Skessuhorn - 17.09.1998, Blaðsíða 6

6
FIMMTUDAGUR 17. SEPTEMBER 1998
SSESSlMOíæi
Umhverfisvíður-
kenningar Akraness
Hluti rá&stefnugesta vi& kvöldver&arboröiö í Hótel Reykholti á laugardags-
kvöldiö. Myndir: G.E.
Norræn rábstefna
í Reykholti
Félög til styrktar langveikum börnum
Fimmtudaginn 9. september sl.
voru afhentar viðurkenningar um-
hverfisnefndar Akraneskaupstaðar
fyrir snyrtilega garða og viðurkenn-
ing bygginganefndar fyrir framúr-
skarandi viðhald og fallegt útlit hús-
eignar.
Garbarnir
Furugrund 26, eigendur: Guðjón
Guðmundsson og Guðrún Ellerts-
dóttir. Garður þeirra þótti stflhreinn,
formfastur og fjölbreytileiki í teg-
undavali mikill jafnt í trjágróðri og
fjölæringum. Einnig var garðurinn
jafnsnyrtilegur hvort sem litið var á
iðagræna flötina, beðin eða malar-
svæðin.
Esjubraut 31, eigendur: Eyjólfur
Harðarson og Ása Ó. Valdimarsdótt-
ir. Þeirra garður er vel gróinn, vel
hirtur og með náttúrulegu yfirbragði.
I miðjum garðinum er átthymt garð-
hýsi og umhverfis það stéttar lagðar
úr náttúrusteini sem semr skemmti-
legan blæ á garðinn. Auk þess er að
húsabaki matjurtagarður sem ber
með sér hversu hagstætt sumarið var.
Laugarbraut 7, eigendur: Þórólfur
Ævar Sigurðsson og Kristín Eyjólfs-
dóttir. Garðurinn hefur rennislétta,
þéttgróna og fagurgræna flöt sem er
laus við illgresi. Auk þess er í honum
stórar breiður sumarblóma og bjargið
í flötinni minnir á heiti hússins.
Fyrirtæki
Þau fyrirtæki sem fengu viður-
kenningu að þessu sinni vom Pípu-
lagningarþjónustan og Haraldur
Böðvarsson hf. I umsögn um lóðir
þeirra kom fram að eftir að Pípulagn-
ingarþjónustan flutti í húsnæðið við
Esjubraut 47 hafi lóðin tekið algjör-
um stakkaskiptum. Snyrtilegt gras og
malarsvæði eru innrömmuð með
bjálkatimbri. Gömul olíufýring setji
skemmtilegan svip á lóðina um leið
og hún minni á þá starfsemi sem þar
fer fram. I umsögn um HB segir að
öll umgengi sé til fyrirmyndar,
snyrtimennska er í fyrirrúmi og þar
sem því er við komið er plantað út
tijám og gerðar grasflatir. Þess má
geta að þetta er önnur viðurkenning-
in sem HB hlýtur fyrir snyrtilegt um-
hverfi á þessu sumri en fyrirtækið
hlaut önnur verðlaun í flokki fyrir-
tækja þegar umhverfisverðlaun
Skessuhoms vom veitt.
Húseign
Viðurkenningu bygginganefndar
Akraneskaupstaðar fyrir framúrskar-
andi viðhald og fallegt útlit hlaut
Vesturgata 10 og var nefndin sam-
dóma í því vali. Eigendur Vesturgötu
10 em: Hörður Jóhannesson og Ingi-
björg Bjömsdóttir, Sigurður Haralds-
son og Bjamey Jóhannesdóttir. Húsið
var byggt 1929 og meistari var Ingi-
mar Magnússon, það er steinsteypt,
tvær hæðir og kjallari. í umsögn
nefndarinnar kemur fram að vel hafi
tekist til að varðveita uppmnalegt
form þess, það er snyrtilegt og lítur
vel út. Það var samdóma álit nefndar-
innar að eigendur hússins hafa sýnt
mikið hugrekki og dugnað við að
varðveita það.
Um síðustu helgi var haldin í
Reykholti ráðstefna norrænna félaga
sem vinna til stuðnings langveikum
bömum. Á ráðstefnunni voru 80
fulltrúar frá öllum Norðurlöndunum,
þar af tuttugu frá íslandi. Félögin
heita NOBAB á hinum Norðurlönd-
unum en íslenska félagið er Um-
hyggja, félag til stuðnings langveik-
um bömum. í samtali við Skessuhom
sagði Dögg Pálsdóttir formaður Um-
hyggju að markmið allra félaganna
væri að bæta stöðu langveikra bama,
ekki síst inni á sjúkrahúsunum. ,JFé-
lögin halda ráðstefnur á hverju ári til
skiptis í löndunum fimm þar sem
fjallað er um fagleg mál er lúta að
stöðu langveikra bama. Á ráðstefn-
unni hér í Reykholti var efnið tví-
þætt. Annars vegar áhrif niðurskurð-
ar á þjónustu við langveik böm og
hinsvegar Intemetið sem tengiliður
og upplýsingamiðill fyrir foreldra og
langveik böm. Hingað komu foreldr-
ar sem lýstu reynslu sinni af að afla
upplýsinga á netinu og fatlaður
drengur sem sýndi okkur hvemig
hann notar tölvuna til samskipta við
annað fólk. Þá var einnig rætt um
nauðsyn þess að foreldrar og heil-
brigðisstarfsmenn töluðu saman og
að heilbrigðisstarfsmenn hlustuðu á
foreldrana því þeir em sérfræðingar í
sínum bömum,“ sagði Dögg. Hún
sagði að foreldrum þætti vanta meiri
tengsl þarna á milli.
Að sögn Daggar er Umhyggja með
sérstöðu í hópi norrænu félaganna að
því leyti að það er bæði fagfélag og
foreldrafélag en NOBAB em bara
fagfélög. Umhyggja er stofnað 1980
sem fagfélag en breytt 1995 í regn-
hlífarsamtök yftr þau níu foreldrafé-
lög sem em starfandi í landinu og
fagaðila. „Þetta er form sem hefur
gefist vel og NOBAB em að hugsa
um það taka það upp hjá sér.“
Umhyggja hefur nýverið opnað
skrifstofu í Reykjavflc að Laugavegi
7. Framkvæmdastjóri félagsins er
Ester Sigurðardóttir og sagðist Dögg
vilja hvetja þá sem vantaði upplýs-
ingar um málefni langveikra bama
að snúa sér þangað.
Aðspurð um hversvegna Reykholt
hefði orðið fyrir valinu fyrir ráð-
stefnuna sagði Dögg að upphaflega
hefði hún átt að vera á Nesjavöllum
en það hefði breyst á síðustu stundu.
„Þá stóð okkur til boða að vera hér í
Reykholti og við sjáum ekki eftir því.
Þjónustan hér er stórkostleg og sömu
sögu er að segja um umhverfið. Við
fengum að setja ráðstefnuna í kirkj-
unni og hér hefur allt verið gert fyrir
okkur,“ sagði Dögg að lokum.
G.E.
Dögg Pálsdót+ir forma&ur Um-
hyggju.