Feykir - 28.07.2011, Blaðsíða 7

28/2011 Feykir 7
öll upp með. Hér er sem sagt
um að ræða búnaðarblað í
anda þess sem hann var þar
sem áherslan verður á að
birta hagnýtan fróðleik á sviði
landbúnaðar.“
Þú hefur verið ötull tals-
maður þess að Ísland fari
ekki í Evrópusambandið
og duglegur að benda á að
matarverð hér sé ekki verra
en gengur og gerist annars
staðar af hverju þessi mikla
sannfæring?
„Ég verð bara að viðurkenna
að mér finnst það hálf bilað að
kvarta yfir matvælaverði þegar
það er þó þetta lágt hlutfall
af kostnaði við að vera til.
Peningum sem varið er í mat er
alltaf vel varið, sama verður ekki
sagt um margt annað. Að nota
hátt matvælaverð sem ástæðu
til inngöngu virkar því ekki
á mig. Nær væri að reyna að
benda á einhver menningarleg-
eða söguleg tengsl okkar við
meginlandið, eða eitthvað í
þá áttina en það virðist bara
ekki vera til staðar sem rök
fyrir Evrópumálstaðnum og
persónulega sé ég bara ekki að
Íslendingar eigi samleið með
miðstýringabákninu í Brussel.“
Mun Freyja verða lituð af
þessum skoðunum þínum?
„Freyja er nú fyrst og fremst
ætlað að fjalla um landbún-
aðarfræði fremur en pólitík
þó eflaust verði að einhverju
leyti komið inn á þau mál
sem eru í umræðunni hverju
sinni. Ritstjórnarstefna blaðs-
ins miðar að því að Freyja
birti efni sem er íslenskum
landbúnaði til framdráttar. Við
þrjú sem stöndum að blaðinu
myndum ritstjórn sem tekur
sameiginlegar ákvarðanir um
efni blaðsins auk þess sem á
bak við ritstjórnina er ritnefnd
5 valinkunnra fræðimanna.“
En að Freyju, hvenær er von
á fyrsta blaðinu og hverjir
munu skrifa í blaðið?
„Fyrsta tölublaðið kemur út
6. ágúst næstkomandi og er
vinna við það langt komin.
Almennt séð vonumst við til að
ráðunautar, fræðimenn á sviði
landbúnaðar og aðrir sem telja
sig hafa eitthvað fram að færa,
sjái sér hag í að senda okkur
efni í blaðið. Miðað er við að
efnið spanni sem mest land-
búnaðinn í heild sinni og í fyrst
tölublaðinu er til að mynda
fjallað um loðdýrarækt, fóðrun,
bútækni, nautgriparækt, garð-
rækt o.fl. auk þess sem við
reynum að líta út fyrir land-
steinana og skyggnast til baka í
landbúnaðarsöguna.“
Hver verður dreifingin á
blaðinu?
„Blaðinu verður fyrst og
fremst dreift sem vefútgáfu
á heimasíðu útgáfufélagsins
www.sjarminn.is og verður
blaðið opið fyrir alla sem vilja
lesa það. Hægt er að skrá sig
á póstlista og fá blaði sent á
pdf-formi án endurgjalds.
Fyrir þá sem ekki vilja lesa af
tölvuskjánum eða einfaldlega
vilja eiga blaðið á hörðu eintaki
er hægt að hafa samband við
einhvern af aðstandendum
blaðsins og fá prentað eintak
gegn greiðslu fyrir prentun og
sendingarkostnaði.“
Ef fólk vill nálgast blaðið nú
eða koma í það efni hvert á
það að snúa sér?
„Í báðum tilfellum er best
að snúa sér til einhvers í
útgáfufélaginu en allar upplýs-
ingar um hvernig hægt er að ná í
okkur eru á heimasíðu félagsins
www.sjarminn.is einnig er hægt
að senda tölvupóst á sjarminn@
sjarminn.is.“
Kemur þetta til með að vera
blað eingöngu fyrir starfandi
bændur?
„Nei alls ekki! Ég tel að efni
blaðsins höfði til allra sem hafa
áhuga á íslenskum landbúnaði
hvort sem þeir eru starfandi
bændur eða ekki.“
Nú ert þú staddur hér heima
á Íslandi í námsleyfi kemur
þú til með að helga blaðinu
krafta þína í fríinu eða er tími
fyrir aðra vinnu?
„Því miður lifir maður ekki á
hugsjónunum einum saman
(þó að furðulega margir haldi
að það sé svo) og því verð ég
að sjá mér farborða með því að
vinna "heiðarlega" vinnu. Þar
er ég undir skónum á sveitunga
mínum, Magnúsi, einnig
þekktur sem Þrælahaldarinn
frá Þverá.“
Hvað með Skagafjörðinn þitt
heimahérað telur þú líklegt að
þú munir snúa
heim að námi loknu?
„Það er auðvitað ekkert blaða-
viðtal án þess að viðmælandi
komi með digurbarkalega
yfirlýsingu, og hér kemur hún;
það er alveg pottþétt að ég snúi
heim í Skagafjörðinn að námi
loknu.“
Axel það er ekki hægt að skilja
við ungan mann án þess að
spyrja hann út í ástina hún
hefur ekki barið að þínum
dyrum?
„Góðir hlutir gerast hægt.“
Eitthvað að lokum?
„Vil bara minna aftur á útgáfu-
dag Freyju, 6. ágúst á www.
sjarminn.is.“
( TÖLVUPÓSTURINN )
Tónlistarhátíðin Gæran mun fara fram í húsnæði Loðskinns helgina
12. - 14. ágúst næstkomandi en þetta er í annað sinn sem hátíðin er
haldin. Stefán Friðrik Friðriksson er einn skipuleggjenda hátíðarinnar,
sem er hugarfóstur hans og félaga hans, sem vildu sjá hér svipaða hátíð
og Aldrei fór ég suður sem haldin er á Ísafirði um hverja páska.
Feykir sendi Stefáni línu og forvitnaðist um Gæruna.
Styttist í Gæruna 2011
Sæll Stefán er undirbúningur alveg á fullu
þessa dagana? „Já það er óhætt að segja að nú
sé allt á fullu. Það eru mörg símtöl og tölvupóstar
á hverjum degi, enda orðið mjög stutt í veisluna.“
Hverjir standa að Gærunni? „Við erum fimm
sem stöndum að þessu í ár. Með mér í þessu
eru Sigurlaug Vordís, Ragnar Pétur, Fúsi Ben og
Stefán Arnar.“
Er þetta sami hópur og í fyrra? „Nánast. Nema
Helgi Sæmundur gat ekki verið með þetta árið og
fengum við Stefán Arnar til að fylla skarðið.“
Hvaða bönd verða á Gærunni þetta árið? „Það er
af nógu af taka í ár eins og í fyrra. Hljómsveitalistann
má sjá á gæran.is og á facebook. En það eru stór
nöfn þarna eins og Múgsefjun, Blaz Roca, The
Vintage Caravan, Valdimar. Brother Grass, Biggi
Bix, Douglas Wilson, Benny Crespo´s Gang og
Vigri. Svo er líka fullt af nýjum sem og reyndari
skagfirskum hljómsveitum s.s. Contalgen Funeral,
Hljómsveit Geirmundar, Rock to the Moon, Úlfur
Úlfur ofl. Svo má ekki gleyma að á fimmtudeginum
verður svakalegt sólókvöld þar sem fullt af
Skagfirðingum koma fram með gítarinn að vopni
og verða í ruglinu. Þetta verður rosalegt.“
Nú hefur undirbúningur líklega staðið yfir í
einhvern tíma hvað tekur í raun langan tíma að
skipuleggja svona hátíð? „Við erum með þetta
á bakvið eyrað allt árið, hringjum mikið í hvort
annað þegar við heyrum í góðri hljómsveit sem
við viljum fá eða erum með nýjar hugmyndir. En
formlegur undirbúningur hófst núna í febrúar með
styrkumsóknum og öðru slíku stuði. Núna fundum
við nánast daglega. Enda tékklistinn mjög langur
og margt sem þarf að huga að.“
Húsnæðið kom skemmtilega út í fyrra verður
svipuð uppsetning í ár?
„Já ég býst við að uppsetningin verði algjörlega
copy/paste, enda kom þetta frábærlega út í fyrra.
Eina stóra breytingin er að við verðum með annað
og betra hljóðkerfi í ár. En við gerðum samning
við Exton og verða hljómgæðin úr þessum heimi.“
Hvernig fjármagnið þið svona hátíð?
„Það eru aðallega styrkir frá fyrirtækjum og
stofnunum. Menningarráð Norðurlands vestra og
Menningarsjóður KS gáfu okkur líka góða styrki
ásamt því að sveitarfélagið hefur svo sannarlega
staðið sig með mikilli prýði með alla þá aðstoð sem
við þurfum. Við erum mjög þakklát öllum þessum
aðilum sem sjá sér fært að styrkja okkur. En svona
hátíð kostar mikið af peningum og því mikilvægt
að fá þá hjálp fjárhagslega sem við þurfum. En
von okkar er að hátíðin verði algjörlega sjálfbær og
ekki upp á aðra komin eftir nokkur ár. Þess vegna
er mjög mikilvægt fyrir alla að mætingin verði góð,
bæði af Skagfirðingum og aðkomufólki.“
Markhópurinn, hver er hann? „Markhópurinn er í
raun allir sem hafa gaman af lifandi tónlist. Ungir
sem aldnir. Það ætti að vera eitthvað fyrir alla. Svo
lengi sem fólk fílar tónlist þá fílar það Gæruna.“
Eina gagnrýnin sem heyrðist í fyrra var að böndin
þá hefðu kannski höfðað til full þröngs hóps
hafið þið eitthvað brugðist við þeirri gagnrýni?
„Það er alltaf erfitt að gera öllum til geðs eins og
í svo mörgu. Markmið hátíðarinnar er að gefa
ungum norðlenskum hljómsveitum tækifæri á
að spreyta sig í geggjuðu hljóðkerfi fyrir framan
fullt hús af tónlistarunnendum. Við erum ekki að
borga neinni hljómsveit til að spila hjá okkur fyrir
utan ferðakostnað, mat og gistingu. Þess vegna
er rosalega erfitt að fá stærstu nöfnin. Hins vegar
finnst mér að við höfum staðið okkur vel í að hafa
þetta eins fjölbreytt og hægt er. Í ár erum við með
allan skalann, Blue grass, rokk, hip hop, metal,
country og allt þar á milli. Allt í allt eru þetta 27
atriði á Gærunni. U.þ.b. 5 heimildarmyndir um
íslenska tónlist. Þannig að ég get lofað því að það
er eitthvað fyrir alla.“
Eitthvað að lokum? „Ég vil bara hvetja sem
flesta til að kynna sér hljómsveitirnar og koma
á Gæruna. Skemmta sér og skemmta öðrum og
þannig hjálpa til að festa þessa hátíð í sessi sem
eftirsóknarverðan viðburð. Bæði fyrir hljómsveitir og
gesti sem annars kæmu ekki í okkar fallega fjörð.
Svo vantar okkur alltaf einhverja sjálfboðaliða til
að aðstoða okkur í hinu og þessu.“