Morgunblaðið - 19.06.2019, Blaðsíða 6

6 MORGUNBLAÐIÐ MIÐVIKUDAGUR 19. JÚNÍ 2019FRÉTTIR
Gullfiskur
Kæliþurrkaður harðfiskur
semhámarkar ferskleika,
gæði og endingu.
Inniheldur 84%prótein.
84%prótein - 100% ánægja
Framleiðandi: Tradex ehf, Eyrartröð 11, 220Hafnarfjörður, tradex@tradex.is
Harðfiskur // Bitafiskur // Skífur
Tilvalinn með
á völlinn í
sumar
VERSLUN
Isavia opnaði í gær fyrir aðgang að
gögnum vegna útboðs á aðstöðu til
reksturs raftækjaverslunar í Flug-
stöð Leifs Eiríkssonar á Keflavíkur-
flugvelli. Um er að ræða tvær versl-
anir í norðurbyggingu flugstöðvar-
innar. Önnur er um 158 fermetra
verslun á 2. hæð, ætluð farþegum á
leið úr landi. Hin er um 30 fermetra
verslun á 1. hæð, ætluð komu-
farþegum. Raftækjaverslunin Elko
hefur undanfarin ár rekið verslun í
plássunum, en samningurinn rennur
út í lok árs.
Í fréttatilkynningu frá Isavia
kemur fram að óskað sé eftir
reynslumiklum aðila sem hefur yfir
að ráða úrvali vörumerkja. Þá er
einnig gerð sú krafa að viðkomandi
aðili hafi rekið að lágmarki tvær raf-
tækjaverslanir samtímis síðastliðin
þrjú ár. Samningstíminn er til
þriggja ára með möguleika á tveggja
ára framlengingu.
Morgunblaðið/Ómar
Opnað hefur verið útboð vegna aðstöðu til reksturs raftækjaverslunar.
Rekstur raftækja-
verslunar boðinn út
Vilhelm Smári Ísleifsson vissi
greinilega vel hvað hann vildi þeg-
ar hann hélt til Japans í háskóla-
nám árið 2008. Áður hafði Vilhelm
dvalið þar í eitt ár sem skiptinemi,
á menntaskólaárunum og fór rak-
leiðis út þegar ljóst var að hann
hefði fengið inni hjá Waseda-
háskóla í Tókýó. Í dag gerir Vil-
helm það gott sem verkefnastjóri
hjá tölvuleikjaframleiðandanum
Capcom í Osaka þar sem hann hef-
ur m.a. umsjón með útvistun ým-
issa verkefna til verktaka hér og
þar um heiminn.
Vilhelm segir áhugaverða mögu-
leika fyrir hendi handa íslenskum
fyrirtækjum sem vilja útvista hug-
búnaðarvinnu til Asíu og eins ýmis
vannýtt viðskiptatækifæri í Japan.
Japanskt atvinnulíf sé, þegar allt
kemur til alls, líkt því íslenska á
marga vegu og auðveldara að eiga í
viðskiptum við Japani en margar
aðrar þjóðir í þessum heimshluta.
Vandamálin yfirleitt auðleyst
Að sögn Vilhelms nýtir Capcom
sér meðal annars þjónustu sam-
starfsaðila í Taívan, Kína, Malasíu
og á Indlandi. Hann segir að hvert
þessara landa hafi sína styrkleika,
veikleika og sérkenni sem gott sé
að þekkja. „Það litar val okkar að
mörg fyrirtæki í þessum heims-
hluta eru vön að starfa með jap-
önskum aðilum og geta rætt við
okkar fólk á japönsku. Oft þurfa
ýmis smáatriði að vera alveg á
hreinu og mega þá ekki vera
tungumálamúrar í veginum,“ út-
skýrir hann en það er einkum list-
ræn vinna sem fyrirtækið útvistar,
s.s. framleiðsla þrívíddar hreyfi-
mynda og módela. „Forritun er að
mestu leyti haldið innanhúss, en
listræna vinnan er mjög mannafls-
frek og borgar sig að útvista til
landa þar sem launakostnaður er
lægri.“
Fyrirtæki Vilhelms gerir m.a. þá
kröfu að samstarfsaðilar hafi
reynslu af að vinna með stórum al-
þjóðlegum fyrirtækjum. Miklir fjár-
munir eru í húfi, verkefnin stór og
þarf að vera hægt að treysta því að
allt gangi samkvæmt áætlun.
Aðspurður hvaða stellingar ís-
lensk fyrirtæki ættu að setja sig í
ef þau vilja úvista til landanna fjög-
urra sem nefnd voru hér að framan
segir Vilhelm að það gerist stund-
um, þó sjaldgæft sé, að samstarfs-
fyrirtækin hafi ekki eins mikinn
lausan mannafla og þau höfðu gefið
í skyn. „Taívanirnir og Malasíubú-
arnir þykja hvað líkastir Japönum
við að eiga, en kínversku sam-
starfsaðilarnir eiga það til að vera
meiri „sölumenn“. Komi vandræði í
ljós hjá Kínverjunum eru þau yfir-
leitt fljótleyst með því að senda
fólk á staðinn, halda vikunámskeið
til að fara nákvæmlega í saumana á
því til hvers er ætlast og ná þeim
aftur á strik. Svipaða sögu er að
segja um indversku fyrirtækin en
yfirleitt er hægt að leysa öll vanda-
mál sem koma upp og ná fram-
leiðslunni aftur á gott skrið.“
Finnst erfitt að segja nei
Hvers ætti síðan að vænta af
japönskum samstarfsaðilum? Vil-
helm segir japönsk fyrirtæki upp
til hópa hrein og bein, en Japönum
hætti til að eiga erfitt með að segja
„nei“ beint út. „Ef þú spyrð Japana
hvort hann geti leyst tiltekið verk-
efni af hendi, og hann svarar að
það „verði erfitt“, þá meinar hann
„nei“,“ segir Vilhelm og hlær. „Síð-
an fer það eftir geirum hvort fyrir-
tæki hafa mjög lóðrétt skipurit,
eins og t.d. hjá bílaframleiðend-
unum, eða flatari og liprari upp-
byggingu líkt og mörg leikjafyr-
irtækin. Sama til hvers konar
viðskipta á að stofna þá er mikil
áhersla lögð á traust og að geta
byggt upp langvarandi og áreið-
anlegt viðskiptasamband.“
Íslensk fyrirtæki virðast varla
nema rétt byrjuð að nema land í
Japan. Í fyrra náðust samningar
um framleiðslu skyrs á íslenska
vísu í Japan, og finna má stöku ís-
lenska vöru í japönskum versl-
unum, s.s. Bioeffect-húðdropa og
lýsi. Vilhelm dreymir um að ein-
hver taki sig til og flytji inn ís-
lenskan handverksbjór, en bjór-
menning Japana hefur tekið mikið
stökk á undanförnum árum og á
handverksbjór mjög upp á pall-
borðið hjá neytendum. Hann grun-
ar að ferðaþjónustan eigi líka heil-
mikið inni. Ekki beri mikið á að
Ísland sé auglýst sem áfangastaður
en samt hafi margir Japanir áhuga
á landinu. „Mín reynsla er að um
það bil fimmti hver kveiki á per-
unni þegar ég segist vera frá Ís-
landi. Þetta fólk kannst jafnvel við
Björk og Sigur Rós, og veit að Ís-
land er náttúruperla. Myndu ugg-
laust mun fleiri Japanir sækja Ís-
land heim ef það væri auðveldara,
s.s. með beinu flugi til Tókýó.“
Ýmis tækifæri að finna í SA-Asíu
Ásgeir Ingvarsson
ai@mbl.is
Ekki þarf að vera svo flókið
að leysa úr því ef vandamál
koma upp við útvistun sér-
hæfðra verkefna til SA-
Asíu, að sögn íslensks sér-
fræðings í Osaka. Selj-
endur íslenskrar vöru og
þjónustu eru rétt að byrja
að uppgötva Japans-
markað.
Japanir eru mikil tölvuleikjaþjóð, en vegna hás launakostnaðar úthýsa mörg japönsk leikjafyrirtæki mannaflsfrekri
listrænni vinnu til landa á borð við Taívan, Malasíu og Kína. Gestur á leikjasýningu í Tókýó prófar sýndarveruleika.
Vilhelm Smári Ísleifsson hefur búið
og starfað í Japan í röskan áratug.