Morgunblaðið - 20.10.2018, Blaðsíða 3

ÍÞRÓTTIR 3
MORGUNBLAÐIÐ LAUGARDAGUR 20. OKTÓBER 2018
HÓPFIMLEIKAR
Ívar Benediktsson
iben@mbl.is
Andrea Sif Pétursdóttir, fyrirliði
kvennalandsliðsins í hópfimleikum, er
nú að taka þátt í sínu fimmta Evrópu-
móti í hópfimleikum, þar af er hún í
annað sinn í röð fyrirliði kvennalands-
liðsins. Hún hefur alltaf komið heim
með verðlaun í farteskinu. Fyrst
brons í stúlknaflokki á EM 2010, þá
gull í sama flokki tveimur árum síðar
og silfurverðlaun í fullorðinsflokki
2014 og 2016. Í dag gerir hún ásamt
stöllum sínum í kvennalandsliðinu at-
lögu að gullverðlaunum á EM í Portú-
gal.
Eftir framúrskarandi frammistöðu
í undankeppninni á fimmtudaginn þar
sem íslenska sveitin hafnaði í öðru
sæti bendir allt til að baráttan um
gullið verði á milli sænsku og íslensku
sveitarinnar. Spekingar hér ytra
segja sveitirnar vera hnífjafnar.
Andrea Sif var á sama máli þegar hún
settist niður með blaðamanni á hóteli
landsliðsins að loknum morgunverði í
gærmorgun.
„Ég held að keppnin snúist um það
hvorri sveitinni tekst að lenda betur í
stökkum sínum. Það skiptir mjög
miklu máli að ná að lenda upprétt en
ekki hallast fram eða aftur eða að
taka skref til baka þegar komið er
niður á gólfið eftir hvert stökk,“ sagði
Andrea Sif en alls þarf hvert lið að
ljúka 36 stökkum í tveimur greinum,
annarri á fíberdýnu og hinni á tram-
pólíni. „Eins skiptir máli hvernig
staða keppenda er í loftinu. Ef vel
tekst upp við hvorttveggja, þá er
maður í ágætum málum. Við og Sví-
arnir erum hnífjöfn og sennilega mun
dagsformið ráða því hvor sveitin fer
með sigur af hólmi,“ sagði Andrea Sif.
„Við erum bara spenntar að fara
inn í daginn því við vitum að við get-
um gert betur en á fimmtudags-
kvöldið, ekki síst í trampólínstökk-
unum. Við eigum inni að vera
spenntari og fara hærra, nota tram-
pólínið betur en við gerðum. Allar æf-
ingarnar snúast um gera þær vel. Því
getur oft skipt máli að gera aðeins
einfaldari hluti en gera þá þeim mun
betur,“ sagði Andrea Sif.
Slasaðist fyrir 10 árum
Andrea Sif fæddist 1996. Segja má
að líf hennar frá fjögurra ára aldri
hafi snúist um fimleika. Hún hóf að
æfa hjá Stjörnunni fjögurra ára göm-
ul og var fyrstu sjö til átta árin í
áhaldafimleikum. Andrea Sif varð fyr-
ir slysi 2008 þegar hún féll í gólfið við
æfingar á tvíslá og meiddist illa en
náði góðum bata og ákvað í framhald-
inu að snúa sér að hópfimleikum. Hún
sýndi strax mikla hæfileika og tók
skjótum framförum sem leiddu hana
inn í stúlknalandsliðið 2010 sem vann
m.a. bronsverðlaun á EM. Þar með
varð ekki aftur snúið. Hópfimleikar
voru og eru málið hjá þessari ungu og
dugmiklu konu. Líf hennar snýst um
íþróttina frá morgni til kvölds. Andr-
ea Sif þjálfar sjö hópa hjá Stjörnunni
og æfir síðan klukkustundum saman á
hverjum degi. Líf hennar og áhuga-
mál eru eitt.
„Mér finnst ágætt að vera í fim-
leikasalnum allan daginn,“ sagði
Andrea Sif og ljóst er að hér er á
ferðinni einstaklega einbeitt og
ákveðin íþróttakona og sterk fyr-
irmynd. „Segja má að frá árinu 2000
hafi ég haft fimleika í fyrsta sæti. Þótt
mér hafi gengið vel í skóla þá setti ég
alltaf fimleika framar. Já, svona er
ég,“ sagði Andrea Sif.
Ofsalega skemmtilegt
„Þetta er fyrst og fremst svo ofsa-
lega skemmtilegt auk þess sem fé-
lagsskapurinn er frábær,“ sagði
Andrea Sif, spurð hvað drifi hana
áfram ár eftir ár. Stór hluti þessa árs
hefur litast af undirbúningi fyrir EM,
undirbúningur sem hefur stigmagn-
ast síðustu mánuði með sífellt fleiri
æfingum eftir því nær hefur dregið
mótinu. „Það er eitthvað við það að
vera allar saman. Liðsheildin og
gleðin er svo mikil í kringum íþróttina
og hópinn. Það gefur mikið auk þess
sem maður sækist alltaf eftir að gera
betur í fimleikunum sjálfum. Í lands-
liðinu núna erum við nokkrar sem
höfum verið saman í landsliðum frá
2010, þótt við komum frá mismunandi
félagsliðum,“ sagði Andrea Sif en í
kvennlandsliðinu nú eru 12 konur sem
koma frá þremur félagsliðum, Fjölni,
Gerplu og Stjörnunni.
„Mér finnst kvennalandsliðið aldrei
hafa verið eins vel samstillt og núna.
Við erum samstiga og einbeittar í að
ná árangri. Það er mjög góð tilfinn-
ing. Til að mynda hefur enginn
árekstur átt sér stað innan liðsins,
sem er óvenjulegt,“ sagði Andrea Sif
með bros á vör.
Alltaf gott að hafa mömmu
Móðir Andreu Sifjar, Brynja Ást-
ráðsdóttir, hefur staðið þétt á bak við
dóttur sín á fimleikavellinum.
„Mamma hefur fylgt mér á öll stór-
mót frá 2010, jafnt Evrópumót sem
Norðurlandamót og hún er að sjálf-
sögðu með mér hér í Portúgal ásamt
fjölmennum hópi foreldra og aðstand-
enda keppenda. Það er alltaf gott að
hafa mömmu með.“
Andrea Sif segist síður en svo vera
farin að hugsa um að draga saman
seglin. „Ég á eftir að taka þátt í fleiri
mótum. Eftir tvö ár fer EM fram í
Kaupmannahöfn. Ég er strax farin í
huganum að búa mig undir það og
vonandi næ ég öðru móti á heimavelli
áður en yfir lýkur,“ sagði Andrea Sif
Pétursdóttir, fyrirliði kvennalands-
liðsins í hópfimleikum.
Ágætt að vera í fimleika-
salnum allan daginn
Morgunblaðið/Ívar Benediktsson
Fyrirliðinn Andrea Sif Pétursdóttir, fyrirliði íslenska kvennalandsliðsins í hópfimleikum, fyrir utan hótel liðsins í Lissa-
bon í gær. Á bak við hana sést í listaverk eftir Erró sem þekur stóran vegg fyrir utan hótelið.
 Líf fyrirliða landsliðsins hefur snúist um fimleika frá fjögurra ára aldri
Landsliðsmiðvörðurinn Sverrir Ingi Ingason skoraði sitt
fyrsta mark á tímabilinu í rússnesku úrvalsdeildinni í knatt-
spyrnu í gærkvöld. Rostov fór þá til Moskvu og beið þar lægri
hlut, 2:1, fyrir Lokomotiv. Sverrir jafnaði metin fyrir Rostov
eftir hornspyrnu um miðjan fyrri hálfleik, tveimur mínútum
eftir að heimaliðið hafði náð forystunni. Sverrir hefur þar með
skorað fjögur mörk í deildinni en hann gerði þrjú mörk í 28
leikjum á síðasta tímabili. Ragnar Sigurðsson lék að vanda við
hlið Sverris í vörn Rostov og Björn Bergmann Sigurðarson lék
í rúman klukkutíma í framlínunni. Viðar Örn Kjartansson kom
ekki við sögu. Rostov missti af tækifæri til að komast í annað
sætið en seig með ósigrinum niður í það fimmta.
CSKA komst hinsvegar uppfyrir Rostov og í þriðja sæti með 2:0 útisigri gegn
Anzhi. Hörður Björgvin Magnússon kom á ný inn í lið CSKA eftir að hafa misst af
þremur leikjum vegna meiðsla og Arnór Sigurðsson spilaði síðustu 25 mínúturnar.
vs@mbl.is
Sverrir skoraði í Moskvu
Sverrir Ingi
Ingason
Skautafélag Akureyrar beið lægri hlut fyrir hinu öfluga
lettneska meistaraliði Kurbads Riga, 9:2, í fyrsta leik sínum
í annarri umferð Evrópubikars karla í íshokkíi en keppni í
C-riðli hófst í Riga í gær.
Lettarnir, sem hafa unnið meistaratitilinn í heimalandinu
undanfarin tvö ár, voru 3:0 yfir eftir fyrsta leikhluta og
voru komnir í 7:0 um miðjan annan hluta, eftir að hafa
skorað fjögur mörk á erfiðum þriggja mínútna kafla fyrir
Akureyrarliðið. Eftir það náði SA að koma sér betur inn í
leikinn, Jussi Sipponen minnkaði muninn í 7:1 undir lok
annars hluta. Lettarnir komust í 9:1 í þeim síðasta áður en
Markus Laine skoraði síðasta mark leiksins fyrir SA þegar
enn voru tíu mínútur til leiksloka.
Úkraínsku meistararnir Donbass sigruðu spænsku meistarana Txuri Urdin
San Sebastian, 6:2, í fyrri leik dagsins. SA mætir Donbass í dag og Txuri í
lokaumferðinni á morgun. vs@mbl.is
Sjö marka tap í fyrsta leik
Jussi
Sipponen
 Talsverðar líkur eru á að Aron Einar
Gunnarsson landsliðsfyrirliði í knatt-
spyrnu leiki sinn fyrsta leik með Car-
diff í ensku úrvalsdeildinni á þessu
tímabili í dag. Aron hefur náð sér af
meiðslum og knattspyrnustjórinn Neil
Warnock sagði í gær að hann yrði lík-
lega með þegar Cardiff tekur á móti
Fulham í nýliðaslag.
 Stórleikur dagsins í enska fótbolt-
anum fer fram á Stamford Bridge í
London klukkan 11.30 þegar Chelsea
fær Manchester United í heimsókn en
fyrrverandi stjóri Chelsea, José Mour-
inho, mætir þar á fornar slóðir með
liði United sem er sjö stigum á eftir
efstu liðum.
 Liverpool sækir Huddersfield heim í
síðdegisleik deildarinnar kl. 16.30 en
óvissa er með marga leikmenn Liver-
pool vegna meiðsla.
Eitt
ogannað
HANDKNATTLEIKUR
Úrvalsdeild karla, Olísdeildin:
Origo-höllin: Valur – Afturelding.......... L16
KA-heimilið: KA – ÍR............................. L17
Kaplakriki: FH – Selfoss .................. L19.30
Höllin Ak.: Akureyri – ÍBV.................... S16
Framhús: Fram – Grótta ....................... S17
Úrvalsdeild kvenna, Olísdeildin:
Framhús: Fram – ÍBV ........................... S15
Digranes: HK – KA/Þór ......................... S16
1. deild karla, Grill 66 deildin:
Vestm.eyjar: ÍBV U – Haukar U ..... L13.30
Origo-höllin: Valur U – Víkingur ..... L18.30
Digranes: HK – Þróttur ......................... S18
1. deild kvenna, Grill 66 deildin:
Origo-höllin: Valur U – Stjarnan U ...... L14
KÖRFUKNATTLEIKUR
Úrvalsdeild kvenna, Dominos-deildin:
Schenker-höllin: Haukar – Keflavík S19.15
Origo-höllin: Valur – Breiðablik ....... S19.15
Borgarnes: Skallagr. – Stjarnan ...... S19.15
DHL-höllin: KR – Snæfell ................ S19.15
1. deild kvenna:
Hertz-hellirinn: ÍR – Njarðvík ......... L16.30
Dalhús: Fjölnir – Þór Ak................... L16.30
1. deild karla:
Höfn: Sindri – Þór Ak ............................ L14
UM HELGINA!
Rússland
Lokomotiv Moskva – Rostov .................. 2:1
 Sverrir Ingi Ingason skoraði mark Ro-
stov en hann og Ragnar Sigurðsson léku
allan leikinn, Björn Bergmann Sigurðarson
lék fyrstu 62 mínúturnar en Viðar Örn
Kjartansson sat á bekknum allan tímann.
Anzhi – CSKA Moskva ............................ 0:2
 Hörður Björgvin Magnússon lék allan
leikinn með CSKA og Arnór Sigurðsson
kom inná á 68. mínútu.
 Efstu lið: Zenit Pétursborg 25, Krasnod-
ar 19, CSKA 19, Lokomotiv 18, Rostov 18,
Spartak Moskva 18, Rubin Kazan 17.
Þýskaland
Eintracht Frankfurt – Düsseldorf ......... 7:1
B-deild:
Sandhausen – Ingolstadt ........................ 4:0
 Rúrik Gíslason lék allan leikinn með
Sandhausen.
Ítalía
B-deild:
Spezia – Pescara...................................... 1:3
 Sveinn Aron Guðjohnsen kom inná hjá
Spezia á 84. mínútu.
Pólland
Jagiellonia – Pogon Szczecin................. 2:1
 Böðvar Böðvarsson sat á bekknum hjá
Jagiellonia allan tímann.
B-deild:
Garbarnia Kraków – Nieciecza ............. 1:3
 Árni Vilhjálmsson sat á bekknum hjá
Nieciecza allan tímann.
England
B-deild:
Sheffield Wed. – Middlesbrough ............ 1:2
Spánn
Celta Vigo – Alavés .................................. 0:1
KNATTSPYRNA