Landshagir - 01.11.2014, Page 315

315
Hagstofa Íslands tekur saman upplýsingar
um utanríkisverslun Íslands, þ.e.
útflutning og innflutning á vöru og
þjónustu, og reiknar vöruskipti við
útlönd og þjónustujöfnuð sem eru mikil-
vægir mælikvarðar á efnahagsþróun í
landinu. Upplýsingar um vöruviðskipti
eru fengnar að mestu úr tollskýrslum en
upplýsingar um þjónustuviðskipti koma
aðallega frá fyrirtækjum og úr gögnum um
greiðslukortaviðskipti.
Jákvæður vöru- og þjónustujöfnuður
Árið 2013 nam verðmæti útflutnings vöru
og þjónustu 1.043,7 milljörðum króna og
verðmæti innflutnings vöru og þjónustu
887,7 milljörðum króna. Vöruútflutningur
nam 561,0 milljörðum króna og vöruinn-
flutningur 552,8 milljörðum. Jöfnuður
vöru og þjónustu nam 156,0 milljörðum
króna.
Afgangur var á vöruskiptum árin 2009–
2012. Árið 2009 var 10,9% afgangur af
útflutningsverðmæti, 14,9% árið 2010, 9,4%
árið 2011 og 5,7% árið 2012 en árið 2013 var
þessi afgangur neikvæður um 0,3%.
Meira flutt út af iðnaðarvörum
en sjávarafurðum
Iðnaðarvörur voru 50,6% af öllum
vöruútflutningi í fyrra. Þetta er sjötta árið
í röð sem hlutdeild iðnaðarvara er hærra
en sjávarafurða. Hlutdeild sjávarafurða
hækkaði þó milli ára, úr 42,4% 2012 í 44,6%
2013. Í útflutningi á iðnaðarvörum munar
mestu um ál og álafurðir en útflutningur
þeirra nam í fyrra 215,3 milljörðum
króna (35,3% af heild), næst á eftir áli og
álafurðum kom kísiljárn (20,0 milljarðar)
og málm og málvörur (13,3 milljarðar).
Sjávarafurðir voru fluttar út fyrir 272,5
milljarða króna (44,6%).
Mest viðskipti voru við Evrópska
efnahagssvæðið
EES-ríkin voru stærsta markaðs-
svæði Íslendinga í vöruviðskiptum í
fyrra en þangað fóru 79,1% af öllum
vöruútflutningi. Frá EES-ríkjum komu
62,4% af heildarinnflutningi á árinu 2013.
15UtanríkisverslunExternal trade
Uppskipun í Sundahöfn
© Brynjar Gauti