Morgunblaðið - 08.02.2019, Síða 12

12 MORGUNBLAÐIÐ FÖSTUDAGUR 8. FEBRÚAR 2019
E
lín Björk Jónasdóttir,
fagstjóri almennrar veð-
urþjónustu hjá Veð-
urstofu Íslands, segir að
veðurfréttatíminn klukk-
an 4.30 hafi að vissu leyti skorið
sig úr.
„Hann var ekki beinlínis í neinu
augljósu plássi og þetta hentaði
bæði okkur og Ríkisútvarpinu að
hnika honum til um þennan rúma
hálftíma,“ segir hún í samtali við
200 mílur. „Gögnin berast okkur
enn á sama tíma og áður og spáin
er sömuleiðis unnin með sama
hætti eftir þessa breytingu, og fer
áfram út á vefinn á sama tíma.“
Gögnin verði færð á vefinn
Hún bendir á að sjóveðurfréttir
séu lesnar sjaldnar í útvarpi en áð-
ur, ef til vill vegna tilkomu
sjóveðurfrétta á vef Veðurstof-
unnar, en stofnunin er einmitt nú
að vinna að því að bæta flæði upp-
lýsinga til sjófarenda.
„Frá því vefurinn okkar var
settur á laggirnar þá hefur bæst
mjög mikið í safnið okkar af gögn-
um, sem eru ekki endilega birt á
sjálfum vefnum,“ segir hún og tek-
ur sem dæmi lík-
ön í hærri upp-
lausn sem ná yfir
svæði sem er
nær landi.
„Menn hafa að
vísu komist í
þessi gögn með
því að fara á
www.brunn-
ur.vedur.is, en nú
stendur til að
koma þessum gögnum á opinberan
vef stofnunarinnar, það er á
www.vedur.is.“
Áreiðanlegri en líkönin
Ætla má að sjófarendur reiði sig
mest allra á veðurspár og -fréttir
og segir Elín Björk að ítrekað komi
fram í könnunum Veðurstofunnar
að litið sé á sjóveðurfréttir í útvarpi
sem öryggistæki.
„Þegar allt annað dettur út, síma-
samband og nettenging, þá skiptir
máli að geta nálgast upplýsingarnar
eftir þessum leiðum,“ segir hún og
bætir við að ekki standi til að af-
nema textaveðurspárnar, þó þeim
hafi verið fækkað úr fjórum í tvær á
sólarhring fyrir fáeinum árum.
„Við höfum oft fengið að heyra að
í vondum veðrum séu veðurspárnar
sem veðurfræðingarnir gefa út,
upplesnar eða í textaformi, áreið-
anlegri en sjálf líkönin. Það end-
urspeglar það sem við á Veðurstof-
unni vitum, að líkönin hafa vissa
annmarka inni á landi, og við gerum
ráð fyrir að þeir séu einnig til stað-
ar úti á sjó.“
Hún segir veðurfræðinga Veður-
stofunnar vel meðvitaða um gildi
sjóveðurspáa fyrir sjófarendur.
„Sjóveðurfréttirnar halda enn þá
gildi sínu og eru kannski þær sem
eru mest viðeigandi til upplesturs,
þar sem fólk er almennt farið að
skoða veðurkortið sjálft á vefnum, í
stað þess að bíða fregna. Sjóveð-
urspáin hefur þess vegna þessa sér-
stöðu.“
Sjóveðurfréttirnar halda enn gildi sínu
Sjóveðurfréttir hafa frá áramótum verið lesnar
klukkan 5.03 að morgni á Rás 1 í Ríkisútvarpinu, að
loknum útvarpsfréttum sem sendar eru út klukkan
fimm. Áður voru sjóveðurfréttirnar lesnar klukkan
4.30 en með þessum breytingum verða allir veður-
fréttatímar í kjölfar útvarpsfrétta á RÚV.
Elín Björk
Jónasdóttir
Ljósmynd/Þröstur Njálsson
Elín segir veðurfræðinga vel meðvitaða um gildi sjóveðurspáa fyrir sjófarendur. Litið sé á sjóveðurfréttir sem öryggistæki.
T
vær leiðir, Suðurleið (Skálafell og
Bláfell) og Norðurleið (Arnarfell og
Helgafell), sigla nú til Bretlands og
meginlands Evrópu, en viðkomum í
völdum höfnum hér á landi var
einnig fjölgað með Strand- og Suðurleiðinni,
en Strandleiðin fer líka til Færeyja og siglir
þaðan til Reykjavíkur þar sem vörunni er
umskipað áfram til Evrópu.
Byrjað að losa á sunnudögum
Árangurinn er sá að áætlun skipanna síð-
ustu þrjá mánuði á Suður- og Norðurleið
hefur verið 100% á tímaáætlun til Reykja-
víkur, samkvæmt upplýsingum frá Sam-
skipum.
„Suðurleiðin bætir tenginguna fyrir inn-
flutningsaðila frá Rotterdam og Bretlandi til
Íslands,“ segir Þórunn Inga Ingjaldsdóttir,
markaðsstjóri Samskipa á Íslandi, og bendir
á að með tilkomu nýs leiðakerfis hafi tekist
að afhenda vörur mun fyrr en áður.
„Vörur á Suðurleiðinni, það er með Skála-
felli og Bláfelli, eru afhentar á mánudögum.
Byrjað er að vinna við losun klukkan 16.00 á
sunnudögum sem flýtir allri afgreiðslu á
vöru á mánudögum og skilar sér í stórbættri
þjónustu til viðskiptavina.“
Svara kalli markaðarins
Með breyttum brottfarardögum í útflutningi
sé tryggð afhending inn á markaði í Bret-
landi og á meginlandi Evrópu á sunnudög-
um og mánudögum, sem skili sér í bættri
þjónustu við útflytjendur á ferskum fiski.
Hún segir öruggar og hagkvæmar flutn-
ingaleiðir skipta höfuðmáli og að fyrirtækið
bjóði áfram þjónustu í hæsta gæðaflokki.
„Samskip hafa meðal annars ráðist í end-
urnýjun á siglingakerfinu til að auka áreið-
anleika í flutningunum og til að svara kalli
markaðarins vegna aukinna ferskfiskflutn-
inga síðustu misseri og ár. Með breyttu
leiðakerfi eru Samskip kjörinn kostur í
þessa flutninga, enda sjóflutningar hag-
kvæmari á margan hátt, bæði í samanburði
við flug og eins til að létta álagi af flutn-
ingum innanlands þar sem það á við.“
Breytingar Samskipa gefið góða raun
Ráðist var í umfangsmiklar
breytingar á siglingakerfi Sam-
skipa síðastliðið haust og hafa
þær gefið góða raun. Felast
breytingarnar meðal annars í
því að bætt var við einu skipi,
tveimur skipum skipt út fyrir
stærri skip og loks var sigl-
ingakerfið endurskipulagt.
Ljósmynd/Jón Ragnar Gunnarsson
Við bryggjuna á Bíldudal. Tekist hefur að afhenda vörur mun fyrr en áður með tilkomu nýja leiðakerfisins, segir Þórunn.
Morgunblaðið/Hari
Þórunn Inga Ingjaldsdóttir, markaðsstjóri hjá Samskipum, segir að nýja fyrir-
komulagið flýti fyrir afgreiðslu á vörum, sem skili stórbættri þjónustu.