Víkurfréttir - 04.10.2018, Síða 8

8 BLEIKUR OKTÓBER Á SUÐURNESJUM
Ballettnám er undirstaðan
að góðum dansara
„Við vorum að fagna tíu ára afmæli
okkar nýverið og það var svo gaman
að fá alla þessa góðu gesti sem glödd-
ust með okkur þennan dag, hátt í
tvö hundruð manns kíktu í afmælið.
Gamlir nemendur komu líka í heim-
sókn, sem var virkilega ánægjulegt.
Við erum með lærða kennara hjá
okkur og einnig fyrrverandi nem-
endur sem kenna í forskólanum og
fleira hér við skólann. Við erum búin
á þessum tíu árum að bæta við dans-
flóruna hér á landi en það er saga að
segja frá því að fyrst þegar ég byrjaði
með skólann þá hafði engin áhuga á
ballett en það var það sem ég vildi
kenna allra helst því ballettinn er
undirstaða allrar danstækni og að-
stoðar dansarann við að ná tökum
á hreyfingum líkamans. Þú verður
svo flottur dansari þegar þú hefur
undirstöðu í ballett. Svo ég varð að
smygla ballettinum inn í tímana mína
í byrjun. Ég kenndi þá djassdans í
upphafi tímans en endaði á ballett.
Smátt og smátt fór ég að bjóða upp
á balletttíma eingöngu og þá sá ég
hvað nemendurnir tóku miklum
framförum. Það er svo magnað að
sjá hversu góður dansari þú verður
eftir að hafa lært alla tæknina fyrst í
gegnum klassískt ballettnám,“ segir
hún og augun ljóma en Bryndís er
sérlega lifandi manneskja.
Stúdentspróf af listnámsbraut
Danssýningar frá BRYN Ballett Aka-
demíunni hafa þótt mjög glæsilegar.
Námið er fjölbreytt en boðið er upp
á klassískan ballet, djassballett, nú-
tímadans, danssmíði, táskótækni,
karakter, Street/Jazz og einnig eru
önnur dansfög kynnt nemendum.
Gestakennarar koma reglulega í
heimsókn og bæta þá við fleiri dans-
stílum. Jólasýning og vorsýning
nemenda er fastur liður. Framundan
er margt skemmtilegt; Dansbikar
BRYN í október sem er danskeppni
nemenda á aldrinum 9–20 ára og
sýning framhaldsskóladeildar á Ung-
list í Borgarleikhúsinu í Reykjavík
í nóvember. Jólasýning skólans fer
fram í Menningarhúsi Andrews þann
8. desember.
Bryndís er eldheit áhugamanneskja
um dansmenntun og hefur komið því
til leiðar að dansnemendur BRYN geti
sótt framhaldsnám á listdansbraut
til stúdentsprófs. Framhaldsdeild
skiptist í tvær brautir á kjörsviði,
annars vegar sem klassískur list-
dans og hins vegar sem nútímalist-
dans. Nemendur frá henni hafa farið
þessa leið í gegnum Fjölbrautaskóla
Suðurnesja og Menntaskólann við
Hamrahlíð. Þar eru þessir nemendur
í venjulegu bóknámi en sækja dans-
tíma hjá BRYN til þess að fylla upp í
þá verklegu tíma sem þeir þurfa að
hafa til stúdentsprófs. Nemendur frá
BRYN hafa einnig farið til Englands
í listdansnám og síðast í sumar fóru
fjórar stúlkur frá henni á sumarnám-
skeið og voru á heimavist hjá Royal
Academy of Dance og stóðu sig mjög
vel. Yfir hundrað nemendur tóku þátt
víðsvegar að úr heiminum og fékk
einn nemandi frá BRYN verðlaun fyrir
bestu frammistöðuna á námskeiðinu.
Stoltið leynir sér ekki þegar Bryndís
segir frá þessu.
„Sýningar okkar fara víða en dans-
nemendur okkar hafa sýnt á mörgum
stöðum á landinu og toppurinn er
að sýna árlega í Eldborgarsal Hörpu
en skólinn er orðinn mjög þekktur.
Svo þakklát
fyrir þessi tíu ár
Mar ta Eiríksdóttir
marta@vf.is
VIÐTAL
Bryndís Einars sló í gegn þegar hún sigraði Freestyle-danskeppni Tónabæjar um árið og síðan þá hefur
dansinn dunað í lífi hennar. Í dag rekur hún listdansskóla í Reykjanesbæ sem fagnar tíu ára afmæli sínu
um þessar mundir. Bryndís segist afar þakklát því að hafa fengið að kenna og kynna listdans á Suður-
nesjunum fyrir rúmlega 8000 nemendum á þessum tíu árum.
Í dag er listdansskóli Bryndísar og fjölskyldu, BRYN Ballett Akademían, viðurkenndur listdans-
skóli af Royal Academy of Dance í Bretlandi og einnig af Mennta- og menningarmálaráðuneytinu
á Íslandi til kennslu í listdansi á grunn- og framhaldsskólastigi. Bryndís segir þetta búið að kosta
mikla vinnu „Við erum búin að fá að kenna listdans hér og það hefur ávallt verið draumur okkar.
Við erum að berjast fyrir fleiri nemendaígildum á framhaldsskólastiginu til þess að fá að sitja við
sama borð og aðrir skólar í Reykjavík en við erum aðeins fjórir viðurkenndir listdansskólar á Ís-
landi,“ segir Bryndís.
Það er svo magnað að
sjá hversu góður dansari
þú verður eftir að hafa
lært alla tæknina fyrst
í gegnum klassískt
ballettnám
Störf í boði
hjá Reykjanesbæ
Fræðslusvið – Tímabundið starf sálfræðings
Hljómahöll – Hljóðmaður/Verkefnastjóri
Umsóknir í auglýst störf skulu berast rafrænt gegnum
vef Reykjanesbæjar, Stjórnsýsla: Laus störf. Þar eru
jafnframt nánari upplýsingar um auglýst störf.
Hægt er að leggja inn almenna umsókn á sama stað.
Þeim er komið til stofnana sem eru í leit að starfsfólki.
Almennar umsóknir fyrnast að sex mánuðum liðnum.
Viðburðir
í Reykjanesbæ
Bókasafn Reykjanesbæjar - viðburðir framundan
Miðvikudaginn 3. okt. kl. 12:15-12:45: Hugleiðsluhádegi í
samstarfi við WAT Buddha. Frítt inn og allir velkomnir.
Fimmtudaginn 4. okt. kl. 11: Foreldramorgunn með Margréti
Knútsdóttur ljósm. sem ræðir líðan mæðra eftir fæðingu.
Tónlistarskóli Reykjanesbæjar - Kalos-kvartettinn
Kalos-kvartettinn heldur tónleika í Bergi Hljómahöll
miðvikudaginn 3. október kl. 19:30. Fjölbreytt og
spennandi efnisskrá, miðaverð 2500 kr.
Hljómahöll - viðburðir framundan
Prins Póló á trúnó : 4. okt.
Dúndurfréttir í Stapa : 18. okt. Miðasala á hljomaholl.is