Morgunblaðið - 19.10.2017, Side 4

4 ÍÞRÓTTIR
MORGUNBLAÐIÐ FIMMTUDAGUR 19. OKTÓBER 2017
Það er ekkert sérstaklega vin-
sæl skoðun, í það minnsta ef mið
er tekið af samfélagsmiðlum í
gær, en ég hallast svona frekar
að því að það hafi verið rétt
ákvörðun hjá handboltadómstól
að láta FH og St. Pétursborg
mætast í vítakastkeppni til að
skera úr um hvort liðið kemst í 3.
umferð EHF-bikarsins. Mér hefði
ekkert þótt fáránlegt að láta úr-
slitin standa, en þessi niðurstaða
er það ekki heldur.
Það sem er fyrst og fremst
galið, fáránlegt, og nánast glæp-
samlegt, er að hinn finnski eftir-
litsmaður seinni leiks liðanna í
Rússlandi á sunnudag skuli ekki
hafa kunnað reglurnar um hvað
gerist endi báðir leikir með sömu
úrslitum. Mér hefði þótt við hæfi
að úrskurðinum í gær fylgdi að
minnsta kosti skýr tilkynning um
að þessi eftirlitsmaður myndi
ekki sinna frekari störfum fyrir
handknattleikssamband Evrópu.
Auðvitað er það sárt og
ósanngjarnt fyrir FH að þurfa að
vinna þessa vítakeppni til að
komast áfram, skili áfrýjun engu,
eftir að hafa unnið framleng-
inguna sem bæði lið töldu á þeim
tímapunkti að réði úrslitum. En
væri ég í sporum Rússanna, og
hefði fengið staðfest eftir leik að
reglurnar kvæðu á um víta-
keppni, væri ég að sama skapi il-
ur út í EHF fyrir að útvega svo fá-
ránlega vanhæfan eftirlitsmann.
EHF lofar því að greiða allan
kostnað sem fylgir því fyrir FH
að fara aftur til Rússlands í víta-
keppnina. Vonandi gerir sam-
bandið sér grein fyrir því að hér
er um áhugamannalið að ræða
(þó að sumir leikmenn í FH-liðinu
eigi klárlega erindi í atvinnu-
mennsku) og að leikmenn missa
tíma úr vinnu eða námi vegna
þessarar vitleysu. Þá truflar
þetta FH í keppnum hér heima.
Þetta kallar á skaðabætur.
BAKVÖRÐUR
Sindri Sverrisson
sindris@mbl.is
Í WIESBADEN
Kristján Jónsson
kris@mbl.is
Þýsku meistararnir í Wolfsburg
drógust gegn ítalska liðinu Fiorent-
ina, sem Sigrún Ella Einarsdóttir
leikur með, í 16-liða úrslitum Meist-
aradeildar Evrópu í knattspyrnu
eftir að hafa rótburstað Atletico
Madrid í 32-liða úrslitum. Lands-
liðsfyrirliðinn Sara Björk Gunn-
arsdóttir leikur með Wolfsburg og
Morgunblaðið ræddi við hana um
Meistaradeildina á hóteli íslenska
landsliðsins í Wiesbaden en fram-
undan er leikur gegn Þýskalandi á
morgun.
„Ég held að þetta hafi bara verið
ágæt niðurstaða. Við getum verið
nokkuð sáttar. Reyndar er langt
síðan ég spilaði á móti ítölsku liði í
Meistaradeildinni. Mig minnir að ég
hafi síðast spilað á móti Verona með
Rosengård. Við unnum en það var
fínt lið. Enn sem komið er veit ég
lítið um Fiorentina en ég tel að við
séum með það góðan mannskap í
okkar liði að við eigum að klára það
dæmi.“
Sara segir miklar væntingar vera
gerðar til Wolfsburg þegar kemur
að Meistaradeildinni. „Hjá Wolfs-
burg er stefnan er sett á sigur í
keppninni en auðvitað spilar inn í
hvaða andstæðinga við fáum þegar
dregið er. En almennt séð er mikil
pressa á stórliðinu Wolfsburg að
vinna alla titla rétt eins og hjá
þýska landsliðinu. Miklir peningar
eru settir í liðið og gerð er sú krafa
að við vinnum.“
Lyon ekki óvinnandi vígi
Blaðamaður minnist á franska
liðið Lyon sem reynst hefur erfið
hindrun og veltir því fyrir sér hvers
vegna Lyon virðist vera í sérflokki
en liðið hefur unnið keppnina tvö ár
í röð. Sara segir muninn á Lyon og
Wolfsburg ekki vera mikinn þótt
Lyon hafi haft betur síðustu árin.
„Þær eru frábært lið og með frá-
bæra einstaklinga. Þegar við spil-
uðum á móti Lyon á síðasta tímabili
þá áttum við alla möguleika á að
komast áfram. Ég hef hins vegar
spilað með Rosengård á móti Lyon
og verð að viðurkenna að þá áttum
við ekki möguleika. Ég var hins
vegar virkilega svekkt að hafa ekki
unnið Lyon á síðasta tímabili og bil-
ið á milli liðanna er því ekki stórt.
Þá hefði maður auðvitað viljað
mæta Lyon í úrslitaleik en ekki í 8-
liða úrslitum,“ útskýrði Sara og hún
er mjög bjartsýn varðandi tímabilið
sem nú er nýhafið.
„Við erum með frábært lið á
þessu keppnistímabili og höfum
byrjað tímabilið hrikalega vel. Leik-
mannahópurinn er svipaður á milli
ára en við erum farnar að kynnast
betur og betur. Mér finnst því að
við séum enn að bæta okkur. Ég er
því mjög spennt fyrir þessu tíma-
bili.“
Stórt skref að taka
Þótt Sara hafi spilað með Malmö
og Rosengård, sem voru vel mönn-
uð lið, þá var það engu að síður
töluvert stórt skref að hennar sögn
að færa sig yfir til Þýskalands í
fyrra og ganga til liðs við Wolfs-
burg.
„Já, það var mjög stórt skref. Ég
fann gríðarlegan mun. Ekki bara
varðandi þýsku deildina heldur
einnig varðandi liðið sjálft og allt í
kringum Wolfsburg. Fagmennskan
er meiri og fólk leggur á sig mun
meiri vinnu. Rosengård er samt
sem áður flott félag og liðið er frá-
bært en þetta var ákveðin áskorun
fyrir mig. Ég var orðin vön lífinu og
fótboltanum í Svíþjóð enda leið mér
vel þar. Ég hefði því getað verið
lengur í Svíþjóð en fannst þetta var
rétti tíminn á mínum ferli til að
skipta um umhverfi og ýta við
sjálfri mér sem leikmanni og mann-
eskju,“ sagði Sara Björk Gunn-
arsdóttir.
Hjá Wolfsburg er stefnt
að sigri í öllum keppnum
 Landsliðsfyrirliðinn Sara Björk mjög bjartsýn á keppnistímabilið
Ljósmynd/KSÍ
Undirbúningur Sara Björk Gunnarsdóttir einbeitt á svip á æfingu landsliðsins í Wiesbaden í vikunni.
Haukakonur eru einar á toppi Dom-
inos-deildar kvenna í körfubolta með
fullt hús stiga að loknum fjórum um-
ferðum. Þær urðu í gærkvöld fyrstar
til að vinna Val á þessari leiktíð,
94:80, þegar liðin mættust á Ásvöll-
um. Íslands- og bikarmeistarar
Keflavíkur eru hins vegar í tómum
vandræðum og hafa tapað þremur
leikjum í röð.
Helena Sverrisdóttir náði þrennu
fyrir Hauka í gær en hún skoraði
skoraði 11 stig, tók 13 fráköst og gaf
16 stoðsendingar. Haukar voru sjö
stigum yfir í hálfleik, 49:42, en bættu
við það í þriðja leikhluta og hleyptu
Valskonum aldrei of nálægt sér.
Meistarar Keflavíkur hafa aðeins
unnið einn af fyrstu fjórum leikjum
sínum og ljóst er að leita þarf langt
aftur til að finna svo slæma byrjun
hjá ríkjandi meisturum. Í gær var
það Stjarnan sem lagði Keflavík að
velli, 81:63, en þetta var þriðji sigur
Stjörnukvenna. Skallagrímur vann
nýliða Breiðabliks, 78:69, og Njarð-
vík er enn án stiga eftir tap gegn
Snæfelli á heimavelli, 80:63.
Morgunblaðið/Golli
Systraslagur Systurnar Helena og Guðbjörg Sverrisdætur berjast um frá-
kast í toppslagnum á milli Hauka og Vals í Hafnarfirði í gærkvöld.
Tóm vandræði meistara
en Haukar á toppnum
NÝ ÞJÓNUSTA
FYRIR ÁSKRIFENDUR
HLJÓÐMOGGI FYRIR
FÓLK Á FERÐ