Fréttir - Eyjafréttir - 12.08.2015, Blaðsíða 14

14 Eyjafréttir / Miðvikudagur 12. ágúst 2015
„Nú eru búnir fjórir gríðarlega
mikilvægir leikir á þeim rúmu
tveimur vikum sem ég hef
þjálfað liðið og það hefur þróast
þannig að í fyrsta leiknum virtust
menn ekki þekkja hlutverk sín
nægilega vel varnarlega og
Stjörnumenn fengu allt of mikið
af opnum svæðum,“ sagði
Ásmundur Arnarsson, nýr þjálfari
meistaraflokks karla þegar hann
var spurður um brösuga byrjun
en mikilvægan sigur gegn Leikni
á sunnudaginn.
Hvað hvað gerði liðið betur í
Leiknisleiknum?
„Í leiknum á móti KR virtist
ákveðið andleysi í liðinu og það var
líkt og menn hefðu ekki nægjanlega
trú á verkefninu. Leikurinn gegn
Fylki var mun betri og í raun bara
einstaklingsmistök sem valda því að
sá leikur tapast. Gegn Leikni var
skipulag liðsins miklu betra en gegn
Stjörnunni, það var miklu meiri
baráttuandi, sigurvilji, liðsheild og
trú en gegn KR og engin einstak-
lingsmistök sem gáfu mark. Þessi
sigur er því klárlega eitthvað til að
byggja á og í framhaldinu þurfum
við að vinna í að bæta leik liðsins
sóknarlega.“
Hvernig líst þér á dvölina í
Vestmannaeyjum?
„Mér líst einstaklega vel á dvölina í
Eyjum. Það er eitthvað svo frábært
andrúmsloft á þessari mögnuðu
eyju og gaman að fá að kynnast
henni betur og fólkinu sem hér býr.
Eyjan býr yfir miklum krafti og
einstaklega fallegri náttúru.
Áttirðu von á einhverju
sérstöku er þú komst til Eyja?
„Ég átti von á spennandi en
jafnframt krefjandi verkefni þar
sem liðið og klúbburinn í heild
hefur gengið í gegnum mikla
erfiðleika í sumar.
Byrjun tímabilsins var erfið og
gengið ekki sem skyldi framan af.
Sigrarnir gegn Breiðabliki, Fylki og
Fjölni gáfu þó sterklega í skyn að
það býr ýmislegt gott í þessu liði.“
Hvernig hefur þér verið tekið
í Eyjum?
„Eyjamenn eru þekktir fyrir að vera
höfðingjar heim að sækja og það
hefur svo sannarlega sýnt sig í þessu
tilfelli. Þvílíkir höfðingar allt í
kringum klúbbinn og ég hef fundið
fyrir gríðarlega jákvæðu viðmóti í
bænum. Það er eins og maður finni
fyrir því alls staðar að menn geri sér
grein fyrir stöðunni sem liðið er í og
það ætla allir að vinna saman í því
að snúa dæminu við.“
Hver er helsti munurinn á að
þjálfa ÍBV og Fylki?
„Ég hef aldrei þjálfað lið með eins
hátt hlutfall af erlendum leikmönum
og það tekur smá tíma að aðlagast
því. Fylkir gerir út á það að vera
„bær í borg“ og vilja hafa ákveðna
„úti á landi“ stemningu en ÍBV er
úti á landi og þar er munur á.
Það eru auðvitað meiri ferðalög og
ýmsir þættir sem lið úti á landi
þurfa að glíma við sem lið á
höfuðborgarsvæðinu þurfa aldrei að
hafa áhyggjur af. Ég þekki þetta
ágætlega enda landsbyggðarmaður
sjálfur og þegar ég þjálfaði Völsung
á Húsavík var hópurinn stundum
þrískiptur. Það myndast samt oftast
meiri samstaða og eining í liðum úti
á landi því menn eyða miklum tíma
saman á ferðalögum og fleira.“
Ertu með nógu sterkan hóp
til að ÍBV haldi sér uppi?
„Ég er enn að kynnast hópnum í
heild sinni og blandan hefur aðeins
breyst með tilkomu Gunnars
Heiðars, Sito, Stefáns Ragnars og
nú síðast Mario Brlecic. Ég hef
fulla trú á því að hópurinn sé
nægjanlega sterkur og í raun kemur
ekkert annað til greina en að ÍBV
haldi sér uppi.“
Ásmundur Arnarsson :: Nýr þjálfari
mfl. karla:
Hef fulla trú á að
liðið haldi sæti
sínu í deildinni Í raun kemur ekkert annað til greina
Snorri Sturluson hafði eitt sinn á
orði að þrjár myndu jafnan vera
ástæður sérhvers hlutar. Vera má að
reynsla sumra lesenda Eyjafrétta sé
á skjön við þau gömlu orð en hvað
varðar viðfangsefni þessarar
samantektar reynast þau sönn.
Upphaf þess máls að koma
Eyjafréttum á vefrænt form undir
timarit.is er rakinn til þess fyrsta
viðburðar að núverandi bæjarstjóri,
Elliði Vignisson, átti leið um
skrifstofu Frétta eins og blaðið hét á
útmánuðum 2011.
Var bæjarstjóri í leit að upplýs-
ingum sem áttu að hafa birst í
blaðinu ári fyrr. Þrátt fyrir ítarlega
leit fannst hvorki tangur né tetur af
meintri frétt. Áður en Elliði kvaddi
varð honum að orði: Af hverju er
blaðið ekki löngu komið á netið, þá
hefði ég fundið það sem ég leitaði
að á augabragði? Þessi orð festust í
huga Gísla Valtýssonar útgefanda
blaðsins, er var nærstaddur. Löngu
síðar er undirritaður sem oftar að
stika stórum eftir götum bæjarins
og staldrar við verslun nokkra. Vill
svo til að Gísli er þar ekki fjarri og
varð nú sá annar viðburður að Gísli
spyr hvort gönguhrólfur muni vilja
aðstoða við að koma Fréttum á
vefrænt form.
Haraldur fór hamförum
Ekki þurfti að egna frekar og í
janúarbyrjun 2012 var formlega
gengið frá samningum milli
Vestmannaeyjabæjar og Frétta um
að skannaðar yrðu 30.652 blaðsíður
í 2.153 tölublöðum eða allar Fréttir
undanfarinna 40 ára (28. júní 1974
- 26. júní 2014) og að á afmælisdegi
Frétta 28. júní 2014 yrði formleg
opnun á vefsvæði sem hýsti efnið.
Er líða tók að afhendingardegi varð
undirritaður hugsjúkur mjög. Ekki
var ástæðan þó sjálf afhendingin
þar sem Haraldur Halldórsson hafði
farið hamförum og skannað allt
efnið. Ástæðan var afhendingar-
dagurinn sjálfur, laugardagurinn 28.
júní. Þann dag áttu 16 liða úrslit að
hefjast í heimsmeistarakeppninni í
knattspyrnu sem haldin var í
Brasilíu og verklok því eðlilega í
uppnámi.
Ég ræddi við bæjaryfirvöld og
oddvita Eyjafrétta eins og blaðið
nefndist þá og eftirleiðis en enginn
virtist átta sig á vandanum, hvað þá
að lausn væri boðin fram. Komu
mér þá í hug hin fornu orð Snorra
Sturlusonar sem höfð voru eftir
honum hér í upphafi og sá ég að hér
var komin hin þriðja og síðusta
ástæða þess að blaðið komst á
vefrænt form. Ég hugsaði með mér:
Hvað eiga miklir viðburðir
sammerkt?
Jú, það að einhver er kvaddur til
að bera fram fórn, leggja eitthvað
það að mörkum sem venjulegu fólki
er ofviða. Nú var mér, óverð-
skuldað, sýnd sú virðing að vera
valinn til að leggja fram þá stórkost-
legu fórn að missa af leikjum í 16
liða úrslitum heimsmeistarakeppn-
innar í knattspyrnu og svo mjög
sem ég hafði í huga mér glaðst yfir
að sjá Brassana leika við Síle og
Kólumbíu við Úrúgvæ þá gat ég
ekki annað en beygt höfuð fyrir
valdi örlaganna. Þann 28. júní 2014
rann upp á Íslandi – og í Brasilíu.
40 ára saga Vestmannaeyja rituð af
blaðamönnum Eyjafrétta var lögð
fram og aðgengið að þeirri sögu
skyndilega orðið aðeins fingra-
smellir í tölvu. Í stað þess að sitja
þungskýjaður yfir ársbirgðum af
blaðinu mátti nú með einföldum
hætti leita uppi hvaðeina sem óskað
var eftir. Hér voru verklok og um
kvöldið voru goldin verklaunin – í
svefnherbergi Gísla Valtýssonar!
Í svefnherbergi Gísla
Ekki þó þau verklaun sem sumir
kynnu að láta sér til hugar koma
heldur hin að þar sem aðrir sátu að
drykkju í stofunni laumuðum við
okkur nokkrir inn í svefnherbergi
þeirra hjóna og sátum þar á
rúmgaflinum og fengum að upplifa
Brasilíu komast í 8 liða úrslitin í
vítaspyrnukeppni. Þar sem Brasilía
var komin áfram, öll tölublöð
Eyjafrétta komin á vefrænt form og
gestir farnir úr svefnherberginu ættu
hér að vera sögulok. Svo var þó
ekki, því nú tóku örlögin í taumana.
Fornir vinir úr Landsbókasafni
höfðu selt okkur þá hugmynd að
enda þótt Eyjafréttir yrðu aðgengi-
legar á vefsvæði bæjarins og
eyjafrettir.is þá væri fullur sigur
ekki unninn fyrr en efnið væri
jafnframt sýnilegt á timarit.is. Hafði
Landsbókasafnið sent gamlan
samstarfsaðila sem fulltrúa sinn á
vettvang í því skyni að innsigla
samninginn. Kom sá á ráðstefnuna
og flutti sköruglegt erindi þar sem
hann taldi að seinkun yrði um eina
til tvær vikur við að koma öllu
efninu inn á timarit.is og gera það
aðgengilegt í þeim stóra gagna-
grunni.
Niðurstaðan varð sú að snöggtum
lengri tíma tók að ljúka þeim nýja
verkþætti og það er ekki fyrr en nú,
við upphaf haustlægða 2015 sem öll
tölublöð Frétta og síðar Eyjafrétta
eru sýnileg og leitarbær inni á
timarit.is. Að þessu sinni verður sá
lokahnykkur sögunnar ekki rakinn
frekar en aðeins glaðst yfir að allt
efnið er nú orðið sýnilegt eins og að
var stefnt.
Mikil útgáfa í Eyjum
Yfir 170 tímarit og blöð hafa verið
gefin út í Vestmannaeyjum og
aðeins um 15% þeirra eru aðgengi-
leg á vefnum. Ég vil því nefna að
lokum að ég er tilbúinn til þess
samstarfs að koma fleiri blöðum á
vefrænt form og bið alla þá sem
deila þeirri hugsýn með mér að hafa
samband. Starfsmenn Safnahúss
Vestmannaeyja eru orðnir hoknir af
reynslu í þessum efnum: Fundar-
gerðir félagasamtaka líkt og
Sjómannafélagsins Jötuns og
Skipstjóra- og stýrimannafélagsins
Verðandi er hvoru tveggja búið að
skanna og rita upp á tölvutækt
form; verið er að skanna Viðskipta-
blaðið og skanna og rita upp á
tölvutækt form Sjómannadagsblað
Vestmannaeyja auk Frétta og síðar
Eyjafrétta eins og hér hefur verið
rakið.
Þau verk eru vonandi aðeins eitt
lítið upphafsskref í þá humátt að
opna aðgang að menningararfi
Vestmannaeyja sem meðal annars er
fólginn í fundargerðum fyrirtækja
og félagasamtaka í Eyjum og
útgáfum blaða og tímarita héðan.
Hugsið ykkur ef allur sá auður væri
ekki fjær en sem næmi aðgangi að
tölvu og neti? Slíkt er gerlegt – við
þurfum aðeins að kalla saman í lið
og þá getur boltinn byrjað að rúlla!
Fréttir af Eyjafréttum á netinu og HM í Brasilíu:
Loks við upphaf
haustlægða eru
öll tölublöð
Frétta og Eyja-
frétta á timarit.is
:: Alls 30.652 blaðsíður í 2.153 tölublöðum :: Eða allar
Fréttir undanfarinna 40 ára :: Frá 28. júní 1974 -
26. júní 2014
KÁri BjarnaSon
YFirmaður SaFnahúSS