Mosfellingur - 20.12.2018, Qupperneq 36

- Jólahugvekja36
Þegar þetta eintak af bæjarblaðinu Mos-fellingi berst í hús í bænum okkar og nær-sveitum, þá eru sennilega flestir að leggja
síðustu hönd á jólaundirbúninginn. Heimilin
eru skreytt innan- sem utandyra og eftirvænt-
ingin stigmagnast - já sérstaklega hjá yngstu
kynslóðinni.
Og svo eru það þau sem tóku sér far til fjar-
lægra landa. Kannski til að sleppa „öllu stessinu“
eða og sennilegra til að njóta hvíldar og samveru
með sínum nánustu á framandi grund – að njóta
jólanna.
Einhver sagði „Ég hætti við að vera trúleysingi, vegna
þess að í því eru engir helgidagar – frídagar“. Sennilega
var þetta sagt í gríni, en því fylgir viss alvara. Höfum það
í huga að þegar við höfum tækifæri til að losa
okkur frá amstri daganna og gera eitthvað allt
annað, þá vaknar innra með okkur margt sem
við mögulega höfum vanrækt eða sett til hliðar.
Það getur jafnvel verið hin djúpa þrá sálarinnar
að vera andlega tengdur einhverju sem er meira
og stærra en maður sjálfur.
- Hvað er það sem gerir jólin svona einstök.
Fyllir stofuna birtu og hjörtun hlýju og kærleik?
Eru jólin bara hellingur af gjöfum, „led“ ljósa-
seríum og saddir magar? Er stuttur friður heims-
ins og fjölskyldunnar vopnahlé sem jólin okkur færa? Eru
jólin auðnin ein og jatan tóm á jólanótt? Eða er eitthvað
meira?
Eitthvað á þessa leið er spurt í dönsku jólalagi frá 2015.
Svarið, sem það einnig gefur, beinir sjónum okkar að
barninu sem liggur í jötunni í fjárhúsinu í Betlehem. „Já
jólastjarnan skín þegar ég sé að barnið í jötunni er miklu
meira“.
Jatan er ekki tóm. Þar liggur barnið, Jesús.
Jólin eru hátíð hans , sem vill að öll börn, allt líf fái að
gleðjast og fagna í birtu umhyggjunnar, trúarinnar, vonar-
innar, kærleikans.
Hann vill að einmitt þú og ég, að allir fái að gleðjast og
njóti blessunar í ljósi hans. Guð gefi okkur öllum gleðileg
jól!
Fyrir hönd presta og starfsmanna Lágafellssóknar óskum
við öllum nær og fjær gleðríkra jóla.
 Sr.RagnheiðurJónsdóttir,sóknarprestur
Hvað er það
sem gerir jólin
svona einstök?
Jólahugvekja
Mynd/RaggiÓla
HáHolti 13-15 - Sími: 416 0100
Gleðileg jól og gæfuríkt nýtt ár
Takk fyrir viðskiptin á árinu
með umhyggju