Stjarnan - 01.02.1937, Qupperneq 8

i6
ST J ARNAN
yngsta barni upp til elztu afa og ömmu.”
Guði sé lof fyrir slíkan fagnaÖarboðskap,
sem leiðir alla unga og gamla til að eiga þátt í
starfi Drottins vors og frelsara Jesú Krists.
W. H. Bergherm.
Segðu það nú
Stuttu eftir andlát göfugs og góðs prests,
kornu nokkrir af vinurn hans, til að votta ekkju
hans hluttekningu sína. Eftir að þeir höfðu
með þakklæti minst á hina göfugu framkomu
hans og óeigingjörnu þjónustu, sagði hún með
tárin í augunum: "Eg þakka yður fyrir hlut-
tekningu yðar, en hvers vegna létuð þér aldrei
þetta þakklæti í ljósi meðan hann var lifandi?”
Vér minnumst einnig á Carlyle. Vesalings
Carlyle. H,ann virti lítils konuna sína, sem
annaðist hann svo vel, og þó átti hann henni
að þakka hve vel honum hepnuðust ritstörfin.
Honum varð alt þetta ljóst eftir að hún var
dáin. Hann fór þangað, sem hún síðast sást
lifandi, tók- af sér hattinn og stóð þar berhöfð-
aður í regninu og vindinum og sagði: “Ó, ef
eg aðeins gæti séð hana i 5 mínútur, til að full-
vissa hana um, að mér þótti alt af vænt um
hana. En hún vissi það ekki. Hún vissi það
aldrei.”
Ef þú hefir vingjarnlegt og uppörfandi orð,
eða kærleika, eða jafnvel vingjarnlega áminn-
ingu eða aðvörun, þá láttu það i ljósi nú, með-
an þú hefir tækifæri til þess. Þegar þú sér að
náunginn hefir við erfiðleika að berjast þá
hug'hreystu hann. Honum er það meira virði
nú heldur en vingjarnleg orð um hann eftir að
hann er dauður. Reynum að slétta leiðina, og
greiða veginn, hver fyrir annan. Vingjarnlegt
orð, sem ekki er talað, er horfið tækifæri til að
gleðja aðra.
E. Lloyd.
Smávegis
Ein einasta húsfluga getur lagt 700 egg, sem
innan 14 daga verða fullvaxnar flugur.
Mussolini segist geta haft 8 miljón her-
menn til reiðu með fárra klukkustunda fyrir-
vara, einnig 200 stríðsvagna (tanks), 400 fall-
hyssur, 3,000 vélabyssur, 2,800 vagna til að
flytja hernaðartæki, og 4,000 flugvélar, ef til
stríðs kæmi.
STJARNAN kemur út einu sinni á mán-
uði. Verð: $1.00 á ári. Borgist fyrirfram.
Útgefendur: The Canadian Union Con-
ference of S.D.A., 209 Birks Bldg. Wpeg.
Ritstjórn og afgreiðslu annast
MISS S. JOHNSON, Lundar, Man., Can.
Árið 1928 voru gefin út í Berlín á Þýzka-
landi 2,633 fréttablöð og tímarit, en nú er þeim
fækkað niður í 1,584. 1928 voru þar 147 dag-
blöð, nú eru þau aðeins 83.
Jarðskjálftar koimu fyrir í haust í norður-
hluta Italíu, þeirra varð einnig vart í Júgó-
slavíu. 25 manns dóu i jarðskjálftunum. Hús
voru skemd og eyðilögð svo hundruðum skifti,
og einnig fáeinar kirkjur. Þetta bar upp á
sunnudag, svo fjöldi fólks þorði ekki að fara
í kirkju.
Belgiustjórn hefir sagt upp sambandinu við
Frakkland til sjálfsvarnar, og ætlar að taka
sömu afstöðu og fyrir stríðið mikla, að vera
hlutiaus í stríði, og standa eitt sér.
Beinagrind af stórum mastadon, nokkurs
konar fílategund, fanst í jörðu skamt frá
Rochester, Indiana. Hún var send til náttúru-
gripasafnsins í New York. Rifbeinin eru um
4 fet á lengd.
Þegar manntalið var haldið í Bandaríkjun-
um árið 1930 kom það í ljós að 4,283,753 mianns
yfir tíu ára aldur, kunni hvorki að lesa né
skrifa á neinu tungumáli.
Samkvæmt síðustu skýrslum frá New York
eru þar 2,141 miljónamæringar og 1,066 ríkar
ekkjur í borginni. I öllum Bandaríkjunum eru
nú 13,183 miljóna eigendur.
402 konur i Bandaríkjunum hafa tekið próf
í flugvélafræði og fengið viðurkenningu fyrir.
Alls eru 14,763 flugmenn og flugkonur í Ame-
ríku. ----•—
Silfurrefasýning var haldin í Kristiansand í
Noregi í nóvamber mánuði. í Vestur Agder
eru um 10,000 refir á 250 býlum. Eitt par af
silfurrefum af beztu tegund var selt fyrir 1100
krónur.
Það er krókódíllinn en ekki ljónið, sem
drepur flest fólk i Afríku.