Feykir - 06.07.2016, Blaðsíða 9
26/2016 9
Heilir og sælir lesendur góðir.
Það er Ármann Þorgrímsson sem er höfundur
að fyrstu vísunni að þessu sinni. Mun tilefni
hennar það að all snörp umræða fór fram um
bága stöðu lífeyrissjóða.
Arð ef viljum aukinn sjá
af eignastýringunum.
Fyrsta skrefið finnst mér þá,
fækkum gamlingjunum.
Þegar rætt er um á hvaða hraðferð Íslands-
maðurinn sé á tækniöld yrkir Ármann.
Hratt er riðið, gatan greið
grundir undir taka,
ef við förum alla leið
enginn snýr til baka.
Ein vísa kemur hér í viðbót eftir Ármann, og
mun hún ort er hann heyrði Íslandssöguna
túlkaða á nýjan hátt.
Entist varla orðaforðinn
ef ég segi huga minn.
Nú er Hannes Hólmsteinn orðinn
helsti sögu skýrandinn.
Heyrum næst frá hinum magnaða gleðimanni
og áður Skagfirðing, Kristjáni Runólfssyni.
Skálda-Grána gríp til kosta,
glaðning margur fær,
en ekkert skil í ógnarþorsta
eins og ég drakk í gær.
Dásamlegir dagar hafa verið nú að undan-
förnu hjá okkur hér fyrir norðan með sól
og góðum hita, er þessi þáttur er í smíðum.
Kannski hefur það verið við svipaðar aðstæður
sem Ingólfur Ómar orti svo.
Sumarnóttin björt og blíð
birtu fróni gefur.
Grundir, móa, holt og hlíð
hlýjum örmum vefur.
Verri sumarbyrjun hefur verið þegar Gunnar J.
Straumland orti þessa.
Í veðraskaki versnar geð
vindgangurinn þrumar.
Bylur í og blotnar með
blautt er þetta sumar.
Ingólfur Ómar vill frekar yrkja um gott sumar.
Veröld ljómar, drungi dvín
daga rómum langa.
Söngvar óma sólin skín
sumarblómin anga.
Einhverju sinni er rætt var um skagfirskt grobb
á vísnaþingi, mun Ragna Guðvarðardóttir
hafa ort svo.
Drottni þótti dauft á jörð
hann dreymdi um eitthvað meira,
Svo skapaði hann Skagafjörð
þá skorti hann ekkert fleira.
Eftir að Gunnar Straumland heyrði umrædda
vísu mun þessi hafa orðið til.
Margt er það sem miður fer
meðal Íslendinga,
Vísnaþáttur 668
En hæst af öllu í heimi ber
hógværð Skagfirðinga.
Vel líkar Ingólfi Ómari slík orðræða og er
meira en fús að bæta við.
Margt er það sem miður fer
meðal Íslendinga.
En hátt á lofti halda ber
hróðri Skagfirðinga.
Freistast til að loknum þessum glettum að
bæta við einni laglegri vísu eftir Ingólf.
Geðið léttir glæðir fjör
glatt er á Bragaþingum.
Þegar verður andinn ör
í okkur Skagfirðingum.
Segir þá næst af morgunverkum Svandísar
Torfadóttur.
Þegar ég á fætur fer
fersk í morgunsárið.
Hafragraut á borðið ber
og bleksterkt kaffi tárið.
Tel mig vita nokkuð fyrir víst að hafa áður
birt þessa kunnu vísu Einars E. Sæmundssen.
Samt gaman að rifja hana sem oftast upp.
Brestur vín og brotnar gler
bregðast vinir kærir,
en á Blesa eru mér
allir vegir færir.
Einar var eins og einhverjir kannski muna
mikill hestamaður og þótti honum afar
vænt um sína hesta. Næsta vísa er ágætur
vitnisburður þar um.
Hefur tíðum heimsins kló
harma vakið sára,
en lífið finnst mér fegra þó
fyrir þessa klára.
Ekki mun Einar hafa talið það mönnum til
lasta þó þeir fengju sér brjóstbirtu af og til eftir
næstu vísu hans að dæma.
Ég við mína sálu sver
Síst skal undan hopa.
Glaður ég til fjandans fer
Fyrir wiský dropa.
Næsta vísa mun vera til í nokkuð mörgum
útgáfum og veit ég ekki hver er sú rétta. Hef
heyrt hana eignaða Þórarni Sveinssyni bónda
í Kílakoti og lærði hana svo á unga aldri.
Munn hann þar vera að lýsa sveitunga sínum.
Skarðan drátt úr býtum bar
barn að háttum glaður.
Völl hann átti en hann var
enginn sláttumaður.
Gott að enda með þessum sannleika Þórar-
ins.
Einn í þögn ég uni hér
angrið dó í geði.
Bakkus fögnuð færði mér
fulla ró og gleði.
Veriði þar með sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON ) kristin@feykir.is
Þegar þetta er skrifað
er mikið um að vera.
Ég er nýkomin heim af
stórkostlegu Landsmóti
hestamanna að Hólum
í Hjaltadal, Íslendingar
komust í 8 liða úrslit á EM
karlkyns í fótbolta og svo
er búið að gefa út alveg
frábært þjóðhátíðarlag.
Ég er semsagt virkilega
stolt af því að vera
Íslendingur þessa dagana.
Ég er reyndar alltaf stolt
af því að búa á þessu
blessaða skeri okkar
sama hvað gerist eða
hefur gerst í gegnum
tíðina en það er misjafnt
eftir fólki eins og gengur.
Ég er almennt gersamlega
laus við fótboltaáhuga
en hef því meiri áhuga
á hestaíþróttum, hef því
ekki mikinn samanburð
af þessum tveimur
íþróttagreinum. Það sem
hefur hins vegar hrifið mig
við báða þessa viðburði er
samheldnin og samstaðan
sem hristir alla landsmenn
saman.
Fyrir EM voru ansi margir
sem voru neikvæðir, héldu
að strákarnir okkar hefðu
lent inni á móti fyrir slysni
og höfðu ekki mikla trú á
frammistöðu þeirra.
Fyrir Landsmót á Hólum
voru margir sem voru
neikvæðir, héldu að það
væri ekki hægt að halda
almennilegt landsmót
þarna fyrir norðan dúk og
disk og að þetta mót yrði
hreinasti skandall.
Svo leið tíminn.
Fótboltastrákarnir okkar
komust í 8 liða úrslit sem
er einstakt afrek og á
Landsmóti á Hólum var
slegið heimsmet í skeiði.
Bæði eitthvað sem enginn
hefði trúað fyrirfram.
Á laugardagskvöldi á
Landsmóti hestamanna
var tekið upp heróp til
heiðurs fótboltaliðinu sem
er í þessum úrslitum á EM
karla, mér fannst það falleg
sameining íþróttagreina.
Það sem skiptir samt
mestu máli er samheldnin
og samstaðan sem öll
þjóðin hefur sýnt. Allir
landsmenn halda með
okkur og meira að segja
ég, sem hef nákvæmlega
engan áhuga á fótbolta,
stóð mig að því að föndra
landsliðsbúning til að geta
verið með í fjörinu.
Er ekki bara kominn tími til
að við leyfum okkur að trúa
á ágæti okkar og hættum
að rakka okkur sjálf niður?
Leyfum okkur að vera stolt
af okkar litlu en fallegu
eyju. Við getum ýmislegt ef
við stöndum saman.
- - - -- -
Ég skora á ...
Sigríður Ólafsdóttir frá Víðidalstungu, Húnaþingi vestra, skrifar
Samheldni og samstaða hristir alla landsmenn saman
ÁSKORENDAPENNINN
UMSJÓN kristin@feykir.is
Nýr heitur
pottur
Sundlaug Skagastrandar
Þann 22. júní fór fram
fundur hjá sveitastjórn
Skagastrandar. Þar var
lögð fram tillaga að nýjum
heitum potti við Sundlaug
Skagastrandar en tillagan
var unnin af Ágústi
Hafsteinssyni, arkitekt.
Ráð er gert fyrir að heiti
potturinn verði 10-12 manna
og að við hann hann verði
settur glerveggur í stað
núverandi skjólgirðingar.
Áætlaður kostnaður við
framkvæmdina eru 6,7
milljónir króna.
Samþykkt var að ráðast í
breytingarnar á sundlauginni
samkvæmt fyrirliggjandi
gögnum. Í fjárfestingar-
áætlun sveitarstjórnarinnar
er ekki gert ráð fyrir verkinu
en sveitarstjórinn mun taka
saman viðauka fyrir næsta
fund. /BG