Morgunblaðið - 11.01.2018, Blaðsíða 3

Í HÖLLINNI
Jóhann Ingi Hafþórsson
johanningi@mbl.is
Tindastóll leikur til úrslita í bikar-
keppni karla í körfubolta í annað
skipti í sögunni eftir 85:75-sigur á
Haukum í undanúrslitum Maltbikars-
ins í Laugardalshöllinni í gærkvöldi.
Tindastóll var yfir stærstan hluta
leiks og var sigurinn verðskuldaður
og sanngjarn. Stólarnir hafa aldrei
unnið bikarmeistaratitil. Tap gegn
Keflavík í úrslitum varð raunin árið
2012, en nú fá Tindastólsmenn annað
tækifæri, nú gegn ríkjandi Íslands-
og bikarmeisturum KR.
Óstöðvandi Sigtryggur Arnar
Sigtryggur Arnar Björnsson fór á
kostum í gær og skoraði 35 stig og
tók 11 fráköst. Hvað eftir annað setti
hann niður skot á mikilvægum
augnablikum leiksins og liðsfélagar
hans leituðu mikið til hans, skilj-
anlega. Það skipti engu hvort hann
reyndi þriggja stiga skot eða keyrði
að vörn Hauka, það gekk allt upp.
Sigtryggur var viðloðandi íslenska
landsliðið fyrir EM í Finnlandi og í
gær sýndi hann að hann á erindi í
landsliðið.
„Þetta er með besta stigaskori sem
ég hef náð og ég elska úrslitaleiki.
Stóru mennirnir hjálpuðu mér að fá
opin skot og ég þarf ekki að horfa á
körfuna þegar ég er í svona gír,“
sagði Sigtryggur í samtali við Morg-
unblaðið eftir leik.
Hann var þó ekki einn á ferð í liði
Tindastóls. Pétur Rúnar Birgisson
skoraði aðeins tvö stig í gær, en hann
gaf átta stoðsendingar og spilaði vel.
Antonio Hester meiddist snemma
leiks og sat því mikið á bekknum.
Brandon Garrett, sem hefur verið
mikið gagnrýndur fyrir slaka spila-
mennsku, leysti hann af og gerði það
með sóma.
Varnarleikurinn, með Axel Kára-
son í aðalhlutverki, var heilt yfir
mjög góður og gekk vel að stöðva
Kára Jónsson. Kári skoraði 15 stig,
en hann hitti aðeins úr fjórum af 17
skotum sínum innan teigs og þremur
af 11 þriggja stiga tilraunum sínum.
Tindastólsmenn lögðu áherslu á að
gefa Kára ekki auðveld skot og það
gekk eftir. Paul Anthony Jones náði
sér ekki eins vel á strik og oft áður
og Breki Gylfason átti slakan leik og
var tekinn út af fljótlega.
Töpuðu síðast gegn Tindastóli
Fyrir leikinn voru Haukar búnir að
vinna níu leiki í röð og hafa ekki tap-
að leik síðan 2. nóvember en það var
einmitt gegn Tindastóli. Það er hins
vegar öðruvísi að spila í Höllinni en
annars staðar og Haukamenn virtust
einfaldlega ekki tilbúnir í slíkt verk-
efni á meðan leikmenn Tindastóls
nutu þess.
Það er ljóst að erfiðara verkefni
tekur við hjá Haukum. Eins og áður
hefur komið fram mætir Tindastóll
reynslumiklu liði KR í úrslitum. KR-
ingar hafa gert þetta margoft áður
og hafa reynsluna með sér. Með
spilamennsku eins og í gær er samt
of snemmt að afskrifa Tindastól. Nái
Sigtryggur að halda uppteknum
hætti og vörnin að standa eins vel,
gætu Stólarnir lyft sínum fyrsta
stóra bikar á laugardaginn kemur.
Haukar eru á toppnum í deildinni og
geta nú einbeitt sér að henni og
freistað þess að vinna sinn fyrsta Ís-
landsmeistaratitil síðan 1988.
Sigtryggur skaut Tinda-
stóli í úrslit í annað skipti
Morgunblaðið/Hari
Sjóðandi Sigtryggur Arnar Björnsson sækir að körfu Hauka en hann átti frábæran leik á báðum endum vallarins.
 Sanngjarn sigur Tindastóls á Haukum í undanúrslitum  Sigtryggur skoraði 35 stig
 Tindastóll gæti unnið sinn fyrsta stóra titil  Haukar náðu sér ekki á strik
ÍÞRÓTTIR 3
MORGUNBLAÐIÐ FIMMTUDAGUR 11. JANÚAR 2018
Serbía, sem er í riðli með Íslandi á Evrópu-
mótinu í handknattleik sem hefst í Króatíu á
föstudag, tapaði í gærkvöld öðru sinni fyrir
Slóveníu, nú 33:25, þegar þjóðirnar áttust við í
vináttuleik. Jovica Cvetkovic, þjálfari Serba,
ákvað hins vegar að hvíla nokkra af bestu
mönnum liðsins í gær.
Staðan í hálfleik var 15:14 fyrir Serbíu, sem
tapaði seinni hálfleiknum með alls níu marka
mun. Í fyrrakvöld mættust þjóðirnar einnig og
þá vann Slóvenía fjögurra marka sigur, 36:32.
Serbía hefur ekki átt góðu gengi að fagna í
undirbúningi sínum fyrir EM. Serbía tapaði fyrir Makedóníu á
föstudag og tapaði einnig fyrir Rúmeníu og Sviss á milli jóla og
nýárs.
Ísland mætir Serbíu í þriðja leik sínum á EM 16. janúar.
Serbar töpuðu öllum
Jovica
Cvetkovic
Á ársþingi Knattspyrnusambands Íslands í
næsta mánuði verða lagðar fram tillögur um
breytingar á lögum sambandsins, úr smiðju
sérstaks starfshóps um heildarendurskoðun
laganna. Á meðal þess sem lagt er til er að
formaður sambandsins verði í framtíðinni
kjörinn til þriggja ára í senn og að hver for-
maður sitji „ekki lengur en fjögur kjörtímabil
samfleytt“.
Guðni Bergsson var kjörinn formaður á
þinginu fyrir ári, og þá til tveggja ára eins og
núgildandi lög segja til um. Hingað til hefur
verið kosið á tveggja ára fresti og engin takmörk verið á hve
lengi menn gegna formennsku. Guðni tók við starfinu af Geir
Þorsteinssyni sem gegnt hafði formennsku í tíu ár, og áður var
Eggert Magnússon formaður í 18 ár. sindris@mbl.is
Sitji að hámarki í 12 ár
Guðni
Bergsson
Knattspyrnumaðurinn Alfreð Finnbogason
verður væntanlega ekki með Augsburg í fyrsta
leik liðsins eftir jólafríið í þýsku 1. deildinni.
Augsburg mætir Hamburg á laugardag.
Alfreð missti af stærstum hluta undirbún-
ings Augsburg í mánuðinum, á Tenerife, vegna
hásinarmeiðsla sem rekja má til síðasta leiks
fyrir jól. Samkvæmt fréttum staðarmiðilsins
Augsburger Allgemeine bætist svo við að Al-
freð hefur verið veikur og því ekki getað æft
eftir komu Augsburg-liðsins aftur til Þýska-
lands. Þar segir að svo geti farið að Alfreð
missi einnig af fyrsta útileik ársins, gegn Borussia Mönchenglad-
bach eftir rúma viku. Þjálfarinn Manuel Baum vildi þó ekki útiloka
að Alfreð yrði með um helgina, að minnsta kosti sem varamaður,
en hann er þriðji markahæstur í þýsku 1. deildinni með 11 mörk.
Flensa ofan í meiðslin
Alfreð
Finnbogason
Laugardalshöll, Maltbikar karla, und-
anúrslit, miðvikudag 10. janúar 2018.
Gangur leiksins: 5:6, 8:13, 11:15,
13:21, 19:23, 25:28, 25:35, 31:37,
39:40, 42:46, 42:51, 49:58, 59:66,
62:70, 68:78, 75:85.
Haukar: Paul Anthony Jones III 20/5
fráköst, Kári Jónsson 15/6 fráköst/6
stoðsendingar, Hjálmar Stefánsson
8/4 fráköst, Finnur Atli Magnússon 8/
12 fráköst, Emil Barja 7/5 stoðsend-
ingar, Arnór Bjarki Ívarsson 6, Kristján
Leifur Sverrisson 6, Haukur Óskarsson
5.
Fráköst: 27 í vörn, 8 í sókn.
Tindastóll: Sigtryggur Arnar Björns-
son 35/11 fráköst, Brandon Garrett
17/4 fráköst, Antonio Hester 9/6
fráköst, Björgvin Hafþór Ríkharðs-
son 7/4 fráköst, Helgi Freyr Mar-
geirsson 6, Axel Kárason 6, Hannes
Ingi Másson 3/5 fráköst, Pétur Rún-
ar Birgisson 2/8 fráköst/8 stoð-
sendingar.
Fráköst: 33 í vörn, 8 í sókn.
Dómarar: Kristinn Óskarsson, Davíð
Kristján Hreiðarsson, Eggert Þór
Aðalsteinsson.
Haukar – Tindastóll 75:85
 Lionel Messi og félagar í argent-
ínska landsliðinu, sem verða fyrstu
andstæðingar Íslendinga á heims-
meistaramótinu í knattspyrnu í Rúss-
landi í sumar, mæta Ítölum og Spán-
verjum í tveimur vináttuleikjum í mars
til undirbúnings fyrir HM. Argentína
og Ítalía eigast við í Basel í Sviss 23.
mars og fjórum dögum síðar mæta
Argentínumenn liði Spánverja í Madrid
en þeir eru margir sem spá því að
Spánverjar verði í baráttu um heims-
meistaratitilinn.
 Ísland og Arg-
entína eigast við á
HM í Moskvu 16.
júní í sumar en
hinar tvær þjóð-
irnar í D-riðlinum
eru Króatar og
Nígeríumenn. Í
gær var tilkynnt
að Nígeríumenn
myndu mæta Harry Kane og félögum í
enska landsliðinu á Wembley í vináttu-
landsleik fyrir mótið, þann 2. júní.
 Handknattleikskonan Hekla Rún
Ámundadóttir er gengin til liðs við
Hauka frá liði Aftureldingar. Hekla
skrifaði undir samning sem gildir fram
á sumar 2019. Hún er 23 ára, uppalin í
ÍR en gekk til liðs við Fram fyrir tíma-
bilið 2011-2012 þar sem að hún lék í 6
tímabil. Fyrir þetta tímabil gekk hún
svo til liðs við Aftureldingu þar sem
hún lék með liðinu í Grill 66 deild-
kvenna fyrir áramót. Auk þess hefur
Hekla leikið fyrir öll yngri landslið Ís-
lands en hún er örvhent og getur bæði
spilað í horninu og í skyttustöðu.
 Romelu Lukaku, framherji enska
úrvalsdeildarliðsins Manchester Unit-
ed í knattspyrnu, ætlar að höfða mál á
hendur eiganda Everton en Lukaku var
keyptur þaðan í sumar. Málið snýst um
það að Farhad Moshiri, eigandi Ever-
ton, sagði Lukaku hafa farið frá félag-
inu eftir að hafa fengið nokkurs konar
voodoo-skilaboð frá pílagrími í Afríku.
Þetta er belgíski framherj-
inn óánægður með. „Ro-
melu er kaþólskur og
voodoo-galdrar hafa ekk-
ert að gera með hans líf
eða trú. Hann hafði
einfaldlega ekki trú á
Everton og þess vegna
hafnaði hann samningi
þar og vildi fara ann-
að,“ sagði talsmaður
Lukaku og staðfesti
að hann væri að
leita réttar síns
vegna þessara
ummæla.
Eitt
ogannað