Feykir - 15.08.2013, Qupperneq 7

30/2013 Feykir 7
syngur einsöng. Eftir
messuna verður afmæliskaffi
í boði Hólanefndar. Hátíðin
endar síðan á samkomu í
Hóladómkirkju þar sem
Vilhjálmur Egilsson flytur
Hólaræðuna, Hjörtur Pálsson
flytur ljóð afmælishátíðarinnar
og Kristján Jóhannsson syngur
einsöng.
Mikil undirbúningur og
von á fjölda gesta
Það er Hólanefnd sem hefur
veg og vanda af undirbúningi
Hólahátíðar, en í nefndinni
sitja, auk sr. Solveigar Láru,
sr. Dalla Þórðardóttir, pró-
fastur í Húnavatns- og
Skagafjarðarprófastdæmi,
Erla Björk Örnólfsdóttir,
rektor Hólaskóla og Björg
Baldursdóttir, formaður
sóknarnefndar. „Það hittist
svo skemmtilega á að við
erum fjórar konur í nefndinni
núna,“ segir sr. Solveig Lára.
„Við höfum verið svo heppnar
að fá til okkar góða gesti.
Kristján Jóhannsson mun
syngja við hátíðarmessuna
og samkomuna á eftir. Hann
söng fyrst opinberlega á
Hólahátíð, þá nítján ára
gamall. Vilhjálmur Egilsson
mun flytja Hólaræðuna, en
hann er Skagfirðingur og
nýráðinn rektor Háskólans
á Bifröst. Hólaræðan hefur
oft vakið athygli svo það
bíða margir spenntir eftir
henni. Þá hefur Hjörtur
Pálsson, sem hefur unnið
mikið hérna á Hólum, samið
ljóð afmælishátíðarinnar.
Þorsteinn Gunnarsson arkitekt
og Goddur hafa svo verið
að undirbúa sýninguna um
byggingarsögu kirkjunnar og
Goddur hefur hannað merki
hátíðarinnar sem er mynd
af kirkjunni, eins og hún leit
upprunalega út án turnsins, en
hann var ekki byggður fyrr en
1950,“ segir sr. Solveig Lára.
Sr. Solveig Lára segir
afmælisdag kirkjunnar reyndar
ekki vera fyrr en 20. nóvember
en ákveðið hafi verið að fagna
því á Hólahátíð, enda henti
sá árstími miklu betur fyrir
mannamót og hátíðin hafi
auk þess skapað sér fastan
sess og sé alltaf haldin í 18.
viku sumars. „Margir kjósa að
dvelja hérna alla helgina, enda
ýmsir gistimöguleikar, m.a. hjá
ferðaþjónustunni á staðnum
og tækifæri til að gista á einu
skemmtilegasta tjaldsvæði
landsins. Margir koma ár eftir
ár og það er gaman að sjá að
gamlir nemendur Hólaskóla
fjölmenna hingað og halda
þannig tryggð við staðinn. Svo
vonumst við til að Hólar eignist
nýja vini sem halda áfram að
koma á þessa hátíð.
Sr. Solveig Lára segir
mikla áherslu lagða á að
skapa skemmtilega og létta
stemmingu á hátíðinni
og þannig verði til dæmis
harmónikkuleikur, almennur
söngur og kaffihúsastemming
eftir styttri gönguferðirnar.
„Við rennum alveg blint
í sjóinn með gestafjöldann,
vonum bara að sem flestir
komi og ætlum að hafa nóg
með kaffinu. Veðrið er líka
alltaf gott á Hólahátíð og
þegar ég var vígð í fyrra var
til að mynda 23ja stiga hiti og
sól, sagði sr. Solveig Lára að
lokum.
Jökulsárhlaupið 2013
Stúlkurnar í skokkhópnum Kjaftagelgjurnar skelltu sér í
Jökulsárhlaupið sl. laugardag, en hópinn skipa þær Margrét
Silja Þorkelsdóttir, Margrét Helga Hallsdóttir, Laufey
Kristín Skúladóttir, Hrafnhildur Guðnadóttir og Dagný
Huld Gunnarsdóttir. Blaðamaður Feykis hafði samband við
Kjaftagelgjurnar og fékk fréttir úr hlaupinu.
Aðspurðar hvernig það hafi komið til
að þær skráðu sig í Jökulsárhlaupið
sögðust þær í raun hafa æst hvor aðra
upp í þessa vitleysu. Stúlkurnar tóku
allar þátt í Árnahlaupinu í júní sl. og
sögðust enn hafa verið haltrandi og
stirðar þegar þær skráðu sig í
Jökulsárhlaupið daginn eftir. ,,Við
vorum að leita okkur að markmiði til
þess að drífa okkur út að hlaupa í sumar
og ástæðu til þess að taka frá helgi í
útilegu. Svo varð þó að við fórum ekkert
út að hlaupa allan júlí og enduðum á
því að fá sumarhús að láni þessa helgi
og fórum því ekki í neina útilegu.”
Í upphafi stefndu stelpurnar að því að
hlaupa 13 km leiðina en lengdu svo
hlaupið um 8 km. ,,Margréti Helgu
tókst að sannfæra okkur um að við
mættum alls ekki missa af
náttúrufegurðinni frá Hólmatungum
að Hljóðaklettum. Við kyngdum því
allar með tölu og skráðum okkur í 21
km. Okkur var keyrt í rútu upp að
Hólmatungum og við hlupum þaðan
niður í Ásbyrgi. Þeir sem hlupu lengst
hlupu frá Dettifossi og að Ásbyrgi og
stysta leiðin var frá Hljóðaklettum og
að Ásbyrgi.”
Mikið rigndi í hlaupinu og voru
hlaupastígarnir því vægast sagt
ógeðslegir að sögn stúlknanna. Síðustu
10 km var mikið hlaupið á mjóum
kindagötum sem voru erfiðar yfirferðar
vegna drullu. ,,Þetta var mjög erfitt og
krefjandi. En svæðið í kringum Ásbyrgi
er sannkölluð náttúruparadís og því
yndislegt að fá að hlaupa í svona fallegu
umhverfi. Jökulsárhlaupið var mjög vel
skipulagt í alla staði. Þetta var í tíunda
sinn sem hlaupið var haldið og voru
um 200 keppendur. Þegar við komum í
mark tóku mennirnir og börnin okkar
á móti okkur.”
Hrafnhildur Guðnadóttir (Rabbý),
komst á verðlaunapall, en hún lenti í 3.
sæti í 21,2 km hlaupinu. Einnig var
Skagfirðingurinn Auður Aðalsteins-
dóttir í hlaupinu og lenti hún í 4. sæti.
Kjaftagelgjurnar ætla að endurtaka
Jökulsárhlaupið að ári en ekki sem
hlauparar. ,,Við höfum skorað á maka
okkar, sem sinntu barnagæslunni að
þessu sinni, að hlaupa að ári og við
sinnum börnunum á meðan”. /GSG
Sannkölluð náttúruparadís
Altaristaflan í Hóladómkirkju Leiði barnsins sem Sabinsky múraði í vegginn