Morgunblaðið - 27.02.2019, Qupperneq 1

M I Ð V I K U D A G U R 2 7. F E B R Ú A R 2 0 1 9
Stofnað 1913  49. tölublað  107. árgangur 
GRÆN-
LENSK
RONJA
HALLBERA LEIKUR
HUNDRAÐASTA
LEIK SINN
SAMSTARF 31 LANDSLIÐIÐ ÍÞRÓTTIRLISTAVERKIÐ KVIKA 33
Stefán E. Stefánsson
ses@mbl.is
Byggingafyrirtækið Ístak hefur sagt
upp 31 fastráðnum starfsmanni. Auk
þess hefur verið tekin ákvörðun um
að endurnýja ekki samning um þjón-
ustu 25 starfsmanna sem sinnt hafa
verkefnum á vettvangi fyrirtækisins
fyrir tilstuðlan starfsmannaleigu
sem Ístak hefur átt samstarf við.
Karl Andreassen, forstjóri fyrir-
tækisins, segir að nú þegar sjái und-
ir lok þriggja stórra uppsteypuverk-
efna hjá fyrirtækinu sé óvíst hvort
verkefnastaðan leyfi þann starfs-
mannafjölda sem fyrirtækið hefur
byggt starfsemina á.
„Við vonumst að sjálfsögðu til að
geta dregið megnið af þessum upp-
sögnum til baka þegar og ef verkefni
sem við höfum verið lægstbjóðendur
í, verða samþykkt og sett í gang.“
Karl segir að fyrirtækið hafi sett
sig í samband við Vinnumálastofnun
vegna uppsagnanna en einnig
stéttarfélagið Eflingu, en flestir þeir
sem ákvörðunin snertir eru fé-
lagsmenn þar. Hann segir að við-
brögð starfsmanns félagsins veki
mikla furðu.
„Þegar við tilkynntum félaginu
þetta var okkur gerð grein fyrir því
að þessi ákvörðun kynni að valda því
að verkfallsaðgerðum yrði beitt
gegn Ístaki. Það er ótrúlegt að þetta
skuli vera viðbrögðin þegar við til-
kynnum þessa mjög þungbæru
ákvörðun, sem enginn tekur létt,“
segir Karl.
Sólveig Anna Jónsdóttir, for-
maður Eflingar, hafnar því að fyrir-
tækinu hafi verið hótað en bendir á
að félagið sé ekki undir því sem hún
nefnir „friðarskyldu“ um þessar
mundir.
56 missa vinnuna hjá Ístaki
 Hægagangur á byggingamarkaði helsta skýringin  Efling brást harkalega við
MHótuðu verkfallsaðgerðum »9
Sáttamálum fjölgar á borði Ríkis-
sáttasemjara eftir vísanir stéttar-
félaga á umliðnum dögum og hefur
nú verið boðað til þriggja sátta-
funda í kjaradeilum í dag og á
morgun.
Í þeim 16 aðildarfélögum Starfs-
greinasambandsins, félögum í sam-
floti iðnaðarmanna og LÍV sem hafa
nú vísað kjaradeilum við SA til
Ríkissáttasemjara, eru samtals
rúmlega 53 þúsund launþegar, sem
eru virkir á vinnumarkaði. Í félög-
unum fjórum sem vísuðu fyrr í vet-
ur og hafa slitið viðræðum eru tæp-
lega 64 þúsund félagsmenn virkir á
vinnumarkaði. Ætla má að nálægt
117 þúsund launþegar, eða allur
þorri launafólks á almennum
vinnumarkaði, séu því í þeim verka-
lýðsfélögum innan vébanda ASÍ
sem eru ýmist komin með kjara-
deilur í sáttameðferð eða hafa slitið
viðræðum og hafið undirbúning at-
kvæðagreiðslna um verkföll.
Sjaldan ef nokkru sinni hafa
fleiri launþegar en nú heyrt sam-
tímis undir kjaradeilur á vinnu-
markaðinum sem eru komnar á það
stig að vera ýmist í sáttameðferð
hjá Ríkissáttasemjara eða í undir-
búningi að vinnustöðvunum. »6
Deilurnar ná til margra
 Þrír sáttafundir í dag og á morgun
Leit að Páli Mar Guðjónssyni, sem talið er að
hafi ekið bifreið sinni út í Ölfusá seint í fyrra-
kvöld, verður haldið áfram í dag. Hátt í tvö
hundruð björgunarsveitarmenn leituðu Páls í
gær, auk lögreglu- og slökkviliðsmanna. Þá var
þyrla Landhelgisgæslunnar einnig kölluð til.
„Við vitum að bíllinn er þarna ofan í,“ sagði
Oddur Árnason, yfirlögregluþjónn á Selfossi, í
gærkvöldi. »4
Björgunarsveitir munu leita áfram í og við Ölfusá í dag
Ljósmynd/Guðmundur Karl Sigurdórsson
 Bankaráð Seðlabankans gagn-
rýnir yfirstjórn bankans í greinar-
gerð sinni vegna Samherjamálsins
sem birt var í gær. Telur banka-
ráðið að ekki verði hjá því komist
að ráðast í heildarendurskoðun á
allri stjórnsýslu Seðlabanka Íslands
og því með hvaða hætti bankinn
hefur á umliðnum árum farið með
það opinbera vald sem honum hef-
ur verið falið lögum samkvæmt,
einkum við gjaldeyriseftirlit.
Sigríður J. Friðjónsdóttir ríkis-
saksóknari ítrekaði í bréfi til bank-
ans 19. febrúar sl. þá skoðun emb-
ættisins að reglur Seðlabankans um
gjaldeyrishöft hefðu ekki getað tal-
ist gild refsiheimild fyrr en eftir
gildistöku laga nr. 127/2011. Segir
enn fremur í bréfinu að sú afstaða
hafi legið fyrir þegar árið 2014.
» 9 og 16
Bankaráðið gagn-
rýnir yfirstjórnina
Ellefu vinir og ættingjar Jóns Þrast-
ar Jónssonar eru enn staddir í Dublin
til að leita að honum, 18 dögum eftir
að hann hvarf þar sporlaust 9. febrúar
síðastliðinn. Daníel Örn Wium, bróðir
Jóns, sem staddur er ytra, segir að í
kjölfar hvarfs hans hafi orðið vit-
undarvakning á Írlandi um týnt fólk.
„Okkur þykir mjög vænt um að það
komi eitthvað gott út úr þessu,“ segir
Daníel.
Fjallað var um hvarf Jóns í írska
sjónvarpsþættinum Crimecall í fyrra-
kvöld og í kjölfarið bárust lögreglu
15-20 ábendingar sem nú er verið að
vinna úr. Daníel
segir að aðstand-
endur Jóns fái
ekki að vita hvað í
þeim felist. „Við
höfum verið vöruð
við því að taka of
mikið mark á
ábendingum. Að
það muni berast
margar sem ekk-
ert mark sé tak-
andi á. Það myndi auka enn frekar á
harmleikinn ef við værum alltaf að
gera okkur einhverjar vonir, sem
yrðu síðan ekki að neinu,“ segir
Daníel.
Hann segir að systir þeirra bræðra
sé nú stödd á Íslandi og að hún sé í
samskiptum við utanríkisráðuneytið
um að þrýsta á að björgunarsveitir á
Írlandi leiti Jóns, en hingað til hafa
þær ekki tekið þátt í leitinni. Hann
segir óendanlega dýrmætt að finna
fyrir stuðningi íslensku þjóðarinnar.
Þá hafi nokkur hópur heimamanna
tekið sig saman við að aðstoða Íslend-
ingana við leitina. „Þetta hvetur okk-
ur áfram og fær okkur til að gefast
ekki upp.“ annalilja@mbl.is
Þau ætla ekki að gefast upp
 Fjölskylda Jóns Þrastar er þakklát fyrir stuðninginn
Jón Þröstur
Jónsson
 „Ég átti alls ekki von á því að
verða hundrað ára. Ég átti frekar
von á því að ég myndi látast á
miðjum aldri því ég var alltaf með
magasár og vesen á þeim árum. En
ég náði mér þokkalega af því af
aldrinum að dæma. Það er alveg
ótrúlegt,“ sagði Líney Guðmunds-
dóttir, sem fagnar 100 ára afmæli í
dag. Hún hefur góða sjón og les
Morgunblaðið daglega og hefur
mjög gaman af að leysa krossgát-
una. Það er heilaleikfimin hennar.
Líney man fyrst eftir sér átta ára
gamalli, árið sem pabbi hennar dó
33 ára gamall árið 1927. Hún fór þá
í fóstur að Reykjarhóli í Fljótum og
ílengdist þar. »2
Morgunblaðið/RAX
100 ára í dag Líney Guðmundsdóttir hef-
ur lifað langa ævi og er þakklát fyrir lífið.
Hélt að hún myndi
deyja á miðjum aldri
HRYLLINGUR
Á FAGURFRÆÐI-
LEGAN MÁTA