Morgunblaðið - 21.11.2017, Qupperneq 4

4 ÍÞRÓTTIR
MORGUNBLAÐIÐ ÞRIÐJUDAGUR 21. NÓVEMBER 2017
Mér ofbauð þegar ég mætti
til þess að fylgjast með 10 ára
dóttur minni á fimleikamóti
barna sem haldið var í Ásgarði í
Garðabæ á laugardaginn. Ekki
ofbauð mér dugnaður barnanna
heldur að þurfa að greiða 2.000
kr. í aðgangseyri að keppni sem
stóð yfir í tæpan hálftíma.
Ég hef marga fjöruna sopið
eftir að hafa fylgst með börnum
mínum í ýmsum íþróttum, utan
húss og innan, vítt og breitt um
landið, á undangengnum árum.
Án undantekninga hefur ekki
verið innheimtur aðgangseyrir
að þessum mótum. Fimleikar
skera sig úr í þessum efnum
ásamt dansi, ef marka má
reynslu mína. Látum það svo
sem vera ef gjaldið væri hóflegt.
Fyrir hálfum mánuði fylgdi
ég dótturinni á fimleikamót á
Akranesi. Þar var krafist 1.000
kr. í aðgangseyri. Snemma á
þessu ári fór ég austur á Selfoss
á mót þar sem gjaldið var lægra.
Þessi gjaldtaka bætist við
nokkur þúsund króna þátttöku-
gjald á hvert barn. Við því er svo
sem ekkert að segja enda tíðkast
á flestum mótum barna og ung-
linga að mótshaldari innheimti
þátttökugjald. Vissulega hefði ég
getað setið allan daginn í Ás-
garði og fylgst með keppninni til
þess að fá sem mest fyrir 2.000-
kallinn. Sennilega hefði það í
besta falli verið talið hjákátlegt.
Að rukka hvern þeirra sem
orðnir eru 18 ára um 2.000 kr.
fyrir að fylgjast með hálftíma
keppni á fimleikamóti barna er
hreint og klárt okur. Þúsund
krónur er einnig í hærri kant-
inum. Mótshaldarar vita vel og
nýta sér til fullnustu að foreldrar,
afi og amma segja ekki við barn-
ið að þau tími ekki að koma og
fylgjast með því. Þessi háa gjald-
taka er ljót og flokkast undir sið-
lausa græðgi.
BAKVÖRÐUR
Ívar Benediktsson
iben@mbl.is
VARMÁ
Guðmundur Hilmarsson
gummih@mbl.is
„Það er gott að við erum komnir á
toppinn. Þar líður okkur vel. Er ekki
heitt þar?“ sagði Valsmaðurinn öfl-
ugi Ýmir Örn Gíslason við Morgun-
blaðið eftir fimm marka sigur gegn
Aftureldingu, 28:23, á Varmá í gær.
Með sigrinum komust Íslands- og
bikarmeistararnir á toppinn, eru
stigi á undan FH-ingum sem hafa
tapað síðustu tveimur leikjum sín-
um.
Ýmir Örn skilaði svo sannarlega
góðum leik og það kæmi undirrit-
uðum mjög á óvart ef pilturinn færi
ekki út í atvinnumennsku eftir þessa
leiktíð. Ýmir er frábær varnarmaður
og í fjarveru bróður síns, Orra
Freys, sem er meiddur, leysir hann
línustöðuna og varnarmenn Aftur-
eldingar réðu ekkert við hann. Ýmir
skoraði fjögur mörk af línunni og
fiskaði fjögur vítaköst.
„Það er gott að geta gert eitthvað
fyrir liðið þótt línustaðan sé ekki mín
venjulega staða. Mér finnst mjög
gaman að spila á línunni og gaman
að vera í átökunum í vörninni,“ sagði
Ýmir.
Valsmenn voru skrefinu á undan
Mosfellingum í fyrri hálfleik þar sem
varnarleikur beggja liða var góður
og markvarslan sömuleiðis. Meist-
ararnir sýndu svo mátt sinn og meg-
in í seinni hálfleik. Þeir náðu fimm
marka forskoti um hálfleikinn miðj-
an og eftir það litu þeir ekki til baka.
Þeir sigldu stigunum tveimur örugg-
lega í höfn og eftir skellinn sem þeir
fengu gegn FH-ingum fyrr í þessum
mánuði hafa þeir svarað með þrem-
ur sigrum í röð og eru komnir í topp-
sætið.
Varnarleikur Valsmanna var mjög
öflugur þar sem Ýmir og Alexander
Örn Júlíusson voru í stórum hlut-
verkum og fyrir aftan vörnina var
Sigurður Ingiberg Ólafsson á tán-
um. Anton Rúnarsson stjórnaði
sóknarleik Valsmanna af festu,
Magnús Óli Magnússon var mjög
ógnandi og skoraði nokkur glæsileg
mörk og Ýmir var eins og áður segir
gríðarlega sterkur á línunni í annars
heilsteyptu Valsliði sem hefur góða
breidd.
Varnarleikur Aftureldingar var
góður í fyrri hálfleik og Lárus Helgi
Ólafsson varði vel en sóknarleik-
urinn gekk ekki sem skyldi. Elvar
Ásgeirsson og Árni Bragi Eyjólfs-
son voru atkvæðamestir en það
vantaði framlag frá fleiri leik-
mönnum. Eistinn Mikk Pinnonen
var mistækur og eftir að hafa lent
fimm mörkum undir um miðjan
seinni hálfleik var eins og Mosfell-
ingar, sem höfðu fyrir leikinn unnið
þrjá leiki í röð, misstu móðinn.
Líður vel á toppnum
 Íslands- og bikarmeistarar Vals gerðu góða ferð að Varmá  Valur lagði
Aftureldingu og skaust í toppsæti Olís-deildarinnar  Réðu ekkert við Ými Örn
Morgunblaðið/Eggert
Öflugur Ýmir Örn Gíslason var sterkur í liði Valsmanna og hér skorar hann eitt af mörkum sínum.
Á NESINU
Kristófer Kristjánsson
sport@mbl.is
Grótta hafði betur í uppgjöri neðstu
liða Olísdeildar karla í handknattleik
í gærkvöldi þegar liðið lagði Víking á
Seltjarnarnesi, 30:19, í 10. umferð-
inni. Finnur Ingi Stefánsson var val-
inn maður leiksins með níu mörk en
Hreiðar Levý Guðmundsson var
einnig drjúgur í marki heimamanna
með 15 mörk varin. Með sigrinum
lyfti Grótta sér af botninum, upp úr
fallsæti og í það 10. Víkingar taka
hins vegar við botnsætinu og eru
enn án sigurs í deildinni í vetur, með
þrjú jafntefli og sjö töp.
Umskipti
Grótta tapaði fyrstu átta leikjum
tímabilsins áður en liðið vann lang-
þráðan fyrsta sigur í síðustu umferð
gegn Selfossi. Sá sigur hefur gefið
leikmönnum mikinn meðbyr en þeir
spiluðu af krafti og áræði í gær og
fyrir utan nokkuð jafna byrjun voru
þeir aldrei líklegir til neins annars
en sigurs í Hertz-höllinni í gær. Það
er alltaf ótrúlegur munur á dags-
formi Víkinga; í síðustu umferð náðu
þeir í óvænt jafntefli gegn sterku liði
Hauka þar sem skyttan Egidijus
Mikalonis lék á als oddi og skoraði
17 mörk. Í gær komst hann, rétt eins
og liðið allt, aldrei í gang. Mikalonis
brenndi af tveimur vítaköstum, lét
verja frá sér ítrekað og endaði leik-
inn með fimm mörk. Vandamál Vík-
inga einskorðast þó ekki bara við
sóknarleikinn, liðið fékk á sig 18
mörk í seinni hálfleik er Gróttumenn
skoruðu að vild á meðan Davíð Hlíð-
dal Svansson, sem átti góðan fyrri
hálfleik, kom engum vörnum við í
markinu eftir að vörnin fyrir framan
hann hreinlega hrundi.
Annar fallslagur fram undan
Einhverjir hafa eflaust verið til-
búnir að afskrifa Gróttu eftir tap í
fyrstu átta leikjunum en liðið hefur
svarað því með tveimur sigrum í röð
og virðist nú til alls líklegt. Í
Hreiðari Levý Guðmundssyni er lið-
ið með einn besta markvörð deild-
arinnar og það mun hafa verið upp-
örvandi fyrir stuðningsmenn liðsins
að sjá það skora 30 mörk þó að stór-
skyttan sænska, Max Jonsson, hafi
átt rólegan leik. Finnur Ingi Stef-
ánsson og Bjarni Ófeigur Valdi-
marsson tóku af skarið í sóknar-
leiknum og sýndu að mikið býr í
þessum leikmannahópi. Sú stemning
sem er að myndast á Seltjarnarnesi í
kjölfar síðustu leikja gæti þó verið
fljót að fjara út nái liðið ekki að
fylgja þessum úrslitum eftir. Næsti
leikur er annar fallslagur, gegn
Fjölni á útivelli, en Fjölnir er annað
lið sem enn bíður eftir sínum fyrsta
sigurleik í vetur.
Mosfellsbær, úrvalsdeild karla, Olís-
deildin, mánudaginn 20. nóvember
2017.
Gangur leiksins: 1:1, 2:4, 5:7, 8:8,
10:9, 11:12, 11:14, 13:16, 14:19, 17:20,
18:24, 23:28.
Mörk Aftureldingar: Elvar Ásgeirs-
son 7/3, Árni Bragi Eyjólfsson 6,
Mikk Pinnonen 4, Sveinn Aron
Sveinsson 2, Einar Ingi Hrafnsson 2,
Gunnar Kristinn Þórsson 1, Bjarki
Kristinsson 1.
Varin skot: Lárus Helgi Ólafsson
11/1, Kolbeinn Aron Ingibjargarson
3/1.
Utan vallar: 8 mínútur.
Mörk Vals: Anton Rúnarsson 8/6,
Magnús Óli Magnússon 6, Ásgeir
Snær Vignisson 4, Ýmir Örn Gíslason
4, Vignir Stefánsson 3, Ólafur Ægir
Ólafsson 2/1, Ryuto Inage 1.
Varin skot: Sigurður Ingiberg Ólafs-
son 13, Einar Baldvin Baldvinsson
1/1.
Utan vallar: 12 mínútur.
Dómarar: Bjarni Viggósson og Jón
Karl Björnsson.
Áhorfendur: 250.
Afturelding – Valur 23:28
Seltjarnarnes, úrvalsdeild karla, Olís-
deildin, mánudaginn 20. nóvember
2017.
Gangur leiksins: 2:1, 4:4, 21:12, 8:7,
10:9, 12:9, 14:10, 17:11, 21:12, 24:16,
27:19, 30:19.
Mörk Gróttu: Finnur Ingi Stefánsson
9, Bjarni Ófeigur Valdimarsson 7,
Júlíus Þórir Stefánsson 4, Maxi-
miliam Jonsson 3/1, Daði Laxdal
Gautason 2, Nökkvi Dan Elliðason 2,
Hreiðar Levý Guðmundssson 1, Pét-
ur Hauksson 1, Hannes Grimm 1.
Varin skot: Hreiðar Levý Guð-
mundssson 15/1.
Utan vallar: 6 mínútur.
Mörk Víkings: Egidijus Mikalonis 5,
Víglundur Jarl Þórsson 4/1, Jón
Hjálmarsson 4, Magnús K. Magn-
ússon 2, Birgir M. Birgisson 1, Arnar
Gauti Grettisson 1, Jónas Bragi Haf-
steinsson 1, Hjalti Már Hjaltason 1.
Varin skot: Davíð Hlíðdal Svansson
11/1.
Utan vallar: 6 mínútur.
Dómarar: Sigurgeir Sigurgeirsson
og Ægir Örn Sigurgeirsson.
Áhorfendur: 345.
Grótta – Víkingur 30:19
Grótta vann uppgjörið á botninum
Morgunblaðið/Árni Sæberg
Sterkur Bjarni Ófeigur Valdimarsson var vörn Víkings stöðug ógn. Hér
sækir hann að Guðmundi Birgi Ægissyni sem virðist við öllu búinn.
 Annar sigur Seltirninga í röð  Þar með reka Víkingar lestina  Finnur Ingi og Hreiðar framúrskarandi