Umbrot - 19.10.1978, Blaðsíða 2
UMBROT
Útgefandi: UMBROT sf.
Biaðstjórn og ábyrgðarmenn:
Indriði Valdimarsson, ritstj. og Sigurvin Sigurjónsson
augl.stj.
Auglýsingasími: 1127 — Pósthólf 110.
Gíróreikn. nr. 22110-4 — Verð kr. 150
Setning og prentun: Prentverk Akraness hf.
L -
Mistök á mistök ofan
Hver ber ábyrgðina?
í síðasta blaði var vikið nokkrum orðum að varanlegri gatnagerð á
Akranesi sem unnin var sl. sumar og m.a. látið að því liggja að
framkvæmdum hefði miðað fremur hægt. Ráðamenn bæjarins voru
óhressir yfir þessari aðfinnslu og hafa sagt að allt hafi gengið
samkvæmt áæltun. Það skal ekki dregið í efa að svo hafi verið, en
það breytir ekki þeirri skoðun að framkvæmdum hafi miðað fremur
hægt.
En er nokkur furða þótt gatnagerðin hafi tekið allan þennan tíma,
þegar það er haft í huga að margvísleg mistök áttu sér stað, mistök
sem hljóta að kosta hinn almenna bæjarbúa stórfé.
Við skulum taka dæmi með Kalmannsbraut. Þar var í fyrra unnið
mikið verk í sambandi við vatns- og skolplagnir, sem maður hefði
haldið að væri til framtíðarinnar. Svo var þó ekki. f sumar þurfti að
setja niður skolplögn fyrir væntanlegan miðbæ. Þegar þessi lögn var
sett niður þurfti að rífa upp mikið af því sem unnið var í fyrra og tafði
þetta mikið fyrir steypuvinnu við götuna. Þetta hljóta að kallast dýr
mistök.
Við skulum taka dæmi með Háholt. Þar var búið að slá upp mótum
og allt tilbúið undir steypu. Þá er það glöggur maður sem rekur
augun í það að gatan er allt of há. Hæðin var upp á miðja lóðarveggi.
Mótin voru því rifin upp og gatan lækkuð um a.m.k. 20 cm. Eitthvað
hljóta þessi mistök að hafa kostað.
Áfram mætti telja. Krókatún mun hafa verið tilbúið undir steypu.
En áður en steypubíllinn kom uppgötvaðist að vitlaus hæð var á
götunni og hana þurfti að lækka.
Og enn höldum við áfram. Nú er það Skarðsbraut. Það er varla að
hægt sé að ræða um hana. Hún var nokkurn veginn tilbúin undir
lagningu. Þá var komið með víbróvaltara til að þjappa. Og hvað
gerist? Valtarinn sprengdi allar lagnir. Gatan var rifin upp að hluta
og skipt um lagnir og jarðveg. Síðan gerðist það að jarðvegurinn er
það blautur að hann heldur varla fólksbíl. Þrátt fyrir það er gefin
fyrirskipun um að olíumöl skuli lögð á. — Afleiðingarnar sjá þeir sem
um götuna aka. Hún er ónýt á kafla og þarf að rífa hana upp og
leggja á nýtt lag.
Á vegum bæjarins er starfrækt svokölluð tæknideild, sem m.a. á
að sjá um þessa þætti framkvæmdanna. Það er til lítils að hafa slíka
deild, með dýrum mönnum, ef ekkert kemur frá henni nema mistök
eins og hér að framan hefur verað lýst. Það verður að krefjast þess
að deildin geri grein fyrir hvers vegna þessi mistök hafa átt sér stað
og hvað þau hafa kostað bæjarfélagið.
Á sama tíma og ráðamenn bæjarins tala um að ekki sé hægt að
gera þetta eða hitt vegna peningaskorts, er nöturlegt að horfa upp á
að milljónum króna er varið í að vinna upp verk sem átt hafa sér stað
vegna mistaka og má í þessu sambandi bæði nefna íþróttavallar-
mistökin og þau dæmi sem rakin hafa verið hér að framan.
Akraneskaupstaður
Einbýlishús
GOTT EINBÝLISHÚS
ÓSKAST TIL KAUPS
Bœjarstjórinn á Akranesi
35 ár liðin
frá vígslu Bíóhallarinnar
8. október sl. voru 35 ár liðin frá
því að frú Ingunn Sveinsdóttir og
Haraldur Böðvarsson afhentu
Akurensingum Bíóhöllina til
eignar.
I gjafabréfi þeirra hjóna dagsettu
20. sept. 1943 segir m.a.: „Við
undirrituð hjón höfum ákveðið að
gefa Akurnesingum, Akraneskaup-
stað, kvikmynda- og hljómleika-
húsið Bíóhöllina við Vesturgötu á
Akranesi, með áföstum gangstéttum
og lóð undir húsinu, en stærð lóðar-
innar ákveðum við síðar i
skipulagsskrá.
Bióhöllina gefum við með sætum,
sýningarvélum og öðru innanhúss,
eins og það verður um næstu
mánaðarmót, skuldlaust."
Þau hjónin afhentu bæjar-
stjórninni þetta veglega hús kvöldið
hinn 8. október 1943. Auk
bæjarstjórnar var húsið fullsetið af
gestum þeirra hjóna, þar á meðal
voru allir þeir sem meira eða minna
höfðu fengist við byggingu hússins.
Þorsteinn Briem prófastur hélt
vígsluræðuna og afhenti húsið fyrir
hönd gefendanna. Rakti hann sögu
byggingarinnar í stórum dráttum.
Fyrir hönd bæjarins og
bæjarstjórnar þakkaði forseti
hennar, Ölafur B. Björnsson með
ræðu. Hann sagði m.a.:
„Á öld kvikmyndanna er það
alvanalegt að fólki sé boðið á bíó.
Það er heldur ekki einsdæmi að
fólki sé boðið að skoða ný bíóhús,
um leið og þau taka til starfa, eins
og oss að þessu sinni. En það er
áreiðanlega algert einsdæmi að þvf
hinu sama boðsfólki — og þó miklu
fleirum — sé gefið bíóhús slfkt sem
þetta til ævinlegrar eignar. Ekki
aðeins þeim, heldur og niðjum
þeirra f 30. lið eða hver veit hvað!“
Pétur Ottesen þakkaði því næst
fyrir hönd gefendanna hlý og
vingjarnleg orð sem hefðu fallið f
þeirra garð. Kvað hann gefendum
vera það mikið ánægjuefni að geta
lagt fram þennan skerf til
menningar- og mannúðarmála í
Akraneskaupstað, fæingarstað
þeirra sem þau hefðu helgað allt sitt
lífsstarf. Hér hefði vagga þeirra
staðið og hér vildu þau eiga legu-
stað. Væri það von þeirra og trú að
gjöf þessi yrði þess megnug f
framtíðinni að veita fólkinu sem hér
býr, nokkurt öryggi með því að
greiða götu þess til náms og
menningar á æskuárunum, tryggja
gamla fólkinu samastað og létta
undir með þeim sem sjúkir væru.
Sagði Pétur að það væri heitasta
ósk gefendanna að Akranes mætti
eiga bjarta og örugga framtfð.
(Heimildir, blaðið Akranes 10.—12.
tbl. 1943)
i^rantin hf. i-Íílaleicja
Ddlbraut 15 - ATcranesi - Stmar 2157 og 2357
Ford Cortínur
Ford Escort
Ford Bronco
ATVINNA
VILJUM RÁÐA STARFSKRAFT
TIL VINNU VIÐ INNSKRIFTARBORÐ
HÁLFS DAGS VINNA
GÓÐ VÉLRITUNAR- OG ÍSLENSKU-
KUNNÁTTA ER NAUÐSYNLEG
SKRIFLEGAR UMSÓKNIR SENDIST
FYRIR 5. NÓVEMBER N.K.
PRENTVERK ÁKRANESS HF.
HEIÐARBRAUT 22 — SÍMI 93-1127 — AKRANESI
2