Feykir - 15.08.2013, Page 4

4 Feykir 30/2013
Metabolic á Sauðárkróki
Á næstu misserum mun líkamsræktarstöðin
Þreksport bjóða upp Metabolic hópnámskeið. Þau
Guðrún Helga Tryggvadóttir ÍAK einkaþjálfari og
Friðrik Hreinsson B.Sc. íþróttafræðingur munu
hafa umsjón með tímunum sem hafa notið
gríðarlegra vinsælda hér á landi. Þau luku nýverið
þjálfaranámskeiði í Metabolic og eru nú löggildir
Metabolicþjálfarar.
Helgi Jónas Guðfinnsson frá styrktarthjalfun.is
hannaði æfingakerfið sem hefur notið gríðarlegra
vinsælda. Fyrsta Metabolic námskeiðið hjá Helga
Jónasi var haldið í ágúst 2011 og seldist það
námskeið upp á fimm dögum. Síðan þá hefur
eftirspurnin alltaf verið að aukast og Helgi verið
stöðugt að þróa og betrumbæta kerfið. Núna er
Metabolic í boði á tólf stöðum á landinu auk
Sauðárkróks og fer þeim fjölgandi.
Feykir leit við hjá þeim Guðrúnu og Friðrik til að
kanna hvað Metabolic snérist um.
Metabolic – Hvað er það?
Metabolic þýðir í raun bara efnaskipti en eitt af
aðal markmiðum Metabolic tímanna er að auka
hraðann á efnaskiptum líkamans það er að auka
fitubrennslu. Í tímunum taka allir vel á því í stuttan
tíma í einu með hléum á milli, svokölluð
skorpuþjálfun (interval) en slík þjálfun skilar
fitubrennslu í marga klukkutíma eftir æfinguna,
margfalt meiri brennslu heldur en æfingar með
jöfnu álagi. Æfingarnar eru mjög fjölbreyttar og
skemmtilegar og markmið Metabolic er að auka
lífsgæði og gera hreyfingu að tilhlökkunarefni
með skemmtilegri, fjölbreyttri og öruggri þjálfun.
Það má segja að kerfið sé sérhannað fyrir þá sem
vilja komast í frábært form og stunda fjölbreytta
og skemmtilega líkamsrækt án þess að ofkeyra sig.
Það hentar vel þeim sem hafa lítinn tíma til að æfa
en vilja komast í frábært alhliða form og vera í
góðum félagsskap í leiðinni. Það geta allir æft
Metabolic hvort sem þeir eru byrjendur eða
afreksíþróttamenn. Við hjálpum fólki að finna rétt
erfiðleikastig svo það nái markmiðum sínum á
markvissan hátt. Metabolictímarnir skiptast niður
í fjóra grunntíma: Burn (brennsla), Strength
(styrkur), Power (kraftur), og Endurance (úthald)
og alltaf er unnið með mismunandi orkukerfi og
eiginleika í hverjum tíma, segir Guðrún.
,,Við notumst mestmegnis við starfrænar æfingar
(functional) sem þýðir að æfingarnar líkjast
Nýir þrektímar að hefjast í Þreksport
daglegum hreyfingum líkamans sem mest.
Flestir finna einhverntíman fyrir stoð-
kerfisverkjum eins og eymslum í öxlum eða
baki t.d. en í starfrænni þjálfun er mikil áhersla
lögð á að styrkja djúpvöðvakerfið og því ætti
fólk að finna mikinn mun á sér þegar það fer að
gera æfingarnar sem við leggjum upp með á
námskeiðinu. Við notumst bara við starfrænar
æfingar fyrir þá sem við þjálfum, hvort sem það
er venjulegt fólk eða afreksíþróttamenn.”
Þarf maður ekki að vera í hörku formi til að
getað stundað Metabolic?
,,Nei, alls ekki. Kosturinn við æfingarnar er að
það stjórnar hver og einn sínu álagi. Þú
einfaldlega notast við léttari þyngdir eða
einfaldari útfærslur af æfingunni ef að
íþróttamaðurinn í þér er í dvala. Allar
æfingarnar sem við gerum í tímunum eru
þannig að það er bæði hægt að gera auðveldari
og erfiðari útfærslur, svokölluð stignun sem
hentar mismunandi einstaklingum. Auðvelt er
að breyta æfingunum ef fólk er með eymsli í t.d.
baki eða hnjám. Þeir sem eru í mjög góðu formi
munu engu að síður hafa mjög gaman af
æfingunum og það er enginn í of góðu formi
fyrir Metabolic. Alltaf er hægt að gera
æfingarnar meira krefjandi. Sem dæmi um það
þá er Helgi Jónas, höfundur kerfisins að
undirbúa A landslið karla í körfuknattleik fyrir
undankeppni Evrópukeppninnar með
Metabolic æfingakerfinu. En hann er styrktar-
þjálfari landsliðsins og þar þjálfar hann
leikmenn með svokallaðri „advanced“ útfærslu
af Metabolic sem hann hefur verið að þróa
undanfarið,” segir Friðrik.
Er hægt að fá að prófa tíma?
Já við verðum einmitt með nokkra opna
kynningartíma núna í ágúst. Þar ætlum við að
kynna Metabolic fyrir fólki og hvetjum alla til að
koma og prufa og taka fjölskylduna og vinina
með. Tímarnir verða auglýstir á facebooksíðu
Þreksports og á threksport.is og við hvetjum
fólk til að fylgjast með þar. Í framhaldi af því,
eða um mánaðarmótin hefjast svo tímarnir á
fullu þar sem verða í boði 4-5 tímar á viku í allan
vetur. Hægt verður að velja milli 6, 3ja eða
mánaðaráskriftar. Fólk skráir sig bara sem
Metabolicara og mætir svo eins oft og það vill.
Rikki og Guðrún
Svo bjóðum við líka ánægjutryggingu með 100% endurgreiðslu af
fyrsta mánuðinum ef fólk er ekki ánægt með Metabolic.
Hægt er að kynna sér allt um Metabolic á heimasíðunni metabolic.
is en þar inni mun verða linkur inn á Metabolic Sauðárkróki.
Við hvetjum líka áhugasama til að fylgjast með okkur á facebook og
á heimasíðu Þreksports, www.threksport.is /GSG
Eitt mesta furðuverk sem
Rússar hafa framleitt
Brynjar Helgi Magnússon er
fæddur og uppalinn í
Skagafirði og býr á sínu
uppeldisbýli Hrauni í
Sléttuhlíð. Hann útskrifaðist
sem Rafiðnfræðingur frá
Háskólanum í Reykjavík í vor.
„Ég ákvað að verðlauna
sjálfan mig eftir námið og
gerði það sem lengi hefur
staðið til, en það var að vera
„heimavinnandi“ eitt sumar
eða svo, og hef sjaldan haft
jafn mikið að gera,“ segir
Brynjar.
Hvaða græju/tæki heldur þú
mest upp á og hvers vegna?
Græjan sem ég held mest upp
á á bænum er rússneska
dráttarvélin Belarus 525 og
kemur val mitt á henni til
vegna þess að þetta er
sennilega eitt mesta furðuverk
sem Rússar hafa framleitt og
svo er Belarus sameiginlegt
áhugamál okkar Jóa í Enni.
Hvernig kom það til að þú
eignaðist þessa græju/tæki?
Faðir minn, Magnús Péturs-
son, keypti þessa dráttarvél
nýja af Sambandinu gamla og
fóru þeir tveir nágranna-
bændur suður til Reykjavíkur
að sækja sitthvora vélina.
Sögur fara af því að þeir hafi
prúttað vélarnar svo mikið
niður að þeir brostu allan
hringinn þegar þeir lögðu af
stað norður á vélunum, á topp
hraða 25 km/klst, en aftur á
móti skælbrostu þeir í
Sambandinu líka, enda guðs-
lifandi fegnir. Síðan þá hafa
allir í fjölskyldunni á Hrauni
fengið að kljást við það
verkefni að brúka þessa
dráttarvél til margskonar
verka enda ekkert létt þar sem
ég held því fram að bæði stýri
og bremsur hafi verið skilin
eftir suður í Borgarfirði,
sennilega við hliðina á botn-
inum þeirra Fljótamanna.
Hvernig var fyrsta gerðin af
þessari græju sem þú eign-
aðist? Eftirminnilegasta
reynslan af þessari marg-
blessuðu dráttarvél er senni-
lega þegar ég var 12 ára og við
faðir minn vorum á heimleið
úr flagvinnu seint að kveldi til.
Ég sat við stýrið en pápi stóð á
milli dráttarvélarinnar og
valtara sem var húkkaður
aftaní. Svo skriðum við upp
hina margómuðu fjósbrekku á
Hrauni og allt kom fyrir ekki
eins og oft áður, „Bilaðrusl“
datt úr drifi og fórum við
töluvert hraðar afturábak en
áfram! Þar sem bremsurnar
urðu eftir suður í Borgarfirði
voru góð ráð dýr og ekki var
komið við bremsurnar heldur
„tuggan“ staðin í botni til að
halda völdum á stýri, ásamt
því að mjög hröð og skipulögð
fyrirmæli bárust inn um
afturgluggann. Allt fór vel að
lokum og vona ég að foreldrar
nútímans sjái til þess að börnin
þeirra komist ekki upp í slíka
skaðræðisgripi eins og
þennan.
Hvern vilt þú sjá svara
þessum spurningum? Ég
mælist til að áhugamaður
landsins um Belarus, Jóhann
Ingi Haraldsson í Enni setji
hér saman pistil um sitt
uppáhaldsdót. /GSG
Brynjar Helgi Magnússon
Hrauni í Sléttuhlíð