Mosfellingur - 16.12.2010, Qupperneq 34
- Aðsendar greinar34
Vegna skrifa um hækkun á
launum bæjarstjóra og greiðslu
ýmissa fríðinda sem skrifað var
um í síðasta tölublaði Mosfellings
þá get ég nú bara varla enn trúað
því sem ég þar las! Ég varð svo
reið eftir lestur þessarar fréttar
um að núverandi bæjarstjóri og
meirihluti samþykktu að hækka
laun bæjarstjórans um tvo launaflokka
og láta hann ennþá njóta ýmissa fríðinda
sem er bara alveg út úr kú í því erfiða
skuldaástandi sem sveitarfélagið er í.
Hverskonar bæjarstjórn, og já, bæjarstjóra
sitjum við eiginlega uppi með sem
samþykkja svona rugl? Eruð þið
ekki í lagi?
Mér er gjörsamlega misboðið
sem skattborgara í þessu sveitar-
félagi þegar talað er um sparnað-
araðgerðir fyrir sveitarfélagið til
hægri og vinstri, skerta þjónustu,
lokanir víðsvegar og hækkandi
álögur á íbúa, þá virðist bara vera allt í lagi
að hækka laun bæjarstjórans. Þvílík frekja
og vanvirðing við þegna þessa sveitarfélags.
Ég sem sjálfstæðismanneskja sem viður-
kennir að hafa endurkosið þennan bæjar-
stjóra í síðustu kosningum, mun ekki falla
í þá gryfju aftur.
ALDREI AFTUR!!! Mitt atkvæði er Sjálf-
stæðisflokknum að fullu glatað með svona
háttalagi og vonandi munuð þið sveitungar
mínir einnig muna þessa framkomu bæjar-
stjórnar í næstu kosningum. Ekki gleyma
þætti Vinstri grænna í þessum skrípaleik
heldur. Látum ekki svona svívirðu yfir okk-
ur ganga. Geymt en ekki gleymt segi ég.
Skammist ykkar svo allir sem einn í
meirihlutanum.
Hólmfríður D. Magnúsdóttir
Umhugsunarefni vegna
hækkandi launa bæjarstjóra
AðsendAr greinAr
Greinum skal skila inn með
tölvupósti á netfangið
mosfellingur@mosfellingur.is
og skulu þær ekki vera
lengri en 500 orð.
Greinum skal fylgja fullt nafn
ásamt mynd af höfundi.
Vegna greinar sem
varabæjarfulltrúi Sam-
fylkingarinnar, Hanna Bjart-
mars, ritaði í Mosfelling
nýlega undir yfirskriftinni
„Laun bæjarstjóra” teljum
við nauðsynlegt að koma
neðangreindum upplýs-
ingum á framfæri. Ástæðan
er sú að í greininni koma
fram villandi upplýsingar
sem felast í því að þeir sem
ekki til málsins þekkja gætu
skilið sem svo að laun bæj-
arstjóra hafi hækkað.
Hið rétta er að laun bæj-
arstjóra Mosfellsbæjar hafa
lækkað alls um 17% frá því
að ráðningarsamningur var gerður haustið
2007.
Lækkunin greinist með
eftirfarandi hætti:
1. janúar 2009. Lækkun um 7,56% skv.
úrskurði Kjararáðs, en laun bæjarstjóra
eru tengd við laun ráðuneytisstjóra
1. janúar 2010. Lækkun um 3% skv. ósk
bæjarstjóra
1. nóv. 2010. Lækkun um 5% skv. nýjum
ráðningarsamningi
1. nóv. 2010. Lækkuð
hlunnindi, 1% af launum
skv. nýjum ráðningar-
samningi
Uppreiknað er hér um
að ræða rúmlega 17%
launalækkun á tímabil-
inu.
Varðandi þá launa-
flokkatilfærslu sem getið
er um í greininni, er hún
tilkomin vegna þess að
launflokkur bæjarstjóra
er tengdur við launa-
flokk ráðuneytisstjóra og
ákvarðaði Kjararáð þær
breytingar. Þessi tilfærsla
leiddi ekki til hækkunar launa.
Okkur þykir leitt að þurfa að leiðrétta
greinar sem kjörnir fulltrúar skrifa,
sérstaklega þar sem viðkomandi veit betur
en við teljum nauðsynlegt að Mosfellingar
hafi réttar upplýsingar um mál sem þetta.
Karl Tómasson, forseti bæjarstjórnar
Herdís Sigurjónsdóttir, formaður bæjarráðs
Bryndís Haraldsdóttir, bæjarfulltrúi
Hafsteinn Pálsson, bæjarfulltrúi
Staðreyndir um
laun bæjarstjóra
Undanfarnar vikur hefur ver-
ið unnið hörðum höndum við
gerð fjárhagsáætlunnar sem tek-
in verður fyrir til seinni umræðu
á næsta bæjarstjórnarfundi. Eitt
mikilvægasta verkefni allra sveit-
arstjórnamanna er einmitt gerð
fjárhagsáætlunar, í henni eru
mótuð skref næstu missera.
Ekki þarf að tíunda í hverslags umhverfi
þessi vinna fer nú fram, enda öllum kunn-
ugt um það erfiða ástand sem við er glímt
um land allt um þessar mundir. Það er ljóst
að margar þær ákvarðanir sem hafa verið
teknar um niðurskurð og frestun fram-
kvæmda hafa reynt á þolrifin hjá okkur sem
tökum þær. Öllum var ljóst að ekki væri fært
lengur að reka bæjarsjóð með halla og nú
tókst að ná jafnvægi í rekstri bæjarins. Það
kemur í veg fyrir að næstu kynslóðir þurfi
að takast á við þau vandamál sem halla-
rekstri fylgja.
Samstíga meirihluti
Ég get þó með góðri samvisku sagt, að
einstaklega samstíga hópur meirihlutans
ásamt embættismönnum og forstöðu-
mönnum stofnana hefur frá upphafi vinn-
unar haft að leiðarljósi að standa af öllum
krafti eins mikinn vörð og hægt er um vel-
ferðar-, skóla – og fjölskyldumál.
Þó að framkvæmdir bæjarins verði í al-
geru lágmarki eins og gefur að skilja, er
þó ljóst að hafist verður handa við
byggingu hjúkrunarheimilis og
framhaldsskóla í samvinnu við rík-
isvaldið á næsta ári. Ekki þarf að
fjölyrða um það, hvaða þýðingu þær
framkvæmdir hafa fyrir bæjarbúa.
Þakklát fyrir traustið
Nú er þetta ár senn á enda runn-
ið og vonandi hefur það reynst sem flest-
um farsælt og gott. Hjá okkur sem lifum og
hrærumst í pólitíkinni eru kosningaár eins
og það sem nú er brátt liðið alltaf einstök
og minnisstæð.
Í síðastliðnum kosningum fengum við
Vinstri græn góða kosningu og héldum
okkar hlut frá þeim fyrri eftir að hafa ver-
ið í meirihluta með sjálfstæðismönnum á
síðasta kjörtímabili. Fylgi flokksins í Mos-
fellsbæ var með því mesta sem VG fékk á
landsvísu. Fyrir það vorum við og erum
afar þakklát og þökkum þann stuðning og
traust sem okkur var nú sýnt öðru sinni.
Eins og allir vita ákvað sami meirihluti að
halda áfram góðu samstarfi sínu og göng-
um við öll full bjartsýni til starfa fyrir sveit-
arfélagið og munum leggja okkar að mörk-
um til góðra verka nú sem endra nær.
Ég færi Mosfellingum öllum nær og fjær
mínar bestu óskir um gleðileg jól og gæfu-
ríkt komandi ár.
Karl Tómasson forseti bæjarstjórnar.
Horfum fram á veginn
Fyrir þá örfáu sem það ekki vita
þá hefur Björgunarsveitin Kyndill
rekið öflugt slysavarnar- og björg-
unarstarf í bæjarfélaginu í rúm 40
ár. Sveitin hefur sjaldan verið jafn
sterk og nú enda hefur starfið verið
öflugt og nýliðun með besta móti.
Sveitin hefur yfir að ráða þekk-
ingu og tækjabúnaði sem hefur
skipað henni í röð fremstu björgunarsveita
á landsvísu, þá sérstaklega á sviði leitar og
björgunar á vélsleðum. Viðhald og endur-
nýjun slíkra tækja og annars búnaðar sem
sveitin nýtir er kostnaðarsamt en jafnframt
nauðsynlegur hluti starfsins.
Því leitar Björgunarsveitin Kyndill eftir
aðstoð sveitunga sinna, nú sem endranær.
Ein mikilvægasta fjáröflun björgunarsveit-
arinnar er sala flugelda um hver áramót.
Útkoma flugeldasölunnar segir
til um hvort sveitin nær að starfa
óskert milli áramóta. Það er því
mikilvægt að sveitungar sýni sam-
stöðu og styðji áfram slysvarnar- og
björgunarstarf í bænum með kaup-
um á flugeldum hjá Kyndli.
Að venju eru sölustaðirnir
tveir. Annars vegar í húsi sveitarinnar við
Völuteig og hins vegar í skúr á Krónu-
planinu í Háholti. Flugeldasala Kyndils
verður opin dagana 28.-30. desember kl.
10-22 og kl. 10-16 þann 31. desember.
Kyndill þakkar veittan stuðning og óskar
sveitungum sínum gleðilegs nýs og öruggs
árs!
Ólafur Arnar Jónsson
Kyndill lýsir þér leið
Höfum við gengið til góðs
götuna fram eftir veg?
Jónas Hallgrímsson: Ísland.
Mosfellsbær er víðfeðmur og teygir sig
hálfa leið til Þingvalla og Hveragerðis.
Um sveitarfélagið liggja stígar og slóðar af
ýmiskonar uppruna og
gerðum, til dæmis fornar
þjóðleiðir, gamlar kinda-
götur og línuvegir.
En Mosfellsbær er ekki
einungis fjöll og heið-
ar heldur einnig hluti af
stærsta þéttbýlissvæði
landsins. Með fjölbreytt-
ari ökutækjum og vaxandi áhuga á útivist
hefur notkun á stígum og ökuslóðum innan
bæjarfélagsins stóraukist á undanförnum
árum. En ekki er alltaf ljóst hvar má aka og
á hvernig farartækjum. Þar takast á sjónar-
mið margra aðila, bæði landeigenda, hesta-
manna, gangandi fólks og ökumanna, eins
og vel kom fram á fjölmennum fræðslu-
fundi sem Umhverfis- og náttúrufræðifé-
lag Mosfellsbæjar (UNM) og Mosfellsbær
héldu hinn 18. nóvember.
Ég tel það brýnt að mismunandi viðhorf
og skoðanir í þessum efnum verði sam-
ræmd svo sátt ríki um notkun á stígum og
slóðum innan bæjarfélagsins. Hvar má til
dæmis aka á jeppum, fjórhjólum og vél-
hjólum? Og getur umferð hestamanna og
vélknúinna ökutækja farið saman? Hvar
leyfa landeigendur umferð ökutækja um
land sitt og hvar er hún óheimil? Þessum
spurningum er ekki alltaf fljótsvarað og
nauðsynlegt að bæjaryfirvöld skerpi á regl-
um á þessu sviði. Þess vegna fagna ég því
að á fundi í umhverfisnefnd Mosfellsbæj-
ar hinn 9. desember var eftirfarandi tillaga
samþykkt:
„Umhverfisnefnd leggur til að formaður
nefndarinnar og umhverfisstjóri Mosfells-
bæjar hefji vinnu við kortlagningu stíga og
slóða í landi bæjarins, bæði gönguleiða,
reiðvega og ökuslóða. Verkið verði unn-
ið í samráði við hagsmunaaðila, svo sem
hestamenn, landeigendur, Motomos og
Slóðavini, og niðurstöður kynntar fyrir um-
hverfisnefnd.“
Það er von mín að þessi vinna leiði til
skynsamlegrar notkunar á stígum og slóð-
um innan Mosfellsbæjar, í sátt við náttúru
landsins og umhverfi bæjarins.
Bjarki Bjarnason,
formaður umhverfisnefndar Mosfellsbæjar.
Götuna fram eftir veg
Gamli Þingvallavegurinn, sem liggur þvert yfir
Mosfellsheiði, er merkilegt mannvirki frá seinustu
árum 19. aldar. En á hvaða farartækjum má aka
hér? Þeirri spurningu hefur ekki verið svarað.
G
M
á
Þ
amli Þin
osfellsh
rum 19. a
eirri spur
gvallaveg
eiði, er me
ldar. En á
ningu hef
urinn, sem
rkilegt m
hvaða fa
ur ekki ve
liggur þ
annvirki f
rartækjum
rið svarað
Ljósmynd
vert yfir
rá seinust
má aka h
.
: Bjarki Bja
u
ér?
rnason.
Mosfellingurársins
Sendið tilnefningar um Mosfelling ársins 2010.
mosfellingur@mosfellingur.is