Morgunblaðið - 14.03.2019, Síða 9

sér sterka ímynd sem umhverfisvænt fyrirtæki?
„Ég held að það sé tækifæri til að koma því
betur til skila,“ svarar hún. „Við getum staðið
okkur betur í að segja frá því, og erum að vinna
í því núna. Við viljum að fólk viti af þessu.“
Um orkumál almennt segir Berglind að hún
hefði óskað þess að yfirvöld, fyrirtæki og al-
menningur væru komin nær í samtalinu um
nýtingu orkuauðlindanna. Komast þarf að sam-
komulagi þar um að hennar sögn. „Ég bind von-
ir við orkustefnuna sem stjórnvöld eru með í
vinnslu og á að vera tilbúin á næsta ári. Sú
stefna gæti orðið góður grunnur fyrir um-
ræðuna, ef við skilgreinum hvert við viljum
fara, og hvernig við viljum nýta auðlindina.“
Þar á Berglind við hvort vilji sé til þess að
nýta íslenska orku í álver, rafbíla, nýsköpun í
orkugeira eða annað. En hvað með sæstreng,
hvaða skoðanir hefur Berglind á honum og sölu
raforku til útlanda?
„Mér finnst sjálfsagt að skoða það. Hann er
búinn að vera lengi í umræðunni, en það þarf að
skoða tæknihliðina og viðskiptahliðina. Þetta
yrði lengsti sæstrengur í heimi. Svo er það þessi
samfélagslega og pólitíska samstaða sem þarf
að nást.“
Í dag er þróunin sú að heimili nota minna raf-
magn en áður útaf sparneytnari heim-
ilistækjum. Þá mun snjallmælavæðing enn bæta
rafmagnsnotkunina, útskýrir Berglind. „Snjall-
mælavæðingin mun hafa í för með sér að fólk
getur fengið lægra raforkuverð á nóttunni til
dæmis, og getur hlaðið bílana þegar rafmagnið
er ódýrast. Í dag er mun meiri raforkunotkun á
daginn, en minni á nóttunni. Þarna eru tæki-
færi.“
ON er með fleiri umhverfisvæn verkefni í
gangi. Eitt þeirra er vetnisframleiðsla, en fyrir-
tækið hefur nú þegar fest kaup á tveimur vetn-
isbílum. „Það er líklegt að samgöngur framtíð-
arinnar noti blöndu af rafmagni, vetni og
metangasi. Vetni hentar vel fyrir stærri bíla,
en þá er hægt að fylla á nokkrum mínútum.“
Berglind útskýrir að þar sem jarð-
hitavirkjun framleiðir rafmagn jafnt allan sól-
arhringinn, þá megi nýta umframrafmagn á
nóttunni til vetnisframleiðslu, þegar minni eft-
irspurn er í landinu. „Við erum í þann veginn
að fara að hefja þessa framleiðslu, og munum
svo selja vetnið á vetnisstöðvum Orkunnar.
Orkan er með tvær vetnisstöðvar og sú þriðja
er á leiðinni.“
Orka náttúrunnar selur rafmagn til 70 þús-
und heimila og 10 þúsund fyrirtækja. Fá fyrir-
tæki á Íslandi hafa þvílíkan fjölda viðskipta-
vina. En hvernig nær ON að sannfæra
viðskiptavinina um gæði vörunnar?
„Umhverfisáherslan skiptir þar miklu máli,
auk þess sem við bjóðum fyrirtækjum upp á
orkusparnaðarráðgjöf, þannig að notkunin
verði bæði betri fyrir umhverfið og budduna.“
Þá segir Berglind að ON hafi tekið sér stöðu
með rafbílaeigendum með uppsetningu á hlöð-
um fyrir rafbíla allt í kringum landið. „Rafbíla-
eigendur eru eiginlega allir okkar viðskipta-
vinir. Við gripum þennan bolta á lofti árið 2013
og byggðum upp net af hlöðum. Í fyrra opnaði
síðasta stöðin í því átaki að opna hringveginn
þeim sem eru á rafbíl.“
Fjölbýlishúsin næst á dagskrá
Næstu skref í rafhlöðuvæðingunni eru fjöl-
býlishúsin, að sögn Berglindar. „Nú er tæki-
færi í að hjálpa fjölbýlishúsum að hafa aðgang
að rafhleðslu fyrir rafbíla. Í fjölbýlishúsum búa
margir, og erfitt er kannski að ná samstöðu og
leysa úr málinu tæknilega.“
Hvaða áhætta fylgir rekstri eins og þeim
sem ON stundar?
„Ég sé bara tækifæri,“ segir Berglind og
hlær. Blaðamaður lætur hana ekki sleppa svo
auðveldlega. Það hlýtur að vera einhver
áhætta eða áskorun í þessum rekstri eins og
öðrum.
„Stóra verkefnið okkar er uppbygging Jarð-
hitagarðs ON í Ölfusi. Svo er stöðug áskorun
að vera á samkeppnismarkaði, að þekkja við-
skiptavininn og bjóða honum góða þjónustu.
Þetta er að mörgu leyti sérstök vara, og það er
gaman að finna út úr því hvernig er hægt að
þjóna viðskiptavinum sem best.“
Heitavatnsframleiðslan er einnig mikilvæg í
rekstri ON að sögn Berglindar. Sú framleiðsla
stendur undir um 20% teknanna. „Þetta er
mikilvægur hluti starfseminnar og teknanna.
Nú erum við að stækka varmastöðina sem
framleiðir heita vatnið. Það er rétt undir eins
milljarðs króna framkvæmd. Það er að aukast
eftirspurn eftir heitu vatni, bæði vegna fólks-
fjölgunar og atvinnuuppbyggingar. Það er
áskorun að standa undir þessari ábyrgð. Þetta
er svo mikil grunnvara.“
Áhugi er þónokkur erlendis frá á starfsemi
ON að sögn Berglindar. „Við tökum þátt í
samtali á alþjóðlegum vettvangi á sviði
jarðvarmaorku. Á næsta ári mun verða haldið
alþjóðlegt jarðvarmaþing hér á landi til dæmis.
Svo er mikið leitað til okkar í jafnréttismálum í
orkugeiranum, því þar erum við fyrirmynd.
Mikill áhugi er líka erlendis frá á gas í grjót
tækninni. Ég held að sá áhugi eigi bara eftir að
aukast, sérstaklega þegar umræðan um þá
tækni fer að fara út fyrir vísindasamfélagið.
Svo er hópur vísindamanna, sem fengu til þess
Evrópustyrk, að þróa aðferðina þannig að
hægt sé að binda koltvísýringinn við aðrar
bergtegundir en bara basalt eins og við ger-
um.“
Að lokum bið ég Berglindi að horfa fram á
veginn. Þar eru það loftslagsmálin sem eru
henni hugleiknust, en einnig nýsköpunin. „Mér
finnst að við sem land séum alltaf að átta okk-
ur betur og betur á því hvað nýsköpunin skipt-
ir miklu máli. Hún mun á endanum skapa mikil
verðmæti fyrir okkur.“
Morgunblaðið/Kristinn Magnússon
hluti af lausninni
”
Kolaorkuver losar átta
hundruð grömm af koltví-
sýringi á hverja unna kíló-
vattstund en jarðvarma-
verin okkar losa sjö
grömm.
Berglind Rán Ólafsdóttir segir að
snjallmælavæðingin muni hafa í
för með sér að fólk geti fengið
lægra raforkuverð á nóttunni.
MORGUNBLAÐIÐ FIMMTUDAGUR 14. MARS 2019 9VIÐTAL