Fréttir - Eyjafréttir - 23.07.2014, Blaðsíða 7

°
°
7Eyjafréttir / Miðvikudagur 23. júlí 2014
EFTA :: Magnús Bragason hótelhaldari :: Rós í
hnappagat Eyjamanna:
Styrkir okkur í markaðs-
setningu í framtíðinni
:: Fyrst hann tókst svona vel eru okkur allir vegir færir
:: Ekki síst þegar við Eyjamenn stöndum saman
Magnús Bragason, hótelstjóri og
eigandi Hótels Vestmannaeyja
segir það mikla viðurkenningu
fyrir ferðaþjónustuna í Eyjum að
hafa fengið tækifæri til að takast
á við jafn stórt verkefni og
EFTA-fundurinn er. Hann sé rós í
hnappagat Eyjamanna og hafi
tekist jafnvel og raunin varð á
vegna samstöðu fólks í ferða-
þjónustu. Hann segir Martin
Eyjólfsson, Malla, eiga heiður
skilinn fyrir framgöngu hans í að
fundurinn var haldinn hér.

„Það var heiður fyrir okkur að fá
þetta stóra verkefni að halda
ráðherrafund EFTA hér í Vest-
mannaeyjum. Við gerðum okkur
fulla grein fyrir að kröfurnar voru
miklar og gerðum við því eins vel
og við gátum til að standa okkur,“
segir Magnús.
Á síðasta ári þegar fyrst var rætt
um að halda fundinn í Eyjum var ný
24 herbergja álma Hótels Vest-
mannaeyja rétt að komast upp úr
jörðinni en skilyrðið var að hún yrði
tilbúin þegar fundurinn var haldinn.
„Sjálfur fór ég að efast þegar
seinkun varð á framkvæmdum en
allt hafðist þetta með hjálp góðra
manna. Nefnd á vegum EFTA kom
þrisvar í heimsókn til að skoða
aðstæður. Þegar þau komu í annað
skiptið leist þeim ekki á blikuna en
urðu því ánægðari þegar þau komu í
þriðja skiptið og sáu að allt var að
verða klárt.“
Magnús segir að ferðaþjónusta í
Vestmannaeyjum standi á ákveðn-
um tímamótum og EFTA-fundurinn
sýni að nú sé hægt að horfa fram á
veginn með bjartsýni. „Það er eins
og allir séu tilbúnir og ég hlakka til
sumarsins 2015. Ekki síst eftir að
hafa fengið tækifæri til að takast á
við svona stórt verkefni. Þegar er
búið að bóka nokkra fundi og
ráðstefnur í haust. Má þar nefna
ráðstefnu um Surtsey í byrjun
október með þátttöku erlendra
vísindamanna. EFTA-fundurinn
styrkir okkur í markaðssetningu í
framtíðinni og fyrst hann tókst
svona vel eru okkur allir vegir færir.
Ekki síst þegar við Eyjamenn
stöndum saman,“ sagði Magnús að
endingu.
Ómar GarðarSSon
omar@eyjafrettir.is
Einsi kaldi :: Góð reynsla og prófraun fyrir ferðaþjón-
ustu í Eyjum:
Flottasta veisla sem
haldin hefur verið í
Vestmannaeyjum
Einar Björn Árnason hefur fyrir
löngu stimplað sig inn sem einn
af athyglisverðari matreiðslu-
meisturum landsins og er þó úr
mörgum góðum að velja. Hann
sá um veisluna í Eldheimum og
galakvöldverðinn í Höllinni og
þóttu báðar heppnast mjög vel.
Hann segir EFTA-fundinn hafa
verið góða reynslu og prófraun
fyrir ferðaþjónustuna í Eyjum.

„Í Eldheimum vorum við með
hlaðborð, smárétti þar sem mestallt
hráefnið var sótt í það sem Eyjarnar
hafa að bjóða. Í allt níu fiskrétti eins
og ég hef reyndar gert mörg
undanfarin ár. Viðtökurnar voru
hreint ótrúlega góðar og sögðu
sumir að þeir hefðu aldrei upplifað
annað eins. Það var mikið spjall um
allt það sem hér er í boði, góða
matsölustaði og kaffihús á hverju
horni,“ sagði Einar Björn sem rekur
veisluþjónustu í Höllinni og
veitingastaðinn Einsa kalda.
Einar Björn er sannfærður um að
galakvöldverðurinn í Höllinni sé
flottasta veisla sem haldin hefur
verið í Vestmannaeyjum. „Það er
gríðarleg viðurkenning fyrir okkur
hvað hún heppnaðist vel. Gestirnir
sögðu að hún stæðist það besta sem
þeir höfðu kynnst en yrði sú
eftirminnilegasta. Er það mikil
viðurkenning fyrir mig og mitt
starfsfólk,“ sagði Einar sem eins og
fleiri hefur fengið þakkarbréf frá
Utanríkisráðuneytinu fyrir frammi-
stöðuna.
„Sigurjón Aðalsteinsson, veitinga-
stjóri, var í tvær vikur að undirbúa
veisluna, mæla og velja dúka og
réttu glösin. Hann stóð sig frábær-
lega og tók öllu sem að höndum bar
með sinni alkunnu ljúfmennsku og
brosi sem allt bræðir,“ sagði Einar
Björn, eldhress að endingu.
Einar Björn Árnason.
Magnús Bragason.
EFTA :: Samúel sá um tæknimálin:
Erfitt og skemmti-
legt og allt gekk
að óskum
Tölvu- og samskiptakerfi þurfa
að vera í góðu lagi á alþjóð-
legum fundum eins og ráðherra-
fundur EFTA er. Yfirumsjón með
þeim var í höndum Samúels
Sveins Bjarnasonar. Sagði hann
verkefnið hafa verið erfitt en um
leið skemmtilegt og allt hafi
gengið að óskum.

Fundað var uppi í Framhaldsskóla
sem að mati gesta hentaði mjög vel.
„Ég sá um öll tæknimál, tölvu- og
nettengingar sem var þó nokkuð
verk. Það þurfti að koma upp
öflugra þráðlausu sambandi. Auk
þess þurfti að koma fyrir hljóð-
nemum og rafmagnsinnstungum við
hvert sæti þannig að fólk gæti
tengst netinu,“ sagði Samúel.
Það kom maður úr Reykjavík með
búnaðinn en fundað var í þremur
sölum. „Það þurfti líka auka
prentara sem urðu að vera nettengd-
ir. Þetta var allt í stærri kantinum en
svakalega gaman að takast á við.
Það kom engin kvörtun og fólkið
var ánægt með uppstillinguna í
skólanum sem þótti henta mjög vel.
Bjartur og skemmtilegur.“
Samúel Sveinn Bjarnason.
Bjarni Ólafur Guðmundsson Hall-
arbóndi:
Stóðum undir vænt-
ingum og vel það
Bjarni Ólafur Guðmundsson,
Hallarbóndi, hafði veg og vanda
af að undirbúa veislu í tengslum
við EFTA-fundinn í Höllinni sem
náði hápunkti í sannkölluðum
„galakvöldverði“ seinna kvöldið.
Hann segir að allt hafi verið gert
til að salurinn yrði sem vistleg-
astur og hafi það tekist. En
undirbúningur var langur og
strangur.
„Tvisvar eða þrisvar komu fulltrúar
til að taka út húsnæðið og alla
aðstöðu, ekki bara í Höllinni, heldur
allt annað og gerðu sínar athuga-
semdir. Allir brugðust vel við
ábendingum. Frá fyrstu heimsókn
og fram að ráðstefnunni sjálfri
bættist að sjálfsögðu við glæsilegt
hótel og nýinnréttaður veitinga-
stðaður Einsa kalda og svo
Háaloftið uppi í Höll, sem er að
festa sig í sessi í rekstrinum hjá
okkur,“ segir Bjarni Ólafur og
kröfurnar voru miklar.
„Við fengum Elínu Magnúsdóttur
sem lengi vann á Broadway til að
aðstoða okkur við veisluna og í
veislunni sjálfri en hún þekkir vel
hvernig skal halda veislur þar sem
kröfurnar eru miklar. Það varð að
hafa alla hluti rétta og Elín hjálpaði
okkur mikið og þetta gekk allt
saman upp.“
Bjarni Ólafur og fleiri sem stóðu
að móttöku gestanna hafa fengið
þakkarbréf frá Utanríkisráðuneytinu
þar sem þakkað er fyrir hvernig til
tókst. „Það var metnaður í gangi og
í bréfinu kemur fram að við stóðum
undir væntingum og vel það. Allir
lögðu sig fram til að mæta kröf-
unum sem settar voru fram.
Jafnframt skiptir það máli fyrir
4300 manna bæjarfélag, sem á enga
Hörpu, að vel takist til í að halda
alþjóðlega fundi eins og þennan.“
Þarna segir Bjarni Ólafur að allir í
ferðaþjónustunni og bæjarbúar hafi
lagt sitt af mörkum til að vel tækist
til. „Veðrið hjálpaði líka, að fá að
upplifa Vestamannaeyjar í góðu
veðri er og verður alltaf einstakt.
Þar hafði ferðin út í Elliðaey sitt að
segja. Starfsmenn og embættismenn
í kringum ráðstefnuna höfðu á orði,
að sama hvað hefði komið upp á,
alltaf hafi verið brugðist við. Það
var strax farið í að redda hlutunum
en ekki verið að velta sér upp úr því
hvað fengist borgað.“
Allir lögðu sig fram
Bjarni Ólafur er sannfærður um að
EFTA-ráðstefnan hafi verið góður
skóli. „Upplifun gestanna var góð
og það lögðu sig allir fram,
starfsfólk, bæjarbúar, Sigurjón
veitingastjóri, Adda og Maggi á
Hótel Vestmannaeyjum og Eld-
heimar höfðu líka sitt að segja. Ekki
má gleyma að maturinn frá Einari
Birni og hans fólki þótti afar vel
heppnaður í öllum veislunum og
við vitum öll hvað það skiptir miklu
máli að vel takist til þar. Þetta var í
fyrsta skiptið við gerum þetta en
við erum tilbúin í næsta slag.“ „Nú
þurfum við í sameiningu að breiða
út fagnaðarerindið og ná í fleiri
ráðstefnur hingað til Eyja. Sam-
eiginlegir hagsmunir eru umtals-
verðir. Það er klárt mál að þeir
fiska sem róa, í þessu eins og öðru“
segir Bjarni Ólafur að lokum.
Bjarni Ólafur Guðmundsson.
Úti Elliðaey. Johann-Scnheider Ammann, viðskiptaráðherra Sviss,
Norbert Frick, sendiherra og staðgengill utanríkisráðherra Liechten-
stein, Gunnar Bragi Sveinsson, utanríkisráðherra, og Monica Mæland,
viðskiptaráðherra Noregs.