Stjarnan - 01.07.1951, Blaðsíða 8

56
STJARNAN
STJARNAN Authorized as second class
mail, Post Office Depart-
ment, Ottawa. Published monthly. Price $1.00
a year. Publishers: The Can. Union Conference
of S. D. A., Oshawa, Ontario.
Ritstjörn og afgreiOslu annast:
MISS S. JOHNSON, Lundar, Man., Can.
Þegar það meinar sigur að
gefast upp
Þegar Mahmud sigraði Indland stóð
hann um stund hikandi frammi fyrir stóru
goðalíkneski. Brahmanar beiddu hann að
hlífa þessum Guði sínum, og buðu honum
mikla fjárupphæð ef hann eyðilegði ekki
skurðgoðið. Hann var á báðum áttum. Hví
skyldi hann hafna þeim auð sem honum
var boðinn? Að lokum réð hann af að eyði-
leggja goðið, þó það væri skaði fyrir hann
sjálfan, svo hann skipaði fyrir að brjóta
líkneskið. Þegar hamarinn braut líkneskið,
sem var holt innan, hugsið yður bara, þá
féll út að fótum Sigurvegarans hrúga af
dýrmætustu gimsteinum og demöntum.
Verðmæti þeirra var miklu meira en hon-
um hafði verið boðið ef hann vildi hlífa
líkneskinu. Mahmud bjóst við miklu fjár-
tapi en það reyndist margfaldur gróði.
Hið sama á sér stað með kristilegt
líferni. Að snúa baki við heiminum er á-
vinningur. Að gefa sig Guði meinar sigur.
Sá, sem gefur Guði líf sitt finnur dyr von-
arinnar standa opnar. Kristnir menn sem
sætta sig við takmarkaða hlýðni, geta al-
drei orðið sigri hrósandi meðan þeir halda
þeirri stefnu. Þeir leggja lítið í sölurnar
fyrir trú sína og njóta lítillar blessunar
af henni.
Sannkristinn maður gefur Guði sjálf-
an sig skilyrðislaust. Hann fær fyrirgefn-
ingu synda sinna, öðlast örugga von, hrein-
leika hjartans, kraft heilags anda og þá
gleði og þann frið, sem heimurinn getur
hvorki gefið né tekið. — Skortur á þeim
frið veldur því að hjörtu manna van-
megnast.
Eini vegurinn til að komast áfram og
sigra í baráttu lífsins er að vera sannkrist-
inn, slíta öllum félagsskap við satan, synd-
ina og heiminn, en gefa Jesú fullkomin
umráð yfir hjarta sínu. Vér þurfum að
segja með Páli postula: „Eitt gjöri ég, ég
gleymi því sem að baki er en seilist eftir
því sem fyrir framan er, og keppi þannig
að markinu til verðlaunanna, sem him-
inköllun Guðs fyrir Krist Jesúm býður“.
Vér þurfum að fylgja ráðum Páls til Tímó-
teusar: „Ver allur í þessu“, — að fram-
kvæma kristilegar skyldur sínar, sá sem
gjörir það öðlast miklu meiri auð heldur
en Mahmud þegar hann braut líkneskið.
Þá munum vér finna að Jesús er við-
kvæmur kærleiksríkur leiðtogi, vinur, sem
uppfyllir allar þarfir og fyllir hjörtu vor
fögnuði og friði. Vinur sem aldrei bregst.
Satan telur mönnum trú um að kristin-
dómurinn svifti lífið allri gleði. En hann
er lygari. Davíð segir sannleikann: „Gleði-
gnótt er fyrir augliti þínu, yndi í hægri
hendi þinni að eilífu“. Já, líf með Guði
er sannfarsælt líf.
Þegar Jesús dó á krossinum var sat-
an fullkomlega yfirunninn.. Alt sem vér
þurfum að gera er að gefa Jesú full umráð
yfir lífi voru. Þá munum vér líka gleðjast
yfir fullkomnum sigri. Þá munum vér vita
af eigin reynslu að sannur kristindómur
er meira virði en alt annað. Þá munum
vér vita að undirgefni undir Guðs vilja
meinar öruggan sigur. E. E. Andross
------------------•☆•----------
Smávegis
„Þú getur gefið án'þess að elska, en
þú getur ekki elskað án þess að gefa“.
☆ ☆ ☆
Mótmælendur í Bandaríkjunum gáfu
yfir eina biljón dollara til kirkna sinna
árið 1950. Það var meira en gefið hafði
verið á einu ári nokkru sinni fyr.
☆ ☆ ☆
Nú er komið í móð í Frakklandi að
lita hund frúarinnar í samræmi við litinn
á kápu hennar, svo að þau eigi betur sam-
an þegar þau eru úti á skemtigöngu. Þess
er ekki getið hvernig héppa geðjast að
litarbaðinu.
☆ ☆ ☆
Mr. M. Kerwick í Darwin, Ástralíu,
hefir veitt því eftirtekt að krókódílar lað-
ast að söng og hljóðfæraslætti. Hann hefir
gjört tilraunir með þetta sem sannfæra
bæði hann og vini hans.
☆ ☆ ☆
Árið 1950 voru fréttablöðum Banda-
ríkjanna borgaðar $499.019,000 fyrir aug-
lýsingar.