Morgunblaðið - 27.02.2019, Qupperneq 10

10 FRÉTTIRInnlent
MORGUNBLAÐIÐ MIÐVIKUDAGUR 27. FEBRÚAR 2019
., '*-�-��,�rKu�,
KIEL/ - OG FRYSTITJEKI
Seljum og þjónustum frysti- og kælikerfi
Funahöfða 7 | 110 Reykjavík | Sími 577 6666
Kæli- & frystibúnaður
í allar gerði
og flutning
Iðnaðar- einingar
mikð úrval
r sendi-
abíla
Kæli- &
frystiklefar
í öllum stærðum
Loftkælings-
& varmadælur
Helgi Bjarnason
helgi@mbl.is
Snjókoma og kuldi á iðnaðarsvæð-
inu Bakka við Húsavík hefur valdið
erfiðleikum við rekstur kísilversins
í vetur. Stíflur hafa myndast í reyk-
hreinsivirki versins eftir að þurft
hefur að slökkva á ofnum hennar í
lengri tíma og það leiðir aftur til
þess að slökkva hefur þurft á ofn-
unum aftur til að hreinsa.
Upprunaleg ástæða vandræða
með reykhreinsivirkið síðustu daga
er að stöðva þurfti framleiðslu í
byrjun síðustu viku. Vegna snjóa og
frosts í langan tíma fraus kvartsið,
sem er aðalhráefni framleiðsl-
unnar, í klumpa og innmötun í ofn-
ana stöðvaðist. Jökull Gunnarsson,
forstjóri PCCBakkiSilicon hf., segir
að þetta sé fyrsti veturinn sem kísil-
verið er starfrækt. Því sé að reyna
á þessi mál í fyrsta skipti á Bakka.
Hann segir að verkfræðistofa sé að
vinna með starfsmönnum fyrirtæk-
isins að lausnum. Vonast hann til að
þetta gerist ekki næsta vetur.
Keðjuverkandi
Þegar kalt er í veðri og slökkt er
á ofnunum í langan tíma myndast
saggi í lögnum reykhreinsivirkis
kísilversins þannig að upp safnast
ryk sem stíflar lagnirnar. Það gerð-
ist þegar ofnarnir voru gangsettir
aftur eftir langa stoppið og það
gerðist aftur í gær. Þegar reyk-
hreinsivirkið stíflast þarf að opna
neyðarskorsteina og þá stígur
reykur upp frá verinu og lykt getur
borist til Húsavíkur, ef vindátt er
óhagstæð. Jökull segir að nú hafi
hlýnað í veðri á Húsavík og vonast
hann til að ofnstoppið í gær verði
það síðasta af þessum sökum.
Tæpir tíu mánuðir eru síðan fyrri
ofninn, Birta, var gangsettur og sá
síðari, Bogi, var gangsettur síðast-
liðið haust.
Kuldi veldur vand-
ræðum hjá PCC
 Leita lausna á vandamálunum
Morgunblaðið/Hari
Verksmiðjuhús Kísilver PCC er á iðnaðarsvæðinu á Bakka við Húsavík.
Helgi Bjarnason
helgi@mbl.is
Bílaleigur innan Samtaka ferða-
þjónustunnar eru að velta fyrir sér
möguleikum á að gera úttekt á bíla-
leigubílum og akstursstöðu þeirra
til að auka traust til greinarinnar á
ný eftir það áfall sem hún varð fyrir
vegna ásakana um að bílaleigan
Procar hefði átt við akstursmæla
bíla áður en þeir voru seldir. Berg-
þór Karlsson, framkvæmdastjóri
hjá Bílaleigu Akureyrar og fulltrúi í
fagnefnd bílaleiga hjá Samtökum
ferðaþjónustunnar, segir þó að það
taki tíma fyrir bílaleigur að ná fullu
trausti almennings á ný.
Um 30 bílaleigur eru innan Sam-
taka ferðaþjónustunnr og 74-80% af
bílaflotanum tilheyra þeim. Berg-
þór segir að fyrirtækin hafi verið að
fá fyrirspurnir frá fólki sem keypt
hefur notaða bílaleigubíla. Fólkið sé
að kanna stöðu sína. Bergþór segir
að fyrirtækin bregðist við eftir þeim
leiðum sem færar eru, til dæmis
með því að sýna samfellda aksturs-
sögu úr útleigukerfum. Það sé leið-
in til að byggja upp traust á ný.
Halda trausti erlendis
Spurður hvort þessi mál hafi haft
áhrif á traust meðal fólks sem
hyggst leigja sér bílaleigubíla seg-
ist Bergþór ekki hafa orðið var við
það. Hann segir að vissulega hafi
erlendar ferðaskrifstofur heyrt af
Procar-málinu en Bílaleiga Akur-
eyrar hafi ekki fundið fyrir van-
trausti þar sem hún hafi átt í við-
skiptum við þessi fyrirtæki í langan
tíma.
Ýmsir aðilar vinna að aðgerðum
til að byggja upp traust á notaða
bílaleigubíla á ný. Það kom fram á
samráðsfundi FÍB, Samtaka ferða-
þjónustunnar, Neytendasamtak-
anna, Bílgreinasambandsins og
Samgöngustofu.
Upplýsingar aðgengilegar
Þar kom meðal annars fram að
Samgöngustofa mun ráðast í breyt-
ingar á ökutækjaskrá þannig að ef
kílómetrastaða er skráð lægri við
skoðun en áður verði vakin sérstök
athygli á því. Bílgreinasambandið
hyggst opna fyrir aðgang á vefsíðu
sinni (bgs.is) að ökutækjaskrá til að
hægt sé að sjá hvort bílar í eigu
fjármögnunarfyrirtækja hafi verið
til umráða hjá bílaleigu og einnig sé
hægt að sjá skoðunarferil bílanna.
Upplýsingar um umráðamenn eru
alla jafna ekki sýnilegar almenn-
ingi.
Fram kemur í fréttatilkynningu
að fundarmenn voru sammála um
að hvetja lögreglu til að hraða rann-
sókn á þeim svikamálum sem upp
hafa komið. Þegar umfang málsins
lægi fyrir væri hægt að aðstoða fólk
við að leita réttar síns.
Tíma tekur fyrir bíla-
leigur að vinna traust
 Hugað að leiðum til að auka öryggi við sölu bílaleigubíla
Morgunblaðið/RAX
Bílaleigubílar Allar bílaleigur missa traust vegna gruns um svik fárra.