Skessuhorn - 22.09.2004, Qupperneq 7

S21ÉÍS§UH©£I1
MIÐVIKUDAGUR 22. SEPTEMBER 2004
7
Vaxandi samkeppni framundan í matvörumarkaðnum á Vesturlandi
Verslunum fjölgar og aðrar breyta um nöín
Á landfyllingunni fremst við Borgarfjarðarbrú hyggst Bónus byggja nýja verslun í Borgarnesi við hlið Spari-
sjóðsins, en nýbygging hans er nú að rísa.
Nokkrar stórar breytingar
eru í farvatningu í matvöru-
geiranum á Vesturlandi. Oflug-
ar verslanakeðjur hyggjast
styrkja sig á nokkrum stöðum
og má í því sambandi nefna að
bæði Bónus og Samkaup eru
með talsverðar skipulagsbreyt-
ingar í gangi sem viðkoma
þéttbýlisstöðunum Akranesi,
Borgarnesi, Stykkishólmi og
Grundarfirði.
Bónus brátt
á þremur stöðum
I Stykkishómi er í undirbún-
ingi að breyta verslun 10/11 í
Bónusverslun og er stefnt að
því að ný verslun opni á sama
stað í endurbættu húsnæði
þann 1. nóvember nk. Jóhann-
es Jónsson í Bónus sagði í sam-
tali við Skessuhorn að fyrirtæk-
ið ætlaði að styrkja þjónustu
sína á öllu Vesturlandi. „Við
ætlum okkur að styrkja stöðu
okkar á Vesturlandi og koma til
móts við óskir fjölmargra íbúa
þar um. Við fáum óhemju
margar hringingar frá fólki
víðsvegar af svæðinu sem óskar
eftir því að við komum upp
Bónusverslunum á ýmsum
stöðum. Við höfum þegar á-
kveðið að breyta 10/11 í Stykk-
ishólmi í Bónusverslun og ætl-
um bráðlega að hefja byggingu
nýrrar verslunar í Borgarnesi á
uppfyllingunni þegar komið er
inn í bæinn að sunnan. Við sjá-
um fyrir okkur að íbúum muni
fjölga og það er greinileg
sprenging varðandi þá sem
nýta vaxandi fjölda sumarhúsa í
Borgarfirði. Við höfum einnig
ákveðið að leita okkur að hent-
ugri lóð á Akranesi fyrir nýja
Bónusverslun þar. Erum því
leitandi eftir uþb. 5000 fer-
metra lóð á hentugum stað á
Skaganum. Þar horfum við
ekki síst til fjölgunar atvinnu-
tækifæra á Grundartanga og
fjölgunar íbúa m.a. á Akranesi
samhliða því,“ sagði Jóhannes
Jónsson í Bónus.
Kaupfélagið verður
Samkaup
Guðjón Stefánsson er fram-
kvæmdastjóri Samkaupa, en
Samkaup rekur bæði verslanir
með því nafni og Nettó. Geng-
ið hefur verið frá sameiningu
verslunarsviðs KB í Borgarnesi
við Samkaup og því er ráðgert
að hin 100 ára gamla kaupfé-
lagsverslun á staðnum fái brátt
nafnið Samkaup - úrval, en
verslanir Samkaupa með því
nafni eru svipað samansettar
og matvörumarkaður KB í
Borgarnesi er í dag og því er
breytingin ekki uintalsverð,
nema ef vera kynni sálræns eðl-
is fyrir þá sem þekkja ekki ann-
að en að versla í kaupfélaginu
eins og þeir hafa alltaf gert.
En það verður fleira sem
breytist hjá Samkaupsmönn-
um. I Grundarfirði og á Akra-
nesi hefur KB undanfarin miss-
eri rekið verslanirnar Grunda-
val. Guðjón gerir ráð fýrir að
þeim verslunum verði breytt í
Samkaup - strax, en það eru
verslanir sem hafa almennt
lengri opnunartíma en stór-
markaðir og eru því einskonar
klukkubúðir. Aðspurður um
hvort breytingar séu fýrirhug-
aðar í húsnæðismálum þessara
verslana segir Guðjón að á
teikniborðinu sé nýtt verslun-
arhús í Grundarfirði. „Einnig
er líklegt, þó ég geti ekki stað-
fest það endanlega nú, að við
munum koma okkur fyrir með
Nettó í nýrri verslunarmiðstöð
sem til stendur að byggja á
Miðbæjarreitnum á Akranesi
og opnar þar eftir rúmt ár.
Þannig munum við að öllum
líkindum stækka verslunarrými
okkar í Grundarfirði og á
Akranesi,“ sagði Guðjón.
„Hann bætir við: „Allar þessar
breytingar fela í sér ákveðna
hagræðingu svo sem í innkaup-
um, sem leiðir aftur til þess að
við getum lækkað vöruverð
neytendum okkar til hagsbóta.
Við munum því verða öflugir
og fullir þátttakendur í sam-
keppninni á Vesturlandi, fram-
vegis sem hingað til,“ segir
Guðjón Stefánsson að lokum.
Samkeppni vex
Af þessu má sjá að sam-
keppni í matvöruverslun mun
aukast til muna á Vesturlandi
gangi áform þessara aðila eftir.
Til að mynda fjölgar verslun-
um á Akranesi við þetta um
eina og yrðu alls 5 matvöru-
verslanir á staðnum, en til við-
bótar þeim verslunum sem
nefndar hafa verið eru verslan-
irnar Einar Olafsson og Skaga-
ver reknar af heimamönnum í
bænum.
I Borgarnesi er helsta breyt-
ingin hinsvegar sú að Bónus
flyst í nýtt og hentugra hús-
næði á nýju landfyllingunni og
nafn KB Hyrnutorgi breytist í
Samkaup - úrval.
I Stykkishólmi má gera ráð
fyrir að vöruverð lækki nokkuð
þar sem stigsmunur er á verði
milli 10/11 og Bónuss, þrátt
fyrir að báðar verslanakeðjurn-
ar séu í eigu sömu aðila.
I Grundarfirði ætti fyrst og
fremst aðstaðan að batna með
nýju verslunarhúsi en verðlag
væntanlega haldast lítið breytt.
Allar þessar breytingar fela
þó í sér að samkeppni á mat-
vörumarkaði er að aukast á
Vesturlandi og stóru verslana-
keðjurnar ætla að styrkja sinn
hlut. Hvort rými verður fýrir
allar þessar verslanir á mark-
aðnum verður hinsvegar tím-
inn einn að leiða í ljós. MM
Auglýsing um deiliskipulag á Akranesi
Akraneskaupstaður
Tillaga að deiliskipulagi í Flatahverfi, klasa 5 - 6
Með vísan til 25. gr. skipulags- og bvggingarlaga nr. 73/1997 er hér með auglýst eftir
athugasemdum vio tillögu ao deiIiskipulagi klasa 5 - 6 í Flatahverfi. Tillagan gerir
ráð fyrir blandaðri byggð fjölbýlis- og sérbýlishúsa.
Tillagan, ásamt frekari upplýsingum, liggur frammi á skrifstofu tækni- og umhverfissviðs
að Dalbraut 8, Akranesi, frá 29. sept. 2004 til og með 27. okt. 2004.
Þeir sem telja sig eiga hagsmuna að gæta er hér með gefinn kostur á að gera skriflegar
athugasemair. Frestur til að skila inn athugasemdum er til 10. nóv. 2004 og skulu
þær berast á bæjarskrifstofur Akraneskaupstaðar, Stillholti 16-18, 3. hæð.
Þeir sem ekki gera athugasemdir við tillöguna innan tilskilins frests teljast samþykkir
henni.
Akranesi 20. sept. 2004
Þorvaldur Vestmann
Sviðsstjóri tækni- og umhverfissviðs Akraneskaupstaðar
Folöld
Óskum eftir folöldum til slátrunar
Vinsamlegast pantið
í síma 460-8850
eða sendið tölvnpóst
á svalas@nordlenska.is
Norðjenska