Fréttir - Eyjafréttir - 10.06.2015, Page 7

7Eyjafréttir / Miðvikudagur 10. júní 2015
Síðasti kennsludagur í Tónlistar-
skólanum var 29. maí s.l. Fjöldi
nemenda við skólalok voru 126.
Ellefu luku stigsprófi á sitt
hljóðfæri og sex luku áfanga-
prófi í tónfræði. Tveir kennarar
voru í launalausu leyfi þetta
árð en vegna fækkunar nem-
enda í skólanum var einungis
þörf fyrir að ráða einn kennara
í þeirra stað. Sólveig söngkenn-
ari hætti um áramót og var
Þórhallur Barðason frá Kópa-
skeri ráðinn í hennar stað. Einn
kennari sagði starfi sínu lausu.
Eru því átta kennarar starfandi
við skólann í dag. Eru þeir auk
Þórhalls: Balazs Stankowsky,
Einar Jakobsson, Eyrún Þóra
Sigurjónsdóttir, Eyvindur Ingi
Steinarsson, Jarl Sigurgeirsson,
Kittý Kovács og Stefán Sigur-
jónsson.
Þetta kemur fram hjá Stefáni
Sigurjónssyni, skólastjóra, sem
segir einnig að kennaraverkfallið
s.l. haust og stóð í fimm vikur, hafi
haft gríðarleg áhrif til hins verra í
skólastarfinu. „Samt sem áður
héldum við ferna jólatónleika í
desember. Dagur Tónlistarskólanna
var 14. febrúar og héldum við uppá
daginn með því að hafa opið hús
þar sem gestir gátu kynnt sér
starfsemi og húsakynni skólans.
Auk þess að njóta ýmissa tón-
listaratriða á öllum hæðum. Var
þarna um nýjung að ræða sem tókst
mjög vel,“ segir Stefán.
Vortónleikar voru fimm. Tvennir í
Safnaðarheimili Landakirkju og
þrennir í sal Tónlistarskólans. Auk
þess koma nemendur skólans víða
fram á skemmtunum og samkomum
allan veturinn meira og minna.
Rótarýklúbburinn veitti viðurkenn-
ingar að venju og féllu þær í ár til
þeirra Báru Viðarsdóttir og
Bergþóru Ólöfu Björgvinsdóttir-
sem báðar stunda nám á klarinett.
„Það er ánægjulegt að segja frá því
að nú á dögunum var endurvakinn
Karlakór Vestmannaeyja eftir um
hálfrar aldar hlé. Hefur hann
æfingaaðstöðu í sal Tónlistarskólans
sem er góð viðbót í tónlistarlífið í
skólanum. Eru það um 30 manns
sem mæta á vikulegar æfingar hjá
söngkennara skólans,“ sagði Stefán
Sigurjónsson, skólastjóri.
Tónlistarskólinn :: Öflugt starf í skugga verkfalla:
Nemendur setja
mikinn svip á tón-
listarlífið í Eyjum
:: Rótarýklúbburinn veitti Báru og Bergþóru
Ólöfu styrki
Bára og Bergþóra Ólöf komu fram á skólaslitum Grunnskólans
í síðustu viku.
Í tilefni af því að í ár eru 100 ár
liðin frá því konur fengu fyrst
kosningarétt á Íslandi er sérstök
áhersla lögð á menningararf
kvenna í Safnahúsinu þetta árið.
Nú á dögunum var í Sagn-
heimum boðið upp á dagskrá
um íþróttir kvenna í Eyjum og á
hvítasunnudag opnaði í Einars-
stofu sýning á teikningum eftir
Jóhönnu Jósefínu Erlendsdóttur.
Jóhanna er þekktust í dag sem
móðir eins hinna stærstu meðal
Eyjalistamanna, Guðna Her-
mansen.
Á sýningunni voru dregin fram 15
æskuverk Jóhönnu sem sýna að hún
hefur verið ótrúlega efnileg. Í ávarpi
Kára Bjarnasonar forstöðumanns
Safnahúss, sem opnaði sýninguna
kom fram að eitt verkanna er í
vörslu safnsins og það verk varð
kveikjan að sýningunni. En
fjölskylda Jóhönnu, einkum börn
Guðna þau Kristinn og Jóhanna
yngri, dró saman aðrar myndir úr
eigin fórum og annarra og eins og
Kári gat um sýndu þau frá upphafi
verkefninu ótrúlegan áhuga og allan
þann stuðning sem í þeirra valdi
stóð. Jóhanna Hermansen flutti
kynningu á ömmu sinni og kom þar
fram að undirbúningur sýningar-
innar hafi orðið fjölskyldunni
hvatning til að leita uppi fleiri
myndir og fara að endurmeta hana
sem þann listamann sem hún var.
Dagskránni lauk með því að
viðstaddir hlýddu á upptöku frá
Vernharði Linnet þar sem Guðni
blés í saxófóninn eins og honum
einum var lagið.
Það er vissulega gott framtak að
opna fyrstu einkasýningu Jóhönnu
nú enda þótt það sé heilli öld eftir
að verkin voru unnin og vekja
þannig athygli á þeim fjársjóði sem
hinar gömlu æskuteikningar hennar
vissulega eru. Þegar haft er í huga
að Jóhanna hefur aðeins verið
15-18 ára þegar hún teiknaði flestar
myndanna er ekki hægt annað en
velta fyrir sér: Hvað hefði getað
orðið úr henni sem listamanni ef
hún hefði haldið áfram? En því
miður þá voru tækifærin fá til að
fylgja listadraumnum eftir fyrir 100
árum síðan og hversdagslegt strit
orðið að koma í staðinn. Það getur
stundum verið hollt fyrir okkur hin
að muna sem búum við svo gerólík
kjör.
Vestmannaeyjar eru miklu ríkari
að menningarverðmætum en við
áttum okkur á. Þetta hlutverk Safna-
húss að draga fram áður óþekktar
perlur úr menningararfinum er
tilraun sem hefur heppnast
frábærlega. Sérstaklega er það
ánægjulegt að verða vitni að því að
í flestum tilvikum hefur tekist að fá
fjölskylduna og aðra þá sem nærri
standa til samstarfs og samvinnu og
sýning Jóhönnu er gott dæmi um
það. Þetta er verklag sem skilar
öllum ávinningi. Sýningin var opin
til 4. júní og vonandi að sem flestir
Eyjabúar og aðrir hafi gefið sér tíma
til að líta við í Einarsstofu til að sjá
þessar töfrandi teikningar.
Teikningar
Jóhönnu sýndar
í Einarsstofu
Á myndinni frá vinstri eru: Þóra Möller, Helga Möller, Gunnar
Johnsen, Jóhanna Hermansen og Kristinn Hermansen.
GRV út-
skrifaði 71
úr tíunda
bekk í ár
Grunnskólanum var slitið í síðustu
viku og eins og undanfarin ár fór
útskrift tíundu bekkinga fram í
Höllinni. Þar komu saman nem-
endur og starfsfólk skólans og
ættingjar nemenda. Var hópurinn
óvenju stór að þessu sinni, eða 71
nemandi. Athöfnin var á allan hátt
hin glæsilegasta og Grunnskólanum
til mikils sóma sem þarna var að
senda frá sér mjög öflugan árgang.
Sigurás Þorleifsson, skólastjóri
stýrði athöfninni og ávarpaði
nemendur. Þeir sem sem þóttu skara
fram úr fengu viðurkenningar og
var árangur sumra hreint frábær.
Nemendur lögðu líka sitt til í og
söng og hljóðfæraleik sem var gott
innlegg og drengirnir sem fluttu
ávarp fyrir hönd nemenda fóru á
kostum.