Morgunblaðið - 01.03.2019, Blaðsíða 8

K
ominn er sprækur nýr vinnuklár í
hlöðuna hjá Ford: nýjasta kynslóð
litla sendiferðabílsins Ford Tran-
sit Connect var að lenda og segir
Gísli Jón Bjarnason, sölustjóri hjá
Brimborg, að viðtökurnar hafi verið góðar.
„Við kynntum Connect formlega á fimmtu-
dag í síðustu viku og hann vakti lukku enda
vel útbúinn og fjölhæfur sendibíll.“
Ford var í öðru sæti yfir mest seldu sendi-
bíla síðasta árs og var fyrri kynslóð Transit
Connect sá Ford-sendibíll sem seldist mest.
Nýja kynslóðin hefur verið bætt á ýmsa vegu
og m.a. fengið vel heppnaða andlitslyftingu.
„Það má skrifa vinsældir Ford-sendibílanna
á ótal þætti. Transit Connect þykir þannig
vera mjög rúmgóður, bæði hvað hleðslurýmið
varðar sem og það pláss sem ökumaður og
farþegi hafa, og munu stórir og stæðilegir
karlar ekki verða varir við nein þrengsli und-
ir stýri.“
Olíumiðstöð skynjar umhverfishitann
Meðal þess sem hitt hefur í mark hjá við-
skiptavinum Brimborgar er að Transit Con-
nect kemur með Webasto-olíumiðstöð með
fullkomnum tímastilli. „Það má stilla mið-
stöðina fyrir næsta vinnudag eða alla vinnu-
vikuna ef því er að skipta, svo að hún fari af
stað rétt áður en dagurinn byrjar. Er þá
hægt að hefja vaktina í hlýjum og notalegum
bíl,“ útskýrir Gísli. „Miðstöðin skynjar um-
hverfishitann og fer af stað hæfilega löngu
áður en bíllinn á að vera orðinn heitur – og
kveikir jafnvel ekki á sér ef ekki er það kalt
úti að þurfi viðbótarkyndingu. Þá kemur olíu-
miðstöðin sér vel á köldustu vetrardögunum
enda vélar nú til dags orðnar svo sparneytnar
að lítið er af umframorku til að hita farþega-
rýmið. Vill það jafnvel henda þegar frystir að
ökumenn þurfi að stöðva bílinn og skafa af
rúðunum því venjuleg miðstöð hitar ekki
nógu vel til að halda glerinu volgu. Að hafa
aukamiðstöð frá Webasto leysir þann vanda
en hefur sáralítil áhrif á eyðsluna.“
Pláss fyrir löng rör
Af öðrum eiginleikum Transit Connect
nefnir Gísli að fella megi niður lítið þil á bak
við farþegasætið og þannig koma betur fyrir
á gólfi bílsins löngum hlutum eins og viðar-
fjölum, stálteinum og rörum. „Pípararnir eru
mjög hrifnir af þessum möguleika og ná að
loka afturhurðinni þó þeir séu að flytja
þriggja metra löng rör á milli staða.“
Fá má Transit Connect í ýmsum útgáfum
en Gísli segir mest seljast af sk. „Edition“-
útfærslu. „Fylgir þá með klæðning í gólfi
hleðslurýmis, góð hljómtæki með fjarstýr-
ingu í stýri og blátannartengingu fyrir far-
síma, upphitanlegar rúður í afturhurðum,
díóðulýsing í flutningsrými, nálægðarskynj-
arar að aftan og rennihurðir á báðum hliðum
– svo eitthvað sé nefnt.“
Af staðalbúnaði má nefna upphitanlega
framrúðu og þvottakerfi framljósa, rafdrifna
og upphitanlega útispegla, aksturstölvu,
ESP-stöðugleika-stýrikerfi, fjölstillanlegt
ökumannssæti og stýri og halógen-aðalljós.
Rásfastur og rúmgóður
„Transit Connect er framhjóladrifsbíll með
spólvörn og eins og aðrir Ford-sendibílar
þykir hann hafa prýðilega aksturseiginleika,
jafnvel þegar færðin er slæm. Þá er Transit
Connect búinn átta þrepa sjálfskiptingu, sem
þykir óvenjulegt í sendibíl, en þýðir að hann
eyðir minna eldsneyti.“
Gísli bætir við að til viðbótar við ökumann
sé pláss fyrir einn eða tvo farþega eftir því
hvernig sæti eru valin og fékk Transit Con-
nect fimm stjörnur í evrópskum öryggispróf-
unum. „Velja má um styttri og lengri gerð, og
bætast 40 cm við hleðslurýmið í lengri útgáf-
unni, og getur bíllinn þá rúmað tvö vöru-
bretti.“
Transit Connect fæst bæði með dísil- og
bensínvél og segir Gísli að Ford sé einn fárra
framleiðenda sem hugsi fyrir því að koma í
veg fyrir að ökumenn setji óvart ranga elds-
neytistegund á tankinn. „Stundum á fólk það
til að ruglast, og teygja sig óvart í þá elds-
neytisdælu sem það er vanast að nota, t.d. til
að fylla heimilisbílinn. Hefur verið gengið
þannig frá opinu fyrir eldsneytisstútinn að
það ætti að vera ómögulegt að setja fyrir mis-
gáning bensín á tankinn á dísilvél, eða öfugt.“
Pallbílar fyrir vinnuhópa
Gísli segir Transit Connect henta flestum
iðnaðarmönnum vel og sé tilvalinn valkostur
fyrir alls kyns vörusendingar. Hafi kaup-
endur aðrar þarfir býður Ford upp á breitt
úrval ökutækja, s.s. Transit Custom sem er
meðalstór sendibíll og Transit Van sem er
enn stærri. Allir þessir bílar eru fáanlegir
bæði beinskiptir og sjálfskiptir og Transit
Van er fáanlegur fjórhjóladrifinn.
„Pallbílarnir frá Ford eru líka í uppáhaldi
hjá mörgum, og mikið notaðir af sveitar-
félögum sem eru með vinnuhópa á ferðinni.
Þeir eru einnig fáanlegir sjálfskiptir og fjór-
hjóladrifnir, en Ford-pallbílar geta rúmað
allt að sex farþega auk ökumanns og á pall-
inum er hægt að geyma áhöld eða flytja gar-
ðaúrgang, möl, jarðveg og túnþökur.“
Morgunblaðið/Hari
Heitur og notalegur í byrjun dags
Webasto-olíumiðstöð með tímastilli er í Ford Transit Connect-sendibílunum frá Brimborg
og tryggir þægilegri byrjun á vinnudeginum. Lengri útgáfan rúmar tvö vörubretti.
Ásgeir Ingvarsson | ai@mbl.is
Umhverfi ökumanns er
hannað til að hámarka
þægindi og notagildi.
Fella má niður skilrúm
farþegamegin til að
rúma langa hluti eins
og rör og fjalir.
Að sögn Gísla er Ford Transit Connect er í miklu uppáhaldi hjá iðnaðarmönnum. Með nýrri kyn-
slóð batnar þessi ágæti sendibíll á ýmsa vegu og hefur hann líka verið gerður ögn huggulegri.
8 MORGUNBLAÐIÐ FÖSTUDAGUR 1. MARS 2019
Það munar um að hafa dyr á öll-
um hliðum og þannig óheft að-
gengi að tækjum og vörum.
Lengri útgáfa Transit
Connect getur rúmað tvö
vörubretti í afturrýminu.