Fréttir - Eyjafréttir - 10.06.2015, Side 8

8 Eyjafréttir / Miðvikudagur 10. júní 2015
Sjómannadagshelgin fór vel
fram og voru veðurguðirnir
Eyjamönnum hliðhollir þetta
árið. Dagskrá helgarinnar hófst
formlega með tónleikum í
Akóges á fimmtudagskvöldið
þar sem Árni Johnsen og félagar
tóku lagið við góðar undirtektir
viðstaddra. Á föstudeginum var
opnað Ísfélagsmótið í golfi,
haldið í sól og blíðu og tóku 72
þátt í mótinu.

Knattspyrnumót sjómanna fór fram
í Eimskipshöllinni sama dag og
voru þrjú lið sem tóku þátt. Stóðu
strákarnir á Huginn VE uppi sem
sigurvegarar. Hinir árlegu Skon-
rokkstónleikar sem þegar eru orðnir
fastur liður sjómannadagshelgar-
innar fóru fram í Höllinni um
kvöldið. Var mjög fjölmennt og
heppnuðust tónleikarnir frábærlega
að mati viðstaddra.
Sjómannafjör var á laugardeg-
inum á Vigtartorgi þar sem margt
var um manninn enda veðrið mjög
gott. Dagskrá var með hefðbundn-
um hætti, kappróður, koddaslagur
og karalokahlaup. Í kappróðrinum
vann Skipalyftan Landkrabbabikar-
inn og átti einnig besta brautar-
tímann. Vélastjórar unnu félaga-
bikarinn og Suðurey vann
áhafnarbikarinn.
Boðið var upp á hoppukastala fyrir
börnin og voru hinar ýmsu
furðuverur á kreiki frá Leikfélagi
Vestmannaeyja. Ribsafari bauð svo
upp á stuttar ferðir við góðar
undirtektir.
Um kvöldið var hátíðarkvöldverð-
ur sjómanna í Höllinni þar sem
sjómenn, eiginkonur og gestir nutu
glæsilegs veisluhlaðborðs Einsa
kalda. Veislustjóri var Logi
Bergmann og meðal þeirra sem
komu fram voru Jogvan Hansen og
Sigga Beinteins. Dans á rósum sá
svo um stuðið eftir miðnætti og
héldu uppi dansleik framundir
morgun.
Á sunnudeginum var að venju
hátíðardagskrá á Stakkó en þar kom
m.a. fram nýstofnaður Karlakór
Vestmannaeyja með frumraun sína
og þótti takast einstaklega vel upp.
Magnús Guðmundsson, Sveinbjörn
Jónsson, Ágúst Óskarsson og
Valmundur Valmundsson voru
heiðraði fyrir störf sín.
Halldór Ingi Guðnason formaður
Sjómannadagsráð segir helgina hafa
heppnast vel „Við í Sjómannadags-
ráði viljum þakka öllum þeim sem
tóku þátt í atburðum helgarinnar og
sérstaklega þeim sem mættu á
hátíðarsamkomu Sjómannadagsráðs
í Höllinni á laugardagskvöldið. Við
vonum að mætingin verði þó betri
að ári þótt kvöldið hafi heppnast vel
og mjög vel hafi verið mætt á
dansleikinn,“ sagði Halldór Ingi.
Sjómannadagshelgin fór fram í góðu veðri :: Góð þátttaka:
Magnús, Sveinbjörn, Ágúst
og Valmundur heiðraðir
ÁSTa SiGrÍður GuðjÓnSdÓTTir
asta@eyjafrettir.is
Léttklæddir í karalokahlaupi. Fjölmenni mætti á Stakkagerðistún á sunnudag.
Karlakór Vestmannaeyja stóð sig frábærlega.
Valur Már Valmundarson tók á móti heiðursskyldi fyrir hönd föður síns Valmundar Valmundssonar, Ágúst
Óskarsson ásamt konu sinni Oddfríði Jónu Guðjónsdóttur, Sigrún Hjörleifsdóttir og Magnús Guðmundsson.
Bardagi ársins vilja margir meina. Magni Hauksson og Óskar Þór
Kristjánsson í koddslag. Magni hafði betur.
M
yn
di
r:
Ó
sk
ar
P
ét
ur
F
ri
ðr
ik
ss
on