Sveitarstjórnarmál - 01.02.2016, Síða 7

7
„Við erum sammála um að það er mikil-
vægt að þjálfa þessa þætti í brothættum
byggðum en verið er að skoða hvort ekki
megi nýta reynsluna af verkefninu til að efla
enn frekar bæði verkefnisstjóra og frum-
kvöðla í samfélögunum. Við þurfum að vera
skapandi og koma auga á tækifæri sem
meðal annars gætu falist í sérstöðu hvers
byggðarlags,“ segir Kristján.
Verkefnið er lærdómsferli
„Við erum bjartsýn á að ná að halda áfram að
þróa verkefnið, en ekki er hægt að vinna
samtímis með öllum samfélögunum sem
þurfa á aðstoð að halda. Það er pólitískur vilji
og skilningur á mikilvægi þessa verkefnis.
Verkefnið er lærdómsferli og við teljum að
það geti jafnvel verið betra fyrir samfélög að
koma síðar að því, þegar við höfum náð að
samþætta og þróa betur aðkomu ólíkra hags-
munaaðila s.s. stjórnvalda, íbúa og stoðkerfis-
ins í landshlutanum,“ segja Kristján og
Sigríður.
Áskoranir og árangur
af verkefninu
Aðspurð um þær áskoranir sem Brothættar
byggðir standa frammi fyrir þá eru þau sam-
mála um að hækkandi meðalaldur íbúa sé
helsta áhyggjuefnið, unga fólkið fari og snúi
ekki aftur. „Oft hafa undirstöður atvinnulífs-
ins brotnað, t.d. þegar kvótinn var seldur úr
byggðarlagi. Þegar samfélög reiða sig á eitt
stórt fyrirtæki þá er voðinn vís ef fyrirtæki
ákveða að leggja niður starfsemi eða flytja
sig. Oft er erfitt að kaupa húsnæði þar sem
engin hús eru byggð vegna aðstæðna á fast-
eignamarkaði og þá er jafnframt erfitt að fá
leiguhúsnæði,“ segja Kristján og Sigríður.
Meiri bjartsýni á meðal íbúa
- Hvaða árangri hefur verkefnið skilað?
„Okkur finnst meiri bjartsýni meðal íbúa,
ekki saman að jafna andrúmsloftinu sem var
á fyrsta íbúafundinum 2012 og á þeim sem
var haldinn í október 2015. Þessa breytingu
má bæði skýra með auknu sjálfstrausti og
einnig út frá auknum stuðningi stjórnvalda
t.d. í formi byggðakvóta sem var innspýting
fyrir atvinnulífið á Raufarhöfn,“ segja Kristján
og Sigríður.
Sjá má upptöku af viðtalinu á ensku á
heimasíðunni www.hvunndagshetjur.is.
AFLANN Í ÖRUGGA HÖFN!
Fiskmarkaðir FMIS í Reykjavík og á Akranesi eru afar álitlegir kostir fyrir alla sem
stunda sjósókn, hvort sem um ræðir smærri báta eða togara. Aðstaðan er nýupp-
gerð og öll hin glæsilegasta.
Stutt í alla þjónustu
Varahlutir í skip
Slippur
Veiðarfærasala
Höfuðstöðvar helstu viðskiptafyrirtækja
Heilsugæsla / Landsspítali
Afþreying
Góð viðlega, löndunarkranar, rafmagn og vatn
Aflinn og áhöfnin eru í öruggum höndum hjá
FMIS í Reykjavík og á Akranesi, kynntu þér kostina á
www.fmis.is
FMIS
FMIS
Stigagjöfin hengd upp á Raufarhöfn.