Skessuhorn - 25.01.2006, Síða 13

^alðsunuw
MIÐVIKUDAGUR 25. JANÚAR 2006
13

Vaxtarverkir
Allt þangað til á allra síðustu
árum ríkti stöðnun í uppbyggingu
í Borgarnesi. Þannig var ekkert
íbúðarhús byggt í bænum í mörg
ár kringum 1990 og um svipað leiti
var samdráttur í þjónustu við land-
búnað byrjaður að gera vart við sig
fyrir alvöru. Við tók tímabil þar
sem atvinnuvegir gengu í endur-
nýjun lífdaga og nú er sú uppbygg-
ing sem enn sér ekki fyrir endann
á að skila sér í því að fólk er aftur
farið að byggja íbúðarhúsnæði í
bænum, bæði einstaklingar og
verktakar. Samhliða þessu er
nokkuð orðið um það að fólk
byggi upp eyðibýli en þó meira um
að íbúðarhús séu byggð á bújörð-
um, oft fólk sem hyggst sækja at-
vinnu í þéttbýlið en búa í sveitinni.
Allt er þetta gott og blessað og í
samræmi við fræðin um að fólki
mtmi fjölga í nágrenni höfuðborg-
arinnar á næstu árum og áratugum
líkt og Trausti Valsson spáði fyrir
um fyrir margt löngu.
Skipulag
Hér er þó eins og oftast tening-
ur með fleiri en eina hlið. Þegar
byggt er upp þykir sumum sem
gengið sé óþarflega nærri náttúr-
unni, öðrum að þak hússins sem til
stendur að byggja snúi á haus og
stundum þykir mönnum starfsemi
komið fyrir á röngum stað í vit-
lausu húsi. Til þess að reyna nú að
finna ólíkum sjónarmiðum stað og
koma í veg fyrir augljósar reg-
inskissur þegar framkvæmdir hefj-
ast eru skipulagslög. Sveitar-
stjórnir fara með skipulagsvald og
Skipulagsstofnun er sveitarstjórn-
um til ráðgjafar um skipulagsmál.
Auk þess eru umsagnaraðilar í
mörgum tilvikum lögaðilar eins og
Umhverfisstofnun eða nágrannar
þess sem hyggur á framkvæmdir.
Þessu kerfi er ætlað, líkt og öllum
góðum kerfum, að tryggja að
skipulag svæða verði þannig að
sem flestum líki og til að minnka
líkur á mistökum. Sveitarstjórnum
ber að gera aðalskipulag fyrir
sveitarfélagið, því verki á að vera
lokið fyrir allt landið eigi síðar en
2008, og minni svæði eru
deiliskipulögð. Einnig er til skipu-
lag sem er nokkuð óformlegra en
aðalskipulagið sem kallast svæðis-
skipulag og loks er rammaskipulag
eins konar uppkast að deiliskipu-
lagi. Við gerð skipulags gefst svo
hverjum og einum hagsmunaaðila
tækifæri á að koma sínum sjónar-
miðum á framfæri, gera athuga-
semdir eða koma með tillögur.
Endanlegt skipulag er síðan aug-
lýst og samþykkt. Halda mætti því
að góð regla væri kominn á veröld
víða!
Kerfið
Ekkert kerfi er hinsvegar full-
komið. Þannig er heilbrigðiskerfi
landsins sagt afar fullkomið (ég
dreg það ekki í efa!) en engu að
síður getur það lagt fullfrískan
mann að velli að þurfa að glíma við
það skrifræðisbákn sem mætir
mönnum þegar takast þarf á við
læknaritara í fullum skrúða! A
sama hátt geta skipulagslög gefið
færi á þeim hryllingi sem lögmenn
kalla „skemmtilegt lögfræðilegt
vafaatriði“ og ef menn hafa áhuga
á slíku getur lítill húsgrunnur ver-
ið mönnum tilefni til bréfaskrifta,
málsókna og fjárútláta. Líkt og
annarsstaðar í mannlegum sam-
skiptum er þó farsælla að leysa
málin með samtölum og mála-
miðlunum en vopnaskaki enda
heyrir blessunarlega til undan-
tekninga að menn hljóti „skipu-
lagsdóm."
Leitin að bestu
niðurstöðu
Hitt er öllu algengara að menn
haldi fram sjónarmiðum sínum og
reyni þannig að hafa áhrif á skipu-
lag en láti það yfir sig ganga með
hundshaus ef sjónarmið þeirra
verða ekki ofaná við gerð endan-
legs skipulags. Þeir sem kjörnir
eru til þess að fara með skipulag í
sveitarfélagi verða að sætta sig við
þann beiska kaleik að geta ekki
gert öllum til hæfis. Þegar byggt
er í þéttbýli sem risið hefur á ára-
tugum, jafnvel inní í byggð sem
komið er að því að endurnýja að
hluta, getur verið ómögulegt að
sætta öll sjónarmið. Því þarf að
velja og hafna en auðvitað leitast
menn við að byggja ákvörðun sína
á því að meiri hagsmunir víki ekki
fyrir minni. Þannig er réttur þess
sem fyrir er alltaf sterkur en engu
að síður takmörkunum háður.
Framtíðar skipulag
Nú er framundan gerð aðal-
skipulags fyrir Borgarbyggð og
síðar á árinu þarf að ganga frá að-
alskipulagi fyrir nýtt sveitarfélag
(hér rekur mig í vörðurnar með
nafn á landssvæði því sem nýtt
sveitarfélag nær yfir!) í kjölfar
sameiningar í vor. Einnig er sí-
felldlega verið að gera nýtt
deiliskipulag í þéttbýlinu í Borgar-
nesi, á Bifröst og á Hvanneyri.
Ljóst er að áhrif vaxandi byggðar á
umhverfið mun vekja upp áleitnar
spurningar svosem hvernig skal
haga vegtengingum við Borgarnes,
hvernig tengja eigi nýja byggð
vestan Borgarvogar við byggðina í
Borgarnesi eða hvort byggðin í
Borgarnesi eigi að vaxa til norðurs,
hvar á að finna nýtt byggingarland
á Bifröst þannig að ekki sé gengið
á viðkvæma náttúru, hvar á að
heimila byggingu frístundahúsa og
svo framvegis. Vonandi tekst að
samræma sem flest sjónarmið við
þessa vinnu og tryggja niðurstöðu
sem komandi kynslóðir munu
sætta sig bærilega við.
Finnbogi Rögnvaldsson
formaður bcejaiTáðs
Borgarbyggðar
~f*(mninn—.
Með strætó til Reykjavíkur
Með tilkomu áætlana Stætó bs á
Akranes nú um áramótin stigum
við Skagamenn enn fram til for-
ystu og nú í samgöngumálum á
landi. Verkefnið er samvinnuverk-
efni Samgönguráðuneytis, Stætó
bs og Akraneskaupstaðar. Það er
gert til reynslu í tvö ár og leggur
Samgönguráðuneytið því til sex
milljónir króna en Akraneskaup-
staður sextán milljónir á ári út
reynslutímann. Víst er að þetta
skref í samgöngumálum mun
verða fleiri byggðakjörnum til eft-
irbreytni, en eins og fram kom hjá
forstjóra Strætó við undirritun
samkomulagsins á dögunum, þá
hafa nú þegar sett sig í samband
við hann fulltrúar annarra sveitar-
félaga til að kanna málið um sam-
bærilega þjónustu austur og suður
frá höfuðborgarsvæðinu.
Þá skemmir ekki fyrir verkefn-
inu að tilkomu vagnsins hefur ver-
ið með eindæmum vel tekið og
hafa margir talað um að vakin hafi
verið upp gamla Akraborgar-
stemningin sem lagðist af með
komu Hvalfjarðarganganna 1998,
sællar minningar. Þá má segja að
með tilkomu strætó hafi Akranes í
hugum margra færst enn nær höf-
uðborgarsvæðinu og þeim fjöl-
mörgu sóknarfærum sem það gef-
ur fyrir fyrirtæki og stofnanir sem
á Akranesi eru starfrækt, s.s. fyrir
Sjúkrahúsið og Fjölbrautaskólann.
Víst er að margt tmgt fólk búsett í
Mosfellsbæ eða á Kjalarnesi sem er
á leið í iðnnám mun hugsa til
Akraness í ljósi þessara samgöngu-
bóta því Fjölbrautaskólinn er nú
nýr og spennandi valkostur fyrir
þetta fólk. Sambærileg sóknarfæri
á Sjúkrahúsið sem hefur á undan-
förnum árum kynnt sína þjónustu
sunnan fjarðar, t.d. starfsemi
kvennadeildar og bæklunardeildar
auk þess sem að á nýliðnu ári var
undirritað samkomulag við Lands-
spítala háskólasjúkrahús um frek-
ari samvinnu þessara stofnana. Þá
er ljóst að fyrirtæki í almennri
þjónustu s.s. í verslun munu á
komandi árum skilgreina sinn
heimamarkað í auknum mæli alla
leið á Kjalarnes. Það hefur verið á-
næjulegt að fylgjast með á spjall-
síðum bæjarins hversu almenn á-
nægja virðist vera með þessa ný-
breytni í ferðamöguleikum milli
Reykjavíkur og Akraness. Þá hafa
forsvarsmenn Strætó brugðist vel
við ábendingum sem komið hafa
fram um ferðatíðni, tímasetningar
og annað er viðkemur áætlun
Strætó. Þess má geta að fyrirhugað
er að halda opinn kynningarfund
um málið á næstunni og hvet ég
núverandi og væntanlega notendur
þjónustunnar til að mæta.
Guðni Tryggvason,
formaður atvinnumálanefndar
Útsölumarkaður
Andrésar
verður í Safnahúsi Borgarfjarðar
Borgarbraut 4-6 Borgarnesi
þriðjudaginn 31. janúar
kL 13:00-20:00
og miðvikudaginn
l.febrúarkL 10:00-18:00
Herrafatnaður 20-50% afsláttur við kassa.
Einnig nokkuðaf dömufatnaði.
Andrés fataverslun
Skólavörðustíg 22a Reykjavík
sími: 551-8250 og 862-6439
Hef hafið störf við sjúkranudd á
fimmtudögum og föstudögum
í Iþróttamiðstöðinni á
Jaðarsbökkum, Akranesi.
Nánari upplýsingar
og tímapantanir
í síma 866-5809.
Bryndís Gylfadóttir
Löggiltur sjúkranuddari^
t
Þökkum innilega auðsýndan hlýhug
við fráfall og útför
Bjarna Þorsteinssonar
Hurðarbaki Reykholtsdal
Gunnar Bjarnason Ásthildur Thorsteinsson
Þóra Bjarnadóttir Einar Sigurjónsson
Barnabörn og barnabarnabörn.
Sýslumaðurinn í Borgarnesi
Skrifstofu-
starf
Laust er til umsóknar starf skrifstofumanns við embætti
sýslumannsins í Borgamesi.
Starfið
Starfið felur í sér aðkomu að hinum ýmsu verkefnum, er við
koma starfsemi embættisins. Starfshlutfall er 100%.
Hæfísskilyrði
Góð almenn menntun, ffumkvæði og sjálfstæði, góð tölvukunnátta,
sveigjanleiki og jákvætt viðmót og hæfni í mannlegum
samskiptum.
Laun eru skv. kjarasamningi fjármdlaráðherra og viðkomandi
ste'ttarfe'lags.
Umsóknarfrestur er til 12. febrúar 2006. Umsóknum
| ásamt upplýsingum um menntun og fyrri störf skal skila
1 til Stefáns Skarphéðinssonar sýslumanns,
| Bjarnarbraut 2,310 Borgarnesi.
s Athygli er vakin á því að umsóknin mun gilda í 6 mánuði frá því
að umsóknarfrestur rennur út, með vísan til 3. tl. 2. mgr. 2. gr.
reglna um auglýsingar á lausum störfum, með
síðari breytingum nr. 464/1996, sem settar eru skv. heimild í 2.
mgr. 7. gr. laga nr. 70/1996 um réttindi og skyldur opinberra
starfsmanna.
Sýslumaðurinn í Borgarnesi