Sveitarstjórnarmál - 01.02.2016, Síða 8

8
Dagur B. Eggertsson borgarstjóri segir
að hlutverk Reykjavíkur sé að standa sig
í samkeppni við aðrar borgir og ekki síst
þegar yngri kynslóðirnar eiga í hlut.
„Mér finnst mikilvægt að borgarbúar og
aðrir landsmenn standi saman í þessu
verkefni þar sem er býsna mikill slagur.
Við verðum að standa saman um mikil-
vægi þess að borgin vaxi og dafni. Að
þar séu öflug fyrirtæki og greidd góð
laun. Við verðum að standa saman um
spennandi atvinnufyrirtæki og einnig
möguleika til afþreyinga Það viljum
við gera bæði með því að standa vörð
um það sem er gott en einnig með því
að hleypa af stað uppbyggingu í
borginni.“

- Hver er leiðin að þessu fróma markmiði?
Dagur segir að á undanförnum árum hafi
Reykvíkingar og aðrir landsmenn verið að
koma út úr tímum sem einkenndust af
þrengingum og kreppu en nú sé að verða
góður viðsnúningur. En um leið séum við
stödd þar sem Reykjavíkurborg sé að draga
vagninn í hagvexti í þjóðfélaginu.
„Við erum ef til vill að stefna á mesta
uppbyggingarskeið í sögu borgarinnar. Þetta
reynir vissulega á okkur.“ Hann segir að
huga þurfi vel að skipulagi og tryggja að
uppbyggingin verði á réttum stöðum en um
leið skipti máli að muna eftir því að nú er
mikil eftirspurn eftir íbúðarhúsnæði sem
svara þurfi betur en hægt var að gera á árun-
um eftir bankahrunið.
„Þetta snýr bæði að tegundum og stærð-
um íbúða og einnig að því stóra verkefni að
tryggja öllum húsnæði. „Það verkefni er og
verður áfram áskorun. Þess vegna leggjum
við svo mikla áherslu á húsnæðismálin og
þær fjölbreyttu þarfir sem þau fela í sér. Við
getum ekki skipulagt borg fyrir einn hóp eða
einsleita íbúaþróun heldur verðum við að
horfa á allan skalann og þá fjölbreytni sem
býr í borginni. Henni þarf að mæta með
margbreytilegum valkostum og framboði af
húsnæði. Fólk kýs að kaupa sér húsnæði,
aðrir vilja festa sér búseturétt og enn aðrir
vera á leigumarkaði. Öll þessi flóra þarf því
að vera til.“
Reykjavík verður að
standa sig í samkeppninni
Dagur B. Eggertsson borgarstjóri.
Reykjavíkurborg
Það er margt að gerast á hafnarsvæði Reykjavíkur. Þessi skemmtilega mynd var tekin þegar undirritaður
var samningur á milli HB Granda og Reykjavíkurborgar um leigu á svokölluðu Marshallhúsi í Örfirisey til
borgarinnar.