Skessuhorn - 03.02.2000, Blaðsíða 3

«d£S»l)HÖERI
FIMMTUDAGUR 3. FEBRÚAR 2000
3
Fjölmemiur fundur um landsmálin
Fjarskipti, kvótauppkaup, byggðamál og fleira til umræðu í Borgarnesi
Framsóknarmenn á Vesturlandi
boðuðu til fundar á Hótel Borg-
amesi sl. mánudagskvöld undir
yfirskriftinni “Fjölskylda, at-
vinna, byggð”. Framsögumenn
vom ráðherrarnir Ingibjörg
Pálmadóttir, Guðni Agústsson
og Páll Pétursson auk Kristins H
Gunnarssonar þingflokksfor-
manns og nýkjörins formanns
stjómar Byggðastofnunar. A
fundinn mættu um 90 manns
þrátt fyrir að veður og færð væri
ekki með besta móti.
I framsöguræðum sínum fóru
stjórnmálamennirnir vítt yfir sviðið
og röktu fortíð, nútíð og framtíð í
stjórnarsamstarfinu, árangur og
væntingar ríkisstjórnarinnar. I
ávarpi sínu sagði Ingibjörg Pálma-
dóttir m.a. að á nýjum fjárlögum
væri 5 milljörðum króna meira var-
ið til heilbrigðismála en á fyrri fjár-
lögum. Kom hún lítillega inn á
málefni Islenskrar erfðagreiningar
og sagði að aldrei fýrr hefðu stjórn-
völd gengið jafn langt í að verja
persónuöryggi almennings eins og í
málefhum er varða gagnagrunn á
heilbrigðissviði.
Lækkun fasteignaskatta
Kristinn H Gunnarsson formað-
ur stjórnar Byggðastofnunar sagði
stefnu sína að leggja áherslu á ný at-
vinnutækifæri á landsbyggðinni og
stuðla þannig að jákvæðari byggða-
þróun en verið hefúr. Sagði hann
misjöfh lífskjör valda búferlaflutn-
ingum og því þurfi að jafna þau.
“Það gerum við meðal annars með
því að lækka fasteignaskatta. Vissu-
lega er það þung aðgerð sem kosta
mun ríkissjóð 2 milljarða króna en
þrátt fyrirþað óhjákvæmileg”, sagði
Kristinn. I stað tekjumissis sveitar-
félaga af þessum sökum sagði hann
að finna yrði nýja tekjustofha fyrir
sveitarfélög á landsbyggðinni. Sem
dæmi um ójöfnuð í lífskjörum hvað
þetta varðar nefhdi Kristinn að al-
gengt væri að greiðendur fasteigna-
gjalda á landsbyggðinni væru að
greiða hátt í tvöfaldan fasteigna-
skatt miðað við fasteignaverð. Með-
al annarra aðgerða ríkisstjórnarinn-
ar til að jafna lífskjör nefhdi Krist-
inn að hlutur ríkissjóðs við niður-
greiðslu námskostnaðar mun tvö-
faldast, aðgerðir eru hafnar til jöfn-
unar húshitunarkostnaðar, aukin
hefur verið áhersla á þarkennslu
auk þess sem stefnt er að ótekju-
tengdum barnabótum. Kristinn
færði í tal flutning ríkisstofhana út á
land og sagði að vel hefði tekist til
bæði með Landmælingar á Akranes
og Þróunarsvið Byggðastoíhunar á
Sauðárkrók. Affam verði unnið að
svipuðum málum, lofaði Kristinn.
Uppkaup kvóta
I framsögu Guðna Agústssonar
landbúnaðarráðherra var víða kom-
ið við og sagði hann m.a. að mikil
vinna væri að stýra landbúnaðar-
málum nú á erfiðleikatímum í
greininni. Hins vegar sagði hann að
landið væri lítils virði ef það yrði
ekki áffam byggt bændum og því
væri einungis að spýta í lófana og
nýta fyrirliggjandi sóknarfæri.
Sagði hann miklar væntingar
bundnar við stofhun Landbúnaðar-
háskólans á Hvanneyri og þar yrði
rannsóknar- og vísindastarfsemi
efld. Kynnti Guðni í fyrsta skipti
hugmyndir sínar um aðgerðir
vegna dræmrar sölu sauðfjárafurða
og væntanlegra búvörusamninga.
Sagði hann uppkaup framleiðslu-
réttar smærri bænda vera óhjá-
kvæmileg en er andvígur því að
bændur innan stéttarinnar þurfi að
kaupa hverjir aðra upp eins og gerst
hafi í mjólkurframleiðslu.
Guðni segist sjá sauðfjárrækt á Is-
landi þróast í gæðabúgrein sam-
hliða öðrum greinum og gæðastýr-
ing sé því óhjákvæmileg. Hann seg-
ir óviðunandi að sumir bændur
skuli einungis ná 1000 krónum útúr
ánni á sama tíma og betri ræktunar-
menn og þeir sem búa við skárri
landgæði fái allt að 6-7 þúsund
krónur eftir vetrarfóðraða á. Guðni
telur að ríkið þurfi að kaupa upp
framleiðslurétt til að hægt verði að
hagræða. Aðspurður sagði hann
engar tölur liggja fyrir um hve upp-
greiðslufé verði mikið né heldur
liggur fyrir nánari útfærsla á þessu
máli, enda um ffumhugmyndir ráð-
herra að ræða.
I ræðu sinni ítrekaði Guðni mik-
ilvægi íslenska hestsins og vísaði í
könnun þar sem í ljós kom að þriðji
hver ferðamaður nefhdi hesta sem
eitt af því minnisstæða frá veru
sinni hér á landi.
Varðandi mjólkurframleiðslu
sagði Guðni m.a. að kvótaverð væri
alltof hátt sé tekið mið af afkom-
unni eins og hún hefur verið í
greininni. Varðandi innflutning
fósturvísa úr norskum kúm sagði
Guðni að menn myndu fara þar að
öllu með mikilli gát.
Flutningar alltof dýrir
Páll Pétursson félagsmálaráð-
herra kom inn á ýmis mál í sinni
framsögu, m.a. byggðamálin. Sagði
hann að straumur fólks á höfuð-
borgarsvæðið kostaði alltof mikið
og væri þensluhvetjandi, ekki síst
fyrir sveitarfélögin sem taka hafi
þurft við fjölguninni. Sagði hann að
hækkandi húsnæðiskostnaður stæði
fyrir þriðjungnum af hækkun verð-
bólgu undanfarin ár. Sagði hann
eina vænlegustu leiðina til að styrk-
ja byggðir úti á landi vera að færa
þangað aukin verkefni og fjármagn.
Nefndi hann sem dæmi að vel
mætti ímynda sér flutning Veiði-
málastofnunar og jafnvel hluta
starfsemi Vegagerðar ríkisins í
Borgarnes á komandi árum.
Byggðatnálm
ekki þeirra mál
Eftir framsögur þingmanna var
opnað fyrir fyrirspurnir fundar-
gesta. Margir tóku til máls og of
langt mál væri að rekja það í smáat-
riðum. Ragna Ivarsdóttir úr Staðar-
sveit vildi fá skýrslugerð um kosti
þess að búa úti á landi sem mótvægi
við allar þær neikvæðu skýrslur sem
gefhar hafa verið út. Einnig benti
hún á þá staðreynd að lélegt fjar-
skiptasamband væri hamlandi
möguleikum landsbyggðarfólks til
fjarnáms og úr því yrði að bæta.
Fleiri fundarmenn tóku undir þetta.
Ragna upplýsti það m.a. að upplýs-
ingafulltrúi Landssímans hefði sagt
það berum orðum við sig að fyrir-
tækinu bæri ekki að halda uppi
byggðastefnu og því þyrfti ekki að
búast við miklum aðgerðum af
hálfu Landssímans í lausn á vanda
dreifbýlisins í fjarskiptamálum.
Fjölmargir aðrir tóku til máls og
meðal annars var spurt og svarað
um mál er varða eignarhald hálend-
isins, málefni aldraðra, innflutning
fósturvísa, ESB aðild og málefni
Framsóknarflokksins í stjórnarsam-
starfi. Fundarstjóri, Sindri Sigur-
geirsson í Bakkakoti, sleit fundi
laust fyrir miðnætti.
MM
Heilsu- og hægindastólar
Rúmteppasett
rmJf St~
Svefnsofar
Faxafeni 5 • 108 Reykjavík • Sími 588 8477
Opid: Mán. - fös kl. 10-18 & Lau. kl. 10-15