Feykir - 15.03.2012, Blaðsíða 17

11/2012 Feykir 17
Borgaraleg ferming / Sunna Þórarinsdóttir
Kjóllinn kominn
Sunna Þórarinsdóttir mun fermast
borgaralega á fullveldisdegi Íslendinga
þann 17. júní í sumar. Foreldrar hennar eru
bændurnir Guðrún Lárusdóttir og
Þórarinn Leifsson frá Keldudal í
Skagafirði.

Hvers vegna valdir þú að fermast borgara-
lega? -Ég vildi ekki láta ferma mig kirkjulega.
Hefur þú velt trúmálum mikið fyrir þér?
-Já.
Hvernig hefur undirbúningi fermingarinnar
verið háttað? -Ég fór á tvö helgarnámskeið á
Akureyri hjá Siðmennt.
Hvar og hvernig fer athöfnin fram og hvar
verður veislan haldin? -Athöfnin og veislan
verður heima. Það kemur maður frá Siðmennt
og sér um ferminguna. Ég býst við að halda
ræðu.
Er búið að ákveða hvað verður á
matseðlinum? -Já, lambakjöt í aðalrétt og
kökur á eftir.
Er dressið tilbúið? -Kjóllinn er kominn en ég
á eftir að kaupa skó. /PF
Frá árinu 1989 hefur Siðmennt staðið fyrir borgara-
legum fermingum sem er valkostur er nýtur sífellt meiri
vinsælda og stendur öllum unglingum til boða.
Samkvæmt heimasíðu Siðmenntar er íslenska
orðið ferming þýðing á latneska orðinu confirmare
sem merkir m.a. að styðja og styrkja. Ungmenni sem
fermast borgaralega eru einmitt studd í því að vera
heilsteyptir og ábyrgir borgarar í lýðræðislegu samfélagi en
megintilgangur borgaralegrar fermingar er að efla heilbrigð
og farsæl viðhorf unglinga til lífsins og kenna þeim að bera
virðingu fyrir manninum, menningu hans og umhverfi.
Allir sem áhuga hafa geta fermst borgaralega, jafnvel
þótt þeir telji sig trúaða eða tilheyri trúfélagi. Fjölmargir
þátttakendur með ólíkar lífsskoðanir fermast borgaralega
ár hvert. Sumir tilheyra trúfélögum og aðrir ekki.
Það er í mörg horn að líta
þegar kemur að undir-
búningi fermingarveislu,
eins og margir foreldrar
þekkja. Meðal annars
þykir flestum ómissandi
að hafa kransaköku á
boðstólnum, en oftar en
ekki pantar fólk kökurnar
frá bakaríum eða vönum
kransakökumeisturum
innan fjölskyldunnar.
Nú er hins vegar þriðji
kosturinn í boði, því Halldór
Kr. Sigurðsson bakari
og konditor býður upp á
námskeið í kransakökugerð
á Laugarbakka og á
Skagaströnd dagana 16. og
17. mars nk. Þangað getur
fólk komið og bakað sína
eigin kransaköku undir
styrkri leiðsögn Halldórs.
Halldór er mikilreyndur
bakari og konditor og
hefur verið með námskeið
í kransakökugerð í um 5 ár,
en námskeið sem hann hefur
haldið á vegum Blómavals,
bæði í Reykjavík og á Akureyri,
hafa notið mikilla vinsælda.
„Sumar konur hafa komið
aftur og aftur, ég man t.d. eftir
einni sem hefur komið fjórum
sinnum,“ segir Halldór en
bætir við að fermingarbörnin
sjálf komi með í baksturinn
í um 70% tilfella og saman
eigi foreldrar og börn
skemmtilega samverustund í
fermingarundirbúningnum.
Halldór er frá Seltjarnarnesi
en er ekki alveg ókunnugur
hér nyrðra, því hann eyddi
Námskeið í kransakökugerð
Skemmtileg samverustund
fyrstu fimm árum ævi
sinnar á Laxárvatni í Austur-
Húnavatnssýslu, þar sem faðir
hans, Sigurður Guðlaugsson,
starfaði sem stöðvarstjóri við
Laxárvatnsvirkjun um árabil.
Halldór hóf bakaranám sitt 17-
18 ára og árið 1996 fór hann
svo út fyrir landssteinana til
að læra konditor hjá einum
færasta konditormeistara í
Danmörku, Jørgen Søgaard
Jensen, í Kransakökuhúsinu
á Strikinu í Kaupmannahöfn.
„Hann er gríðarlega fær og
ég lærði rosalega mikið af
honum,“ segir Halldór og
bætir við að Jörgen sé nú
sestur í helgan stein. „Það var
frábær reynsla að læra hjá einu
virtasta bakaríi í Danmörku
en á því tveggja ára tímabili
sem ég var þar vann bakaríið
tvisvar sinnum köku ársins.
Drottningin verslaði meira að
segja við okkur,“ segir hann og
hlær.
Eins og nafnið gefur til
kynna var framleitt mikið
magn af kransakökum í
Kransakökuhúsinu, um
15-20 kökur á viku, þá
voru það yfirleitt svokölluð
kransakökuhorn en einnig
var bakað mikið af allskonar
kökum og tertum sem gerðar
voru eftir pöntun. Auk þess
sem þar var búið til konfekt og
sorbet-ís frá grunni.
Gefa sköpunargleðinni
lausan tauminn
Halldór hefur um árabil miðlað
þeirri þekkingu sem hann
aflaði sér í Kransakökuhúsinu
og haldið ýmis námskeið, bæði
í konfekt- og kransakökugerð.
„Ég hef gert gríðarlega mikið
magn af kransakökum í
gegnum tíðina og fannst
því tilvalið að miðla þeirri
þekkingu áfram,“ segir Halldór
en hann kemur til með að sýna
hvernig á að gera kökuna
fríhendis þar sem einu áhöldin
sem notast er við eru málband
og skafa. „Ég hef haft þann
háttinn á að ég bý til massann
og sé svo um baksturinn
á kökunni. Þeir sem sækja
námskeiðið fá svo 1,6 kg af
massa í hendurnar og ég
sýni þeim hvernig á að útbúa
hringina, sem þau raða svo
sjálf. Ég skoða þá svo, pressa
þá og baka,“ útskýrir Halldór.
Á meðan kakan kólnar er
búið til súkkulaðiskraut.
Halldór sýnir hvernig á að
gera kramarhús og svo getur
fólk gefið sköpunargleðinni
lausan tauminn. Námskeiðið
tekur tvo og hálfan tíma að
jafnaði og hver og einn tekur
heim með sér 40 manna köku.
Kakan geymist í frysti í allt að
fjóra til fimm mánuði. „Áður
en námskeiðinu lýkur sýni ég
hvernig kakan er sett saman.
Þá er kakan tekin út daginn
fyrir fermingardaginn og
henni leyft að þiðna í eina klst.
áður en hún er skreytt,“ segir
Halldór.
Sem fyrr segir verða
námskeiðin haldin í Grunn-
skóla Húnaþings vestra á
Laugarbakka þann 16. mars
nk., frá kl. 20:00 til 22:30, og
Félagsheimilinu Fellsborg á
Skagaströnd þann 17. mars
kl. 12:00 til 14:30. Aðspurður
um hvort stæði til að halda
námskeiðið víðar um Norður-
land vestra svaraði Halldór
því til að athugað hafi verið
með aðstöðu fyrir námskeið
á Sauðárkróki, en hann leggi
ríka áherslu á að bjóða upp á
sama verð allsstaðar, hvort sem
það er á höfuðborgarsvæðinu
eða á landsbyggðinni, og það
hafi því miður ekki gengið
upp. Námskeiðsgjaldið er 6990
kr. og er allt hráefni og bakstur
innifalið í verðinu. „Þeir sem
búa í Skagafirði verða því að
snara sér yfir á Skagaströnd
að þessu sinni,“ segir Halldór í
lokin.
Að sögn Halldórs eru allir
velkomnir og tekið verður við
skráningum á meðan húsrúm
leyfir. Þeir sem hafa áhuga
geta sent tölvupóst á netfangið
solnoi@hotmail.com eða
hringt í síma 690 9078. /BÞ