Feykir - 16.06.2015, Síða 6
6 23/2015
Heilsuveisla í heita pottinum.
Jóhanna og Karla umkringdar börnum.
Hún gekk um ganga
langa lampann með
og leit um sali alla kalli hlýðin.
Þar fannst að sálar
máli rösku réð
sú ræktin góða er þjóða mest er prýðin.
Því líf að leysa,
reisa varnar vegg
hún vildi - til þess frekast þreki búin.
Og hvergi tefja
en hefja á líknar legg
það leiðarstef er gefur kærleikstrúin.
Og hugsjón hennar
brennur hátt um heim
sem hjálparljós á öllum völlum slysa.
Þar ennþá anga
og fanga sigurseim
þau sólarblóm er ljóma að hætti blysa!
Rúnar Kristjánsson
Konan með lampann
AÐSENT
AÐSENT
RÚNAR KRISTJÁNSSON SKRIFAR
JÓNSMESSUVAKTIN
Jónsmessuhátíðin á Hofsósi 2015
Helgina 19. – 20. júní verður
Jónsmessuhátíðin á Hofsósi
haldin hátíðleg í þrettánda
sinn. Upphaf hátíðarinnar má
rekja til verkefnisins Breytum
byggð og voru þá nokkrir
einstaklingar sem tóku sig
saman og skipulögðu hátíðina.
Síðan þá hefur aðeins kvarnast
úr hópnum en þeir fjórir
einstaklingar sem skipa
Jónsmessuhátíðarnefnd í dag
hafa verið með frá upphafi.
Jónsmessuhátíðin skipar orðið
stóran sess í samfélaginu á
Hofsósi og er í raun samfélags-
verkefni, þar sem margir ein-
staklingar og flest öll félagasamtök
á svæðinu taka höndum saman
og gera hátíðina að þeirri
skemmtilegu fjölskylduhátíð sem
hún er. Með hátíðinni er ekki
bara verið að skemmta börnum
og fullorðnum heldur gerir hún
okkur kleift að styrkja ein-
staklinga á erfiðum tímum,
félagasamtök og skóla. Það eru
mikil forréttindi að geta gefið af
sér til samfélagsins og hefur
Jónsmessuhátíð verið svo heppin
að geta lagt ýmsum einstakl-
ingum og málefnum lið. Má þar
t.d. nefna:
• Styrk til kaupa á flygli,
ljósaborði og sýningatjaldi fyrir
félagsheimilið Höfðaborg.
• Styrk til útgáfu á bæklingnum
Heimabyggðin mín, sem leik-
skólinn Tröllaborg og Grunn-
skólinn austan Vatna stóðu að.
• Styrk í söfnun Rotary vegna
kaupa á ristilskimunartæki fyrir
Heilbrigðisstofnunina á
Sauðárkróki.
• Leikskólanum Tröllaborg/
Barnaborg höfum við lagt til
hráefni í sumarslútt undanfarin
ár.
• Vini okkar Magnús frá
Brekkukoti, Kristínu
Snorradóttur og Pálma frá
Garðakoti styrktum við á
erfiðum tímum.
• Einnig höfum við keypt
ýmislegt smálegt og gefið, t.d.
hjólaborð og jólatré í Höfðaborg,
sandkassa, minigolf og
körfuboltaspjöld fyrir Grunn-
skólann austan Vatna.
Að auki höfum við getað greitt
félagasamtökunum örlitla pen-
ingaupphæð ár hvert fyrir þeirra
framlag til hátíðarinnar.
Er það von okkar sem staðið
höfum vaktina sem Jónsmessu-
hátíðarnefnd, að við höldum
áfram að standa saman og njóta
hátíðarinnar.
Við hlökkum til að sjá ykkur sem
flest á Jónsmessuhátíð 2015!
Kristján Jónsson
Bjarni Þórisson
Guðrún Þorvaldsdóttir
Sigmundur Jóhannesson