Fréttir - Eyjafréttir - 10.06.2015, Blaðsíða 13

13Eyjafréttir / Miðvikudagur 10. júní 2015
Í tilefni af 60 ára afmæli Rótarý-
klúbbs Vestmannaeyja var
fyrirlestur ,,Vindurinn sækir í sig
veðrið” í Safnahúsinu fyrir
skömmu. Bragi I. Ólafsson
rótarýfélagi átti hugmyndina og
fékk Margréti Arnardóttur
verkefnisstjóra vindorku hjá
Landsvirkjun í lið með sér.
Blaðamaður Eyjafrétta settist niður
með Braga en hann hefur sýnt þessu
máli áhuga.„Ég hef mikið verið að
fylgjast með upplýsingum um
vindmyllur. Góður vinur minn sagði
mér að á Kanaríeyjum væru
vindmyllur við hliðina á stóru
fyrirtæki sem framleiðir rafmagnið
sem það notar. Framfarirnar eru
örar en fyrir nokkrum árum voru
vindmyllur hávaðasamar og
framleiddu litla orku,“ sagði Bragi.
Auknir möguleikar
„Núna eru breyttir tímar og margir
tala um mikla sjónmengun af
loftlínunum en þá skapast kannski
möguleiki á að reisa vindmyllur í
þéttbýliskjörnum eða utan við þá og
þá sleppum við alveg við þennan
gríðarlega fjölda af loftlínum,“
sagði Bragi en fram kom í erindi
Margrétar að á síðustu fimm árum
hafa orðið gríðarlegar breytingar á
vindmyllum.
„Þær eru á 100 metra möstrum
sem framleiða tvö og hálft til þrjú
og hálft gígawött. Margrét benti
líka á að ef aðstæður breytast er
hægt að taka vindmyllurnar niður
og skila svæðinu eins og það var
sem er mikil kostar að mínu mati.
Við uppsetningu á vindmyllu þarf
að taka tillit til ýmissa umhverfis-
þátta, ásýnd, hljóðvist, fuglalíf og
samfélags,“ sagði Bragi og bætti
við að í Vestmannaeyjum væri
raunverulegur möguleiki að prófa
að reisa vindmyllur til að skoða og
athuga hvort þær geti gangast
okkur.
„Við erum með streng undir sjó,
við erum á svæði þar sem geta
jafnvel orðið náttúruhamfarir og við
sjáum það í gosinu 1973 að
rafstöðin fór undir hraun og
rafmagni var bjargað á snilldarlegan
hátt en eins og það er í dag er
raforkan orðin svo miklu stærri
hluti að lífi okkar en áður og það
getur enginn gert neitt nema hafa
rafmagn.“
Breiðabakki gæti hentað
Er möguleiki á að reisa vindmyllur
í Vestmannaeyjum? „Margrét segir
að það sé möguleiki. hún bendir á
staði eins og suður á Breiðabakka
og uppi á hrauni þar sem fjarhitunin
var: Þar er jafn vindur, einn kostur
er líka að vindmyllan vinnur þannig
að ef það kemur of mikið rok þá
stoppa þær. Vindmyllur þurfa
þennan jafna vind og vinna vel úr
því. Segjum að vindmyllur yrðu
reistar í hrauninu, sæir þú þær ekki
mikið frá bænum? Jú, þú sæir þær
en þetta er á einum stað á afmörk-
uðu svæði. Sjónmengun er ekki
alltaf sjónmengun það er oft
hugarburður, þú getur horft á
eitthvað og finnst það ljótt og þá er
það orðið sjónmengun,“ sagði
Bragi.
Þarf tíu til 15 vindmyllur
Á fundinum sagði Margrét að það
þyrfti tíu til fimmtán vindmyllur til
að sjá bænum fyrir raforku.
„Auðvitað fer það eftir stöðugleika
vindsins hvað þarf margar. Við
erum á vindsömum stað og á
fundinum kom fyrirspurn um
hviðurnar sem koma en þá vinnur
vindmyllan úr því. Ef vindur fer
hins vegar yfir 32 metra á sekúndu
stoppar hún og fjaðrar spaðana. Þá
snúast þeir ekki neitt.“
Er ekki of mikið rok hér? „Nei, alls
ekki. Allavega eru möguleikar að
setja upp vindmyllur hérna. Ég
hefði viljað sjá gerðar tilraunir með
vindmyllu hér til að sjá hvaða kostir
eru í boði. Ég held að í framtíðinni
geti stóru fyrirtækin hér verið með
eigin vindmyllu sem sjá þeim fyrir
rafmagni. Vandamálið með
rafmagnið hér er að það þarf að
skammta það á vissum álgastímum
og þá dettur framleiðslan niður og
skapar óvissu líkt og gerðist á Akur-
eyri fyrir skemmstu þegar þurfti að
draga saman mjólkurframleiðsluna.
Nú hafa tvær vindmyllur verið
settar upp við Búrfellsvirkjun en
þar er mjög vindasamt og hafa þær
skilað miklu meiri árangri en vonast
var eftir,“ sagði Bragi og benti á að
Þjóðverjar væru að vindmylluvæða
landið og taka niður kjarnorkuverin
sín. „Þau eru auðvitað hættuleg en
það stafar engin hætta af vindmyll-
um því þarf að gera margar
rannsóknir áður en hún er reist og
það tekur langan tíma því ekkert er
gert fyrr en allar niðurstöður liggja
fyrir, þetta er orka sem má ekki líta
fram hjá.“
Rótarý 60 ára :: Stóð fyrir merkilegri ráðstefnu um orkumál:
Vindorkan er möguleiki
sem má ekki líta fram hjá
:: Það er álit Braga I. Ólafssonar, Rótarýmanns til áratuga :: Átti hugmyndin að fá
verkefnisstjóra LV til Eyja
GÍGja ÓSKarSdÓTTir
gigja@eyjafrettir.is
Rótarýklúbbur Vestmannaeyja
fagnaði 60 ára afmæli í maí sl. Í
tilefni af því var sett upp sýning í
Einarsstofu á stofndeginum
sjálfum 26. maí, jafnframt því
sem klúbburinn var kynntur
með dagskrá þar sem m.a.
umdæmisstjórinn, Guðbjörg
Alfreðsdóttir flutti erindi.
Á dagskránni kynnti forseti
klúbbsins, Stefán Sigurjónsson, að í
tilefni af afmælisárinu væri
meiningin að bjóða upp á röð
fyrirlestra í Safnahúsinu um hin
margvíslegustu menningar-,
mannúðar- og þjóðþrifaverkefni í
anda Rótarý. Hann kynnti jafnframt
fyrsta erindið, sem haldið yrði í
hádeginu á fimmtudeginum 29. maí.
Margrét Arnardóttir flutti þá afar
áhugavert erindi í Sagnheimum,
byggðasafni um vindmyllur og
hagkvæmni raforkuvinnslu með
vindorku. Margrét, sem er verk-
efnisstjóri vindorku hjá Lands-
virkjun er greinilega „frelsuð“ hvað
varðar kosti vindorkunnar og tókst
afar vel upp með að sannfæra a.m.k.
blaðamann um góða möguleika
vindmyllunnar í samanburði við
aðra orkukosti. Fundurinn var vel
sóttur og hinn líflegasti enda öllum
ljóst að einn af kostum Vestmanna-
eyja er „nóg framboð af vindi“.

Bragi i. Ólafsson bíður Margréti
velkomna. Fyrirlestur hennar
vakti mikla athygli.
Rótarýklúbbur Vm. fagnar 60 ára afmæli með fyrirlestrahaldi:
Vindurinn sækir í sig veðrið
Þar er jafn vindur,
einn kostur er líka að
vindmyllan vinnur
þannig að ef það
kemur of mikið rok
þá stoppa þær.
Vindmyllur þurfa
þennan jafna vind
og vinna vel úr því.
Segjum að vindmyll-
ur yrðu reistar í
hrauninu, sæir þú
þær ekki mikið frá
bænum, jú þú sæir
þær en þetta er á
einum stað á af-
mörkuðu svæði.
Sjónmengun er ekki
alltaf sjónmengun
það er oft hugar-
burður, þú getur
horft á eitthvað og
fundist það ljótt og
þá er það orðið
sjónmengun,
”