Feykir - 21.03.2013, Blaðsíða 9

11/2013 Feykir 9
Æðislegt veður
og heimsklassa-
færi í fjallinu
Bakarísmót 2013
Bakarísmótið var haldið í æðislegu veðri og heimsklassafæri
á skíðasvæði Tindastóls um sl. helgi. Að sögn Sigurðar
Bjarna Rafnssonar formanns skíðadeildar Tindastóls var
frábær stemming í fjallinu en verðlaun og veitingar voru í
boði Sauðárkróksbakarís.
Keppt var í stórsvigi á laugardeginum en svigi á sunnudeginum,
einnig var boðið upp á leikjabrautir fyrir yngri krakkana. Hér fyrir
neðan má sjá úrslit mótsins:
Kristinn Hjálmarsson er brottfluttur Skagfirðingur
Önnur öld
Árið 1994 flutti ég
frá Króknum með litla
fjölskyldu og ekki mikið
meira planað en að fara
í háskólann og lesa
heimspeki. Reyndar
bara engin önnur
framtíðaráform. Ég var
ekkert búinn að hugsa
það, að flytja ekki aftur
heim, sem Krókurinn
var þá. Það er frekar röð
af ákvörðunum, teknar
jafnóðum sem ráða því
hvað gerist og hvar.
Það er komin önnur öld
en í gamla daga, fyrir
okkur sem erum fædd
sjötíu og þrjú, þá gengum
við um í Universal skóm,
Millet úlpu, snjóþvegnum
gallabuxum og bláum
Henson galla – eins og
veðurgoðið rifjar upp þessa
dagana í nýju lagi og bætir
við að staðreyndin sé köld,
það er komin önnur öld.
Það var Sauðkrækingum
líkt að velta Símanum
svolítið uppúr kræklingnum
um daginn! Augljóslega
gert með stríðnisglampa
í augunum fremur
en viðkvæmni fyrir
uppnefninu, enda veit ég
engan Sauðkræking sem
er í alvöru móðgunargjarn
fyrir þessu. Pylsa eða
pulsa?
Um svipað leyti kom
upp smá rígur milli
landsbyggðar og
höfuðborgarsvæðis
um það hvorir þyldu
betur vont veður og
kynnu að bregðast við
því. Höfuðborgarbúar
tóku til varna, en það
hlakkaði í landsbyggðinni
sem hlustaði þögul
á viðbrögðin. Það var
greinileg ánægja í
þögninni.
Eitthvert árið verð ég að
prófa „nýja“ skíðasvæðið í
Tindastóli. Það var eitthvað
svo óskýr, framandi og
fjarlæg framtíðarsýn í
gamla daga, þegar maður
hékk í gömlu diskalyftunni,
að gerður yrði vegur langt
upp í fjall, þar sem elstu
menn sögðu vera fyrirtaks
brekkur og skíðafæri fram
á vor.
Svo er frábært hvað Kalli
frændi minn og fleiri náðu
að gera með fiskroð, að
það sé orðið að verðmætri
útflutningsvöru sem ríka
og fræga fólkið skreytir
sig með, hefur örugglega
þótt galnari hugmynd á
sínum tíma, en vegur upp
að snjóskafli lengst uppí
Tindastóli. Annars vinnur
Kalli núna fyrir hundruði
viðskiptavina um allt land,
með skinn til varðveislu.
Annað sem árið 1994
hefði sennilega þótt
langsótt hugmynd, er
að Miðgarður yrði ekki
mikið lengur alræmdasti
sveitaballstaður landsins
og að sveitaböll og
sveitaballahljómsveitir
heyrðu sögunni til.
Menningin var tekin í gegn,
fáguð til og uppfærð í
útgáfu 2.0. Einhver sagði
að Miðgarður væri nú eins
og reiðhöll án hrossataðs.
Þegar ég var gutti á
Króknum var Fiskiðjan
eitt fyrirtæki og Skjöldur
annað. Núna er FISK orðið
eitt af fjórum stærstu
sjávarútvegsfyrirtækjunum
á landinu og samkvæmt
öllum úttektum er
fyrirtækið fært í flestan
sjó. Getur meira að segja
staðið af sér veiðigjöld sem
fellir eða gæti fellt fjölda
annarra félaga. Það er
rekstrarárangur sem flesta
dreymir um.
Feykir heldur því til haga
sem skagfirskt er. Feykir
er svona samkomustaður
á netinu, miklu frekar
en Facebook, það er
eitthvað svo létt yfirbragðið
í fréttaflutningnum og
spjallinu í blaðinu.
Alveg eins og ímynd
Skagfirðinga, það er létt
yfir henni.
Á Króknum fór ég í
gegnum öll skólastig og á
verulega góðar minningar.
Árin í Fjölbrautaskólanum
voru yndisleg, að vinna
að útgáfu Molduxa með
skemmtilegu fólki er
enn einn af hápunktum
fjölbrautaáranna. Á
Króknum lærði ég að
vinna, fór á togara á
sumrin frá 16 ára aldri,
vann í Skagfirðingabúð
með skóla, á Ábæ með
skóla, vann á sambýli með
skóla og yfir sumar. Ég átti
stutta viðkomu á Króknum
árið 1998, settist hinu
megin við kennaraborðið
í fjölbraut og kenndi
íslensku, var svo héri í
löggunni um sumarið.
Næsta stopp var Honolulu
á Hawaii. En það er allt
önnur saga.
- - - - -
Takk fyrir áskorunina Sonja
og ég skora á frænda minn
Ásgeir Jónsson.
ÁSKORENDAPENNINN
UMSJ berglindth@feykir.isSTÓRSVIG
Stúlkur 9-10 ára (2003-2002)
1. Jódís Helga Káradóttir
2. Guðný Rúna Vésteinsdóttir
3. Freyja Dís Jóhannsdóttir
4. Ingigerður Magnúsdóttir
Drengir 9-10 ára (2003-2002)
1. Ólafur Halldórsson

Stúlkur 11-12 ára (2001-2000)
1. María Dögg Jóhannesdóttir
2. Kolbrún Sonja Rúnarsdóttir
3. Harpa Hlín Ólafsdóttir
4. Freyja Sól Bessadóttir
5. Viktoría Sif Hólmgeirsdóttir
6. Guðný Eva Björnsdóttir
7. Berglind Björg Sigurðardóttir
8. Ásthildur Ómarsdóttir

Drengir 11-12 ára (2001-2000)
1. Viktor Már Einarsson
2. Hákon Ingi Rafnsson
3. Andri Snær Tryggvason

Stúlkur 13-14 ára (1999-1998)
1. Elín Sveinsdóttir
Drengir 13-14 ára (1999-1998)
1. Vésteinn Karl Vésteinsson
Stúlkur 15 ára og eldri (1997
og fyrr)
1. Ragna Vigdís Vésteinsdóttir
2. Snjólaug Jónsdóttir
SVIG
Stúlkur 7-8 ára (2005-2004)
1. Ása María Sigurðardóttir
2. Hrafnhildur Ósk Jakobsdóttir
3. Ástríður Helga Magnúsdóttir
Drengir 7-8 ára (2005-2004)
1. Guðjón Guðmundsson
2. Elyass Kristinn
3. Einar Kárason
4. Almar Atli Ólafsson
5. Orri Tryggvason
6. Haukur Rafn Sigurðsson
7. Bragi Skúlason
8. Hákon Snorri Rúnarsson
Næst á dagskrá hjá skíðadeildinni er að átta krakkar halda austur
á land um helgina til að keppa á Unglingameistaramóti í
Oddskarði. Þar keppa ungmennin í svigi, stórsvigi og sam-
hliðasvigi. /BÞ
Jódís Helga Káradóttir var í 1. sæti í stórsvigi í stúlknaflokki, 9-10 ára. Ljósm./ Kári Gunnarsson.
María Finnbogadóttir á fleygiferð niður fjallið. Ljósm./ Kári Gunnarsson
Kátir krakkar á Bakarísmóti. Ljósm./ Kári Gunnarsson