Víkurfréttir - 10.05.2018, Page 23

23ÍÞRÓTTIR Á SUÐURNESJUM f immtudagur 10. maí 2018 // 19. tbl. // 39. árg.
Þetta snýst um að vinna Keflavík
❱❱ segir Gunnar Þorsteinsson, fyrirliði Grindvíkinga sem unnu slaka Keflvíkinga
„Þetta snýst um að vinna Keflavík, það skiptir langmestu máli,“ sagði
Gunnar Þorsteinsson, fyrirliði Grindavíkur eftir sigur á nágrönnum sínum
úr Keflavík en Grindvíkingar fóru heim með 2-0 sigur eftir leik liðanna í
Pepsi-deildinni í knattspyrnu í vikunni á Nettóvellinum.
„Það var svolítill skjálfti í okkur í fyrri
hálfleik enda spennustigið hátt en við
vorum einfaldlega miklu beittari fram
og við og kláruðum þessi færi sem við
fengum,“ sagði Gunnar í samtali við
Víkurfréttir eftir leikinn.
Fyrri hálfleikur var afar rólegur en
bæði lið náðu að skapa sér nokkur
færi sem lítið varð úr og leikar stóðu
jafnir 0-0 í hálfleik.
Á 57. mínútu dró til tíðinda þegar
Grindvíkingar komust yfir með skalla-
marki frá Björn Berg Bryde eftir auka-
spyrnu frá Gunnari Þorsteinssyni.
Grindavík var ekki lengi að bæta öðru
marki sínu við, Sam Hewson fékk
sendingu út fyrir vítateig Keflavíkur
á 62. mínútu og setti boltann í netið,
staðan því orðin 0-2 fyrir gestina.
Einar Orri Einarsson, leikmaður
Keflavíkur, sagði í samtali við Víkur-
fréttir eftir leikinn að sigur Grind-
víkinga hefði í raun og veru ekki verið
í hættu og að gestirnir hafi skorað
tvö mörk á stuttum tíma án þess að
Keflavík hefði svör við því. Hann sagði
einnig að það hafi verið sárt að tapa
þessum leik á heimavelli, sérstaklega
gegn grönnum sínum úr Grindavík.
„Það er nóg eftir, við byggjum ofan
á þetta og reynum að bæta okkur.“
„Liðið mitt var gott í dag og við
þurftum virkilega á því að halda á
móti góðum andstæðingum,“ sagði
Óli Stefán Flóventsson, þjálfari
Grindavíkur, eftir leikinn en hann
var ánægður með leikmenn sína eftir
sigur á Keflavík á erfiðum útivelli.
Gunnar Þorsteinsson, fyrirliði Grindavíkur,
í leiknum gegn Keflavík.
LEITUM AÐ STARFSMANNI Í FULLT STARF Í VERSLUN OKKAR Í REYKJANESBÆ

SÖLUFULLTRÚI
HVETJUM ÁHUGASAMA AF BÁÐUM KYNJUM TIL ÞESS AÐ SÆKJA UM RAFRÆNT Á WWW.TL.IS

Gunnar Þorsteinsson tók aukaspyrnu rétt utan vítateigslínu. Skot hans var ekkert sérstakt og endaði í fótum annars Grindvíkings, þaðan
fór boltinn í þverslá og aftur út í teig þar sem Björn Berg kom aðvífandi og skallaði hann til baka í netið. VF-myndir Hilmar Bragi