Skessuhorn - 11.04.2001, Blaðsíða 10

10
MIÐVIKUDAGUR 11. APRIL 2001
^nUSltlu.
Snerting í nútímaþjóðfélagi of lítil
segir Birgith Grundberg kennari í skynörvun með snertingu
að framleiðsla og losun á þessu
hormóni hefur minnkað til muna.
Fólk snertist ekki nóg í dag og al-
gengt er að lítil börn fái ekki næga
umhyggju. Þau eru komin snemma
á leikskóla eða til dagmömmu. Svo
er algengt að þegar þau komi heim
sé matartími og eftir það fara þau í
rúmið. Svona var þetta ekki í gamla
daga.“
Birgith segir það algengt að fólk
hafí ekki trú á aðferðinni sem
slíkri. „Margir halda að þetta sé
bara eitthvert bull. En þetta eru
ekki bara einhverjar handahófs-
kenndar strokur og klapp. Farið er
eftir ákveðnum reglum og þetta
ber árangur. Þroskaheft og hreyfi-
hamlað fólk áttar sig jafnvel ekki á
því hvar líkamshlutarnir eru og
þetta hjálpar þeim til þess.“
Eftir að hafa kennt aðferðina hér
á Islandi hélt Birgith til Danmerk-
ur þar sem hún hélt fyrirlestur í
Hróarskeldu. Einnig er byrjað að
kenna aðferðina í Finnlandi. Hún
segist vel geta hugsað sér að halda
annað námskeið hér þegar þessu
lýkur og Inga Sigurðardóttir hjá
Símenntunarmiðstöðinni segist
staðráðin í að fá hana hingað aftur.
Birgith bjó hér um tíma á sínum
yngri árum og hún segir að sér
finnist hún alltaf vera heima á Is-
landi. „Mig langar líka að koma
því að nemendur mínir hér hafa
verið mjög duglegir og vinnustað-
ir þeirra eru heppnir að hafa svona
góða starfsmenn.“
Fyrir skömmu hófst námskeið í
„skynönam með snertingu“ fyrir
fólk í umönnunarstörfum í Jónsbúð
á Akranesi. Tíu konur víðs vegar að
af landinu sækja námskeiðið en það
er á vegum Símenntunarmiðstöðv-
arinnar á Vesturlandi. Kennd eru
handbrögð og hugmyndafræði að-
ferðarinnar í fimm heila daga en þá
tekur við tímabil þar sem nemend-
ur æfa sig. I maí na-stkomandi hitt-
ist hópurinn á ný og tekur skriflegt
próf.
Skynörvun með snertingu er að-
ferð til að örva fólk með skerta lík-
amsstarfsemi. Þetta er meðvituð og
skipulögð aðferð sem örvar húðina
og er skilgreind sem þjálfun hugans
og meðferð í daglegri umönnun og
þjálfun. Aðferðin byggir á því
hvernig við snertum húðina dags
daglega, til dæmis þegar við berum
á okkur krem. Hreyfingar hand-
anna við snertinguna fylgja á-
kveðnu kerfi til að gera hana kunn-
uglega og gefa til kynna öryggi.
Auk þess að strjúka með höndunum
er þeim þrýst eða haldið kyrrum.
Algengast er að leggja hendurnar
beint á húðina en einnig má vinna
Birgith Gruudherg
utan yfir fötin.
Kennari á námskeiðinu er Birgith
Grundberg, en hún er sérkennari í
Ornsköldsvik í Svíþjóð. Hún hefur
starfað með þroskaheftum frá árinu
1971 og kennt þessa aðferð til
skynörvunar í yfir 20 ár eða frá ár-
Birgith Gnmdberg ásamt nemendum sínum á námskeiði í skynörvun með snertingu
inu 1977. Landi hennar, Gunilla
Birkestad er upphafsmaður aðferð-
arinnar og hefur hún verið í með-
ferðarstarfi síðan 1970. Sérstök
námskeið í aðferðinni
hafa verið haldin í yfir
tíu ár í Svíþjóð en sér-
hæfðir kennarar eru
um tíu talsins.
Birgith hefur tekið
sér leyfi í vinnu sinni
sem sérkennari til þess
að einbeita sér að því
að kenna skynörvun
með snertingu auk
þess sem hún tekur
fólk í meðferð. Hún
segir aðspurð að áhugi
hennar á aðferðinni
hafi kviknað í starfi
hennar með þroska-
heftum. „Eg var að
vinna með strák sem
var bæði daufblindur
og þroskaheftur. Hann
var mjög órólegur og
stoppaði aldrei við
neitt. Þegar sjón og
heyrn eru ekki til stað-
ar er húðin þitt næm-
asta skynfæri svo ég
byrjaði að strjúka á
honum bakið og uppgötvaði að það
gerði honum gott. Síðar komst ég í
samband við konu í Stokkhólmi
sem var að vinna að þessu og fór á
námskeið hjá henni og þá small
þetta allt saman. Eg hóf að nota að-
ferðina á hann og það leið ekki á
löngu áður en hann var farinn að
koma með olíuna og biðja um
nudd.“ Birgith segir þörfina fyrir
snertingu aukast við veikindi, slys
og fötlun. Aðferðin hefur verið
þróuð fyrir bæði börn og fullorðna
og nýtist þroskaheftum, hreyfi-
hömluðum og einhverfum og auk
þess fólki með heilaskaða eftir slys
og heilablóðfall. „Það sem aðferðin
gerir er að hún eykur líkamsvitund,
hækkar sársaukamörkin, bætir
blóðflæði, meltingu og eykur lífs-
gæði, eflir innri frið og minnkar
streitu. Eg hef notað hana á margs-
konar hátt og það hefur margsann-
að sig að skynörvun með snertingu
ber árangur. Fólk með krabbamein
hefur komið til mín og einnig fólk
sem hefur fengið hálshnykk eftir til
dæmis bílslys. Þetta gerir líka ung-
um stúlkum með anorexíu gott því
snertingin kemur blóðrásinni af
stað. Auk þess hefur það sýnt sig að
gamalt fólk sefur betur, borðar bet-
ur og líður á allan hátt betra eftir
svona nudd.“
Gerðar hafa verið rannsóknir á
áhrifum aðferðarinnar við Kar-
ólínska sjúkrahúsið í Stokkhólmi.
Þar vinnur prófessor Kerstin
Uvnas-Moberg að umfangsmiklum
rannsóknum í samvinnu við aðila í
Bandaríkjunum. „Það sem gerist er
að heilinn losar ákveðið hormón
við snertingu sem hefur róandi á-
hrif og til eru rannsóknir sem stað-
festa þetta. Þetta sama hormón fer
einnig út í blóðið við brjóstagjöf hjá
konum. Lítil snerting í nútíma-
þjóðfélagi hefur gert það að verkum

BORGARBYGGÐ
Sumar- og afleysingastörf 2001
Laus eru til umsóknar sumar- og
afleysingastörf
hjá Borgarbyggð, fyrir sumarið 2001.
1
I .Afleysingar í íþróttamiðstöðinni Borgarnesi.
Umsaekjendur þurfa að hafa náð 18 ára aldri.
Starfið er vaktavinna sem felst m.a. í baðvörslu, gaeslu við
sundlaugarmannvirki úti og inni, í íþróttahúsi auk þrifa, afgreiðslu o.fl.
Starfsmaðurinn þarf að hafa ríka þjónustulund að upplagi.gott lag á
börnum og unglingum auk áhuga og skilning á íþrótta- og aeskulýðsstarfi.
Laun samkv. launatöflu SFB.
Skilyrði fyrir ráðningu er að starfsmaðurinn standist haefnipróf sundstaða.
Vinnustaðurinn er reyklaus.
2. Störf við Vinnuskóla Borgarbyggðar.
Leiðbeinendur viðVinnuskóla Borgarbyggðar.
Umsaekjendur þurfa helst að hafa náð 20 ára aldri.
Umsækjendur þurfa að hafa gott lag á unglingum og helst að hafa unnið
við leiðbeinendastörf. Um er að ræða starf þar sem reynir á að
viðkomandi haldi uppi aga og reglum og hafi lag á að láta unglinga vinna
að fjölbreyttum og krefjandi störfum í Borgarnesi og nágrenni.
Umsóknareyðublöð eru á skrifstofu Borgarbyggðar Borgarbraut 11.
Nánari upplýsingar gefur íprótta- og æskulýðsfulltrúi á
bæjarskrifstofu eða í síma 437-1224.
LImsóknarfrestur er til 27.apríl n.k.
Vinstri á
Vesturlandi
Stofnfundur svæðisfélags
Vinstri hreyfingarinnar Græns
framboðs var haldinn á Hótel Bar-
bró Akranesi miðvikudaginn 4.
apríl s.l. Svæðisfélagið nær yfir
Akranes og sveitarfélögin sunnan
Skarðsheiðar. Alls komu 30
manns til fundarins og skráðu 25
sig sem stofnfélaga. Gestir fund-
arins voru Steingrímur J. Sigfus-
son formaður VG og þingmenn-
irnir Jón Bjarnason og Þuríður
Backman. Kosin var stjórn fyrir
félagið, en hana skipa Hermann
Guðmundsson, formaður, Gunn-
laugur Haraldsson, varaformaður,
Halla Guðmundsdóttir, ritari,
Linda Samúelsdóttir, gjaldkeri og
Hjördís Garðarsdóttir, meðstjórn-
andi. Stjórnin hefur þegar mótað
sitt fýrsta verkefni en það er að
standa fyrir fundi þar sem fjallað
verður um Fjölbrautaskóla Vestur-
lands, fjármögnun og framtíðar-
sýn. Fundurinn verður haldinn
miðvikudaginn 25. apríl á kl. 20.00
á Hótel Barbró. Framsögumenn
verða Hörður Ó. Helgason, skóla-
meistari, Þorgeir Jósefsson for-
maður skólanemdar, Kristín Birna
Fossdal, nýstúdent, Guðmundína
A. Haraldsdóttir, nemi, og Jón
Bjarnason alþingismaður.
(Fréttatilkynning)
f^fieygqrðshornið
Mismunandi
gerðir vírusa
Ross Perot vírus: Ræsir hvert
einasta forrit í tölvunni þinni
rétt áður en slökknar á öllu sam-
an.
Oliver North vírus: Veldur því
að prentarinn þinn brejTást í
pappírstætara.
Alþingisvírusinn: Keyrir öll for-
rit á harða diskinum samtímis
en gerir notandanum ekki kleift
að gera nokkurn skapaðan hlut.
George Bush vírusinn: Byrjar á
að skrifa stórum stöfum á skjá-
inn: Lesið skilaboðin mín....,
engin ný skjöl! I beinu fram-
haldi fyllir hann harða diskinn af
nýjum skjölum og kennir Al-
þingisvírusinum um allt saman.
Alþingisvírus II: Tölvan frýs,
skjárinn skiptist í tvo hluta og á
báðurn þeirra birtast
skilaboð þar sem hinum hiutan-
um er kennt um vandamálið.
Heilbrigðiskerfisvírusinn: Tekur
allan daginn að skoða tölvuna
þína, finnur ekkert athugavert
en sendir stjórnvöldum reikning
upp á 450 þúsund krónur.
Karlmenn
Hver er skilgreining karlmanna
á öruggu kynlífi?
-Bólstraður höfuðgafl.
Hvernig geturðu sagt til um
hvort karlmaður sé látinn?
-Hann er stífur í meira en tvær
mínútur.
Hvernig veistu hvort þú sért að
fá frábæra fullnægingu?
-Eiginmaðurinn vaknar.
Hvernig sérðu hvort maðurinn
þinn er kynferðislega æstur?
-Hann andar.
Hver er hugmynd karlmanna
um forleik?
-Hálftíma snð.
Hversu marga karlmenn þarf til
að skipta um klósettpappírs-
rúllu?
-Við vitum það ekki. Það gerist
aldrei.
Nýtt útlit
Kona á miðjum aldri fékk
hjartaáfall. Meðan hún gekkst
undir erfiða aðgerð á sjúkrahús-
inu var hún svo nálægt dauðan-
um að sem snöggvast sá hún
Guð fyrir augum sér. „Er minn
tími kominn?“ spurði hún. „Nei
alls ekki,“ svaraði Guð. „Þú átt
43 ár, tvo mánuði og átta daga
eftir.“ Eftir aðgerðina ákvað
konan að dvelja aðeins lengur á
sjúkrahúsinu til að fara í lýtaað-
gerð, fitusog og brjóstastækkun.
Fyrst að hún átti svona mikinn
tíma eftir var um að gera að líta
sem best út. Að loknum öllum
aðgerðum, þegar hún var á leið
heim til sín af sjúkrahúsinu, varð
hún fyrir sjúkrabíl og dó. Þegar
hún hitti Guð aftur spurði hún
hann heldur önug, „Hvernig
stendur á því að eftir að hafa lof-
að mér rúmum 40 árum sendir
þú mig í veg fyrir sjúkrabíl og
svíkur mig?“ Guð leit á hana
hissa og sagði „Þú!... Fyrir-
gefðu, ég þekkti þig ekki!“