð. Þau eignuðust
afkomendur og frá þeim eru
raktar ættir í þjóðsögunum.
Sjöfn er ekki í nokkrum vafa
um að þarna séu komnar hinar
eiginlegu Bakkabræðrasögur og
segist geta rakið ættir sínar til
Gísla og Gróu.
Sögurnar sem skráðar eru um
bræðurna frá Bakka í Fljótum
eru flestar þær sömu og sagðar
eru af hinum svarfdælsku
Bakkabræðrum, Gísla, Eiríki og
Helga sem hafa orðið þekktari
í seinni tíð. Þó eru þær lítið eitt
lengri og nákvæmari og auk
þess fleiri. Þessar sögur voru
skráðar af séra Jóni Norðmann
sem fæddur var 1820 og lengi
var prestur á Barði í Fljótum.
Jón Árnason þjóðsagnasafnari
tók sögur hans upp í safn sitt.
Auk hinnar mögnuðu náttúru
í nágrenni Reykjarhóls er stutt
að fara og skoða söfn og aðra
fjölbreytta menningu. Um
það bil hálftíma akstur er á
Vesturfarasafnið á Hofsósi,
Samgönguminjasafnið í
Stóragerði eða á Siglufjörð. Þá
er hinn rómaði veitingastaður
í Lónkoti í aðeins 5 mínútna
fjarlægð og steinsnar í hestaleigu
í Langhúsum í Fljótum.