Fréttir - Eyjafréttir - 19.07.2012, Blaðsíða 11

11Fréttir / Fimmtudagur 19. júlí 2012°
°
Stúkan
Fólk var svolítið feimið og vissi
ekki alveg hvar það átti að setjast,
einhver spurði hvar er Hóllinn?
Einn mætti í KR-búningi, það sett -
ist enginn í sömu sætaröð, enginn í
röðina fyrir aftan eða framan.
Hugrakkur KR-ingur. En smátt og
smátt þéttist í stúkunni og nánast
setið í hverju sæti þegar leikurinn
hófst. Það var góð stemmning og
ágætis kór sem lét heyra vel í sér
þegar dómarinn flautaði einhverja
vitleysu eða flautaði alls ekki. Það
er erfitt að vera knattspyrnudómari.
Hóllinn
Svo kom hálfleikur. Ég gekk út úr
stúkunni að vestanverðu. Samferða
mér voru nokkrir sem alltaf hafa
verið á Hólnum, en fluttu sig í nýju
stúkuna. Það var ekkert hik á því,
Hólverjar sem stóðu vaktina, hver í
sinni holu, sem mótast hafa eftir
áratuga stapp og stríðsdans, öskr -
uðu upp í stúkuna til fyrrverandi
Hólverja : „Svikarar, svikarar“ og
hnefinn á lofti.
Það er greinilegt að stór hópur
dyggra stuðningsmanna ÍBV ætlar
að halda hópinn á Hólnum og halda
tryggð við þau menningarverðmæti
sem Hóllinn er.
Hóllinn er líklega þekktasta
stuðn ingsmannagreni á knatt -
spyrnuvöllum á Íslandi og mörg
dæmi um að „leiðbeiningar“ af
Hólnum hafi ruglað dómara við
dómgæslu.
Kveður svo rammt að þessu að
það eru margir dómarar sem fara
aldrei inn á vallarfjórðunginn næst
Hólnum.
Það verður greinilega tekist á um
það í sumar hvort standa eigi á
Hólnum eða sitja í stúkunni. Þar
sem þessi fyrsti leikur tapaðist, þá á
ég von á að allir Hólverjar sem
prófuðu stúkuna skili sér til baka á
Hólinn í næsta heimaleik.
Bekkurinn
Annar mjög fastheldinn stuðnings-
mannahópur sem sækir heimaleiki
ÍBV eru spekingarnir í horninu ves-
tan við varamannaskýli aðkomu -
liðanna. Sami hópurinn hefur
staðið þarna vaktina á heima -
leikjum í áratugi, en settu upp
ágætis bekk þegar þeir fóru að
reskjast.
Bekkjarnir hafa tekið að sér það
hlutverk að ná athygli aðkomuliða,
liðsstjóra og ekki síst þjálfara til
þess að dreifa athygli þeirra og ein-
beitingu að leiknum, auk þess að
vera með kurteisar ábendingar um
það sem verr megi fara í leik að -
komuliðanna.
Ef aðkomuliðið svarar ábending -
um, þá má segja að búið sé að
bjóða upp í dans og þá er gaman á
bekknum. Bekkverjar eigna sér
slatta af stigum sem ÍBV hefur
halað inn undir lok leikja vegna
einbeitingarleysis þjálfara aðkomu -
liðanna!
Það þekkist um allan heim, þar
sem leikvöllum er breytt, þá kemur
los á dygga stuðningsmenn, harð -
asta kjarnann, sem verður alltaf að
vera á sama stað á sínum heima -
velli. Það tekur smá tíma fyrir
stuðningsmenn að finna nýjan stað
og væntanlega tekur allt sumarið að
finna nýjan stað á vellinum, ef þeir
þrjóskast ekki við og verða áfram á
gamla staðnum. Stúkan festir sig
fyrr í sessi, ef ÍBV vinnur leiki, því
áhorfendur vilja fara aftur á sama
stað og þegar leikur vannst.
Hjátrúin er rík. Það þekkist líka að
sumir eru svo þrjóskir að þeir hætta
að mæta á völlinn, ef búið er að
eyðileggja gamla staðinn þeirra á
vellinum.
Hóllinn á Hásteinsvelli er menn -
ingarfyrirbæri sem stúkubyggingar
munu eyða, ef menn gæta ekki að
sér. Þetta gerist smátt og smátt.
Hóllinn kemur til með að lifa í
sumar, en smátt og smátt færa
menn sig yfir í stúkuna og þá munu
Hólverjar væntanlega setjast vestast
í stúkuna, en gæta verður þess að
flytja menninguna af Hólnum með
sér. Þegar búið verður að byggja
yfir stúkuna, þá verða fáir eftir á
Hólnum.
Bekkurinn aftur móti er einstakt
fyrirbæri, menningarverðmæti sem
KSÍ og reglugerðarbákn UEFA
gera fljótlega upptækt, ef menn
gæta sín ekki. Bekkurinn er að vísu
á afgirtu áhorfendasvæðinu, en í
sömu línu og varamannabekkirnir.
Það tíðkast hvergi í heiminum að
hafa 3 varamannabekki á knatt -
spyrnuvelli. Það er alltaf þannig að
áhorfendur eru fyrir aftan vara-
mannabekki, aldrei í sömu línu.
Eini möguleiki Bekkverja til að
halda áfram samræðum og leið -
beiningum til aðkomuliða er að
taka frá sætin beint fyrir ofan vara-
mannabekk aðkomuliðsins í
stúkunni, en þá missa þeir augna -
kontakt við þjálfara og varamenn,
þannig að það verður erfiðara að ná
athygli. Eina leiðin til að varðveita
menningu Bekkjarins er að hann fái
að vera áfram á sínum stað.
Til þess að varðveita Bekkinn, þá
þurfa Bekkverjar að vera á undan
KSÍ og UEFA og sækja um friðun
bekkjarins sem menningarverðmæti
til UNESCO. Það þarf að rökstyðja
svona umsóknir vel, þannig að það
yrði að fylgja með videoupptaka af
heilum leik og þýðing á öllu því
fjölskrúðuga orðavali sem notað er
á Bekknum og að sjálfsögðu
svörum aðkomuliðsmanna.
Vestmannaeyingar, ÍBV, Hólsarar
og Bekkverjar, til hamingju með
nýju stúkuna. Stúkan verður fljótt
12ti maðurinn í ÍBV liðinu.
Jónas Sigurðsson.
Bekkurinn aftur móti er einstakt fyrirbæri,
menningarverðmæti sem KSÍ og
reglugerðarbákn UEFA gera fljótlega upp-
tækt, ef menn gæta sín ekki. Bekkurinn er
að vísu á afgirtu áhorfendasvæðinu, en í
sömu línu og varamannabekkirnir.
”
ÍBV-arinn og KR-ingurinn Jónas skrifar um nýja stöðu á Hásteinsvelli:
Menningarverðmæti að glatast?
-Það var gaman að setjast í nýju stúkuna við völlinn á sunnudaginn
áttunda júlí sl. og sjá uppáhaldsliðin sín leika opnunarleikinn
Jóhanna Ýr Jónsdóttir,
framkvæmdastýra for-
varnahóps ÍBV:
Viljum bleika
fílinn út
Við búum í samfélagi, og þetta
samfélag er
á vissan
hátt fjöl -
skylda okk -
ar. Þessi
fjölskylda
getur verið
okkur góð,
stutt okkur
þegar við
eigum um
sárt að binda, staðið saman í
erfið leikum og látið okkur
finnast við ekki vera ein. Við sem
erum svo lánsöm að eiga heima
hér vitum þetta. Smábæir hafa
kosti og galla, en einn þeirra
stærsti kost ur er samheldnin.
En eins og í öllum fjölskyldum
eru vandamál í samfélagi okkar.
Sumir eru veikir og sýna öðrum
fyrirlitningu og valdníðslu. Og
líkt og margar fjölskyldur heldur
samfélag okkar að eina ráðið sé
að horfa framhjá vandamálinu,
það sé ekki að gerast. Þetta er oft
kallað að neita að ræða um
bleika fílinn í stofunni.
Vanda málið er bleiki fíllinn en
af því þetta er jú fíll, er hann
risastór og erfitt að horfa framhjá
honum, það vita því allir af
honum. Við reynum að lifa lífinu
í kringum bleika fílinn, reynum
að styggja hann ekki, og tiplum á
tám í kringum hann, venjumst
honum smám saman þó að alltaf
líði okkur illa að vita af honum.
En við vitum ekki hvernig við
eigum að losa okkur við þetta
ferlíki úr stofunni okkar svo
besta ráðið er að láta bara eins og
hann sé ekki til staðar.
Samfélag okkar líður fyrir þetta
en það versta er að saklausir ein-
staklingar líða enn meira fyrir
þennan gunguskap í okkur
hinum .Það er bleikur fíll í sto-
funni okkar, hann heitir nauð-
gun, og við erum komin með
kjaftnóg af að tipla á tám í
kringum hann. Við viljum hann
út.
Við neitum að varpa ábyrgðinni
á þá sem fyrir barðinu verða - við
neitum að sýna lengur á nokkurn
hátt einhverja hegðun sem hægt
er að lesa sem þögult samþykki.
Ef þú nauðgar, ert þú nauðgari.
Þú ert að sýna valdníðslu og
ekkert réttlætir það sem þú
gerðir. Ekkert.
Ef þú ert bleiki fíllinn hefur þú
fengið aðvörun.
Við viljum þig út.
Jóhanna Ýr Jónsdóttir.
Forvarnahópur ÍBV stefnir að því
að vinna að forvörnum allt árið og
þjóðhátíðin er liður í því verkefni
en þar verður barist gegn kyn -
ferðislegu ofbeldi. Birkir Högna -
son er fjölmiðlafulltrúi hópsins en
auk hans eiga þau Jóhanna Ýr
Jóns dóttir, framkvæmdastýra
hópsins, Haraldur Ari Karlsson,
Hilmar Stefánsson, Páll Scheving
og Tryggvi Már Sæmundsson sæti
í hópnum.
„Við erum að vinna þetta, höfum
haldið utan um starfið en svo
koma fleiri að þessu. Kveikjan er
eiginlega Druslugangan í lok júní
þar sem Jóhanna Ýr var í forsvari
og í framhaldinu komst á samstarf
milli forsvarsmanna ÍBV og full-
trúa grasrótarinnar. Við vorum öll
sammála um að það þyrfti að gera
eitthvað til að reyna að koma í veg
fyrir kynferðislegt ofbeldi. Rétt
eins og Páll Scheving benti á í við-
tali, þegar hópurinn var kynntur,
þá er til viðbragðsáætlun sem er til
fyrirmyndar og fer í gang þegar
skaðinn er skeður en mikilvægast
er að standa fyrir forvörnum. Nei-
hópurinn kom á þjóðhátíð fyrir
nokkrum árum en ég held að þetta
sé fyrsta stóra verkefnið í þessa átt
sem heimamenn standa fyrir,“
sagði Birkir Högnason og var því
næst spurður hvernig hópurinn
ætlaði að koma skilaboðum með
forvarn agildi á framfæri.
„Við erum að láta prenta boli
með bleika fílnum sem hefur
sérstaka merkingu og hann verður
áberandi á auglýsingaskiltum inni í
Dal og það koma upp skilaboð á
skjánum í Brekkunni milli atriða.
Við ætlum að vera áberandi í
afgreiðslu Herjólfs hér heima og í
Landeyjahöfn og á flugvellinum
þannig að þetta á ekki að fara
framhjá neinum. Tónlistarmenn í
Eyjum hafa sýnt þessu áhuga og
ætla að styðja okkur í baráttunni
með því að klæðast bolum. ÍBV
leggur til grunnfjármagn í þetta og
nokkur fyrirtæki hafa bæst í
hópinn en við erum enn að leita
eftir styrkjum og ef það gengur vel
getum við jafnvel gert enn meira
til að verða sýnilegri. Það hafa
margir haft samband og vilja vera
með í þessu starfi og við hvetjum
alla áhugasama til að hafa sam-
band við okkur.“
Áhugamaður um þjóðhátíð
Hvað varð til þess að þú fórst út í
þetta?
„Mér hefur fundist umræðan á
erfiðu plani. Mér fannst, sem
áhug amanni um þjóðhátíð, að þetta
væri mál sem þyrfti að bæta. Við
mættum í Druslugönguna og þar
kom í ljós að það var mikill áhugi
innan ÍBV um að fara í samstarf
og vinna að forvörnum.
Með því að rjúfa þögnina og
hvetja karlmenn til að tala um
þetta við aðra karlmenn byrja for-
varnir. Gerendur eru í meirihluta
karlar og ungur karlmaður sem
hefur fengið brenglaðar hugmyndir
um hvað er „í lagi“ mun miklu
frekar hlusta á annan karlmann og
þess vegna verðum við að tala um
þetta.“
Eruð þið í samstarfi við félaga -
samtök sem vinna á svipuðum
vettvangi?
„Við höfum verið í sambandi við
Stígamót, sem hafa lýst yfir
ánægju með þetta framtak, og
fleiri sam tök. Við höfum fengið
ábendingar og ekkert nema gott
um það að segja. Við vonum að
forvarnir gegn kynferðislegu ofbel-
di verði fastur liður en það eru
fleiri mál sem hópurinn þarf að
taka á. Við verðum ekki alltaf með
sömu slagorðin. Miðað við allar
þær hugmyndir sem hafa komið
upp hjá hópnum þá eigum við efni
sem við getum unnið með og
útfært næstu árin. Þannig að það er
af nógu að taka og ótrúlegt hvað
okkur hefur tekist að koma miklu
áfram á ekki lengri tíma en
hópurinn var stofnaður þann 28.
júní,“ sagði Birkir og er ánægður
með samstarfið og bjartsýnn á
framhaldið.
Guðbjörg Sigurgeirsdóttir-
gudbjorg@eyjafrettir.is
Forvarnahópur ÍBV - Forvarnir gegn kynferðislegu ofbeldi allt árið - :
Samstarf ÍBV og fulltrúa grasrótarinnar