Feykir - 04.04.2012, Side 4
4 Feykir 14/2012
ÍÞRÓTTAFRÉTTIR FEYKIS > www.feykir.is/ithrottir
Tindastóll fékk KR í heimsókn í Síkið sl.
sunnudagskvöld en um annan leik liðanna
var að ræða í úrslitakeppni Iceland
Express deildarinnar.
KR vann fyrri leik liðanna í Vesturbænum
nokkuð örugglega og í þetta skiptið varð engin
breyting, KR leiddi nánast frá upphafi til enda
og komust heimamenn aldrei yfir í leiknum
þrátt fyrir hetjulega baráttu. KR sigraði 89-81
og eru komnir í undanúrslit.
KR-ingar byrjuðu betur en hvorugt liðið var
að spila glimrandi sóknarbolta en það var
hinsvegar hart tekist á frá byrjun og augljóst að
KR-ingar ætluðu ekki að hleypa Króksurum
aftur í Vesturbæinn til að spila þriðja leikinn í
einvíginu. Staðan í hálfleik, 34-37 fyrir KR.
Í seinni hálfleik bitu heimamenn á jaxlinn
eftir að Miller fór af velli eftir slæmt högg á
nefið svo fossblæddi og náðu góðum kafla þar
sem slegist var um hvern bolta. Það dugði þó
ekki og KR-ingar unnu öruggan og sanngjarnan
sigur, 81-89. Atkvæðamestur í liði Tindastóls
var Curtis Allen en hann gerði 25 stig í leiknum.
Ekki hitt vel upp á síðkastið
Bárður Eyþórsson þjálfari Stólanna sagði að
liðið hefði sannarlega reynt að vinna, það hefði
skapað sér mörg tækifæri. -Því miður höfum
ekki verið að hitta vel upp á síðkastið. Það er
það sem gerir útslagið hjá okkur. Við vitum að
þeir eru stærri og hærri og sérstaklega í kvöld
áttum við í erfiðleikum með þá.
Um tímabilið í heild segir Bárður að liðið
hefði átt að gera betur. -Mér fannst síðustu
umferðirnar við detta úr „riþma“, náðum ekki
nógu góðum „riþma“ fyrir skotmennina okkar
og skotmennirnir duttu úr sínum „riþma“ og
við náðum einhvern veginn ekki að koma
okkur inn í hann aftur. /PF
Úrslitakeppni Express-deildarinnar
Tindastóll úr leik
Slysin gera boð
á undan sér
Forvarnarfundur var haldin
með starfsmönnum Sveitar-
félagsins Skagafjarðar á
dögunum en Sveitarfélagið
stefnir á að vinna markvisst
að forvarnar- og öryggis-
málum innan sveitarfélagsins,
í samstarfi við VÍS. Það má
segja að Skagafjörður sé til
fyrirmyndar þegar kemur að
forvörnum hjá fyrirtækjum
og stofnunum því nú þegar
hafa Steinull, Vörumiðlun, KS
og Fisk Seafood tekið
öryggismálin í gegn innan
sinna raða.
Gísli Níls Einarsson, for-
varnarfulltrúi fyrirtækja hjá
VÍS, var staddur á fundinum og
ræddi við Feyki um mikilvægi
þess að vera vakandi fyrir þeim
hættum sem geta steðjað að í
umhverfi fyrirtækjanna og
vonast til þess að vitundar-
vakning verði á meðal starfs-
manna Sveitarfélagsins og
víðar. „Reynsla og rannsóknir
sína að með því að bæta
umgengni á vinnustað sé
auðveldlega hægt að koma í veg
fyrir hvers kyns tjón, hvort sem
um er að ræða slys eða bruna.
Bein fylgni er á milli slæmri
umgengni og aukinni tjóna- og
slysatíðni - þetta er í raun
ódýrasta forvörnin,“ segir Gísli
Níls.
Gísli segir að farið sé yfir
öryggismál starfsmanna, t.d.
haldin atvikaskráning á vinnu-
slysum, farnar reglulegar
öryggisskoðanir um fyrirtækin
til að lágmarka slysahættu og
að starfsmenn noti viðeigandi
persónuhlífðarbúnað á við-
eigandi hátt. Einnig er farið er
yfir innbrotsvarnir og farið er
yfir stöðu brunamála, t.d.
kannað aðgengi að slökkvitækj-
um, staðsetning þeirra sé góð,
starfsmenn þjálfaðir í notkun
tækjanna, hvort flóttaleiðir séu
greiðfærar, útljós (exit-ljós) séu
sílogandi og þess háttar. Loks
eru umgengnismál innan og
utan dyra til skoðunar, ásamt
ruslsöfnun.
Áhöfn Málmeyjar
er flaggskipið
VÍS er nú að vinna með sjö
útgerðarfyrirtækjum í þessu
verkefni og eru yfir 200
sjómenn þátttakendur í því.
„FISK var fyrsta útgerðin til að
taka þátt í þessu einstaka
forvarnarverkefni og er öðrum
útgerðum á Íslandi til fyrir-
myndar í því. Áhöfnin á
Málmey var fyrst til að taka þátt
og er flaggskipið í þessum nýju
áherslum í öryggismálum sjó-
manna sem stefnt er að verði til
frambúðar,“ segir Gísli og bætir
við að um verðugt verkefni sé
að ræða því að á meðaltali
hefur einn sjómaður slasast
fyrir hvern dag ársins, ef horft
til fjölda slasaðra frá 2001-
2010. Þetta er þá fjöldi sjó-
manna sem þurfa þiggja bætur
frá hinu opinbera eða trygg-
ingafélögunum.
Gísli segir að vinnuslys séu
með öllu óásættanleg og eru
fyrirbyggjanleg. Allir eigi að
geta komið heilir heim til sín.
Hugtakið „Slysin gera ekki boð
á undan sér“ segir hann því
ekki eiga rétt á sér - þau gera
boð á undan sér, við þurfum
bara að vera vakandi fyrir
þeim. /BÞ
( TÓN-LYSTIN ) palli@feykir.is
Sara Rut Fannarsdóttir / söngkona
Síendurtekinn
indjánasöngur
á heimilinu
Sara Rut Fannarsdóttir heitir
ung og efnileg tónlistarkona
frá Skagaströndinni góðu
sem hefur gert garðinn
frægan með hljómsveitinni
Fúsaleg Helgi þar sem hún
var harmonikkuleikari og söng
en fyrr á þessu ári fluttist
Sara til Hafnafjarðar. Helstu
tónlistarafrek fyrir utan að
spila í fyrrnefndri hljómsveit
þá segist Sara eitt sinn hafa
spilað fyrir biskupinn sjálfan.
Þá hefur hún verið í lúðrasveit
og spilað og sungið hér og þar.
Uppáhalds tónlistartímabil? Það
er náttúrulega engin spurning,
gullaldartímabilið frá sirka 1960-
1980. Svo finnst mér tímabilið
um sirka árið 1981-1983 þegar
pönkið stóð sem hæst á Íslandi
nokkuð áhugavert.
Hvaða tónlist fær þig til að
sperra eyrun þessa dagana? Fór
á skemmtilegan djazz fyrirlestur
um daginn og hef ekki stoppað að
hlusta á Benny Goodman, Louis
Armstrong, Nat King Cole, Billy
Holiday og alla þá snillinga.
Hvers konar tónlist var hlustað
á á þínu heimili? Ekki annað
að ræða en að hafa gamla góða
rokkið og klassíska tóna frá metal
heiminum. Svo man ég sterklega
eftir Harry Belafonte í græjunum.
Hver var fyrsta platan/diskur-
inn/kasettan/niðurhalið sem
þú keyptir þér? Mig rámar í að
ég hafi keypt kasettu af indjánum
úti á Spáni þegar ég var 5 ára,
sú kasetta var vel notuð og
alltaf hljómaði síendurtekinn
indjánasöngur á heimilinu í nokkur
ár eftir á.
Hvaða græjur varstu þá með? Ég
var með eitthvað eðal kassettu-
tæki.
Hvað syngur þú helst í sturtunni?
Ég raula alltaf gamlar íslenskar
söngvísur og þjóðlög og skemmti
mér konunglega við það. Hvergi
betri staður en sturtan til þess að
tralla lög á borð við Máninn fullur,
Hættu að gráta hringaná, Veröld
fláa sýnir sig og fleiri gullmola.
Wham! eða Duran? Auðvitað
Wham! Wake Me Up Before You
Go Go gefur þeim mörg mörg stig.
Þú heldur dúndurpartí í kvöld,
hvað læturðu hljóma í græjunum
til að koma öllum í stuð? Ég held
að smellir frá Queen, Led Zeppelin,
Jefferson Airplane, Steppenwolf
og Boney M yrðu fyrir valinu,
æðisleg lög og maður getur ekki
annað en dansað og sungið með.
Þú vaknar í rólegheitum á sunnu-
dagsmorgni, hvað viltu helst
heyra? Graham Nash, Simon and
Garfunkel, Trúbrot og Enya yrðu í
efstu sætunum myndi ég segja.
Þú átt þess kost að fara hvert
sem er í heiminum og skella
þér á tónleika. Hvert færirðu,
hvaða tónleika og hvern tæk-
irðu með þér? Wacken Metal
Festival í Þýskalandi hefur verið
draumaferðin mín síðan ég var
15 ára. Ef ég myndi fara þangað,
tæki ég elskulega systur mína
með mér.
Hvaða tónlistarmann hefur þig
dreymt um að vera? Einn af þeim
er Gene Simmons söngvari og
bassaleikari Kiss, af því hann var
og er einn sá svalasti í bransanum,
punktur.
Hver er að þínu mati besta plata
sem gefin hefur verið út? Úff..
þetta er mjög erfið spurning. En
ef ég þyrfti að velja þá held ég
að ég myndi segja Led Zeppelin
IV eða 4 symbols eins og hún er
líka kölluð.
Forvarnar- og öryggismál í Skagafirði
Gísli Níls kynnir forvarnarmál fyrir starfsmönnum svf. Skagafjarðar á Kaffi Krók.