Morgunblaðið - 22.03.2019, Page 10

Teikning/Schmidt Hammer Lassen (SHL)
Stuðlaborg Mikið er lagt upp úr hönnun íbúðanna.
BAKSVIÐ
Baldur Arnarson
baldura@mbl.is
Fyrstu íbúðirnar í nýju hverfi á
Kirkjusandi fara í sölu í vor. Stefnt
er að afhendingu fyrstu íbúða um
næstu áramót.
Félagið 105
Miðborg fer með
uppbyggingu á
fjórum af níu reit-
um á Kirkjusandi.
Félagið er fag-
fjárfestasjóður í
rekstri og stýr-
ingu Íslands-
sjóða.
Kjartan Smári
Höskuldsson, framkvæmdastjóri Ís-
landssjóða, segir uppbygginguna tví-
skipta. Annars vegar sé byggt á reit-
um B, C og D í fyrsta áfanga og hins
vegar á reit F í síðari áfanga. F-
reitur er stærstur í fermetrum talið
en þar verður m.a. 10 hæða hótel-
bygging. Framkvæmdir við D-reit
hófust í maí í fyrra en þar verða 77
íbúðir í fjölbýlishúsinu Stuðlaborg.
Framkvæmdir við fjölbýlishúsið Sól-
borg á reit C hófust í ágúst í fyrra-
sumar. Á næstu vikum hefjast svo
framkvæmdir við skrifstofuhúsið
Sjávarborg á B-reit.
Hönnuðu Skuggahverfið
Danska arkitektastofan Schmidt
Hammer Lassen (SHL) hannar
íbúðahúsið Stuðlaborg og skrifstofu-
húsið Sjávarborg ásamt VA arkitekt-
um. SHL hannaði Skuggahverfið og
varð í 2. sæti í hönnunarsamkeppni
um tónlistarhúsið Hörpu.
Kjartan Smári segir stofuna því
þekkja hverfið og Reykjavík vel.
Stofan hafi komið að mörgum
heimsþekktum verkefnum. T.d. hafi
hún hannað konunglega bókasafnið
Svarta demantinn í Kaupmannahöfn,
eina þekktustu byggingu Skandinav-
íu.
Ákveðið hafi verið að fela stofunni
að hanna bæði Sjávarborg og Stuðla-
borg við Sæbrautina til að bygging-
arnar myndu kallast á. Lóðréttar
línur muni einkenna Stuðlaborgina
en láréttar línur Sjávarborgina.
Jafnframt muni framhlið úr gleri
fyrir miðri Sjávarborginni gefa þá
tilfinningu að efri hlutinn svífi á þeim
neðri. Húsið verður glerbygging sem
er brotin upp með svartri álklæðn-
ingu. Stuðlaborgin verður hins vegar
með gylltri álklæðningu og stórum
svörtum steinplötum.
Sérhönnuð loftræsting
Kjartan Smári segir farnar ýmsar
nýjar leiðir við hönnunina og að
Stuðlaborg verði eitt vandaðasta
íbúðarhúsið í hverfinu. „Í Stuðla-
borginni verða ýmis nýnæmi í ís-
lenskum íbúðahúsum. Til dæmis
verða öll rými að fullu loftræst inn
og út. Því þarf ekki að opna glugga
til að fá ferskt loft, auk þess sem loft-
ræsting tryggir betri loftgæði og er
góð vörn gegn raka og ryki. Mikið er
lagt upp úr stórum gluggum til að
þetta einstaka útsýni njóti sín sem
best og fólk geti opnað stofuna hjá
sér út á sjó,“ segir Kjartan Smári.
Þriðja húsið í fyrsta áfanganum
hjá Íslandssjóðum er sem áður segir
fjölbýlishúsið Sólborg á C-reit.
Þar verða 52 íbúðir sem snúa til
suðurs og eru byggðar í kringum
opið torg með verslunum á jarðhæð.
THG arkitektar og Studio Arnhildur
Pálmadóttir hanna húsið.
Kjartan Smári segir hér meira
horft til þess að byggja fjölbreyttar
og vel hannaðar íbúðir. Áherslan sé á
að íbúar njóti birtu og sólar. Margar
íbúðir verði með stórum þakgörðum.
Á jarðhæð verður matvöruverslun
og segir Kjartan Smári viðræður við
rekstraraðila hafnar. Það mál sé þó
trúnaðarmál í bili.
Margir á biðlista
Kjartan Smári segir mikinn áhuga
á íbúðunum.
„Þetta eru ekki margar íbúðir.
Það er langt síðan nýtt húsnæði kom
á markað í Laugarneshverfinu, sem
er gamalt og rótgróið hverfi. Því er
uppsöfnuð þörf fyrir minni íbúðir og
nýjar íbúðir. Margt fólk sem býr í
einbýlishúsum vill enda minnka við
sig og margir sjá kostina við Kirkju-
sand og staðsetninguna.“
A-reitur er í eigu Íslandsbanka.
Þar stendur gamla Íslandsbanka-
húsið, sem var áður frystihús.
Kjartan Smári segir að það hús
verði á endanum rifið en að nú sé
beðið eftir næstu skrefum frá
Reykjavíkurborg varðandi breyt-
ingar á deiliskipulagi reitsins. Húsið
hafi verið metið ónýtt vegna raka-
skemmda sem aldrei muni svara
kostnaði að lagfæra. Þá stingi húsið í
stúf við annað skipulag á svæðinu.
Því séu mikil tækifæri fólgin í því að
endurhugsa skipulag reitsins.
Hann segir borgina hafa boðið E-
reitinn til sölu í fyrra. Verktakafyrir-
tækið Mannverk hafi að lokum
hreppt reitinn en að framkvæmdir á
honum séu ekki hafnar.
Umræddur reitur sé mikilvægur
fyrir hverfið. Þar verði enda leikskóli
á jarðhæð og blandaðar íbúðir.
Fram hefur komið í Morgun-
blaðinu að Bjarg leigufélag mun
byggja íbúðir á reitum I, G og H.
Kjartan Smári segir það kröfu í
deiliskipulagi Kirkjusands að minnst
sjö arkitektastofur komi að hönnun.
Fjölbreytnin verði því mikil.
Óvissan hefur áhrif
Hann segir aðspurður að nokkur
óvissa sé á markaðnum.
„Einmitt meðan mikil óvissa er
með ýmsa hluti, kjarasamninga og
umhverfi ferðaþjónustu, er þetta
ekki góður markaður fyrir neina
eignaflokka. Fasteignamarkaðurinn
hefur kólnað og markaður með
hlutabréf og annað slíkt einnig. Það
er alveg ljóst að þetta ástand mun
skýrast mikið á næstu vikum og
óvissan mun minnka. Þá munu
markaðir einnig taka við sér. Við
höldum því okkar striki á fullri ferð
en sölutímabilið hjá okkur er ekki
hafið. Auk þess er engin pressa á
okkur að selja hratt. Verkefnið er
fullfjármagnað – og mjög vel – með
gríðarlega sterkum eigendum.
Í þeim hópi eru fagfjárfestar, bæði
lífeyrissjóðir og tryggingafélög. Við
ætlum að gera þetta vel og vinna
íbúðirnar inn á markaðinn eftir því
sem hann þróast. Vonandi verður
óvissutíminn ekki langur, hann hefur
skaðleg áhrif á allt viðskiptalíf á
landinu,“ segir Kjartan Smári.
Íbúðir á Kirkjusandi í sölu í vor
 Fyrstu íbúðirnar afhentar á næsta ári  Danskir arkitektar hanna tvær bygginganna við Sæbraut
 Framkvæmdastjóri Íslandssjóða segir nýjar leiðir farnar við hönnun fjölbýlishússins Stuðlaborgar
Teikning/Schmidt Hammer Lassen (SHL)
Sjávarborg Framkvæmdir hefjast á næstu vikum.
Teikning/THG arkitektar og Studio Arnhildur Pálmadóttir
Sólborg Stefnt er að afhendingu íbúða í þessu fjölbýlishúsi á næsta ári.
105 miðborg – Kirkjusandur
Sundlaugavegur
Kirkjusandur
Sæ
br
au
t
Kringlum
ýrarbraut
La
ug
ar
ne
sv
eg
ur
Ha
llg
er
ða
rg
at
a
B
C
D
F
Re
itu
r Atvinnu-
húsn.
(m2)
Íbúðir
(m2)
Alls
(m2)
Fjöldi
íbúða
Framkv.
hófust/
lokið
B 6.350 6.350 0 ekki hafnar/2021
C 1.750 5.500 7.250 52
ágúst 2018/
sumar-
haust 2019
D 8.500 8.500 77
maí 2018/
vor-sumar
2019
F 16.450 3.000 19.450 30 ekki hafnar/lok árs 2022
Alls 24.550 17.000 41.550 159
Heimild: 105 Miðborg
Kjartan Smári
Höskuldsson
10 FRÉTTIRInnlent
MORGUNBLAÐIÐ FÖSTUDAGUR 22. MARS 2019
Aðalfundur
Aðalfundur Hampiðjunnar hf. verður haldinn
að Skarfagörðum 4, Reykjavík,
föstudaginn 5. apríl 2019 og hefst kl. 16:00.
Á dagskrá fundarins verða:
Stjórn Hampiðjunnar hf.
1. Venjuleg aðalfundarstörf samkvæmt samþykktum félagsins.
2. Tillaga um heimild félagsstjórnar til kaupa á
eigin hlutum skv. 55. gr. hlutafélagalaga.
3. Önnur mál, löglega upp borin.
Dagskrá, endanlegar tillögur ásamt ársreikningi félagsins
munu liggja frammi á skrifstofu félagsins, hluthöfum til sýnis,
tveimur vikum fyrir aðalfund.
Atkvæðaseðlar og önnur fundargögn verða afhent á fundarstað.
Framboðsfrestur vegna stjórnarkjörs rennur út fimm dögum
fyrir upphaf aðalfundar.
Tillögur frá hluthöfum, sem bera á fram á aðalfundi, skulu hafa
borist í hendur stjórnar með skriflegum hætti eigi síðar en 10
dögum fyrir aðalfund.
Hluthafar sem ekki geta sótt fundinn, en hyggjast gefa umboð,
þurfa að gera það skriflega eða með rafrænum hætti og þannig
að dagsetning komi fram.
Eins og Kjartan Smári Höskuldsson
nefnir í viðtalinu hér fyrir ofan
hefur óvissa í efnahagslífinu haft
neikvæð áhrif á íbúðamarkað.
Hún hefur líka áhrif á markaðs-
setningu nýrra íbúða í miðborg
Reykjavíkur.
Fram hefur komið að ÞG Verk
hefur hægt á sölu nýrra íbúða á
Hafnartorgi. Þar verða um 70
lúxusíbúðir í nokkrum húsum.
Rætt var um að verð dýrustu
íbúðarinnar á Hafnartorgi gæti
orðið 300-400 milljónir.
Þá kom fram í Morgunblaðinu í
fyrrahaust að verð nýrra íbúða á
Austurhöfn, gegnt Hafnartorgi,
yrði auglýst um síðustu áramót.
Fulltrúi verkefnisins segir söl-
unni hafa verið frestað um nokkra
mánuði. Hún hefjist með vorinu eða
í sumarbyrjun. Ástæðurnar séu
fjölþættar og lúti ekki einvörðungu
að óvissu í efnahagslífinu. Ákveðið
hafi verið að hefja söluna þegar
sýningaríbúð væri tilbúin. Kaup-
endur að slíkum íbúðum séu kröfu-
harðir. Þá hefur sala íbúða á
Hverfisgötu 85-93 ekki hafist en
væntingar voru um að hún hæfist
snemma á árinu. Salan mun vera í
undirbúningi.
Af öðrum dæmum má nefna að
óvissa er um uppbyggingu í Vestur-
bugt, sem er fyrirhugað hverfi við
Slippinn við Reykjavíkurhöfn.
Fjallað var um málið í Viðskipta-
blaðinu, en þar sagði að fram-
kvæmdir ættu að hefjast um mitt
síðasta ár. Fjármögnun hefði ekki
gengið eftir og „óvíst hvort eða
hvenær henni lýkur“.
Sala nýrra íbúða er víða hæg í
miðborginni. Á Hverfisgötu 94-98
fóru 38 nýjar íbúðir í sölu í júní í
fyrrasumar. Níu af þeim eru seldar.
Á Frakkastígsreit við Hverfisgötu
eru 34 af 63 íbúðum seldar, sam-
kvæmt söluvefnum Frakkastígs-
reitur.is. Sala íbúðanna hófst í
nóvember 2017.
Hægja á markaðssetningu
nýrra íbúða í miðborginni
 Verkefni í biðstöðu  Fjárfestar horfa til óvissu á markaði