Morgunblaðið - 19.06.2019, Side 15

MORGUNBLAÐIÐ MIÐVIKUDAGUR 19. JÚNÍ 2019 15FRÉTTIR
NÝTT – Veggklæðning
Rauvisio Crystal
• Mikið úrval lita og áferða
• Auðvelt í uppsetningu og umgegni
• Framleiðum eftir óskum hvers og eins
• Hentar fyrir heimili, vinnustaði og almenningssvæði
Fanntófell hefur sérhæft sig í framleiðslu á borðplötum og sólbekkjum síðan 1987.
Fanntófell ehf. | Gylfaflöt 6-8 | 112 Reykjavík | Sími 587 6688 | fanntofell.is
á heimasíðu Hreyfils:
hreyfill.is
eða í App Store
og Google Play
SÆKTU APPIÐ
Sæktu appið frítt á AppStore
eða Google Play
Hreyfils appið
Pantaðu leigubíl á einfaldan
og þægilegan hátt
Þú pantar bíl1
3 og færð SMS skilaboðað bíllinn sé kominn.
2 fylgist með bílnum í appinu
Sala tónlistar á áskriftarveitunni
Spotify virðist vera að skila vaxandi
tekjum til íslenskra tónlistarmanna.
Í markaðsskýrslu upplagseftirlits ár-
ið 2018, sem unnin var fyrir Félag
hljómplötuframleiðenda, kemur
fram að sala á tónlist hér á landi hafi
aukist til muna síðustu misseri með
tilkomu Spotify og heildarverðmæti
vegna sölu á hljóðritaðri tónlist á Ís-
landi árið 2018 hafi þannig numið 663
milljónum króna. Hefur sú tala ekki
verið hærri síðan árið 2007.
Einn þeirra íslensku tónlistar-
manna sem náð hafa góðum árangri í
sölu tónlistar sinnar á Spotify er
Sindri Freyr Guðjónsson, en lag
hans Way I’m Feeling frá árinu 2016
er komið með tæplega 1,4 milljónir
hlustana á áskriftarveitunni. Sindri
segir í samtali við ViðskiptaMoggann
að þó að frægir erlendir tónlistar-
menn hafi gagnrýnt Spotify undan-
farin ár fyrir að greiða ekki nóg fyrir
hlustanir, þá sé áskriftarveitan „al-
gjör snilld“ fyrir óþekkta tónlistar-
menn eins og hann sjálfan. Hann
segir að allt hafi þetta byrjað með því
að hann fór að senda tölvupósta á
sérstaka íslenska ritstjórn Spotify
þar sem tónlistarmönnum er gefið
færi á að kynna tónlist sína. „Svo fór
lagið að komast inn á spilunarlista
hjá Spotify. Þegar laginu gekk vel á
einum spilunarlista, þá fór það á ann-
an stærri og svo koll af kolli. Miklu
skipti að fólk kláraði að hlusta á lag-
ið, og var það einnig að vista það á
sína eigin spilunarlista. Þannig fór
hlustunin hratt vaxandi þar til hún
var skyndilega komin upp í milljón,“
segir Sindri.
„Það að mitt lag hafi farið yfir
milljón hlustanir á skömmum tíma er
að þakka þessari spilunarlista-
væðingu á Spotify.“
Innlend eða erlend hlustun
Spurður um greiðslur fyrir
hlustanirnar segir Sindri að greitt sé
mismunandi fyrir lögin eftir því
hvort hlustunin sé innlend eða erlend
og hvort sami notandi hlusti oft.
„Eftir að hafa pælt vel í þessu þá
fékk ég út að ég væri að jafnaði að fá
60 aura fyrir hverja hlustun, eftir að
dreifingaraðilinn, Alda Music, var
búinn að taka sinn 15% skerf.“
Sindri segir að fyrirkomulagið hjá
Spotify sé á þann hátt að áskriftar-
veitan haldi alltaf eftir sinni prósentu
af tekjunum af hverju lagi, en eigandi
lagsins, sá sem eigi svokallaðan
„master“, fái mest fyrir sinn snúð. Þá
fái samtök höfundarréttarhafa,
STEF, ákveðinn hlut, sem og aðrir
höfundar sem koma að laginu.
„Alda Music hjálpar mikið til við
að koma laginu á framfæri. Þeir hafa
aðgang að fólki úti hjá Spotify og
geta kynnt lög og liðkað fyrir því að
þau komist á spilunarlista. Auk þess
eru þeir með sína eigin spilunarlista
sem gott er að komast á. Allar
greiðslur fara svo í gegnum Öldu, og
ég sendi þeim reikning samkvæmt
yfirliti.“
Aðspurður segist Sindri ætla að
fylgja velgengni Way I’m Feeling
eftir við fyrsta tækifæri. „Ég var að
klára skólann, en ég á fullt af lögum á
lager. Þetta var góður peningur sem
ég fékk í ljósi þess að ég var ekki að
búast við neinu. Tónlistarmenn þurfa
ekki að vera orðnir frægir til þess að
koma tónlist sinni á framfæri og fá
smá borgað fyrir lögin sín.“
Hlusta í 30 sekúndur
Eyþór Úlfar Þórisson, tónlistar-
maður og upptökustjóri, sem einnig
hefur selt lög sín í gegnum Spotify,
segir í samtali við ViðskiptaMoggann
að það sé ekki nóg að fólk kveiki á
lagi á Spotify til að tónlistarmað-
urinn fái sína 60 aura. Hlusta þurfi á
lagið í 30 sekúndur hið minnsta.
Spurður um vinsæla tónlistarmenn
hér á landi sem séu að ná góðum ár-
angri á Spotify segir hann að rapp-
tónlistarmenn njóti nú mikilla vin-
sælda og oft fari heilu plöturnar sem
þeir gefi út allar á spilunarlista á
Spotify.
„Herra Hnetusmjör gaf til dæmis
út lag 7. júní sl. og það lag er strax
komið með 100 þúsund spilanir sem
er mjög gott hjá ekki stærri þjóð.“
En það er ekki bara Spotify sem
hægt er að nota til að selja tónlistina
gegnum. Einnig er hægt að setja tón-
listina á YouTube, en þar séu það
auglýsingar sem hengdar eru á
myndbandið sem skili tekjunum.
AFP
Spotify borgar íslenskum tónlistarmönnum 60 aura fyrir hverja hlustun í
áskriftarveitunni, en greiðsla er mismunandi eftir því hvar er hlustað.
Milljón spilanir
geta skilað 600
þúsund krónum
Þóroddur Bjarnason
tobj@mbl.is
Tónlistarveitan Spotify nýt-
ur vaxandi vinsælda og ís-
lenskir tónlistarmenn geta
haft nokkrar tekjur af tónlist
sinni ef hlustunin er mikil.
Enginn kemst með tærnar þar sem
Ed Sheeran er með hælana þegar
kemur að vinsældum á Spotify.
Þannig hefur laginu Shape of You
verið streymt nærri 2,2 milljörðum
sinnum frá því að það varð
aðgengilegt á veitunni 6. janúar
2017.
Þeir íslensku listamenn sem
komast næst þessum árangri Eng-
lendingsins geðþekka eru hljóm-
sveitin Of Monsters and Men en
lag hennar, Little Talks, hefur verið
streymt ríflega 400 milljón sinnum.
Þá hefur laginu Dirty Paws verið
streymt nærri 170 milljón sinnum.
Þá hefur rokksveitin Kaleo notið
gríðarlegra vinsælda á tónlistar-
veitunni síðustu ár. Þannig hefur
laginu Way down we go verið
streymt tæplega 275 milljón sinn-
um og laginu All the pretty girls
ríflega 100 milljón sinnum.
Sigur Rós hefur náð mestum
vinældum á Spotify með lag sitt
Hoppípolla sem streymt hefur ver-
ið tæplega 42 milljón sinnum.
Björk Guðmundsdóttir er rúm-
lega hálfdrættingur á við þá með
tæplega 24 milljónir hlustanir á
Army of Me og 21 milljón á lagið
It’s Oh So Quiet.
Lagi Birgis Steins Stefánssonar,
Can You Feel It, hefur verið
streymt tæplega 13 milljón sinn-
um, Way I’m Feeling með Sindra
Frey Guðjónssyni 1,4 milljón
sinnum og Vangaveltum Herra
Hnetusmjörs 804 þúsund sinnum.
Of Monsters and Men með mesta spilun