Feykir - 17.12.2015, Síða 21
48/2015 Feykir 21
Jólin í vinnunni :
Jónína Ögn Jóhannesdóttir
matráður á Hvammstanga
„Ómissandi að
fara í kirkju
um jólin“
gift Birgi Jónssyni og starfar sem matráður við
Heilbrigðisstofnunina á Hvammstanga.
-Ég hef ekki verið í vinnu á aðfangadagskvöld, en
mjög oft á aðfangadag til kl. 17:00. Mér hefur
fundist það mjög
skemmtilegt.
Færðu
að borða í
vinnunni og með
hverjum borðar þú?
-Bara það sem er á boðstólnum og ég borða með
samstarfsfólki.
Breytast jólasiðir og tímasetningar á jólahaldi
hjá öðrum í fjölskyldunni vegna vinnu þinnar á
jólunum?
-Já, jólamatnum hjá mér seinkar á aðfangadag.
Hvaða jólahefðir finnast þér ómissandi?
-Mér finnst ómissandi að fara í kirkju um jólin.
Rjúpan var líka ómissandi jólamatur.
Eftirminnilegur viðburður tengdur jólahaldi?
-Þegar ég eignaðist mitt fyrsta barn. Hún fæddist rétt
fyrir jólin og ég var þar af leiðandi inná sjúkrahúsi
alla jólahátíðina.
UMSJÓN
Kristín S. Einarsdóttir
Jónína Ögn
Jóhannesdóttir býr á
Hvammstanga. Hún er
„Ég trúði ekki að ég væri
að tala við sjálfan Dr. Phil“
Skagfirðingar fylgdust með Dr. Phil í sjónvarpssal
Æskuvinkonurnar Sólveig
Birna Halldórsdóttir og
Tanja Rut Pálsdóttir fóru
til Los Angeles í
Bandaríkjunum til að
fylgjast með upptökum á
spjallþættinum Dr. Phil.
Þátturinn er nefndur eftir
þáttarstjórnandanum
heimskunna, sálfræð-
ingnum Phil McGraw, og
ætti að vera flestum
Íslendingum kunnugur.
Þátturinn hefur verið til
sýningar á SkjáEinum
um árabil en þar hjálpar
Dr. Phil fólki að leysa
vandamál sín.
Vinkonurnar eru báðar frá
Sauðárkróki, Sólveig er
dóttir Elísabetar Sóleyjar
Stefánsdóttur og Halldórs
Þorsteins Gestssonar og
Tanja Rut er dóttir Önnu
Kristínar Björnsdóttur og
Páls Pálssonar. „Ég hef
verið mikill aðdáandi Dr.
Phil og hef horft á hann
nánast síðan ég man eftir
mér,“ segir Sólveig um
tildrög þess að þær vin-
konurnar fóru vestur um
haf. Sólveig segist marg-
sinnis hafa sótt um að fá að
fara í þáttinn, fyrst fyrir
fjórum árum þegar hún var
14 ára gömul. Svarið kom
loksins í september síðast-
liðnum. „Í póstinum stóð
að þeir byðu vanalega bara
fólki frá Ameríku, eða ná-
grannalöndum þeirra, en
þau vildu endilega bjóða
okkur að koma. Þegar ég las
póstinn frá honum hugsaði
ég mig ekki tvisvar um
heldur byrjaði ég fyrst á því
að fá frí í vinnunni þessa
daga sem ég myndi fara út,
sem ég fékk auðvitað,
pantaði síðan flugið nokkr-
um dögum síðar,“ segir
Sólveig glöð í bragði.
Þegar út var komið voru
vinkonurnar yfir sig
spenntar að fara í þáttinn
en mæting var kl. 8:00 að
morgni dags þess 17.
nóvember sl. „Við fengum
að horfa á tvo þætti hjá Dr.
Phil. Þegar við mættum þá
voru símarnir strax teknir
af okkur og við þurftum að
skrifa undir allskonar
pappíra til að samþykkja að
koma í mynd. Svo var
labbað í gegnum öryggis-
hliðið og beðið í um
klukkutíma inni í litlum sal.
Síðan vorum við kallaðar
upp eftir því hvernig miða
við vorum með. Við Tanja
fengum að sitja fremst í
fyrsta þættinum og í seinni
þættinum fengum við að
sitja fyrir aftan Robin, sem
er kona Dr. Phil,“ útskýrir
Sólveig. Það fyrsta sem
Sólveig hugsaði með sér var
hve mikið minna stúdíóið
er í raunveruleikanum en
það lítur út fyrir að vera í
sjónvarpinu.
Dr. Phil kom fram áður
en tökur hófust, spjallaði
við áhorfendur og afhenti
þeim gjafir. „Hann sagði
svo að þangað væru
komnar tvær ungar dömur
alla leið frá Íslandi og ég
auðvitað trylltist,“ segir
hún og hlær. „Ég var beðin
að standa upp og kom kona
hlaupandi með míkrafón.
Hann spurði mig hvort við
værum virkilega að koma
alla leið frá Íslandi til að
koma í þáttinn, ég var svo
stressuð ég trúði ekki að ég
væri að tala við sjálfan Dr.
Phil! Ég man varla hvað ég
sagði við hann en ég man
að hann gaf okkur Tönju
Dr. Phil bolla og bók. Robin
gaf okkur tvo stressbolta
merkta henni og Dr Phil.“
Upptökur byrjuðu stuttu
seinna.
„Tók svolítið á
að horfa“
Sólveig segir umræðuefni
fyrri þáttarins hafa verið
um konu sem eignaðist
barn 15 ára, barnið var
tekið af henni og sett í
ættleiðingu til ungrar konu
sem gat ekki eignast börn.
Mikil reiði var á milli
Sólveig Birna og Tanja Rut í Hollywood.
VIÐTAL
Berglind Þorsteinsdóttir
móður og konunnar sem
ættleiddi barnið og var Dr.
Phil að aðstoða þær við að
ná sáttum. Seinni þátturinn
fjallaði um stelpu sem hafði
verið fyrirmyndarungling-
ur en líf hennar breyttist
sviplega þegar amma
hennar lést fyrir framan
hana og síðan lést kærasti
hennar í sama rúmi og hún.
Í kjölfarið leiddist hún út í
fíkniefnaneyslu og þyngdist
um 100 kg.
„Umræðan var aðallega
um hvaða afleiðingar það
gæti haft ef einstaklingur
þarf að horfa uppá náinn
ættingja deyja fyrir framan
sig. Það tók svolítið á að
horfa á þennan þátt þar
sem ég þurfti að upplifa það
sama og þessi unga stelpa
þegar mamma dó í faðmi
mér,“ segir Sólveig en
móðir hennar, Elísabet
Sóley, lést úr krabbameini í
febrúar síðastliðnum. Hún
segir það hafa hjálpað sér
mikið að heyra Dr. Phil
ræða um þessi mál.
Sólveig segir það standa
einna mest uppúr þegar
vinkonurnar hittu bæði Dr.
Phil og Robin og fengu að
tala við þau persónulega.
Þær hafi þó rætt meira við
Robin þar sem þær sátu
fyrir aftan hana og spjallað
við hana áður en tökur
hófust. Dr. Phil McGraw.
Að byggja brú milli leik- og grunnskóla,
verkefni Sveitarfélagsins Skagafjarðar,
hlaut í síðustu viku gæðaviðurkenningu
menntaáætlunar Evrópusambandsins við
hátíðlega athöfn Ásmundarsafni. Tíu
verkefni, sem hafa verið styrkt af
áætluninni, hljóta viðurkenningarnar í ár.
Verkefnin eiga það sammerkt að hafa sýnt
fram á nýsköpun og nýbreytni í menntun,
stuðlað að þátttöku fjölbreyttra hagsmuna-
hópa í alþjóðasamstarfi og haft áhrif á skóla-
starf einstakra stofnana sem og víðtækari áhrif
í skólasamfélaginu. Það var Illugi Gunnarsson
ráðherra sem afhenti viðurkenninguna. /BÞ
Sveitarfélagið Skagafjörður
Gæðaviðurkenning